يا تليفزيون يا

مش فاهمة بفتكرني وأنا صغيرة الأيام دي كتير ليه اربطوا الحزام وها نرجع لورا شوية أيام طفولتي الأولي في عمري كله وقعت في غرام 3 اختراعات علي التوالي التليفزيون , السينما , الكمبيوتر وكان التليفزيون ده بقي حجر الزاوية لأني كنت مبهورة بيه جدا والناس اللي عايشه جواه وكل الناس بتشوفها وعارفاها كان نفسي أوي ادخل أعيش معاهم جوه ومرة والدي ظبتني وأنا بحاول أدور علي الباب اللي الناس دول بيدخولوا منه علي غرار باب الفنانين اللي بيبقي في الأفلام الاستعراضية وحاول كتير يفهمني طريقة شغله بس أنا مفيش فايدة مصممة علي اللي في دماغي وعاوزة اروح ازورهم وطبعا كنت أقعد قدام التليفزيون كده متنحة ومسبهله وفاتحة بقي وهارية ماما وبابا أسئلة من عينة
- بابا هو مش التليفزيون ده ألوان
- اه يا حبيبتي
- طب هو ليه الفيلم ده ابيض واسود
- علشان الفيلم ده قديم
- ايوة يعني هما مكنتش عندهم هدوم ملونة
- ابويا وهو ابتدي يتخنق لا يابنتي هما طبعا ساعتها كانوا لابسين هدوم ملونة بس الكاميرات القديمة كانت بتصور ابيض واسود بس
- طب ليه التليفزيون مش بيلونه
- ابويا وهو بيقول لنفسه الله مطولك ياروح يا بنتي التليفزيون ملوش دعوه التليفزيون بيستقبل الإرسال ويعرضة زي ما هو لو اتصور ابيض واسود بيعرضة ابيض واسود لو اتصور ألوان بيعرضة ألوان
- طب هو ليـ ..........
- لا بقي كلمة كمان وهاقوم احطك في السرير تنامي جوه لوحدك ماهم اخواتك قاعدين اهم محدش سمع لهم حسهم
دي كانت طبيعة الحوارات اللي بيني وبين بابا وطبعا كنت يستبعد ماما لأنها كانت عصبية وبتشخط
أيامها بقي كان أجمل يومين في الأسبوع هما الخميس والجمعة ليه بقي علشان يوم الخميس عندي 6 حصص مش 8 يعني هاروح بدري والحق اليوم المفتوح وأتفرج علي الفيلم بتاع الضهر وها تفرج علي ماما نجوى مساء الخير وبقلظ وبكرة أجازة يعني هاسهر وأتفرج علي فيلم السهرة وكمان يوم الجمعة في فيلم بيتعرض بعد الصلاة ,3 أفلام في يومين هي دي الأجازات ولا بلاش ولا بقي أيام أجازة الصيف كنت بصحي بدري علشان أتفرج علي برامج الأطفال وأفلام الكرتون وكنت خريطة تلفزيونية متحركة الحق المذيعة الصبح وهي لسه طالعة بتقرا برامج انهاردة وخلاص بقي اتسجلت ولأن التلت قنوات اللي مكنش حيلتنا غيرهم كانوا بيفتحوا ورا بعض فكنت بلحقهم كلهم وكل واحد في البيت مستني فيلم ولا برنامج يجي يسألني وأنا ايه معسكرة قدامه مكنش في حاجة بتخليني اتزحزح من قدامه غير نداء الطبيعة بعد ما وصي أخواتي والنبي والنبي ابقوا احكولي علي اللي حصل والأندال مكنوش بيرضوا يحكولي - أخواتي - كان غرامي للتليفزيون حاجة غريبة وفي نفس الوقت مضايقة بابا وماما لأني كنت بركز قوي مع التليفزيون زى الناس بتوع روتانا سينما والأنقح بقي أن لما حد فيهم يكلمني مبردش علية زى ما كون نايمة وبيصحوني
مامتي بقي من ناحيتها حاولت كتير تبطلني إدمان التليفزيون ده وجربت كل حاجة معايا وكان منهم انها تخليني احب القراءة فأكتشفت اني بحبها أصلا وبقت مشكلتها مشكلتين ازاي تشيلني من قدام التليفزيون ولما تشيلني من قدام التليفزيون ازاي تخليني اسيب الكتاب اللي في ايدي كانت شايله هم ازاي هاتقعنني ادخل المطبخ واتعلم الطبخ زي باقي البنات والله ماما دي عذبتها معايا كتير والحمد لله ان شيمو اختي مولودة ست بيت أصلا فماما ركزت معاها وعلشان ربنا كبير فعوضها برضوا بالمزغودة الصغيرة ومرت الأيام لأنتقل من غرام لغرام وانتهي بالكمبيوتر والتكنولوجيا اللي هما السبب في إني بكتب الكلام ده انهارده بس برضه انما الحب للحبيب الأولي .

لعبة المعجم

هذه التدوينة منقولة من مدونة المدون العزيز سامي الطحاوي صاحب مدونة who walks alone فقد أعجبتني جدا هذه اللعبة وأعجبني أكثر إلمامة هو وأبناء عمومته باللغة العربية واهتمامه بها وإتقانها نحواً وصرفاً ( ما شاء الله ) وجدت هذا الموضوع مناسباً جداً للنشر بعد أن وجهت للمدونين الدعوة بإعادة إحياء اللغة العربية أجمل لغات العالم .
ربما سبقنا الكثيرون إلى هذه اللعبة لكننا بدأناها - حوالي عشرة من أبناء عمومتي و أنا - الليلة فقط و وجدتها مسلية للنشر
اقترح مازن اللعبة الشهيرة التي يذكر أحد اللاعبين كلمة و يقول منافسه ما يعرفه عنها كيفما اتفق دون تفكير و رأيت أنا أن تكون الكلمات في نطاق محدد و عدلها طارق لتكون ذات أصل واحد من ناحية الصرف - لا أعرف التسمية الدقيقة - و المقصود أن تكون مشتقة من أصل واحد مثل عبيد و عبادة من ع ب دبدأت اللعبة باقتراح الأصل ح د و جمعنا عليه ح د د لأننا اختلفنا إن كانا أصلاً واحدا أو أصلين مختلفينو بدأ اللعب بأن يقول كل واحد كلمة من أصل [ ح د ] أو [ ح د د ] و يذكر ما يعرفه عنهاالتالي هو نتاج الجولة الأولى دون تنقيح كتبته على الآي ميت و نقلته هنا كما هو
حد حد الشيء حرفه

حد في الفقه هو عقاب على فعل يستوجب العقاب أو الفعل نفسه فنقول حد الزنا أي جريمة الزنا أو حد الزنا أي الرجم مثلاً لغير المحصن

حدود الدولة هي الخط الفاصل بينها و بين الدول المجاورة

حدود الله أوامره و نواهيه

الحدود فلم سوري لدريد لحام

عبود ع الحدود فلم مصري لعلاء ولي الدين

أحد واحد

الأحد من أسماء الله الحسنى

الأحد اليوم الثاني من الأسبوع في البلاد العربية

قداس الأحد صلوات نصرانية في الكنيسة تقام في الأحد من كل أسبوع

حديد صفة للبصر تعني قوي و حاد

حديد من الفلزات

باب الحديد حي شعبي في القاهرة بمصر

باب الحديد أحد أبواب سور القاهرة القديمة و عنده حي باب الحديد

سياسة الحديد و النار سياسة في الحكم تعني قهر المحكومين بالقوة

اضرب على الحديد و هو ساخن حكمة قديمة تعني استغلال الفرصة قبل فوات الأوان

الحديد سورة في القرآن الكريم

حداد من يمتهن صناعة الأدوات من الحديد باستخدام أدوات بسيطة

حدوه أداة تثبت في حوافر الخيل و نحوها لحمايتها

حداد فترة يقضيها أقرباء الميت في إظهار الحزن عليه بلبس السواد مثلا و منع مظاهر الفرح

حداء غناء بلا موسيقى يؤديه رجل يسير مع قافلة في الصحراء لتسلية من في القافلة و أيضا للترويح عن الإبل و الخيل

حادي من يؤدي الحداء

حادي الأرواح إلى بلاد الأفراح كتاب (فشلنا في معرفة موضوعه أو اسم كاتبه)

وحدة جزء واحدوحدة اندماج أكثر من شيء ليصنعا شيئا واحدا

توحد مرض نفسي يصيب الأطفال غالبا و يسبب انعزالهم عن كافة ما حولهم

التوحيد عبادة الله وحده و في غير الإسلام هو عبادة اله واحد

علم التوحيد جزء من الفقه يعنى بما يخص العقيدة

حاد اللسان ربما بذيء أو يتلفظ بكلام جارح

حاد البصر قوي البصر

الموحدون من يعبدون الله وحدالتوحد مع الكون فلسفة روحانية تقوم على إمكانية اندماج الإنسان مع الكون (هكذا قالها خالد بركات و لم يعلق أحد مع إني أشك أن هناك فلسفة بهذا الاسم إلا في الأفلام ॥ من يدري)
وجدتها أسهل بكثير من لعبة أكمال بيت الشعر الذي يبدأ بآخر حرف انتهى به بيت من سبقك و يبدو أنها ستكون لعبتنا للصيف أن شاء الله و ربما كانت نواة لمعجم الطحاوية الخاص

مجموعة روابط مفيدة لمحبي اللغة العربية و الراغبين في إتقانها

• موسوعة النحو والإعراب شرح كامل لقواعد النحو العربية
• قسم اللغة العربية من مكتبة المشكاة به عدد ضخم من الكتب للتحميل
• كلمات عربية في الانجليزية (بالانجليزية) قائمة بكلمات انجليزية ذات أصل عربي, سيدهشك كم هذه الكلمات الشهيرة التي انتقلت إلى الغرب أيام ازدهار العربية।
• قسم علوم اللغة العربية من موقع ديوان العرب
• مجمع اللغة العربية بالقاهرة
• موقع أدب ليس موقعاً في اللغة لكنه موسوعة للشعر العربي به آلاف القصائد لمئات الشعراء و لا لغة بدون شعر
• موقع اللغة العربية تعلماً و تعليماً في هذا الموقع 4336 رسالة وبحثاً وكتاباً ومشاركة حرة وسجلاً للخبراء والمهتمين باللغة العربية و تدريسها
• هل تمنع تعقيدات اللغة التطور؟ مقالة منشطة للهمة من مدونة محمد يحيى
• شبكة الفصيح لعلوم اللغة العربية
• مجموعة روابط أكبر تخص اللغة العربية تجدونها في مفضلتي تحت وسمي Arabic + language
  

حلم أخر الليل

حلمت أمبارح خير الله اما اجعله خير إني مسكت مشروع خاص بإعادة تجديد حديقة الحيوان ومع إني عارفة إن من ساعة مخلصت امتحانات وأنا كل أحلامي إسقاطات نفسية بس بجد مكنتش فاهمة الحلم ده خالص الغريبة بقي إن جاتلي في الحلم ده أفكار حلوة جدا علشان نرجع للحديقة دي بريقها ومكانتها وقضيت معظم الحلم مع الحيوانات وانا بدورلها علي بيوت جديدة وبحاول احسن مستوي معيشتها واحطها في أماكن قريبة من بيئتها الطبيعية ومع شباب كده واعي ومتحمس وأفكاره هايله ومع إني ما اتفرجتش علي فيلم أفريكانوا قبل ما أنام ولا حاجة صحيت من النوم مستغربة جدا ايه اللي جاب حديقة الحيوان في الحلم ؟
قعدت كده أفكر مش لاقيه علاقة يمكن علشان انأ أصلا جيزاوية عادي طب ما في بتاع اكتر من أتنين مليون جيزاوي مفتكرش أن في حد منهم بيحلم بحديقة الحيوانات
المهم أن الحلم ده فكرني بحاجات كتير بما إني طبعا من سكان الجيزة الأصليين فكان اقرب مكان لينا هو الجونينة زى ما كنا بنقول عليها ومن كتر ما روحتها وتهت فيها بقيت حافظاها صم يااااه فين أيام اللعب والتنطيط وفين أيام الزعامة - آه زعامة كنت زعيمة العصابة اللي هي أخواتي وقرايبي وكده - بس كل ما افتكر نفسي وأنا صغير كنت سوسة أعمل المصيبة وهما اللي ينضربوا - هههههههههههههه - وفضلت سوسة كده لحد ثانوي برضة أنا اخطط المصيبة ويمسكوا البنات صحباتي يدولهم أسبوع رفد وأنا يرجعوني الفصل ومديرة الدور تقولي يا وومن يا بنتي ملكيش دعوة بالبنات الوحشة دي أحنا بنضرب بيكي أنتي وفلانة وفلانة المثل .
- طبعا يوم الكبسة اللي من النوع ده كنت بتحصن بالباك أب بتاعي - زعيمة العصابة المنافسة اللي هي برضة جارتي مه الزعما لبعضيهم - وأروح علي البيت جري قبل ما يتفقوا عليا ويعملوا انقلاب وعلي بال مآثار العلقة اللي بيخدوها في البيت تروح يبقي الأسبوع خلص وهما نسيوا ولما يرجعوا ابقي خطط للمصيبة التانية - يخرب بيت عقلي كنت مصيبة بجد -
أخر مرة بقي روحت الجونينة كنت في أخر سنة في الجامعة وكان يوم يوم يعني كل اللي شغالين في الجونينة كانوا بيعاملوني علي أني مرشدة سياحية وطبعا مش غريبة لما يبقي في أيدي اليمن سنين التونسية الأصل بعيونها الخضرا وشعرها الذهبي - هو كان صحيح صبغة بس دهبي - وبجوارها انتيمتي شيرويت بجمال الخليجيات ببشرتهم السمراء وعيونهم السوداء وعلي شمالي حميد الأفغاني بلونه الأسمر المائل للصفرة وشعرة الشديد السواد وأخيرا محمد اللي ورث صفات والدته الإنجليزية ببشرة منمشة وشعر احمر غامق كانت الشلة الدولية دي نتاج ورشة عمل أقامها اتحاد الطلبة للأسر في الكليات المختلفة وطبعا لأني جاية في أي مصيبة فاشتراكي في الورشة كان عقاب القدر أو هما ( أصحابي ) افتكروا كده .
- ليه بقي الموضوع يرجع أصلا لما بكل حماسي وقوتي طلعت في دماغ العيال أصحابي أننا نعمل أسرة وجينا بقي لحد التوقيعات والمناصب الرسمية واتحاد الطلبة وقلت أنا يا فكيك كالعادة يعني واستغليت مقر الأسرة ده بعد كده كمكتب خاص ومقر رسمي ليا فلما طلبوا يرشحوا حد لحضور الورشة كنت أنا المرشح الأول والأخير علي أساس إني عضو عامل وأنا أصلا مكنتش بعمل حاجة غير إني اطلع عينهم وأجي الصبح أقولهم ها في حد سال عليا - بس بجد كانت أيام حلوة وأنا كنت بشترك في كل حاجة بس بعيد عن الرسميات -
المهم فشلت كل محاولاتي في الفكاك من الحضور وروحت لقيتهم عاملين كوكتيل من كل الكليات وجنسيات مختلفة وطبعا كان واضح من الأول العيال بتوع كليات القمة اللي طالعين فيها دول واخدين موقف من الكليات النظرية والعكس بس مع الوقت كل واحد ابتدي يكتشف أن التاني طالب برضة زيه وعنده نفس المشاكل وكلنا بيهددنا شبح البطالة بعد التخرج .
المهم اتفقنا بقي بعد إزاحة الخلافات الشخصية جانباً علي أننا نكرم ضيفنا حميد طالب الاقتصاد والعلوم السياسية ونفرجه علي مصر وده بقي كان يوم الجونينة وقد سبقتها زيارة للأهرامات عاوزه بوست تاني تتحكي فيه .
طبعا بقي كان عندي صدمة كبيرة قوي لما شوفت الإهمال اللي فكل حته وعدم النظام والنظافة وكله كوم والناس اللي شغالين هناك كوم تاني طبعا المعاملة علي أننا سواح وأجانب كانت بتختلف وتمن الحاجة علي طول بينضرب في اربعة وكانت بتبقي كابسة كبيرة قوي لما يعرفوا أننا مصرين واني مش الست المرشدة وتقدر تقول خيبة أمل في أنهم مش هايعرفوا يقلبوا الزبون بقيت أصحابي بقي كانوا مضايقين قوي أنهم جم كلهم كانت أول زيارة ليهم أنا بس اللي كنت زعلانة علي المكان اللي كان فعلا غاية في الجمال وشاف أجمل ذكريات طفولتي وكانت له مكانة دولية وبقي مثل حي للإهمال والفساد اللي طال كل حاجة جميلة هنا .
مهما كان الحلم ده غريب وملوش مناسبة بس بجد أحسن حاجة انه رجعني لحاجات كنت قربت أنساها يمكن دي حيلة من حيل العقل الباطن اللي بيرجعنا لحاجات حلوة علشان يهون علينا قسوة الواقع يمكن .

العصفور الرمادي

في هذا الصباح كنت قد اشتقت إلي رؤية الشمس توجهت للشرفة بالرغم من كراهيتي لهذا المكان حيث أقفاص العصافير التي يحتفظ بها أبي وتغريدها الذي اعتبره أنا طلباً للاستغاثة لا افهم كيف تغرد وهي سجينة ولا افهم ما السعادة التي تضفيها علي أبي في سجن هذه المخلوقات الضعيفة يدافع عن موقفة دائما بقولة انه لو تركهم لن يستطيعوا النجاة خارج هذه الأقفاص - يا له من منطق أناني هل ترك لهم الاختيار ليعرف النتيجة - خرجت إلي الشرفة متجنبة رؤية الأقفاص ووقفت في أحد أركانها ليغمرني هذا النور الصافي وأشعر انه يتخلل جسدي ليجعلني شفافة اللون كان هذا الإحساس كفيلا بأن يغسل داخلي أي هم أو حزن ويتركني في حالة من الصفاء والهدوء الداخلي كنت بحاجة إليه , لكن صياح أحدهم - نعم صياح - جذب أذني وجعلني ألتفت إلية هناك في هذا القفص كان هو عصفور وحيد لا يهدأ ولا يركن إلي السكون مثل بقيتهم يجوب القفص في توتر وربما غضب ويحاول أن يخرج من بين قضبانه تعجبت لحالة ولفت انتباهي انه رمادي اللون لا يشبه باقي العصافير بألوانها المبهجة , تأملته للحظات علها تكون حالة طارئة يمر بها لكنة ظل علي حالة تساءلت بداخلي عن سبب تصرفه الغريب وهويته اقتربت من القفص فرأيت مأكله ومشربه كان واضحا بأنه لم يمسهما منذ أن حل بالقفص فأثار فضولي للدرجة التي دفعتني للبحث عن أبي داخل المنزل ليحل لغز هذا العصفور . استقبلني أبي بابتسامته الهادئة
- أبي ما قصة هذا العصفور من أين أتي ولماذا هو علي هذه الحالة ؟
- عزيزتي أولا هو ليس عصفورا هو فرخ صغير سقط من عشه ووجدته بجوار الشجرة فهو لا يستطيع الطيران خشيت علية أن يجده طفل فيقتله أثناء لهوه به ويبكيه للحظات ويعود ليبحث عن لعبة أخري .
- لماذا لم تعيده إلي عشه فالشجرة قريبة من الشرفة ؟
- لأنة بعيد ولم يبني علي أساس جيد لن يتحمل ثقل يدي سأهدمه لا محالة انظري إلي باقي الأعشاش ستجدينها بنيت علي فروع قوية تتحمل ثقل الأفراخ وهزات الهواء أما هذا العش فبني علي فرع ضعيف لن يمر وقت طويل حتى تأتي رياح الخريف القوية وتزيله بسهولة
ترددت صدي كلمات أبي داخلي مرات ومرات قد مست وترا داخلي لكني عدت إلي العصفور
- لماذا لا يقرب الطعام ولا يهدأ في القفص ؟
- والدته تعوده وتطعمه لا حاجة له بطعامي وشرابي , وكيف يهدأ في القفص عزيزتي وهو من ولد تحت هذه الشمس الحرة ولم يألف قضبان السجن أنظري لحالة لا يكف عن محاولة النفاذ منها.
- ومتى تطلقه أبي ؟
- بعد أن يشتد عودة ويصبح قادر علي الطيران
- اخشي أن يألف الأسر ويركن له ويقتل القفص روحة
- لا أظن من الصعب علي من ولد حرا أن يقبل الآسر خاصة لو كان عصفورا قدرة أن يطير .
تركني أبي ليطعم صغاره كما يحب أن يسميهم وصدي كلماته يدور في راسي أضع خطوطا تحت كلماته وأفكر في حالي وحال العصفور هذا المخلوق الضعيف الذي وضع في الأسر لخطاء أبوية وتسرعهما لم يبنيا العش علي أساس , وأي أساس أبني علية أنا مستقبلي معه.
وحريته التي لا تتعدي أياماً لكنة يدافع عنها بكل ما يملك من قوة أين أنا من هذا العصفور وأنا من عشت سنوات طويلة انعم بهذه الحرية وأتعلم كيف تكون مسئولة كيف أحافظ عليها ماذا فعلت بها ؟ دخلت أنا للقفص باختياري وقبلت أسر سجاني ووضعت حولي القضبان واحداً تلو الأخر بإرادتي قيدت يداي وأرجلي وانتظرت أن يأخذ لي هو قراري ووهمت نفسي بأني سعيدة كيف حدث هذا كيف تنازلت عن حريتي عن نفسي عن أنا وأصبحت ما يريد هو كيف هزمت في أولي معاركي هل كان ينقصني أيمان أو قناعه ؟ كيف قدمت صك حريتي عن طيب خاطر بدون مفاوضات قبلت كل الشروط بدون حقوق أصبحت بنوداً من واجبات لأيام وأيام وأنا أفكر أين الخطأ كيف الخروج من هذا المأزق كيف أستعيد حريتي كيف أعلن الثورة ؟
في هذا الصباح وقف أبي في الشرفة وأنا بجواره لنطلق العصفور ومجرد أن فك أبي قبضته علية ضرب بجناحية الهواء بكل قوته ليرتفع بسرعة ويتجه نحو عشه الصغير حيث والدته التي تنتظره تابعته بنظري كان يعرف ماذا يريد وإلي أين يتجه وأنا إلي أين أتجه ؟