فإن لم تستطع فـ بلسانك ..... لنصرة غزة

الموضوع منقول من مدونة رئيس جمهورية نفسي

تحديث
انا قافلة التعليقات علشان اللي عنده تعليق يسيبة لمحمود رئيس جمهورية نفسي

احنا عملنا صيغة مبدئية للإيميل اللي هانبعتة ياريت اللي عنده حاجة او جهز حاجة يبعتها لمحمود واللي مستعد يترجم برضة

جمعنا عدد من الإيميلات لمنظمات عالمية ودولية اللي عندة اي داتا ممكن يستفيد منها يبعتها هانجمعها في فايل واحد ونبعتها لكل المشتركين معانا


دعوة يا جماعة بيتزامن مع الحركة العسكرية الاسرائية ضد غزة نشاط اعلامى يهودى بكل صورة لتقديم اسرائيل فى صورة الضحية المدافعه عن نفسها فى فكرة دلوقتى فى طور التنفيذ ليها وهى ببساطه تجميع ايميلات الهئيات والمنظمات الدولية سواء كانت رسمية او مستقلة ومخاطبتها بايميل مكتوب باللغات الانجليزيه والفرنسية ولغات تانيه لو امكن وارسال الميل ده من قبل اكبرعدد من مستخدمى الانترنت لتوضيح حقيقة الوضع فى غزةحاليا الفكرة فى طور التجهيز مطلوب حد يكون قادر على شرح الوضع فى صورة مبسطه وبعد الانتهاء من الميل ده ترجمة الميل وحاليا بنجمع ايميلات الهئيات الدولية لو فى اى حد عنده القدرة على المساعده باى وجه يتفضل يراسلنى على الميل

।fawey@gmail।com:

التدوينة البيضاء

أول فرحتي

النوم ده حاجة جميلة ومن اجمل مميزاته انك لما تنام ممكن اللي حواليك يقولوا اللي هما عاوزينه وفاكرين انك مش سامعهم بس علشان انا نومي من النوع الخفيف جدا اول ما حد بيتكلم جنبي بصحي فدي ميزة لآني بصراحه بعرف حاجات كتير وانا نايمة
وخصوصا لما تبقي عيان وعندك برد ودرجة حرارتك عاليا ونايم طول النهار علي الرغم من أن البيت كله زحمة والشغل فيه علي قدم وساق انت ولا ليك في اليلية وكل شوية حد يجي يجيبلك طبق شوربة ولا يديلك بورشامه ولا انتي بيوتك في محاوله انك تبقي اخر النهار شكلك كويس وصوتك طبيعي من غير خنفان نتيجة الرشح
وفي استراحه جمعت ماما وخالت وعمتو ومراة خالو جنب اوضة نومي وفجأة وأنا نايمة سمعت اسمي وده كان كفيل اني اصحي حتي لو في غيبوبة وفي الحقيقة صوت ماما من اجمل الأصوات اللي سمعتها في حياتي ومجرد دخولها البيت مش اوضتي وانا نايمة كفيل انه يصحيني من سبعين نومة مش نومة واحد بس وكانت ماما بتتكلم وبتقول اني اول فرحتها واني اعز ولادها ودي حاجة كل اللي في البيت عارفينها ودار الكلام بين كل الستات السابق ذكرم عن اعز اولادها وفضل كلام ماما
انا اول فرحتها مع انها جوزت ولد وبنت لكن اول مرة احس انها فرحانه بجد ونعرف من الكلام ده ايه ؟؟؟؟؟
ايون اعلنها الآن مكتوبة ومسموعه وعالية اعلن رسمياً خطوبتي السعيدة جداً جداً جداُ أعلن أنطلاق أول فرحتي انهاردة حطيت دبلتك في صباعي وعليها اسمك وتاريخ انهاردة
خطيبي العزيز انت بجد ومن قلبي وبكل معاني الكلمة اول فرحتي
ربنا يخليك ليا وتحبني وتخاف عليا
ربنا يجمع بينا في الخير
يااااااااااارب

عيدكم مبارك

كل سنه وانت طيبين ، كل سنه وانتم مدونين ، كل سنه وانتم بألف خير وصحة وهنا