59

لماذا رحلت ؟

ربما يتساءل الكثير منكم لماذا رحلت وأين اختفيت للإجابة قصة طويلة
هل تعرفون قصة البحر الأحمر ؟ نعم البحر الأحمر
دعوني أقصها عليكم
منذ ملايين ملايين السنوات السحيقة هناك حيث لم يكن للبشر وجود كانت قارتي آسيا وأفريقيا جسدا واحداً كانت الجزيرة العربية ومصر والسودان وأثيوبيا ارض متصلة متوحدة لكن في يوم من الأيام التي لم يقدر لنا نحن جنس البشر معاصرته حدثت هزة أرضية كبيرة أحدثت شقاً في هذه المنطقة ثم تلاه زلازل أخري ليتسع الشق ويصبح صدعاً وتبدأ القارتين في الانفصال والابتعاد ويتسرب الماء من خليج العقبة ويضغط علي هذا الصدع فيتسع ويتسع ويتسع حتى انفصلتا وأصبح ما يعرف بالبحر الأحمر الذي يأخذ في الأتساع عام بعد عام .
لكن ما علاقة هذا بك ؟ العلاقة وطيدة فهذا ما حدث معي عندما توحدت معه عندما صهرت نفسي وصببتها في قالب اسمه هو عندما سمحت له بأن يقترب حيث لم يقترب أحد عندما ظننت إني وجدت ضالتي المنشودة .
لم تكن مجرد عاطفة من السهل أن تجد من تتجاوب معه عاطفيا لكن من الصعب أن تجد من يتفق معك عقلا وروحاً أن تجد هذا الشخص الذي يتسرب إلي داخلك ليعرفك أفضل منك وتتسرب إلي داخلة فتكمل كلماته قبلة وتفسر أفكاره قبل أن يتطرق إليها يصبح من السهل عليك تمييز أفعاله ورصد ردودها .
أن يتفق معك علي ما تحب أن يشاركك نفس الشغف أن يداخله نفس الحزن يصارع نوعا من الجنون يصادف انك أيضا تصارعه أن يجعلك تسعي لتصبح أفضل فما زال أمامك الكثير .
للمرة الأولي لا تكون علاقة ندية بل هي علاقة سعي للمعرفة وارتقاء بمشاعرك أن تسمح لعينيك بأن تري العالم بعيون أخري أن تترك لسانك ليتحدث بلسانه أن تترك دفة سفينتك ليقودها شخص أخر أن تكون هو أنت وأنت هو .
لكن عندما حدث هذا الزلزال عندما سقط قناع عين المحب التي تضفي علي من تحبه صفات الإلوهية عندما دققت النظر لأكتشف أن هناك وجهاً أخر لا أراه وجهاً إنسانيا بحتاً عندما خلف الزلزال هذا الشرخ العميق جدا والذي تلته مجموعه من الزلازل عندما أصبح الوقت متأخراً جدا علي ردء هذا الصدع كان كل منا قد أصبح علي شاطئ أخر يفصل بيننا ألاف الأميال لم يعد باستطاعتي أن اسمعه أن أراه أن اشعر به أنتهي كل شي وأصبح بيننا بحراً أياً كان لونه يتسع عاماً بعد عام .
ربما لن أدرك أبدا أين هو الخطأ هل هو خطئي أم خطئه أم أنه خطأ مشترك ؟ لن أنكر إني كنت أدرك وجود هذا الشرخ لكني لم اسعي لإصلاحه ربما إني أنكرت وجوده ربما لأني سعيت لتجاهل الخلافات بيننا لن أجد أبدا إجابة شافية علي هذا السؤال ؟
كل ما سأتذكره أني ذات صباح فتحت عيني فبدا عقلي يعمل بسرعة غريبة ليتذكر أمس فتمنيت لو أني ما استيقظت هذا الصباح تمنيت لو أنام نومه أهل الكهف عندما تفقدت داخلي فوجدت هذا الجرح الغائر عندما أيقنت أن هناك علي الناحية المقابلة للشاطئ جزء مني رحل للأبد أصبحت أعاني الآلام الفقد .
هذا الألم الذي لا ندركه بحواسنا الملموسة لكننا ندركه بمشاعرنا عندما نشعر أن هذا الرحيل جاء مبكراً لدينا الكثير والكثير نود قولة عندما نبدأ في اعتباره ماضي لن يعود عندما نضع هذا الصندوق أمامنا ونجمع أشياءهم قصاصات من ذكرياتنا أصوات ضحكاتنا علامات تركناها علي أماكن أحلام رسمناها لم يقدر لها الميلاد أماني وددنا لو تحققت كل ما كانوا يمثلونه لنا كل ما يذكرنا بهم نحكم غلق الصندوق ونفتح هذه الخزانة القديمة ذاكرتنا نضعه بحرص علي هذا الرف المكتوب علية خاص جدا نغلق الخزانة ونتوجه للنوم فغدا يوم أخر نحياه .
عندما وصلت لهذا المكان كنت قد انهرت كلياً كان لابد لي أن ابتعد, ابتعد عن كل شئ وأي شئ أن أجمع شتاتي وأعيد البحث عن ذاتي التي لم أعد اعرفها عن حياتي التي لم أعد اذكر كيف كانت أن اختلي بنفسي وابحث داخل داخلي عما تبقي مني .
.................. وللحديث بقية

علي الهامش
لو جمعت كل الأوقات التي دار بيننا فيها حديث فلن تتعدي بضع ساعات وعلي الرغم من تكرارها وعلي الرغم من ثقتي بأنك لن تقرأ هذه السطور ووجود أكثر من دليل مادي علي وجودك إلا أن قناعتي هي انك من صنع خيالي لأخفف عني أزمتي .
علي كل الأحوال أشكرك .

59 قالوا رأيهم:

Unknown

hi... thx for ur comment on my short story,, i didnt sign in for a time,, and i dunnoo hw to thank u,, so i chose to send u that comment,,
keep n touch f u can,,thx,bye

Unknown

ميرا

شكلك موجوعة قوى لكن صدقينى فى حاجات كتير فى العمر بتعدى وبتمر ياما بنفتكر ان العمر خلاص وقف بينا لحد نقطة معينة فيها جراح والم وبس لا العمر بيمشى ولا بيقف عمره ماكان يوم ملك ايدينا . ايه حبينا مرة واتجرحنا حبينا عشرين وانجرحنا . مش مهم بس لازم يفضل الحب جوانا مش لازم يموت
لازم نعدى الحزن ونكسر الجرح علشان منقضيش باقى عمرنا جوه سجن وهم اسمه حبيب غدار ....

تقبلى تحياتى

only spot

سلام عليكم

حبيبتى الزلزال حدث وانفصلت القارتان عن بعضهما ليصبحا اسيا وافريقيا لم بختفيا ولكنهما احتفظا بخواصهما كقارات كبرى عظيمه

ربما ننفصل عمن نحب لكن ستظل الذكرى الخاصه بهم ها هى هناك على ذلك الرف الخاص جدا بنا ولا يقترب منه سوانا

عزيزتى اجمل ما فى الحب ان تتلاقى الارواح والعقول ان نضيف لمن نحب ويضيف لنا دون ان ننصهر كليا مع من نحب ربما نصبح متشابهين ولكن سيظل الجزء الانسانى مختلف بعض الشئ

حبيبتى لا تندمى انك نزلتى من السفينه فمازال على الشاطئ سفن اخرى ربما تقررى يوم ما صعود واحده اجمل واكثر راحه وامان ولكنك عندما تصعدين ستتعلمين ان البحر رغم جماله وروعته ولونه الازرق الصافى لا تؤمن امواجه لذا لا بد انكى ستتعاملين مع تلك الامواج بشئ اكثر حكمه مما قبل

الاهم من اننا نرتبط باشخاص نرتبط بالحب ذاته عيشى محبه وستجدين من يحبك لانك احببتى الحب ذاته ولذاته ولم تعيش حاله الحب فقد ,هناك اشياء اسمى من ان نرهن حياتنا بشخص لم يستطيع تفهمنا او الابحار بدواخلنا جيدا وينظر لادق ادق مشاعرنا ويحافظ عليها

ليس السؤال من اخطئ ولكن السؤال كيف سنرتق هذا الخطئ ونداوى الجرح

ربنا ينور بصيرتك للصالح ويهدى ليكى نفسك وتوقفى من تانى لكى تقررى اى السفن انسب لكى
تحياتى

محمد فاروق الشاذلى

الانفصال لا يعنى نهاية الحياة هو كالموت تماما بمعنى أن حالنا يتبدل من شكل إلى شكل آخر لكننا موجودين وسنظل كذلك.
لا تتوقعى أن تستمر علاقتك بأى إنسان إلى الأبد لأننا لسنا موجودين إلى الأبد.
تمالكى وابحثى عنك فى الشكل الجديد.

ميرا ( وومن )

m.derzaway

ok i stoped by and made a comment on ur short story at least i read it first and then comment

the thing will make me keep in touch is rding my work and say what u think not just saying hi

thx for ur visit

ميرا ( وومن )

هيثم الدهشان

انت قولت كل اللي كنت هاقول في باقي الحكاية طب بلاش اكلمها بقي

بهنزر

طبعا انا معك في كل كلمة قلتها ليس معني ان نفشل مرة ان نغلق ابواب قلوبنا او نتوقف عن المحاولة

ميرا ( وومن )

only spot

حبيبتي بالفعل انفصلت القاراتان لكن ما زال لكل منهما كيان

هذه ليست نهاية العالم لكن في اغب ظني ان القارتان لزمهما بعض الوقت للتعود علي الوضع الجديد

انا لست نادمة والحمد لله بل اتقبل الفشل بصدر رحب هذ ليست سوي محاولة لتسجيل تجربتي لأتعلم منها قبل غيري

تحياتي

ميرا ( وومن )

قلب مصري

صدقت هذه ليست النهاية لكنها بداية أخري مختلفة

انتظر باقي التجربة لتعرفها

خالص تحياتي

حسن حنفى

انا شايف ان اي انسان محتاج يحب ويتحب

علشان كده مش لازم نقتل الحب جوانا علشان تجربه

ممكن نجرب غيرها في بقيت حياتنا

احمد اشرف

ايه الحزن ده اهىء اهىء اهىء ادخل على مدونة بنت الاسلام الاقى فراق وهنا فراق !
اشكرى ربنا ان الزلزال حصل والقناع اتشال
وبرضه اهىء اهىء اهىء
تحيلتى

... amr

مبسوط انك رجعتي تكتبي تاني .... في نفس الوقت حزين للانفصال دة .. وان كنت شايف ان انتي اللي كسبانة ... كسبتي نفسك .... كويس انك اكتشفتي انة باكتر من وجة .... اتمنى حالة الحزن ماتطولش .... . .


تحياتي .

Empress appy

يا قلبى
ده تنفضيه زى السجاده كده وتعليقه بمشابك على الحبل بتاع الغسيل وبعد سنه تفتكريه عارفه ليه لانه هيكون اتنسى من تانى يوم
ميرا مشاعرك تبقى ملك ليكى لوحدك لما يجى اللى يستاهلها ده نوووووووو مش يستاهل صدقينى
وحازى فى الصف بقى هههههههه

ميرا ( وومن )

حسن حنفي

طبعا يا ابو حنفي كلنا محتاجين نحب ونتحب واللي بيعرف يحب مبيكرهش ولا يقتل الحب جواه

تحياتي

***********************************

أحمد أشرف

تقدر تقول إني طرطشت شوية حزن علي بنت الإسلام وهي كملت الباقي

منجيلكش في حاجة وحشة

***********************************
amr

أنا كمان مبسوطة إني رجعت أكتب كنت مفتقدة الكتابة بشدة

وبعد الشر عنك من الحزن انا خلاص خلصتة

في بوست علي حاجات تغيظ عاوزة تعليق جامد

ميرا ( وومن )

آبي

منا محازية من مدة وبعدين يا قمر كدة عملنا طابور وشكلنا بقي وحش

بس طظظظظظ التنفيضة الحلقة الجاية انتظريني

Hosam Yahia حسام يحيى

معلش على التاخير بس اا والله علقت فيه امبارح

بس مظهرش اظن عشان النت كان سئ

:(

اهم حاجه انك رجعتى
وماشاء الله اثبتى انى كنت صح

صاحبتك دى ......

... amr

يا سلام .... دة انا اروح هناك جري طالما دة يبسطك :)))) تحبي اخد حد معايا :)

Ahmed Fahmy

ياااااه حتي البوست اسمه لماذا رحلت
ده ميستحقش كلمة واحدة منك ف حقه
انسانة جميلة زيك بمشاعرها دي ماتستحقش واحد زي دة
الزلزال حصل و خلص و انفصلوا القارتين
المهم احنا دلوقتي
تحياتي و اتمني المود ده ينتهي قريب

ابن رشد

فعلا شكلك موجوعة جدا
بس القوة اللي في كلامك تبين انك هتقومي و بسرعة و هتتحدي الواقع مش خايف عليكي المرة دي

Ahmed Al-Sabbagh

ميرا

بجد وحشتينا اوى

ورغم انه ما طولش بس سيبتى فى الكام يوم دول فراااخ كبير

وزى ما شيكو قالت لك القارتين انفصلو لكن ظلو محتفظين بمكانتهم كقارات عظيمة

بس تعرفى

انتى انسانة جميلة اوى

احمد

ريمان

ميرا

مش عارفه بجد اقولك ايه

بس انتى قويه يا ميرا انتى اقوى من كده بكتير

وحمد الله على سلامتك يا قمر

ومش تغيبى عننا اكتر من كده

بحبك اوى

Soooo

انا لو منك .. اجيب قله من قلل اابي
قلة ايه .. انتي تجيبي مصنع القلل نفسه وترميه وراه

اللي يبيع حب زي كده .. يبقى سهل عليه يبيع اي حاجه

بس ارجع واقولك .. اللي كنتو فيه ده مش حب بمعنى حب
الحب حاجه كبيره قوي
قووووووووووووووويييييييييييي

روقي بقى .. واياكي تفكري تبعدي عن التدوين لأي سبب

ملحوظه
لما تيجي تاخدي قلة من قلل اابي عشان ترميها وراه .. اوعي تاخدي اابي بحالها
دي عليها اقساط




سلامووووووووووز

nosha

أمممممممممممم
قولتيلي بقى
يعني إنتي صحيتي من النوم لقيتي إن الدنيا اتفرقت كده مرة واحدة وعرفتي إن ده بسبب الزلازل والبراكين
متقلقيش ...... بتحصل كتتير أوي مع ناس كتير
بس على العموم بقى يفضل برده السؤال هو هو إيه السبب في حدوث الزلازل وانفصال الدور دي عن بعضها ؟ وليه انهم متجمعوش مع بعض تاني ؟
سؤال يطرح نفسه للإجابة
والمعنى في بطن الشاعر طبعاً

ميرا ( وومن )

حسام يحي

أيوه الحمد لله رجعت وقاعدة علي قلبك

***********************************

amr

لا متخدش حد معاك كفاية انت تنورني وخلي بالك من السلمة المكسورة

ميرا ( وومن )

أحمد فهمي

اول مرة تشرفني بص انت في حاجة عدت عليك

لماذا رحلت ؟ دي انا بفسر سبب غيابي
اما هو مبقتش مهتمة اعرف الإجابة ولا اعرف ليه

تحياتي

ميرا ( وومن )

شمس الزناتي

يا مراحب يامراحب المدونة اشرقت

انا فعلا كنت موجوعة بس انا الحمد بقيت 100 100

اطمن انا ميتخافش عليا

ميرا ( وومن )

أحمد الصباغ

أنتم كلكم كمان وحشتوني قوي

وفراخ ايه وبط ايه بس اكمننا داخلين علي رمضان وهانغرق فيهم ولا ايه

علي فكرة انت كمان شخص راااائع بجد

ميرا ( وومن )

ريمان

متقوليش حاجة كفاية سؤالك عليا الحمد لله ربنا قواني

بحبك انا كتييييييييير

***********************************

سووو

قلل ايه بس مش خلاص خلصنا والقارتين انفصلوا القلل مش هاتوصل

وكمان مش تقول مكنش حب انت عندك معاير الحب مرتفعة قوي افلطوني خالص اي حاجة غير كدة متبقاش حب

وبعدين تعالي هنا مدام آبي عليها اقساط تبقي عهدة عاوزني ابدد العهده واخد قلل

شكلك بتحب آبي موووووووت وعاوزلها كل خير

انا جاية اهدي النفوس

ميرا ( وومن )

نوشة

كدة بقي دخلنا في حارة سد

بص انا كاتبة الكلام دة علشان اسجل تجربة شخصية اما التفاصيل فدي ممكن تجرح في ناس تانية ومش دة الغرض من الموضوع

خصوصا ان دي وجهه نظري انا يعني في وجهه نظر تانية مسعنهاش ولا ايه

تحياتي

بنت القسام

ميرا
مش عارفه اقول ايه
غير
ان الدنيا مش بتقف
وانا واثقه انك قويه جدا وذكيه اوى وهتعدي كل دة وهترجعى احسن بكتير
تحياتى
بحبك اوى
جيلان

بنت الاسلام

ميرا الغالية العزيزة

أعتذر أولا لتأخري في الرد ولكن وربنا اللي يعلم انا كنت منتظرة البوست ده

انا شايفة انك اخطئتي في اختيار العنوان

لماذا رحلت؟؟؟

ليس هكذا

اعلم انها كلمة نابعة من قلب يصرخ وعين حائرة تتساءل ماذا جنيت وماذا ارتكبت كي ترحل عني؟؟

من دموع تصرخ كيف استطعت الرحيل؟؟؟


ولكن


بعد هدوء الامواج وزوال العواصف تلك العواصف العاتية التي تتكون من براكين حزن والم وعذاب عذاب قلب احب ومشاعر اخلصت وعواطف لم تتخيل يوما ان يكون الرحيل ضريبة صدقها واخلاصها

سيعود العقل مفكرا ليعيد الحساب بعد هدوء عواصف القلب ليصل لنتيجة ثابتة وبرهان ليس له بديل

انك يا قلب الفائز

كيف لنبلك ان يحيا مع غش

كيف لصدقك ان يرتبط بكذب

كيف لحنانك ان يرتبط بغدر

صدقيني


ما لقلوبنا المخلصة ان تحيا وسط قلوب لاتملك سوي الخداع

صفحة وتمزقت

موجة عاتية وانتهت

وستبقي السفينة بأشرعة الحب النابضة بها عالية

وستلتقي يوما ما بشراع يدرك ما للسفينة من قدر وما لقلبها من حب

دمتي بخير دائما

ولتحيي حياة اجمل بالحب لمن يستحق ان يكون جديرا به

تحياتي

غير معرف

صديقتي العزيزة..

نرى من نحب كل شيء

نستغني به عن كل الناس

ليصبح هو عالمنا

نراه ملاكاً لا يخطأ

لكنه يخطأ

فتنهار صورته أمامنا

ونحس بالضياع

ونعيش سنوات التيه

علنا نعود إلى أحضان الوطن

همسة صغيرة (( كلنا نخطأ لسنا ملائكة ))


إحساسك عالي يا ميرا بجد

وبداية قويه في الخاطرة

(( فكرة القارتين الملتحمتين ))

وأيضاً تلك الهمسة للحب الخيالي

طبعاً هذه لدرء الشبهات

حد يفتكر أن الكلام ده عليه .


تسلمي يا قمر

وننتظر المزيد .


أخوكِ كما عودك نيجــر .

لؤلؤة الاسلام

ما شاء الله قصة راااءعة و مؤثرة جدا اختى ما شاء الله

و دمت بخير
و جزام الله خيرا

!!! عارفة ... مش عارف ليه

كم افتقدنا كتاباتك الأدبية
وسعادتي لا توصف كلما أتيت هنا ووجدت عمل أخذك من الكثير من الوقت والجهد حتى نراه أماما
حقيقي أنت موهوبة وده مش محتاج لدليل
اسمحي لي أقول وجهة نظري في الموضوع من الناحية الأدبية
--------------
قيمة العمل تكمن في الربط بين الحدثين
وعلى قدر ما كان حدث إنخفاض الإرض في أخدود عظيم ومدوي ليكون البحر الأحمر

كان بنفس الدوي سقوط القناع وحدوث الزلازال ليقف كل طرف على شاطيء من البحر وتبتعد المسافات بينهم .. وهذا يدلل على مدى التلاحم القائم بين الطرفين وأنهم وحدة واحدة وعلى قدر هذا التلاصق الوجداني كان للفراق جرحاً غائراً

لكن .. مع حدوث هذا الأخدود العظيم وانخفاض الأرض والذي أنهى حالة الإنصهار والتلاحم

كانت هناك بداية جديدة لدنيا جديدة .. فكانت جبال البحر الأحمر لتعلن شموخها وكبريائها وتنظر من القمة إلى القاع
وتعلن أنها تجاوزت هذه الهوه السحيقة وتخرج من مناجمها هذه المعادن النفيسة التي ننتظر إكتشافها بين الحين والأخر

على هذه المدونة الرصينة


دومتي دوماً مبدعة
ومنتظر المزيد والمزيد
وليد

غير معرف

هكذا اذا عدت ِ

منذ أول تعليق لي على مدونتك ِ تلك

وأنا أوقن أننى أمام امرأة حقا ذات عقل راجح

جميل ما كتبت بذلك الأسلوب السلس

القوى فى آن واحد

على أن الموضوع له وقفة فأيا كان ذلك

(الهو) فهو بالادلة المادية موجود

لتكوني الأقوى لتتجاوزى تلك الازمات

وتعودى اكثرا اشراقا لكنه دائما

ما يترائى لك فى لحظات ضعف مثلنا جميعا

الأ إنه فى الغالب ما يطلعنا على تلك

النقاط واللحظات اقصد نقاط الضعف

والتى منا من يتجاوزها ومنا من

تقهره لحظاته لكم أتمنى أن تتجاوزى

تلك اللحظات

وعودا حميدا رائعا موفقا

تحياتى

عرفةفاروق السيوطى

Unknown

ميرا
طبعا انتى عارفة انا قرأت البوست دا من قبل ومش علقت عليه
لان حجم الوجع كان عالى اوى لدرجة انى تالمت وكمان خفت عليك جداا
لكن بعد ما شفتك امبارح
حمدت ربنا عزوجل
اعتقد ان كل الم ممكن ان يولد
قوة لصاحبة وتتحول نقطة الالم والضعف الى مصدر قوة وحكمة يستطيع من خلالها
الحكم على الكثير من الامور
ربنا يوفقك ويبعد عنك الشر

ميرا ( وومن )

جيلان

لستي بحاجة إلي كلمات لقد فعلتي الكثير بالفعل

بحبك كتير

ميرا

ميرا ( وومن )

بنت الإسلام

عزيزتي لماذا رحلت ؟ هي مني انا لكم

علي أي حال أكثر ما يسعدني في تعليقاتك هو ذاك الأسلوب الرائع الرقراق الجميل

فكم تتفهمينا وكأنك تنظرين داخلنا

مع خالص حبي ومودتي

ميرا ( وومن )

أحمد سعيد

الصديق العزيز

لا مش انت وانا بقول اهو

احمد بالفعل نحن لسنا ملائكة وانا لا اعفي نفسي من الخطأ فبالتأكيد كان لي دورا فيما حدث

أشكرك علي تشجيعك الدائم

خالص حبي ومودتي

ميرا ( وومن )

لؤلؤة الإسلام

شكراً لمرورك الكريم لكنها ليست قصة من خيالي هي حقيقة ما حدث معي

تحياتي


***********************************

مش عارف ليه

اولا تعليقك في مدونتي وتشريفك لها من أكثر الأشياء التي تسعدني

ثانياً اشكرك بشدة علي تشجيعك الدائم

ثالثاً بقي وجهه نظر حضرتك الأدبية أكثر من رائعة وقد رأيت بها ما أدرت قولة بالضبط

خالص تحياتي ومودتي

ميرا

ميرا ( وومن )

المحارب المتيم

اهلا بعودتك لمدونتي

بالطبع والحمد لله لقد جاوزت ازمتي بفضل الله ثم نعمة الأصدقاء

وكانت وقفة مع النفس وراجعت نفسي فيها

اما بخصوص ( هو ) فكم وددت لو شكرتة لكنه لم يعد موجوداً

فكم هناك الكثير من الأشخاص الذيم يمرون بحياتنا فيظهرون ويختفون دون ان نشعر

تحياتي

ميرا ( وومن )

نهر الحب

كلامك طمني جداً وأظن اني والحمد لله عدت لطبيعتي فدائما الضربة التي لا تكسرنا تجعلنا أقوي

خالص تحياتي ومودتي

صالح سعيد

ميرا
رغم جو الشجن المحيط بالبوست
الا انه بصراحه مدونتك اكتشاف
اسلوبك رائع
وانا اللى كنت فاكر نفسى مدون
ده انا طلعت غلبان
بجد تسلم ايدك
تحياتى

غير معرف

ميرا


مرحبا بعودتك أنت ِ لا بعودتى انا

فأنا لم اغب ولكن مدونتك هى التى غابت

على ايه حال

عود حميد

Diyaa'

من الصعب أن تجد من يتفق معك عقلا وروحاً

أن تترك دفة سفينتك ليقودها شخص أخر أن تكون هو أنت وأنت هو .


بالضبط ده اللي مريت بيه بس الحمد لله ما زلت محتفظ بنفس الأحاسيس والقناعات دي ومحصلش زلازل وبدعي ربنا يجمعني بيها في الجنة لأن الأحلام الجميلة زي دي مش بتتكرر ..


نيجي بقي ليكي يا ست ميرا
البوست مكتوب بإحساس امرأة بعقل امرأة وعواطف امرأة..ويمكن دي من المرات القليلة اللي نسيتي فيها في حياتك إنك امرأة بعقل رجل
لكن في الآخر

لما قريت صراحتك وواقعيتك في الجزء اللي علي الهامش اكتشفت إنك مش نسيتي..إنتي تنازلتي عن عقل الرجل جواكي مرة بس ليس إلا

الناس الحلوة قالت قبلي كلام حلو جداً..أفريقيا وأسيا حضارتهم وتاريخهم وأزدهارهم بدأ بعد الزلزال مش قبله
واللي مش يقتلني يقويني
ومبسوطين إننا شفناكي وعينيكي كانت مبسوطة وهتبقي بخير بإذن الله
ومتعمليهاش تاني بقي

وأنا شايف إن فكرة القلل بتاعة سوووو مش وحشة برضه
اهو بالمرة نشجع صناعة القلل

تقبلي التحية يا وومان بعقل مزودج:))

شفـقــة و إحســــان

تشرفنا بمعرفتك جدا جدا وسعدنا بلقاءك جديا جديا جديا

قوس قزح

ميرا
انا جاية اشكرك على مشاركتك معنا فى يوم البؤجة بجد انتى بنوتة جدعة اوى و دمك سكر

جزاكى الله كل خير

قوس قزح

ايه يا بنوتة ده !!
و تقوللى ابقى تعالى ؟؟
ده انا لازم اجى و اجى و اجى
اسلوبك يجنن
و بعدين ده انت فظيعة ولا كان باين عليكى ان جواكى الحزن ده

ابقى طمنينى عليكى
و مش كل انفصال بعده ضعف بالعكس اعتبريه انفصال لحياة جديدة

ميرا ( وومن )

صالح سعيد

بجد نورتني يارب دايماً ميرسي علي كلامك وتشجيعك

تحياتي

***********************************

المحارب المتيم

أنا برحب بعودتك للتعليق في مدونتي افتقدت تعليقاتك المميزة

تحياتي

ميرا ( وومن )

Diyaa
بجد نعمة كبيرة أنك قادر تحافظ علي المشاعر الجميلة دي ربنا يجمعك بيها دنيا وأخرة يارب

بالنوسبة للبوست بقي

أهم حاجة فيه ان اتضح أن ليا مشاعر امرأة وبصراحة أكتر مكنتش اعرف انها موجودة اصلا

بلاش آبي قلنا القلل عهدة ولا عاوزين تخلصوا من البونية

ميرا ( وومن )

شفقة هانم وإحسان بك

بجد أنا اللي سعدت بلقائكم جداً جداً جداً وكنت اتمني لو كان في فرصة نقعد مع بعض أكثر

الجايات اكتر انشاء الله

ميرا ( وومن )

قوس قزح

يالهوي ايه النور ده يا خرابي مش مصدقة والله نورتي نورتي لا ده انتي فرع نور نيون ودخل المدونة

( وش محمر ) أنا اللي بجد سعيدة سعاده لا توصف وسعيدة برضة إني اتعرفت عليكي قوي

ميرا ( وومن )

قوس قزح

والله مش مصدقة تعليقين مش واحد بس طب والله والله أنا فرحانة جداً جداً

يارب تتيجي كل يوم ده انا اتشرف

طبعا مش كل انفصال بعدة ضعف الحياة الجديدة أنا يكتسفها فهلا

(احمد سكر )

الزلزال حدث وانفصلت القارتان عن بعضهما ليصبحا اسيا وافريقيا لم بختفيا ولكنهما احتفظا بخواصهما كقارات كبرى عظيمه


عجبنى جدا التعليق دا

وانا شايفه ابلغ رد على كلامك

عمر الدنيا ما وقفت ولا عجلتها عطلت عن الدوران

جدى كان بيقولى

الوقعه اللى مش تموتك

تقوووووويك

وانا شايفك انسانه قويه

واثقه ف نفسها

تحياتى اختى الفاضله

اخيكى
احمد سكر

غير معرف

بنت يا ميرا

أخبارك إيه يا بنت ؟

كل سنةوانتِ طيبة .


نيجوووووووووور

شهريار العشق

ميرا

عدت من جديد الينا ايتها المرأة والتى

تفكر بعقل انثى لا بعقل رجل كما تدعين

انت امرأء وبعقل امرأة رغم كل ما تدعين

وهذا أجمل ما فيك صدقينى

تحياتى

وعود أحمد

شفـقــة و إحســــان

ايه مش ناوية تكتبى جديد ولا ايه
امال فين عقل الراجل

يوسفيات..محمد يوسف

الصديقة الكريمة


أولا متزعليش نفسك


ثانيا حاولي تتعودي غن الحياة تجارب مش مكسب وخسارة


يعني التجربة بحلوها والوحش فيها هيا تجربة نستمتع بكل مافيها ونستفيد منه


و ع العموم


و زي ما بقول دايما


أهو كلو تخليص ذنوب


يلا فرفشي

سي يو

غير معرف

ربنا يوفقك بس انا حاسس انك كسبتى افضل منه يكفى انك كسبتى النظر بالسماء

غير معرف

ربنا يوفقك بس انا حاسس انك كسبتى افضل منه يكفى انك كسبتى النظر بالسماء

Siguiente Anterior Inicio