38

ثلاثة عيون ساهره

خرجت إلي شرفتها بعد أن فشلت كل محاولتها للنوم ارتمت علي الكرسي وغاصت في أفكارها وبداخلها صرخة لقد تعبت لم اعد أستطيع أن أتحمل تعبت من أكون هامشاً علي حياتك من أكون دائماً في حالة انتظار أي شئ مكالمة تليفون حديث سريع ومقتضب مقابلة سريعة وأنت تتلفت قلق متوتر أصبح الأمر فوق احتمالي تعبت من دور هذا الظل القابع في الظلام أريدك أن تكون لي , لي وحدي هل هي أنانية هل هو حب امتلاك أم حق امرأة في رجل أحبته ولكني أحببتك في وقت خاطئ حيث أصبحت تنتمي لامرأة أخري أعطيتها كل شئ الحب البيت الأولاد عاهدتها أن تكون مخلصاً ما حييت وجئت أنا لأنقض هذا العهد هل يمكن أن تعي في يوم ما عذاب امرأة تتعذب من أجل أخري لا لن يمكنك ذلك لا الكلمات ولا الدموع ولا الحزن المخبئ في العيون ولا آثار القلق الطويل طوال الليل علي وجهي فكل هذا ما هو إلا محاولة للتعبير .
تعبت من هذا الدور المزدوج من حبيبة في الظلام لا يعرف عنها احد من سر أتكتمه وأعتبره كنزي الثمين من أكون دائما محل سؤال ماذا بك ؟
لماذا تتمنعين علي الرجال ؟ لماذا تبدين وكأنك مغرمة بشبح لا وجود له ؟ لماذا تنظرين هذا الفارس الذي لن يأتي أبدا ؟ لماذا لا تنزلين إلي أرض الواقع أفتحي عيونك الجميلة واسمحي للحقيقة أن تترائي أمامك لا تغلقي بابك في وجه الدنيا فلو أعطتك ظهرها لن تعود لتذهب من جديد ماذا علي أن افعل وأنا في منتصف الطريق بين رجل أحبه لن يكون لي ومجتمع رافض لي ودنيا فاتحته زراعيها وتنظرني علي هذا الطريق ماذا علي أن أفعل ؟

هناك بعيد جداً كانت هي في سريرها وقد جافاها النوم هو بجوارها يعطيها ظهره غارق في النوم ولا يشعر بها تتساءل في آلم يا تري بما يحلم الآن وبداخلها صرخة لقد تعبت نعم تعبت من وجودها في حياتك من شبحها الذي لا يفارقك من هذه الغامضة التي لا اعرفها من هذا الشعور المؤلم بان هناك أخري من هي ؟ ما شكلها ؟ ما سرها ؟ الذي يجذبك دوماً إليها ؟ ما الذي تملكه هي لا املكه أنا ؟ أنت لا تعرف ما الذي اشعر به لا يمكن أن اصف هذا الألم هذا القلق هذا الخنجر المسموم الذي تطعني به عندما أري ابتسامتها في ابتسامتك , عندما أسمعك تدندن أغنيتها في سعادة طفل صغير , عندما أشم عطرها في عطرك , أسمع كلماتها في حديثك , نعم لم تعد أنت من أحببت من تزوجت حبيبي لقد تغيرت , تزحف ببطء في دمائك تتملكك شيئاً في شيئاً وأنا هنا واقفة لا استطيع أن افعل شيئاً سوي أن أتمني أن ترحل في هدوء وتعود إلي ؟ لماذا ذهبت إليها وتركتني وأنا التي أعطيتك كل شئ الحب والإخلاص والعمر الحاضر والباقي ؟ لماذا قبلت أن تتركني أن تتخلي عني هل هذا ما وعدتني به هل هذه هي السعادة التي تنتظرني معك ؟ لماذا جرحتني هذا الجرح الغائر الذي لن أشفي منه أبدا حتى لو عدت إلي حتى لو ذهبت بلا عودة هل تستحق السنوات القليلة التي هي عمر زواجنا أن أقاتل من أجلها ماذا علي أن أفعل وأنا في منتصف الطريق بين رجل أحب ورجل لم اعد اعرفه ؟

في الناحية الأخرى يعجز هو عن النوم تتصارع الأفكار داخل عقلة يشعر بالضيق فيهم بالخروج من الفراش
- إلي أين أنت ذاهب
- إلي غرفة المكتب أراجع بعض الأوراق
يفتح كمبيوتره المحمول يتأمل صورتها ابتسامتها بحور عينيها الجميلتين يلمح بطرف عينية إطار صورة علي مكتبة فيها زوجته وأولاده يهوي علي كرسي المكتب وتضغط علية افكارة وبداخلة صرخة لقد تعبت قلبي ممزق بين امرأتين زوجتي حبيبتي أم أولادي معها بنيت هذا البيت اخترنا كل شبر فيه كتبنا علي كل حوائطه ذكرياتنا , تمشي علي أرضة أجزاء حية منها ومني أولادنا اخترتها بعقلي وقلبي وأعطيتها كل حياتي مازلت أحبها بكل جوانحي وينتظرني معها مستقبل حافل . وهي الجميلة الرقيقة الحنونة متي دخلت حياتي وكيف احتوتني وتملكتني كيف أعود بين يديها طفلا كيف تشغل بالي متي أصبحت اشتاق إليها أنتظرها أتوق لرؤيتها كلمة منها تسعدني وأخري تشقيني مع من ابقي ومن أرحل عنه ؟
يفيق من غيبوبة أفكاره علي طنين هاتفة وصلته رسالة منها (( أعرف ما الذي ستقوله ولن تستطيع أي كلمات أن تجعلني أتراجع عن قراري لم يعد بإمكاني أن أتحمل سأختفي للأبد لا تحاول البحث عني ))
مسح الرسالة كعادته أغلق جهازه وعاد إلي غرفة نومه كانت هي تخفي وجهها وتحاول ألا يشعر بدموعها تظاهرت بالنوم تمدد بجوارها أخذها بين أحضانة فشعرت ببعض الأمان المفقود معه وهمس لها أحبك . سامحيني .

38 قالوا رأيهم:

حسن حنفى

اول تعليق انا قرات شويه بس اما استوعب الباقي ابقي اعلق

:d

Hosam Yahia حسام يحيى

بجد بجد بجد

مش عارف اعلق اقول ايه

سوى انتى مبدعه ماشاء الله كلمات متناسقه

ابدااااااااااااااع

وشخصيات مختلفه فى موضوع واحد

انا باحب جدا النوع ده

مش عارف اقول غير

دمتى مبدددددددددددددددعه

غير معرف

ايه حكاية العيون معاكى اليومين دول

ما علينا

قبل ما أعلق على القصة الجميلة دى ليكى عندى واجب على المدونة واجب مفاجأة جديد خالص وجرئ

القصة بقى

انا استغرقت فى القراءة وبصراحة دوخت وسط تلات لوحات فنية رائعة الحبك مكنتش فاكر أنك كبيرة قوىىىىىىىى كدة

قولتى أن التعليق اللى عدى سريع لازم علشان مساحة التعليق مطولش وكمان ده رأى بس مختصر والتفصيل يضيق به تعليق

متنسيش الواجب

رمضان كريم

Diyaa'

النهاية السعيدة هي الأكثر منطقية
وصفك المسرحي عاجبني :)
يلا دلوقتي هتكون عين واحدة ساهرة
ومع الوقت هتمل من السهر وتكبر عليه

رمضان كريم :)

حسن حنفى

موضوع من اجمل المواضيع اللي قراتها من بدايه

ما بدات ادون يعني من شهر او اكتر

بس للاسف الموضوع محزن

احنا في رمضان

كل سنه وحضرتك طيبه

Unknown

ميرا

الحب فى حياتنا نوعين حب القلب وحب العقل
حب القلب مش مضمون قوى لانه احيانا كتير بيعمى عن حاجات كتييييييييييير
حب العقل برده مش قوى لانه بيبلد الاحساس
علشان كده انا مقتنع جدا بكلمة قالتهالى صديقة من اعز وافضل اصدقائى قالتلى لما تيجى تتجوز متختارتش بقلبك بس ولا بعقلك بس اختار حب القلب والعقل معا علشان تقدر تعيش

علشان كده انا شايف ان الموضوع كان غلط من الاول وخصوصا انه فى الآخر بيقول انه اختياره لزوجته كان قلب وعقل يبقى الطبيعى انه عمره ما يستمر

سردك اكثر من الرائع لكن الحزن والمرارة هو اقسى ما فيها

تحياتى

غير معرف

حلوه اوى

بجد حلوه جداااااااااااا

وجهه نظر ثلاثيه

اسلوبك رائع

بس معرفش احزن و لا افرح انها سابته :S


سلامات :)

تلميحاتى - يوسف الشافعى

حتى كتابة هذا التعليق الذى تقرأيه الان... ماذلت افكر علام افترقا
همه نسيوا ان فى الحاج متولى ولااااا ايه
كان الافضل ان يطبق مثنى وثلاث ورباع
ومايكسرش ألب هايعيش حزين العمر
اما اذا كان طبق شرع الله كانوا الاتنين حبيبتيه عاشوا سمنه على عسل مع بعض من اجل عيونه
وعلى كلا لابد من وجود ضحيه حتى تكتمل القصه وتصبح قصيره
تحياتى ورمضان كريم

ميرا ( وومن )

حسن حنفي

أستوعب براحتك في اتطار باقي التعليق

تحياتي

***********************************

حسام يحي

إبداع إية بس كدة هاتغر عليك ومش هاتعرف تكلمني انا بحذرك من اولها

طالما بتحب النوع ده بسيطة أعملك مجموعة قصصية بحالها كلها صراعات وشخصيات

أنت بس تامر

تحياتي

ميرا ( وومن )

المحارب المتيم

أنا اصلا في {أي المتواضع ان العيون اهم وسيلة للتواصل والتعبير

الواجب علم وجاري التنفيذ ربنا يستر

التعليق بقي

ياخبر ابيض الكلام ده كبير عليا قوي ربنا يكرمك يارب

مشكلة التعليق وطولة دي هانشوفلها حل ان شاء الله

***********************************
diyaa

مش عارفة لية حاسة أنك مكتئب ولابس النضار السودا ؟

ميرا ( وومن )

حسن حنفي

متشكرة قوي ومبسوطة انها عجبتك

بس يعني ايه احنا في رمضان ؟

كل سنة وانت طيب

***********************************

هيثم الدهشان

جميل قوي كلامك ده فعلا صديقتك دي شكل عقلها يوزن بلد لو معندهاش مدونة ممكن تيجي هنا جنبي

بس انا مش فاهمة أخر جملة انت تقصد بيها مين ؟؟

تحياتي

ميرا ( وومن )

mang0lia

تسلمي يا قمر

بس تفرحي او تزعلي دي علي حسب وجهه نظرك يعني انا في القصة قولت وجهه نظري وشايفة ان هو ده اللي المفروض يحصل لو انتي ليكي وجهه نظر تانية طبعا اهلا وسهلا بيها

***********************************
تلميحاتي

ليه بقي كده شكلنا هانزعل من بعض

أستاذي العزيز

أحب في الأول استشهد بالنثل الشعبي الشهير اللي لسه يمعاه امبارح في مسلسل
(( مركب السريف سارت ومركب الضراير غارت )) طبعا الحكمة الشعبية لخصت كتير قوي حكاية سمن علي عسل دي انساها خالص

ده لأن علي الواقع وعن مشاهده فعلية مفيش ضرتين سمن علي عسل

ثانياً : انا مش ضد مبدا التعدد لآن ده شرع ربنا

بس التعدد يبقي موجود امتي ؟

لما تكون في استطاعة مادية وجسمانية ومعنوية

لو دول مش موجودين التعدد ده يبقي ظلم بين

تعالي بقي لمجتمع زي مجتمعنا وبالتحديد الطبقة اللي احنا بننتمي ليها قليل جدا جدا منها اللي يقدر يطبقي بمبدأ التعدد بالمقدرة المالية

ولو المقدرة المالية موجودة انهي ست هاتقبل الضرة

حضرتك شوفت كم الألم اللي الزوجة عايشاه لمجرد شعورها بوجود واحد تانية فما بال حضرتك بوجود زوجة شرعية لها حقوق وعليها واجبات

- لم يكن الغرض ابدا من وجود ضحية بالعكس الثلاثة ضحايا

لكن الحبيبة في رأي الأقل خسارة لآن حياتها هاتستمر ولما الجرح يتداوي هاتبقي عندها فرصة تكون زوجة اولي وحبيبة معترف بها

متأسفة علي الإطالة تحياتي

... amr

تعرفي .... انا خايف يكون حل مؤقت !!!

خايف يضعف لمشاعرة مرة تانية مع واحدة تانية . . . .

خايف مراتة متعرفشي تحافظ علية اكتر من كدة .....

خايف حبيبتة نفسها تضعف .... او خايف انها تياس ...

كل سنة وانتي طيبة .

محمد فاروق الشاذلى

وهكذا كان الحل أن ترحل هى ويعود هو إلى بيته وزوجته
تلك هى طبيعة الأمور

القصة جميلة جدا
وعجبنى أسلوب السرد قوى

الدرعمي

السلام عليكم

ثلاث عيون ساهرات


رمضان كريم

هرجع أقرأها وأكلمك فيها


آدم

Unknown

وومن

صديقتى مدونة بس مش عارف ان كنتى تعرفيها ولا لأ مدونة حياتى فى كلمة لو مش تعرفيها وكنتى موجودة بالليل على الايميل اعرفك بيها دى حد جميل قوى

اخر جملة بقى المقصود بيها اطراف القصة الثلاثة

تحياتى يا قمر

طلاب من أجل مصر

ممكن افهم بس
هيه الي سبته زوجته ..؟؟؟

اذا كان كده
فالقصه دي خطا ومكانها خطا
انا ااسفه بس يمكن واكييد مفهمتش المضمون كويس

تقبلي مروري

حمادة زيدان

ميرا

شعرت بمشاعر الفتاة التي أحبت وعشقت وهي تعلم بأن حبها مظلوم ومحكوم عليه بالإعدام قبل أن يبدأ...

شعرت بمشاعر المرأة المخلصة التي أحبت وأخلصت وتزوجت وكانت زوجة مخلصة لزوج أحب دون ذنب أقرفته ...

شعرت بمشاعر الرجل الذي احتار كثيراً في حب ملئ حياته بعد حب كان قد ملئ حياته وتزوجها وعاش لها حياته كلها ...

شعرت بكل هؤلاء وتعاطفت معهم جميعاً

أبدعتي ومعلش طولت عليكي

بنت القسام

ميرا
بجد
خراااااااااااافه
ابداااااااع
جمااااال
اسلوب ابدي تووووووووووحفه
صدقينى مش لاقيه كلام اعبر بيه عن البوست
نهايتها خرافه
بجد مااجملك ياميرا
بحبك اوى
سلاام

ميرا ( وومن )

amr

كل اللي انت بتقولة جايز بس انا مش خايفة لآن الطرف الثالث هو اللي قرر يخرج من العلاقة

ربنا يستر

***********************************
قلب مصري

انا برضة شايفة كدة في النهاية لا يصح الا الصحيح

ميرسي علي التشجيع

***********************************
adam

مستنية تعليقك

ميرا ( وومن )

عبد الهادي_سارة

سارة

100 مرة اقولك متقريش موضوعات وانتي نتقلة في الفطار

هههههههههههههههههههههههه

مستنية تعليقك التاني

نورتي مصر والمدونة يا قمر

ميرا ( وومن )

حماد زيدان

يا خبر ابيض كدة طولت ياريت كل مرة تطول كدة

يجد مش عارفة اقول ايه تحياتي

***********************************

جيلان

أنا بقي مش لاقية كلام اقولة

تسلمي يا قمر

بحبك انا كتيييييييييييير

شيتوس الاهلاويه اووووي

اولا كل سنة وانتي طيبة
عايزة اقولك بجد ان اللي شدني اني ادخل مدونتك هو (امرأة بعقل رجل)
انتي حقيقي رااااااائعه واحده تختار الاسم دة ماينفعش يتقال عليها حاجة غير انها بجد مبدعة ورائعه وعايزة اقولك رجل ايه بس انتي عقلك عدي ع الرجاله بكتيييييير هههههههههه
ربنا يحميكي يارب
وتقبلي مروري في اول زياره ليا عندك
دمتي بكل صحة وسلامة
أختك شيتوس

... amr

معلش انا عايز اعلق هنا على موضوع الدويقة و المساعدات و كدة .....

اعرف ناس عايزة تساعد بشنط و كدة متعرفيش طريقة نوصل الحاجات دي للناس اللي هناك ؟ ياريت لو عندك تفاصيل تبلغيني ....

ميرا ( وومن )

amr

كل التفاصيل عند آبي علي مدونة كوكب آبي

http://appyplant.blogspot.com/

ده اللينك

جزاك الله خيرا

غير معرف

جميل جدا اسلوب ثلاثى رائع ربنا يوفقك

ميرا ( وومن )

شيتوس

اهلا وسهلا نورتيني وميرسي علي التشجيع والكلام الحلو ده

يارب تنوريني دايما

تقبلي تحياتي

***********************************

علي سنبل

اهلا وسهلا بيك شكراً علي مرورك

Hosam Yahia حسام يحيى

مش كان فى بوست هنا واتمسح ولا ايه

؟؟؟؟؟ظ


عموما عايزين بوست جديد بقا

:d

عشان حتى بقينا 10 رمضان وغيرى الاغنيه
انتى خلاص

عديتى

:d

تلميحاتى - يوسف الشافعى

انا اسف جدا اذا كنت استفزيتك
وعلى فكره انا كنت بأوووول رأيى واذا والخلاف فى الرأى لايفسد للود قضيه
ولاااا انتى دكتاتوره
تحياتى وتقديرى لكى ككاتبه لانك من القلائل اللى اقرأ ليهم بمشاعرى وعقلى ولاااااا
انتى مبتحبش الرأى المخالف
وبعدين حتى نصل للافضل لابد من الخلاف
وحتى انتى لو زعلتى انا مش هازعل لانى لا استطيع خسارة قلم بهذه الشاعريه والانسانيه

تلميحاتى - يوسف الشافعى

الا تلاحظين انى اقرأ لكى سواء زورتينى ام لا وهذا يثبت اننى ازور مدونتك لما بها من مشاعر فياضه بين السطور واحساس بين جوانب الكلمات
برجاء الحفاظ على الزيارات والتعليق ضد كتابتنا حتى لو معجبتكش

رامز عباس

بس يا رائعه المدونات من ناحيه حي الدقي


انا عندنا حفل للمعاقين يوم الاحد 14 -9 بالقلعه والتفاصيل عندى


من امبارح ومدونتك علي بالي ادخلها ادعوكي



بالنسبه لاهالي الدويقة


انا عامل موضوع عن الاضراب فوق موضوع دعوات الحفل نورينا


وكل سنه وانا معلق عندك

حياتي كلها لله

السلام عليكم
ما شاء الله القالب جميل قوي ..زو المدونة كمان
تقبلي مروري ...منظرا زيارتك فلا تدعي أنتظاري يطول
تحياتي

ميرا ( وومن )

حسام يحيي

لا مكنش في بس هايبقي في إن شاء الله

وبعدين ما تقول لنفسك فين يا عم بوستاتك الجامدة

مستنية الجديد

ميرا ( وومن )

تلميحاتي

أ/ يوسف

أنا اللي أسفة لو كان بان في كلامي غضب او استفزاز

بالعكس انا كمان كنت برد علي حضرتك

وطبعا الإختلاف في الرأي لا يفسد للود قضية

واهلا وسهلا بأي حد يقول رأية خصوصاً لو كان حضرتك

المدونة مدونتك وراي حضرتك مرحب بيه جداً جداً

------------

بخصوص الزيارة بقي انا فعلا لظروف شغلي ساعات بقصر في الزيارات بس ده مش معناه اني مش متابعه

بس انا مثلة في التعليقات ساعات كتير باقرا الموضوع من غير ماعلق

بس ان شاء الله بعد كدة كل مرة هاعدي علي المدونة هابقي اسلم

تقبل خالص تحياتي ومودتي

ميرا ( وومن )

رامز عباس

اولا نورتني وشرفتني جداً جداً جداً

انا روحت شوفت التفاصيل بس مش مكتوب موعد الحفلة الساعه كام وان شاء الله اجي دعوتك ليا شرف بجد

تقبل خالص تحياتي

***********************************

dr/salama

وعليكم السلام

شكرا لمرورك الكريم

بس هو استفسار يعني مفيش حاجة في المدونة عجبتك غير القالب

عموما شرفتني

تحياتي

قوس قزح

جميل اوى انك تتكلمى عن كل واحد منهم جواه ايه
و كل واحد منهم ظالم و مظلوم
بس هو السبب فى انه يكون كده
لان كل واحد منهم اختار الطريق ده

البنت اختارت تسيب نفسها لتيار الحب لرجل متزوج
و الزوجة اختارت ان تكون مجرد زوجة تقليدية و لا تكتفى بندب حظها دون محاولة منها لاسترجاعه
و الزوج اختار ان يرتمى فى حضن حب جديد ليشعر بمشاعر افتقدها

اعتقد ذلك العذاب عقاب لهم لسوء الاختيار

تحياتى لاسلوبك الشيق

ojg

ممممممم
هي كان لازم تمشي
أنا لو مكانها كنت مشيت
بس ياترى هتبعد اد ايه؟؟
وياترى هو هيسكت ولا هيطاردها؟
مش عارفة
بس اعتقد من ضمته لمراته
انه كان مستنى قرارها ده
ربنا ستر
:)

غير معرف

انا بالصدفة شفت المدونة، انا من العراق، صحفية القصة من حيث البناء رائعة.
ورأيي ان الوحيدة التي ستشعر بالظلم والفقدان هي المسكينة التي احبت الرجل المتزوج.
فهو يملك البديل، وكلنها بلا حب الآن... هو يمكن القول عنه انه نذل وحقير.. وهي التي ربحت في النهاية

Siguiente Anterior Inicio