71

شوية رغي مع نفسي

طيري يا طيارة طيري يا ورق وخيطان
بدي أرجع بنت صغيرة علي سطح الجيران
وينساني الزمان ......... علي سطح الجيران

بالرغم من أني وأنا صغيرة مكنتش بعرف أطير طيارات ورق لا أنا ولا أي حد من أخواتي وكنا كل صيف بنكتفي بأننا نراقب الطيارات الورق اللي في السما اللي بيطيروها ولاد الجيران.
وبالرغم كمان اني عمري ما عرفت أي سطوح غير سطوح بيتنا لأني معنديش الأوبشن ده اللي هو الجيران – مش لأني عايشه في صحرا – لا أني طول عمري في حالي وايام طفولتي كان البيت مليان اولاد وبنات من سني يعني عندي اكتفاء ذاتي وبشجع المحلي .
بس عندي رغبة قوية أوي الأيام دي ارجع بنت صغيرة ارجع لزماااااااااان ارجع لسطوح بيتنا – بيت العيلة – اقعد فوق اعلي حيطة واحس اني قربت من السما اراقب العصافير واحلم اني يوم هاصحي الاقي نفسي بقيت عصفور واطير اطير والف كل حتة واشوف العالم كله اللي بقرا عنه في الكتب.
عندي رغبة اطلع علي الحيطة العالية وراقب السحاب ويحكيلي حكايات السحابة دي زي الملاك لا بقت بنوتة صغيرة لا بقت ولد بيلعب بالكورة.

ودي شبه الساحرة الشريرة اللي في الحدوتة لا بقيت الذئب الشرير اللي عاوز ياكل ذات الرداء الأحمر لا بقت موجه بحر ومشيت .
ودي شبه عروسة البحر لا بقت جمل مسافر في الصحرا لا بقت راجل عجوز مكشر.
ودي ودي وساعات وساعات وانا مع السما الدنيا هاتضلم والشمس هاتمشي ماما تندهلي علشان مقعدش في الضلمة لوحدي
انزل واستني الليل علشان القمر هايطلع , القمر جنبة نجمة بعيدة بس بتاعتي صحبتي بكلمها وتكلمني بكتب انا وهي شعر ونرسم صور وتحكيلي حكايات.

طب بلاش ارجع علي السطوح طب ارجع احلم زي زمااااااان , احلم بعيون مفتحين احلم بالدنيا الواسعة احلم ببكرة بتاعي والونه بألواني ارجع اسافر في الأحلام اشوف بعقلي واختار حلمي ارجع ابقي زي سندباد ولا علاء الدين مش عاوزه المصباح ولا عاوزه اركب السجاده المسحوره بس أي حلم والسلام.

طب عاوزه اقولي حاجات كتير اقولي العبي اكتر وافرحي اكتر اقري اكتر مش هاتلاقي وقت تقري , قصي شعرك الطويل علشان هاتكرهيه وبرضة خاتخليه , اتغيري اسرع وخليكي اقوي , افضلي حبي الدنيا ومتبطليش كتابه , حاولي تتعملي تحكمي علي الناس صح.

عاوزه اقولي ........... اقولي عمري ما هيطلعي جناحات ولا هاطير , اقولي وطي سقف طموحك علشان ميعذبكيش , اقولي خلي حاجات كتير وخلي حاجات اكتر حاولي تتعملي تطيري الطيارة.
وفي الأخر هاقولي متخافيش كله هايعدي.

علي الهامش
أنا مش داخلة علي حاله اكتئاب ولا ناوية اكتئب مجرد حاله عابره أنا بس وحشتني.


71 قالوا رأيهم:

Soooo

عارفه
زمان وانا طفل .. مانا كنت طفل برضك يعني .. كان عندي حلم اني اسوق العجله من غير ما امسك الجادون بتاعها
ماكنتش اعرف اعمل الحركه
كانو كل العيال يعملو الحركه وانا ماعرفش واروح واقع ووشي يتخرشم

من كام يوم لقيت عجله بتاعة الواد البقال .. قمت واخدها لفه
وقررت اسيب الجادون
وفعلا سبته
لقيتني ماوقعتش
فضلت ماشي
رفعت ايدي كأني طاير
ماوقعتش برضه


---
على الهامش
عمر احلامنا مابتموت
احنا بس اللي بنخاف نحلم
وبنخاف اكتر نحقق الحلم
وبنشوفه صعب





سلامووووووووووووز

حسن مدني

إحساس استعادة الطفولة جميل جدا

أتمكن أحيانا من استعادة الاحساس بالطفولة، عندما ألعب مع بناتي، سواء في المنزل، أو في إحدى الحدائق.
إنها حقا متعة لا تعادلها متعة. فليس أجمل من الطفولة، في صفائها وخلوها من الهم.

تحياتي

حمادة زيدان

ميرا

أولاً حمدالله على سلامتك

ثانياً الطفولة ياةةة أعشقها وادوب فيها تصدقي ذكرياتي كلها في طفولتى حافقظها وحاببها جدا , أفتكر التلفزيون وماما نوجى وكتير وكتير

والله يا ليت الطفولة تعود يوماً

ريمان
أزال المؤلف هذا التعليق.
ريمان

بدي أرجع بنت صغيرة علي سطح الجيران
وينساني الزمان ......... علي سطح الجيران

ياااااااااااااااه يا ميرا

والله انا اللى بدى ارجع بنت صغيره

انا لسه كنت بقول لنفسى كده وافتكرت اغنيه زمان وانا صغير
زمان وانا صغير
كنت بحلم ابقى كبير
تعب القلب واتحير
من الدنيا ومن المشاوير
والحلم كان برىء مفروش بالورود
والقلب كان جرىء مليان بالوعود
واما كبرت قلت يا ريت ما كانت كبرت ولا اتمنيت
وقلت يا ريتنى فضلت صغير زى زمان

بنت الاسلام

كانت ذكريات طفولتك جميلة ياميرا

وانا بقرا البوست بتاعك رجع بيا الزمان لورا ايام طفولتي

لكن للاسف مكانتش مشجعة اني ارجع لها تاني

والحمد لله انها مجرد ذكريات

تحياتي

محمد مارو

هههههههههههههههههههه

حلو الفضفضه مع نفسك ده
و الاحلى حكايه الاوبشن بتاع الجيران
هههههههههه

حلو اوى الاكسبرشن ده

طول عمرك عسل و الله يا ميرا

nona

تعرفى ان اجمل حاجة الذكريات و ان الواحد يفتكر ايام طفولتة الجميلة صحيح كان فى مننا بيتمنا انة يكبر بس اكيد كلنا بنتمنا نرجع تانى حتى لو ماكنتش زاى ما احنا عايزين بس اكيد افضل من حالنا دلوقتى

انا باة حلمى و انا صغيرة انى اعرف اركب عجلة و فشلت فية لغاية دلوقتى هههههههههههههههههههه

sherif

احياننا الحلم بيبقي بسيط لكن بيموته حاجات كتير ساعات القدر او الناس الي حولينا او الكبار انا بتكلم دلوقتي علي إننا صغيرين لكن بنفضل نحلم يعني أنا كنت كل ما أشوف طياره كبيره كنت بغمض عيني وأشوف نفسي إما راكبها أو طاير معاهالكن بيضيع الحلم ده اناس التانين لما يجوا يفوقوك لكن بترجع تحلم تاني
بس الأيام ده لا عارف تحلم ولا ترجع لحلم من تاني

only spot

سلام عليكم

عارفه وانا صغيره كنت بحلم ابقى مشهوره اوى ومحبوبه من كل الى حواليا لما كبرت لقتنى بكره الاضواء والناس الكتير ومش بحب الزحمه بس مازلت بحلم بحب صادق التمسه من كل الى حواليا

وانا صغيره ولحد دلوقتى جوايا حلم واحد بس ان اعيش فى مكان واسع اوى وفيه بحر وصخور وزرع وخضره وسما صافيه وناس صافيه بصفاء البحر والسمااء
صدقينى يا ميرا الانسان ماهو الا احلام ولو فقد القدره على الحلم يبقى انتهى
تحياتى ليكى وانا كمان نفسى القانى وبحلم اقعد معايا واتكلم كتييير زى زمان
تحياتى

~*§¦§ Appy §¦§*~

بصى يا حجه
اولا الحلم مش عيب العيب انك تحلمى حلم مش بتاعك او ليكى او تكونى شايفاه حلم بس هو كابوس
وتقيل وزى الهم
المشكله اننا ساعات بنشوف الكاوبيس احلام وحلوه وده لاننا عاوزين نعيش المود
اطلعى بره واحلمى
بره البرواز
العبى واخرجى وطيرى طيارة
متسبيش نفسك للكابوس
ها قولتى ايه اجيب الطيارة واجى انا عفريته فى الحاجات دى وكانت هوايه اوقع طيارات الجيران واعلقها منهم ههههههههههههههه

وومن

Soooo
هههههههههههههههههههههههه

أكيد طبعا كنت طفي يعني مش جاي عمولة

انا كمان كان نفسي اعمل الحركة دي بس لقيتها ولادي شوية

أنا مش شايفة الحلم صعب ولا مستحيل تقدر تقول انه كان حلم ساذج شوية والدنيا خلتة يبقي واقعي اكتر.

***********************************
حسن مدني

اهلا استاذنا

فعلا مفيش احسن من استعاده طفولتنا

ربنا يخليلك بناتك ويبارك لحضرتك فيهم

خالص تحياتي ومودتي

وومن

حمادة زيدان

الله يسلمك

ههههههههههههههه ومين منا مش نفسة يرجع صغير كويس ان طفولتك كلها ذكريات حلوة يارب دايما


***********************************

ريمان

يا حبيبتي شكلي قلبت عليكي المواجع
ولا ايه

كويس ان انا وانتي علي نفس الموجة

وحشتينننننننننننننننننني

وومن

بنت الإسلام

ليه بس كدة يا بطوط أكيد يعني كان عندك حاجات جميلة تحبي ترجعيلها

نورتيني يا قمر


***********************************

محمد مارو

دة انت اللي عسل والله وكفاية بقي أحسن النمل هايتلم
ههههههههههههههههههه

نورتني

وومن

nona

نورتيني

وعندك حق مين منا دلوقتي مش نفسه يرجع صغنن

وان كان علي ركوب العجل تعالي وانا اعلمك

سهلة خالص مالص بيس اوف كيك

بس القطن والشاش واجرة الدكتور عليكي

ههههههههههههههههههه

***********************************

only spot

حلمك حلو قوي يا شيكو وجماله انه مش مرتبط بزمن ومممكن يتحقق

يارب تفضلي تحلمي دايما

وابقي خدي معاد مع نفسك واقعدي دردشي معاها شوية واعزميها علي كوباية شاي

والسكر والكيك عليا

وومن

~*§¦§ Appy §¦§*~

جناب الإمبراطورة يادي النور يادي الهنا

لا خلاص سيادتك فوقنا من الكوابيس وبنعقم اهو علشان نحلم علي نضافة

هههههههههههههههههههههه

اوك انا موافقة سيادتك نتفق سوا بس شوفيلنا سطوح يكون هواه بحري وشرح وبرح

نورتيني يا قمر

قوس قزح

اقولك على حاجة
انا لحد دلوقتى بحس ان جوايا لسه صغيرة
تقدرى تقولى تيمر عمرى وصل لسن العشرين و ثبت على كده

مشكلتنا اننا بنعمل حساب للناس و نتكسف نعمل حاجات و نقول كبرنا عليها

انا من قريب كنت بطير طيارة ورق فى النادى و يمكن الناس معجباش بس اللى فكراه دلوقتى ان الولاد و انا كنا فرحانين و لسه بنفتكر اليوم ده لما الطيارة طارت فوق و نزلت بسرعتها على قفا واحد ماشى ههههههه

الاحلام مالهاش سن
الاحلام مالهاش وقت
الاحلام جناحات نلبسها و نطير بها لاى مكان و فى اى زمان
لو انتى قدها البسيها .. و متبصيش للناس اللى على الارض المربوطة رجلهم و من غيرتهم بيغلطوكى .. بصى بس للسما و ان مالهاش اخر زى الاحلام

...................

ابقوا خدونى معاكم السطوح
بس اياك تكون هناك بوسى سمير بتحط النقط ولا حاجة ههههههههههههه

صيحة حق

افضل ان يعيش المرء منا واقعه
ولايهرب منه بأحلام طفولية
ويمكن لنا أن نحلم أحلام حقيقية
يمكن أن تتحقق
فلو كان حلمنا مثلا أن يدخلنا ربنا جنت النعيم وأن نكون مع النبيين والصالحين
وان نسبح ونطير مع الطير فى جنات عين
وان تكونى مثلا أجمل من الحور العين

فإن هذه الاحلام تدفعك الى العمل الصالح والعيش الهانىء

والبعد عن أحلام الطفولة

التى كانت لا تناسب الواقع

مع تحياتى
صلاح شنان

همس الاحباب

احلام .. احلام
وردية وطفولة شقية
وحنين وشوق لايام صبية
بس يا ريت ينفع نرجع زى الزمان
عايزنا نرجع زى زمااااان
قول للزمااااااان ارجع يا زمااااان
بس الاحلام مشروعة
واحلامك جميلة ورقيقة وصغننة وكلنا بنحلم بيها معاكى .

حسام يحى

مممم

عشتى حالمه

انا عن نفسى

كله قال احلامه وهوا صغير

انا بقا لسه على البر

احلامى لسه فى دماغى ومش اتحققت لحد الان

انى ابقا وابقا وابقا

.............

ليكى :


لئه على سقف طموحاتك ولو حصل حاجات انتى مش قابلاها

ارفعى سقف طموحك اكبر

كل ماتنزليه كل ما واقعك هينزل

صدقينى ارفعى على قد ماتقدرى

وواقعك هيتحسن باذن الله ربنا يوفقك ياميرا يارب ويحقق كل طموحاتك ماعدا يبقا ليكى جناحين :D

اغتيه طيرى ياطياره دى بامووووووووت فيها

:D

عاشت الاختيارات بتاعتك

دمتى مبدعه

blue-wave

ومين فينا مش واحشاة نفسه؟
ومين فينا مش نفسه يرجع عيل مش شايل اى هم غير لعبته؟؟
بجد ياريت كنا نقدر نرجع ولو ساعه واحدة من زمان

romansy

الاغنيه دى جميله قوى وبترجعنا لايام الطفوله
اوقات كتير الانسان بيحن يرجع طفل تانى
ممكن علشان كان برئ

Abo 7anf

السلام عليكم
دى اول زياره ليا وان شاء الله هتكرر
كلنا بنحب نرجع اطفال
نسوف عجل نطير طيارات وكدا
كانت ايام جميله
كل شويه بنحب نرجعلها

البحث عن أنا شىء جنونى

ايتها الرقيقة العذبة
لقد احسست بكل حرف سردته يداكى
لطالما تمنينا العودة الى الوراء كثيرا
لكم تمنينا ان نكون هناك
لطالما توقفنا فى احدى الاماكن مبتسمين وذلك لرؤيتنا هناك نلهو وعند سؤال احدهم تكون الاجابه لا شىء ( تذكرت شىء قديم لا اكثر )
وتطل تلك الابتسامه الحزينة ومعها تتعلق دمعة فى الافق نحاول ببساله الا تسقط
غريبة تلك الاحلام الواقعيه فى الماضى
نعم انها احلام ولكن واقع قد عبر كحلم لم يطول .. لقد تركنا خلف الحواجز فلا مجال للعودة

صغيرتى يا من تحلمين احلاما فيروزية
اثرتى الكثير من ذكريات خلال كلماتك الرقيقة البسيطة
لكن اعلمى صغيرتى ان كل منا داخله طفل .. فلا تقتليه
لكى منى وردة حلوة :)

من بعيد .. بكتبلك

انا حره

مش عارفه ايه السر اللى بيشدنا للايام طفولتنا الجميله يمكن برائتنا ودماغنا اللى مش مشغوله الا باللعب والتنطيط وشفايفنا الصغننه اللى عليها ابتسامه بجد ابتسامه طالعه من جوا ولا قلوبنا اللى متعرفش معنى الكره ولا تفهم يعنى ايه خبث ولا حب الناس لينا ولعبهم معانا

حاجات كتير اوى بنحن ليها بس للاسف مش هترجع تانى

وومن

قوس قزح

بجد أحلي إحساس ممكن نحتفظ بية هو طفولتنا

هههههههههههههههههههههههه متخيلة شكل الراجل والطيارة عاملة هبوط اضطراري في قفاه

عارفة يا دودو المشكلة إني لحد وقت قصير منت فعلا بشوف الناس مربوطة في الأرض وانا اللي طايرة بس دلوقتي حاسة إني فقدت الإحساس بالطيران

عاشقة الاستقرار

ياااااااااه اجمل حاجه فى الدنيا الطفوله

اجمل حاجه انك تعيشى تحلمى وتتخيلى

اجمل حاجه انك مفيش حد بيسلب منك الحق ده ولا حتى بيكون عندك حاجه تفكرى فيها غير احلامك

بوستك فكرنى بطفولتى اللى بجد كانت اسعد ايام حياتى

بوست راااااائع احييكى عليه

دمتى بود وحب

ojg

يااااه يا قمر
أولا بحب أنا البوست الفضفضة ده
بستمتع بإن الواحد يقدر يطلع مشاعره ع الورق
وبالنسبة للأحلام والطموحات
في حاجه سمعتها زمان
بتقول
صوب على النجم فربما تصيب المئذنة
يعني مش توطي سقف أحلامك
احلمي واكيد ان شاء الله هتحققي حلمك
ولو مش كان كده
يبقى هتحققي جزء كبير منه
:)
ملحوظة
انا من عشاق تخيل اشكال السحاب
حتى لما كبرت بعشق اني اسرح في السحاب واتخيله حاجات
السحاب لينا كلنا مش للعيال بس
:))
وحشتيني

أحمد سعيد

ياااااااااه ما أجمل الطفولة


كلنا زيك يا ميرا .

بفتكر كنت ولد شقي

وكنت دايما بعيش في أحلام اليقظة

بس لحد دلوقتي الأحلام شغالة


بس يا ميرا ليه نبطل نحلم

ليه نبطل نحلم أننا بيضاء التلج

أو سندريلا

ليه نبطل نحلم ان اميرنا هيجيلنا

سيقبلنا قبلة تحيينا

تذيب الجليد الذي ترسب على أرواحنا .


فلنحلم

ولنحلم

مادام بداخلنا رمق .


أزيك يا ميرا

يارب تكوني بخير .


أخوكِ دائماً نيجــر .

المحارب المتيم

ميرا

انتى عرفة فى اغنيه مش عارفها بتاعت مين

بس بتقول لو بطلناا نحلم نموت

الاحلام شئ مهم جدااا واحنا اللى بنحققة يعنى مفيش حد مستنى يحققلنا الحلم احنا لازم نتعب

كان زمان وأنا صغير كنت بحلم اكون لاعب فنون قتال وبدأت تدريب وانا فى رابعة ابتدائى كنت بحلم اطلع سور اربعة متر مرة واحدة أاقفز كدة وتبصى تلاقينى فوق السور فضلت ادرب لغاية ما مرة من المرات طلعت السور والمفاجئة انى قدرت أعمل حركات جمباز برضو الع السور من قفزة وأقفز أنزل السور وأنا بتشقلب صحيح أتكسرت كتير
بس فى النهاية قدرت احقق حلمى
نصيحة سيبك من أحلام فنون القتال لأنها بتتعب قوى هههههههههههههه

خليكى فى الكتابة احسن
بالمناسبة فين الشعر اللى كنتى بتكتبه مع النجمة

قلب مصرى

اسمحى لى اقولك ماتوطيش سقف طموحك إنما شليه خالص إلغيه أساسا، الطموح مش لازم يكون ليه حد ولا نهاية لكن ممكن تخليه مراحل علشان تبقى الأمور مظبوطة من غير لخبطة، واحلمى زى مانتى عايزة واقرى واكتبى وصدقينى هاتلاقى وقت لكل ده بس ابتدى.


على فكرة انا عملت مدونة جديدة اسمها يعنى ايه سياسة على الرابط ده
http://ya3niehsyasa.blogspot.com/
مستنى زيارتك

إبـراهيم ... معـايــا

يا سلاااام ....

إيه حكاية العودة للطفولة دي ، تاني واحدة ألاقيها كاتبة، زهرة زرقاء برضو كانت بتقول (العودة للمدارس) ....

بنحن كثير لأيام طفولتنا عشان راحت، وبتبقى حلوة لإننا فاكرينها، الجاي ... يا ترى فيه إيه ؟؟؟


تمنياتي لكِ بكل خير دااائمًا

وخالص تحياتي

مدونة مختلفة

وومن

صيحة حق

طبعا الأحلام اللي حضرتك قولت عليها مفيش حد ميقدرش يقول عليها حاجة

وكل واحد منا بيجتهد علي قدر استطاعته

لكن احلام طفولتنا الساذجة دي مينفعش نسيبها ونقول نحلم احلام واقعية

يا ما احلام زي دي بقت حاجات عظيمة يعني مثلا عباس ابن فرناس لة مكنش حلم انه يطير - وقتها كان حلم ساذج - مكناش اخترعنا الطيران

أ / صلاح واحدة من اهم مشاكلنا اننا توقفنا عن الأحلام المبدعة

تحياتي

وومن

همس الأحباب

ميرسي يا خالد

وكدة لو استنينا شوية ممكن نحجز سطوح كبير شوية ونعمل دوري طايرات

ها جاي معانا ولا

نورت يا خالد

وومن

حسام يحي

الحالمة دي ضاعت خلاص بس اديني بدور عليها

وان شاء الله تحقق كل احلامك ومن غير ما تقول عارفة انها كبيرة وجميلة

بخصوص سقف طموحاتي بقي لازم يا حسام طموحنا يبقي في حدود المعقول وحدود إمكانياتنا ونكبر بية علشان مش يجيلنا احباط

واديني بحاول اهو

وومن

blue - wave
كل واحد وحشاه نفسة ياخد منها معاد ويعزمها علي كوباية شاي

اصعب حاجة اننا نتغرب عن نفسنا

تحياتي

وومن

romansy

نورتني

لو عاجباك الأغنية اتفضلها

ياريت البراءة ترجع تاني وانا امسك فيها بإيدي وسناني

تحياتي


**********************************
abo 7anf

يا أهلا وسهلا

ياريت نرجع مين ما يحبش أهي ذكريات حلوة نفتكرها ونبتسم

تحياتي

وومن

البحث عن انا شئ جنوني

أهلا وسهلا بحضرتك
واسمحلي اشكرك علي التعليق الأكثر من رائع

حملتني كلماتك بسعادة إلي ماضي جميل وارتسمت علي شفاهي تلك البسمة

اسعدتني زيارة حضرتك جدا

وومن

أنا حرة

مهما كان السبب هانفضل دايما نبص ورانا وندور علينا واحنا صغيرين ياريت كل واحد يحتفظ بنفسة وهو طفل

شرفتييني بالزيارة

وومن

عاشقة الإستقرار

اهلا بيكي نورتيني

أكتر حاجة بتخلينا حابين طفولتنا إحساسنا أننا كنا صفحة بيضا قوي قوي الدنيا لسه ملونتهاش

تحياتي ومودتي

وومن

وزة

انتي فين وبترجعي تقولي إن انا اللي بختفي ومش عارفة إيه ؟

والله وحشاني قوي

بصي يا قمر كلمك صح بس لما ابقي منشنة علي كوكب في مجرة تانية ابقي بصعبا قوي علي نفسي والنجمة دي هاتبقي بالنسبة ليا توطية لسقف طموحاتي

ملحوظة

انا نموت في السما والسحاب علشان من جوايا لسة بحلم ابقي عصفور
بس مبقاش عندنا سطوح متعرفليش واحد

وومن

أحمد سعيد

نيجر بس بقي كفاية هاعيط فكرتني بالمرحوم والت ديزني

ههههههههههههههههههههههه

بص يا نيجوور انا اقدر اعتبر ان احلام اليقظة عندي شغالة برضة بس بقت كبيرة زي وبقدر اسجلها بالكلمات وادي النتيجة
ربنا يستر

وومن

المحارب المتيم

الأغنية للجميل الرائع محمد منير

طبعا مهمة بس احلامي كبرت انا عاوزة حلم صغنن برئ كدة

وبالنوسبة لفنون القتال انا عارفاها كويس جربت منها الكاراتية وشوية كك بوكسنج

بخصوص الشعر اللي كنت بكتبة مع النجمة فهو من عينة

احب ابي
احب امي
احب اخواتي

مكنتش اعرف وقتها غيرهم

وومن

قلب مصري

طبعا اسمحلك لكن اسمحلي انا كمان اشرح وجهه نظري في الطموح

ساعات طموحنا بيخلينا نغمض عنينا عن حاجات كتير حلوة برضة وبيحولنا لترس في آلة

في حاجات في الدنيا حلوة برضة غير اننا نبقي طموحين وبس

تحياتي

وومن

إبراهيم.... معايا

هو ساعات كدة ياهيمه تلاقي مواسم تفكرنا كلنا بنفسنا

نورتني

DR.HAMAS

ذكريات الطفولة

منها الجميل و منها المؤلم

انا استفدت من حياتى

ان احلام الطفولة ... هتتحقق

بس لو الواحد صمم عليها و لم ينساها



كل شئ ممكن



د. حماس

حسام يحى

مش انتى عايزه تبقى زى الطياره

طيرى بطموحاتك لو عايزه تطيرى زى الطياره

ولا ايه رايك ؟

هابقا اقول لفيروز تغنى طيرى ياميرا طيرى ياورق وخيطان

بس اما قابلها من عنيا

:d

وومن

dr.Hamas

شرفت المدونة يا دكتور

اكيد في احلام اتحققت وأحلام بنسعي لتحقيقها واحلام مش هاتنفع تبقي غير أحلام طفولة وبس

تحياتي ومودتي

*********************************

حسام يحي

انا طول عمري طايرة واحساسي إني مختلفة بجد بيخليني احس اني برفر بجناحين

مش بشكر في نفسي علي فكرة بس ده احساسي

انا موافقة ان طنط فيروز تغنيلي ابقي سلملي عليها

أحمد سعيد

ميرا

أخبارك إيه ؟


مرور للسلام ،

والتحية .


نيجووووووووور

ahmed_k

مصير الحي يتلاقى ههههههه
دايما الإنسان يحن لماضيه
فأبن العشرين يحن لأيام الطفوله
وأبن الثلاثين يحن لأيام الشباب والعشرينات من عمره
فلكل مرحله عمريه زهوتها وعبيرها
فعيشي اللحظه بكل ما تحمله من أفراح وأقراح فهي ذكري قادم أيامك
وأنتي مازلتي في أيام الشباب الذي تغنى لها الكثير من فطاحل الشعراء
فأنعمي بأيامك وأجعلي لكي منها ذكريات لغد لابد قادم

دمتي بكل خير

وومن

أحمد سعيد

الله يسلمك يا سيدي متشكرين علي السؤال

دمت بود

***********************************

ahmed_k

الدنيا اصغر من طبق رز بلبن بس احنا مش واخدين بالنا

بهنزر نتكلم جد بقي

حضرتك عندك حق فعلا انا في ايان الشباب اللي تغني ليها الشعراء وكل الكلام الحلو ده

بس ده مش يمنع اني اعيد التفكير في اللي فات يمكن اطلع بنتيجة مفيدة

شرفتني تحياتي

فاتيما

ميرا يا أميرة
تعرفى حكاية النجمة دى معايا و مع يوسف ليها قصة
أصلى قولتله إن فيه مليارات النجوم فى السما و كل واحد فينا ليه نجمة بأسمه بس هوه يبقى شاطر و ياخد باله منها
الولد نجمتهم فضى و البنات نجمتهم دهبى
و كنا لما ندخل البلكونة او نمشى فى الشارع و نبص على السما يشاور على أقرب نجمة فضى و يقولى
ماما ماما تجومة أهى
أصله سمى النجمة بتاعته نجومة
تصورى
ساعات أطلع أبص على السما و أقول لروحى
يا ترى يوسف باصص دلوقتى على نجومته زيى و لأ لأ؟؟
أنا كمان مش داخلى على إكتئاب بس واضح إنك رومانسية قوى قوى و عندك دايما حنين و ما بنعرف لمين على رأى فيروز مدام جبتى سيرتها و دا تانى دليل على الرومانسية المغرقة
تحياتى يا حبيبتى و شكراً لسؤالك الدائم عليا و على يوسف

tarek alghnam

انا اسف لتأخرى فى دخول مدونتك الرائعه
صدقينى حرمت نفسى من التمتع ببوستاتك الرائعه
ومين فينا مش بيتمنى يرجع طفل صغير
رغم اننا نكبر الا ان دائما بداخلنا طفل يتمنى العودة
ماشاء الله عليكى
دائما متميزة
تحياتى لقلمك وشخصك الكريم

الحب كما ينبغى أن يكون

الدنيا جميلة بس المهم نعرف نعيشها ازاى

ahmed_k

على فكره يا ميرا
أنا إنهاردا فتحت مدونتك وسبتها عشان
أغنية تتر ليالي الحلميه
فهذا المسلسل من الأعمال العظيمه
وكانت لتلك المقدمه روعه خاصه وطعم خاص بيربطنا بالمسلسل ده
ومرت أمامي شخصياته سليم البدري
والعمده والقهوه والشوارع والمصنع
فعلا زكريات جميله
واجمل ما فيه ومناسب للبوست أيضا

متسرسبيش يا سنينا من بين إيدينا
ولا تنتهيش دحنا يدوب إبتدينا

أحييكي على الإختيار الرائع

اقصوصه

ما في احلى من الطفوله

لو عشنا لحظات سعاده كثير واحنا كبار

ما اعتقد لحظه منهم تعادل شي من طفولتنا

اسعدني المرور من هنا

!!! عارفة ... مش عارف ليه

أنت بجد مش مممكن

هو أنا لسه مقريتش البوست بس أول ما شوفت الجزء ده

"طيري يا طيارة طيري يا ورق وخيطان
بدي أرجع بنت صغيرة علي سطح الجيران
وينساني الزمان ......... علي سطح الجيران"

مقدرتش أكمل ... لأنه كتيررررر أخدني وكان نفسي أعمل بوست عليه .. بس أنت سبقتيني :)

فحبيت ابدي أعجابي وإنبهاري باختيارك

دلوقت بقى أروح اكمل قراية الموضوع وأجي

سلام مؤقت
مش هغيب
باى

!!! عارفة ... مش عارف ليه

هايلة
حقيقي برافوووووو

أنت موهوبة والله العظيم

مفيش حاجة قريتها ليكي

ألا وتثير الشجن والمشاعر

متمكنة أنت أوووي من أدواتك

عارفة

أنت بتلمسي المشاعر كويس أووي

في سيناريست أسمها وسام سليمان
بتاعة فيلم أحلى الأوقات وبنات وسط البلد وشقة مصر الجديدة

أسلوبك بيفكرني باسلوبها أووي

أنا سعيد إني صديق لمدونتك

دومتي بكل خير
وليد

وومن

فاتيما

نورتيني وبجد وحشتيني

عارفة بجد مفيش احسن من اننا نوسع خيال طفل ونعمل منه انسان حالم

عنده مخزون ذكريات مش ممكن ينساه انتي بجد ام جميلة قوي

نجومة هاتبقي جزء من روحة ومعني من معانيكي عنده

وليه لأ ساعات الناس اللي بينهم ارتباط روحي بيكونوا قادرين علي التواصل حتي لو بينهم مسافات ومسافات
ده حقيقة فعلا

وايه حكاية رومانسية شكلي طلعت رومانسية بجد مع ان الأعتقاد السائد عني اني حد عملي قوي عموما سعيدة بالإكتشاف ده

تحياتي ليكي وليوسف لا شكر علي واجب

وومن

طارق غنام

مفيش داعي للأسف المهن انك شرفتني

وبلاش الكلام الكبير ده بعدين أصدق نفسي

تحياتي ومودتي لشخصك الكريم والمتميز

***********************************

الحب كما ينبغي أن يكون

محدش قال أنها وحشة المهم نخليها دايماً أحلي

شكراً علي مرورك الكريم

المحارب المتيم

ميرا

انتى بتركنى على البوست فترة طويلة قوى ليه

هو الكلام خلص ولا ايه

انا قلت هقرأ قصصك من تانى علشان أقول رأى احسن وأكثر تفصيلا

بس شجعينى

تحياتى

وومن

ahmed_K

أشكرك جداً

الأغنية دي ليها برضة معاني كبيرة عندي وخصوصاً جملة

ليه يا زمان مسبتناس أبرياء

وكويس أن حد فهم أختيار أو عجبه لأن الأغاني عندي ليها معاني ومواقف وذكريات مش تسلية وبس

علشان كدة زوقي مش بيتفق مع ناس كتير

وومن

أقصوصة

أسعدتني زيارتك جداً

فعلا عندك حق الطفولة لها معاني تانية خالص

***********************************

مش عارف ليه

إيه التأخير ده كلة مش عاوزة انزل بوست جديد غير لما تعلق علي ده

العطلة دي علي حساب مين ؟

سلام

وومن

مش عارف ليه

( وش محمر من الكسوف )

أشكرك علي إطرائك الجميل وتشجيعك

تصور إلي بحب الأفلام دي قوي انا شوفت وسام في لقاء تلفزيوني قبل كدة فعلا شخصية مميزة وكتابتها عميقة جداً

أنا اسعد اني كسبت لمدونتي صديق زي حضرتك

دمت بكل ود
ميرا

Charisma Queen

لو بطلنا نحلم نموت

Abd-Alrahman

كلنا يا ميرا بنتمني نرجع زي زمان
اطفال زي زمان
مين في الدنيا دي مين؟؟؟
محلمش في يوم
لو ترجع بيه ايام زمان ؟؟

تحياتي
وربنا معاكي

عسي الحزن ما يعرف دربك

محمد مارو

ايه ؟
مفيش جديد و لا ايه ؟
اروح حاجات تغيظ الاقيها زى ما هى
اجى هنا زى ما هى
ايه ؟
فيييييييييييييييييييييينك

نهر الحب

ازيك يا ميرا
يا قمر عاملة اية وحشانى جدااا
يارب تكونى بخير يارب

وومن ياريتنى ارجع طفلة
وكبرش ابدا واموت كدة بس اه
سنة الحياة ان نكبر ونحزن ونتالم وكمان نتبهدل عارفة بوست جميل بس خلنى ابكى

بس بجد ياريتنى فضلت طفلة

نهر الحب

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير

lyssandra

سلام يا وومن

أنا مش شايفه إنه اكتئاب ولا حاجه

بالعكس

أنا حسيت طول البوست إنه حنين

وكلنا بنحن لأيام طفولتنا

أيام ما كنا صغيرين
أحلامنا صغيرة علي قدنا
وهمومنا كمان صغيرة

دلوقتي بنكبر

وأحلامنا بتكبر.. أكبر كتير مننا

وهمومنا بتكبر أكبر مننا ومن أحلامنا

-----------

لما تيجي تحلمي تاني احلمي أوي

حتي لو كان حلم طفل

تحياتي

Lyssandra

will

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

Siguiente Anterior Inicio