6

همهمات 3


أشلاء قلبي ... أشلاء
قالت الأسطورة إن الإيمان واليقين هما الطريق ... إيزيس في دربك أسير أجمع أشلاء قلبي والدموع صلاة ... فلأصلي إذن...
معلون قلبي ... ملعون
كلما أرتحلت لأجمع أشلائة تمزقت وتفرقت ... إيزيس كنتي بضياء الحب تسيرين وأنا علي أي هدي أسير ؟!
أي لعنة رمتني بها الأقدار ؟؟؟ أجوب الأقطار بحثاً عن أشلائي ، أسئل كل من أخذ قطعة منه ورحل أن يعيدها إلي ... 



البعض ألقاها في آتون النسيان ... والبعض تخلص منها بعد أن أصبحت حملاً عليه ... البعض أحرقها .... والبعض رفض إعادتها !!!


كيف لي أن تنتهي أسطورتي إذن ؟؟؟ الدموع صلاة ... واليقين ضراعه ... ولم يبقي سوي الأمل

---------------------------
متصدقيش
-----------
متصدقيش لو قالوا انك مش شهرذاد
متصدقيش لو قالوا معدش فيه شهريار
ومتخافيش
علي الحلم اللي لسة مبتداش
أتحرري
شهريار جاي في المعاد
أفتحي كتاب الحواديت
أتعطري كل يوم بعطر جديد
متخافيش
الحب جوا قلبك مدينة من غير سور
أجدلي الضفاير عشق في جنون
أنتي أصل الكون
أنتي حوا
ولا أنتي لسه متعرفيش ؟؟
متخافيش
14

ثقوب صغيرة


صغيرة هي تلك الاشياء التي تترجم مشاعرنا , وكم يكون من الصعب أن نصارح أنفسنا بها. وكم تكون دهشتنا عندما ندرك حقيقتها.

جالست ذات مرة رجل أعطتة السنون الحكمة تركني استرسل في كلامي وألقي علي مسامعه تاريخي وحينما انتهيت من كل حكاياتي أطرق للحظات وكأنة يزن كل أقوالي ، صوب نظره إلي عيناي وأخبرني في صوت يرن فيه الصدق أنتي واهمة يا عزيزتي لم يعرف قلبك الحب بعد.
إتسعت عيناي بالدهشة
- كيف ذلك وصحيفة سوابق قلبي تحمل قصتين !!!
- أخطأتي التسمية واختطلت عليكي الأمور ليس إلا
هززت رأسي وقلت – ربما
لم تكن تلك أجابة فقد حدثني نفسي بأنه رجل حكيم ولا شك صقلتة التجارب وعلمتة السنون لكن ما ادراه بي ؟؟ انا أدري بي منه وهذا هو حالي

كم تكون قاسية ومره إكتشاف خديعتنا لأنفسنا

لا شئ يرحل للأبد فالأيام تدور ومن تركناه بالأمس خلفنا نقابله غداً أمامنا ، فإين المهرب من اقدارنا ؟؟؟

كم مؤلم أن تتقابل الوجوه وقد أصبحت مختلفه ، من كان يحمل في قلبة المحبة أصبح علي النقيض

لماذا علينا دوماً أن نمر بتلك التجارب ؟؟؟ أن نتسائل كيف يتغير كل شئ من حولنا ولا يبقي سوي صندوق ذكريات !!!

هؤلاء الذين صنع وجودهم علامة علي حائط أيامك ، يتقلصون ... ينكمشون ... ذات يوم يختفون ويتركون علي هذا الحائط ثقباً صغيراً.

كم ثقباً في روحك ياتري ؟؟؟

تلك التفاصيل الصغيرة ... أحاديث الصباح ... طعم القهوة المحلي بوجودهم ... غلالة رقيقة هشة تغلفنا بشئ من السعادة سرعان ما تنقشع ويغمرنا نور الحقيقة كاشفاً عن تلك الثقوب.

تطأطئ الرأس فتبصر أنعكاسك علي الأرض ظلال شئ كان يوماً أنت أصبح مهلهلاً بثقوب صغيرة صغيرة هي آخرون

أين ؟ وكيف ؟ ومتي ؟ لا شئ فقط إنها الحياة.

لا أملك سوي ان أفتح صندوق ذكرياتي أنفض عنه التراب وأعيد ترتيبة وأضع هؤلاء الجدد بعناية فلا شئ سوي النسيان يستطيع رتق هذه الثقوب.

نعم لم يكن حب أبداَ لا لأحد او لشئ تلك كانت خدعة كبري ... سعدت بها حينها نعم وما أشقاني بها الآن.

لم يبقي سوي أن أغلق الصندوق وأزيحه جانباً ، يوماً ما سأري ظلي بلا ثقوب 
16

محاولات ... مجرد محاولات لإستعادتي


أيوة بحاول أفتكرني ... بحاول اعرف قبلك كنت عايشة أزاي؟

طب كنت بحب أيه ؟

طب كنت بحب الموز ولا التفاح !!!

طب بحب الأحمر ولا الأخضر ؟؟؟

طب صوت ضحكتي ... شكل إبتسامتي ، طب كلامي ، طب أحبابي ؟؟؟ أزاي مش فكراني

أزاي ضاعت ذكرياتي ؟؟

طب كنت صغيرة ؟؟؟ طب كنت شقية ولا مؤدبة

بسمع الكلام ولا لمضة زي ما انا ؟؟

مش لاقية إجابه لكل الأسئلة دي

ايوة تهت ... ضعت ... نسيتني

طب إزاي في شهور محيت أثر سنين ؟؟

بحاول أفتكرني ومش قادرة ... عارف يعني ايه تصحي تبص في المراية ومتعرفش أنت مين

عارف يعني إيه يبقي جواك مليون سؤال ملهومش أجابة

كل تاريخي بيبتدي من يوم ماشوفتك

كل حاجة فيها صورتك صوتك وريحتك بقيت أنت من غير ما احس أزاي ؟؟؟ وأمتي

كلامي اللي مش كلامي ... ضحكتي اللي مش ضحكتي

لا ... رجعني لنفسي تاني

عاوزاني ... محتاجاني ... ومحدش عارف غيرك لو هاتمشي ومش هاترجع يبقي رجعلي روحي اللي انت عارفها

فاكر برائتي .... فاكر شقاوتي ... فاكر جرأتي ... فاكر مني ايه ؟؟؟ ينفع تسيبة قبل ما تمشي

معدتش باقي مني غيرك انت.


11

حالة اللاحالة

 ليالي الحلمية
كلمات سيد حجاب

منين بيجي الشجن.. من اختلاف الزمن
ومنين بيجي الهوى.. من ائتلاف الهوى
ومنين بيجي السواد.. من الطمع والعناد
ومنين بيجي الرضا ..من الايمان بالقضا

من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار لـ أهل وسكن

ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع


ولفين ياخدنا الأنين
لليالي ما الهاش عينين
ولفين ياخدنا الحنين
لواحةالحيرانين

ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا

ولفين ياخدنا الأنين
لليالي ما الهاش عينين
ولفين ياخدناالحنين
لواحة الحيرانين
----------------------------
علي الهامش


نفسي اقدر أطفي الشوق ليك

نفسي أقطع حبل الحنين إليك

نفسي أطفي نور الحلم بيك

نفسي ليلة متونسش بيك

ولا غمض عيوني علي صوت حكاويك

ولا أصحي علي ابتسامتك

ولا أزرعك أمل علي شباكي

ولا أرسمك شروق لضلمة ليلي

ولا أكتبك غناوي وأدندنك

ولا أستناك

ولا اعشقك

نفسي اقدر بس أبطل اعيش بيك


22

حيواااااااااااا أبو الفصاد



يلا حالا بالا حالا حييوووووااا أبو الفصاااااااااد
هايكون عيد ميلادة الليلة أسعد الأعياد 
فليحيا أبو الفصااااااااااد

هييييييييييييييييييييييييييييييييييييييييييه


الليله دي عيد ميلاد حبيبة قلبي لولو صيدلانية طالعة نازلة كل سنة وأنتي طيبة وعقبال مليوووووووووووون سنة 
يارب السنة دي سعيدة ومليانة حب وفرح

التورتاية دي علشانك لوحدك يا لولو 


وعلشان الشهر دة من الشهور المفترجة عليا كمان عيد ميلاد ( بونتي ) 
بابا حبيبي 6 / 6 عقبال 100 سنة يا حبيبي وأنت في وسطنا 
ومنورنا ويخليك لينا والتورتاية دي علشنا في البيت 
محدش له دعوه بيها  ;)
وبرضة علشان هو شهر يجنن وتحفة ومفيش زيه عيد ميلاد ريم 
بنت اختي 24 / 6 هاتم سنة إن شاء الله والحفلة مؤجلة لحين عودة باباها
بالسلامة 
عقبال ما أشوفك في الكوشة يااااااااارب ويبقي بابا وماما ( بتوعي )
واقفين في فرحك يااااااااااااااارب
وطالما التورتة مؤجلة حاجة حلوة كدة علي ماتفرج :))
وخلصنا كده لالالالالالالا لسه
كمان عيد ميلاد صديقي العزيز والكاتب المبدع أحمد سعيد مدونة نيجر
وماشي يا أحمد 1000 سنه كفايه بلاش مليون
انت قنوع انا عارفة D:
والتورتة دي علشان أحمد 

في حد مش موجود هنا والاحتمال الاكيد أنه عمره ما هيقرا البوست ده لكن برضة بقولك كل سنة وانت طيب
يارب تكون كويس وبخير عقبال 100سنه 

التورته دي بقي علشان كل حبايبنا اللي هايشرفونا

دي بقي لفاتيما وكيارا وزهراء ومنونة
 دي بقي عجبتني وعلشان تعرفوا أني لارج وإيدي فرطة P:
كل سنة وكل مواليد شهر سته طيبين وبخير وبحب 
 المشاريب بقي ونزل السخن الأول 

 وده الساقع الجو حر وفرصه يرطب في الجو الشنيع ده


يارب كل سنه مع بعض كده فرحانين وبنحب بعض

Siguiente Anterior Inicio