57

مشاهد .. حسّاسّة

من اكتر الحاجات اللي ممكن تضايقك وانت طفل ان يبقي عندك مرض مزمن ، مش مرض بمعني مرض بس لما تبقي عندك مثلا مثلا حساسية وطبعا في الحاله دي وبما انك مش من المتشائمين هاتعتبر ان ده جزء من تميزك عن الآخرين فكون انك مش هاتاكل شيوكلاته ولا موز ولا فراوله ولا قائمه طويله من الممنوعات معناه انك محظوظ لأنك عامل ريجيم طبيعي ومش هاتتخن ، ولما يبقي عندك اكتر من نوع ما بين حساسيه الأنف والصدر والطفح الجلدي محدد بنوع معين من الملابس وممنوع تحط برفان وممنوع تربي قطة ولا بوبي ولا حتي عصفور وممنوع حتي تزعل اوتضايق لأنك عندك حساسيه من الزعل فبتتعلم انك تبقي حد هاااادي وكول واعصابه في تلاجه ولما ترجع فلاش باك تشوف حياتك كما يلي
انت دلوقتي في 3 إبتدائي في البريك ( كان سعتها اسمها فسحه ) وعبد الرحمن واحد من اطول تلاتة في المدرسة اسمر بلون البرونز – بموت في اللون ده ومش موجود في مصر كتير – شعر بني فاتح وعيون عسليه يقترب بابتسامه واسعه
- ميلا يا ميلا ( يعيني ميرا يا ميرا )
- انا في فرح ممزوج بالخجل نحم يا حبد اللحمان ( نعم يا عبد الرحمن )
- انا كبتلك سوكلاته بابا جابهالي امبالح اكلت واحده وكبتلك واحده ( انا جيتلك شوكلاته بابا جبهالي امبارح اكلت واحده وجبتلك واحده )
ابصله وانا عيني هاتطلع عليها وامد إيدي في فرح - ويستوقفني شيئا ما – واطرق في حزن ( علي الشيكولاته طبعا )
- ميلسي يا عبد اللحمان مش عاوزة ( ميرسي يا عبد الرحمن مش عاوزه )
- ليه يا ميلا دي حلوه خالث وبابا بيقول مثتولده ( ليه يا ميرا دي حلوه خالص وبابا بيقول مستورده )
- اصل انا حيانه الدكتور قال مش تاكلي سوكلاته علشان حندي حساسيه ( اصل انا عيانه والدكتور قال متاكليش شوكلاته علشان عندي حساسيه )
يبص عبد الرحمن في الأرض ويرجع الشيوكلاته لجيبة ويسيبني ويمشي تصاحبه موسيقي حزينه زي التايتانك ساعه مكانت بتغرق
بعدها بيومين عبد الرحمن في نفس المكان بيدي الشيوكلاته لكريمان التي تقبلها بمنتهي الفرح وداعا عبد الرحمن
قطع
-----------------------------------------------
تتعامل انت مع الصدمه عادي وتقول لو راح راجل في الف راجل والواحد لازم يختار راجل بحق وحقيقي ممكن يتحمل ويكون متين وسعره مناسب علي اساس انك بتشتيريهم من سوق الموسكي مثلا
وروحي يا ايام وتعالي يا ايام وخلاص كبرت بقي ودخلت الإعداديه وخد عندك فلاش باك
قاعد انت برضة في البريك ( كان لسه اسمها فسحه ) وبجوارك اولي صديقاتك مع تجربه الأنتيم في أولي مراحلها
- ميرا اتفضلي يا حبيبتي
- ايه ده ؟
- كيكه ماما عملاها وعملت حسابك معايا
امسكها واقربها بحذر لآنفي واسألها بتشكك فيها بيض ؟
- ترد وهي بتبلع الكيكة بالحاجة الساقعه وشكلها محشورة في زورها - اه طبعا
- ارجعها بسرعه للعلبة ميرسي مش عاوزه
- ليه اوعي تكوني بتقرفي ، لا والله دي ماما نضيفة جدا وحاجاتنا نضيفه والله
- لا ياسيتي مش كده
- (هي بشئ من التأثر) لا شكلك قرفانه والله دي ماما زي الفل واسألي فلانه وعلانه
- والله مش قرفانه
- (تمد الكيكه في وشي وبلهجه آمره) طيب كلي
- يادي المصيب يا ستي لاء عندي حساسيه مش باكل بيض
وهنا تبدأ في البكاء حساسيه يعني ايه حساسيه قولي بقي انك خايفة من حاجتنا انا الحق عليا ان فكرت فيكي وعملت حسابك
- ياناس حد يفهما اني مش ينفع اكل بيض وإلا هاعيا واقضي باقي اليوم في عياده المدرسه
لا ثم لا ثم لا وطبعا لأنك ظاهريا زي الحصان ومبتشتكيش من حاجه ومش شايل معاك علاج ولا بتروح للدكتور كتير ولا مامتك بتيجي تشحت عليك قصدي توصي عليك والنبي خلي بالكم منها اصلها عيانه فانت بالطبع سليم معافي
والنتيجه تودع تجربه الإنتيم من قبل ان تبدأ وربنا يخلي ليكي شيمو واللي يخرج مع حد غير اخته يستاهل اللي يجراله
قطع
-----------------------------------------------
وروحي يا ايام وتعالي يا ايام وكبرت حبه كمان وبقيت في ثانوي وياتري يا عبد الرحمن عامل ايه في قطر دلوقتي ؟؟؟؟؟
المهم ها انت واقف قبل طابور الصباح وعند الكورنر اللي عصابتك محدداه انه تيرتوري إيريا ( منطقة نفوذ ) مع محمد عبد المحسن وهو شاب طويل شعر اسود وعيون بني غامق توحي بالغموض
- ثباح الخير يا ميرا
- صباح الخير يا ميمو
- معاكي ثندوتشات ايه انهارده ؟
- لا خلاص كلتهم في الطريق وشربت حاجة ساقعه شويه كده لما اطلع الفصل هاطلب فطار
- طب كويث قوليلي بقي هاتخدي في البريك مثتر لونج ولا ماندولين ؟
وهنا اقع في حيص بيص , يادي الوقعه السودا نوعين الحلويات المسموح بتداولهم في المدرسه علي حسب قرار اللجنه العليا اللي انتدبها الكبير للكانتين لتحديد الحلويات اللي هانتعامل فيهم ( كانوا بيتغيروا كل سنه مع انتخاب كبير جديد وعليه فقد مررنا من المستر لونج للماندولين لدادي للبوب كورن للمصاصات بنكهه الكوكا والفراوله وانتهينا بعدوي اللبان للدرجه التي اضرت مديره المدرسه من منعه في الكافتريا )
- لا يا ميمو انا هاخد بوب كورن او كوووول
- (يبصلي كده في نظره ممزوجه بالإندهاش والإستغراب) ايه ؟
- (انا بشئ من التردد) ايه اه عادي هو احنا لازم نمشي بسياسه القطيع لازم نبقي شخصية مستقله ونختلف ونتميز و.......و.........
بعدها بيومين ميمو في الكانتين بيشتري اتنين مستر لونج واحده له وواحده للبنت ندى بتاعه تانيه رابع
بعدها بيومين كمان ندي في البريك وشكلها بتتخانق مع ميمو وحولين عنيها كدمه زرقا – في حد فتان راح قال لطنط مامه ندا ان ميمو بيروحها كل يوم لحد البيت – ايه الناس الشريرين دول ؟؟؟؟ نياهاهاهاهاهاهاهاهاه
قطع
-----------------------------------------------
وتمر ايام ثانوي وتدخل الجامعه اللي تعتبرها واحه الديمقراطية مفيش كبير ولا مقرر للأكل ومش مضطر تاكل حاجة عندك فيها شك ولا كل شويه تقول عندي حساسيه بلاش الطاقية ويبقي عندك اصحاب كتير كتير وبنات وصبيان وتبقي الدنيا بيس واخر حلاوه لكن دوام الحال من المحال
إظلام
-----------------------------------------------
وتتخرج من الجامعه وتتنقل من عمل لعمل وتكون الطامه الكبري انك تشتغل في شركة مفروشة موكيت طبعا الناس العادي هاتشوف انها حاجة شيك لكن بالنسبه ليا مصيبه سودا وطبعا كل يومين بتاخد اجازة مرضي بسبب حساسيه الفرو ويضطر مديرك انه يوصي الكير سيرفس انهم يغسلوه كل يومين فيكرهوك عمال الكير سيرفيس ويبتدوا يغلسوا عليك لأنك محملهم شغل زياده بتناكتك اللي ملهاش لازمه.
قتزهق وتسيب الشغل وتنتقل لأفضل مكان ممكن تتخيله واللي فيه زمايلك معظهم عندهم حساسيه ولأنك مميز جدا فانت بتتشارك معاهم في كل انواعها ، بين الفصول تشارك شيري حساسية تغير الفصول ، وفي الربيع تشارك هايدي حساسيه العيون الربيعيه وطبعا تبطل تلبس عدسات وتحط النضاره ، وفي الخريف انت مع ميمو وشادي في حساسية الصدر ، وانت طول السنه مع ساره في حساسيه الأنف وفي النهايه هنيئا لمستشفي الحميات.

النهاية

57 قالوا رأيهم:

وليد

ما جمل ان يعيش الانسان الاحسا سفى الماضى مزيج من الحاضر لكن الاكيد اننا نتغير كليا تربيتنا ومشاغلنا واهوائنا فهل كثير على الاحساس ان يتغير

Soooo

ههههههههههه
تصدقي شوية مشاهد مؤلمة بجد
عارفه .. انا برضه زمان كانت عندي حساسيه من الفراوله والمانجا والموز والشيكولاته وحاجات كتير قوي
بس على مين
ولا يهمني
ماكنتش باحرم نفسي من حاجه يابنتي

لعلمك .. جسمي ده مش تخن .. ده ورم من كتر الحساسيه

الاقيش سرير فاضي عندكم في الحميات؟؟؟؟





سلامووووووووووووز

ola_barakat

ميرا بجد ولا يبان عليكي
بس معلث بكله تباي كويثه حالث وكل الحثاثيه الوحثه دي تلوح
كنتو بتتكلمو كده ف تالته ابتدائي ؟
يعني كان عندكم حساسيه ف لسانكم برضوا
المهم انك متميه في مشاعرك وحساسيتك ايضا وبجد ده كتير علينا
ولا يهمك يا قمر الطب اتقدم دلوقتي وممكن نظريا تغيير كل لحاجات اللي فيها الحساسيه دي
بس ياخوفي من كلامك نضطر نغيرك كلك ونجيب واحده استيلاد ( استيراد يعني )
تحياتي لعذوبه مدونتك ورقتك

الربان

تحياتي

حقيقي هي مشكلة...و يمكن انا شاعر بها لسببين:
الاول ان عندي حساسية العين و ايضا الانف...و حساسية الانف معها الجيوب الانفية...و طبعا الباقي معروف.

الثاني ...لا اتناول كمية كبيرة من الطعام...و خاصة اللحوم...و حينما اكون معزوم عند احد...يظنوا انني لا
احب طعامهم...و يتدأ الحلف بكل ما هو مشروع و غير مشروع لتذوق هذا الصنف او غيره....و الله باشعر انني مخنوق و عايز اجري...

الموكيت لا ينفع مع بلادنا الحارة و ضرره اكثر من نفعه.

ختاما : حضرتك عرضتي مشكلة تواجه الكثيرين منا...لكن بشكل جميل و جذاب
يجذب قاريء البلوج الي الحرف الاخير.

تحياتي و تقديري

ست البيت

تدوينة حلوة بجد
ولأني بعاني من نفس ما تعاني تقريبا

حساسية للموز وللفراولة والربيع والكبري حساسية الأنف والجيوب الأنفية وتغير الفصول ومن الشيكولاتة والبيض ومقدرش اكل لو جازفت حاجة فيها شيكولا بعد أكلة سمك أو قبلها
بس عادي يعني
انا عملت فيها عبيطة واكلت كل اللي انا عاوزاة
وربنا يخلي مضدات الهيستامين
قشطة اضرب اللي بدي ياه
ووراها على طول اي مضاد هستامين
بس عارفة اكتر حاجة محرجة بالنسبة لي كانت حساسية اللبن
تخيلي لما اكون عند حد ويقدملي موز او جوافة ...وتلاقيني قربت الكوب في انفي وهاتك يا شمشمة ولا اجدعها كلب بوليسي
وهووووب لأ أنا آسفة دي يه لبن
طب وايه يعني بلاش دلع انتي صغيرة لسه وبتكرهي اللبن وهاتك يا تريقة من اللي قلبك يحبهاااش
لكن مع مرور الوقت وضيق دائرة المعارف الناس بقت تتجنب زعلي
بس يا واقعة لو عندي ميتنج في لاشغل
او في احد الاوتيلات
مش بيفرقوا بس حتى دول فرضت سيطرتي عليهم
وربنا يخلي لنا هستامين وهستازين واي هستات

فاتيما

ميرا يا اميرة
فطستينى من الضحك يا بنوتة أنتى
أختك برضو عندها جيوب انفية بتعملها حساسية عشرتشر مرة فى السنة
بس عادى بخور و برفان و لا بيهمنى
طب التراب هنوديه فينا ؟
مش لازم نسفه ؟؟!
و الله اللى عجبه الكحل يتكحل بقى
و كفاية يكون جنبك
و ربنا يخلسلك شيكو الجميلة المخلصة
و يخليكما إنتو الجوز لينا
بوسة على خدك يا حبيبتى

رئيس جمهوريه نفسى

نتفق اننا فى فترة من الفترات كنت بعانى من الحساسية ناحية الشيكولاتة وضربت بكلام الدكتور عرض الحائط لانى مفيش اجمل من احساس كادبوري واخوتها
موضوع البريك اللى كان اسمه فسحة مش بوعى عليه اصلا لانى كنت بقضية فى بيتنا هو وبقيت اليوم من صغري وده خلانى فى مناي عن اى احداث بتحصل فيه عدا ماتشات الدورى المدرسى واللى كان برضة يعقبها الانصراف
الشغل بقاء مش ممكن عامل النظافة يتحكم فية لانى بمنتهى البساطه بقوم بكل الاعمال فى مكتبى من سكرتارية ومدير مكتب واعمال النظافة :D

همس الاحباب

تناولتى مشكلة كامنة بين الجميع
ولكن باسلوب وطريقة ممتعة جدا
الكل يعانى من الحساسية بطريقةاواخرى
وهناك من يقدرظروفك والبعض الاخر يعتبره تناكة اوغروراو نوع من القرف
تسلم ايديكى
تحياتى

غير معرف

والله ياميرا
ضحكتيني وفكرتيني بأيام زمان أثل انا كمان عندي نفس المسكله(المشكله) برده بس للأسف كنت بضعف أمام ضغط أسحابي (أصحابي)
وكنت بثراحه باكل أسل كنت سقي (شقي ) اوي زمان فكنت باكل من غير ما يعرف حد في البيت وكانت هي ده المثيبهلما كنت بعيي ماكنتش أقولوهم وكل ده علشان ماخسرس أسحابي وكنت بتبع المثل اللي بيقول هو ابني أدم هايموت ناقص عمر كنت باسمعها كتير من جدتي الله يرحمها لما تعبت والدكتور كلها ماتكليش ده وتكلي ده
بس تعرفي كانت أيام جميله
طرقتك جميله اوي في عرض الكلام

Lyssandra

أسلوبك حلو أوي يا ميرا

مش باقدر أمنع نفسي إني أعدّي هنا دايماً

وألف سلامه عليكي

يارب دايماً تكوني بخير

-------

كل التحية

Lyssandra

Unknown

ههههههههههههههه
بجد بوست زي العسل و جه ع الجرح
اصل انا عندي حساسيه صدريه و حساسيه من المانجو و الموز و الفراوله
يعني كلعنا زمل

بلوج كلو جميل وي

Kiara

ههههههههههههههههههههههههههه

ده انتي شلفطيه وبوظتي حياته

بجد الحساسيه دي شي صعب اوووووي

غير معرف

ههههههههههههههههه

والله زي العسل يا ميرا

وزعلتيني على الواد عبد الرحمن

أنا من بكره هروح شرم وانام كام يوم

تحت اشعة الشمس الحارقة

يمكن لا قدر الله لوني يتحول بقدرة قادر

للون البرونزي .


وموضوع الموكيت والفرو دي جامدة أوي .

تسلمي يا قمر .

(( رحيق الوطن ينتظرك ))


أخوكِ دائماً نيجــر

Unknown

عارفة
رغم ان دا كتير بيعانوا منه الا ان الحساسية بتسبب لى احراج شديد خاصة لما عيونى تحمر بشكل بشع والناس تقولى مال عينيكى :(
الظاهر انه فعلا مرضى وانتشر
على فكرة جبتى مشاهد كتير تعبيرك فيهم حلو اوى

شفـقــة و إحســــان

اظاهر ان موضوع الحساسية ده بقى عند الناس كلهم وانا واحدة منهم بس هنقول ايه الحمد لله على كل شىء

Empress appy

ايه عنبر الحساسيه ده يا بنتى بس ليه حساكى بترجعى اليومين دول لوراء يعنى بتفتكرى حاجات فاتت اطلعى قدام يا حجه لان شكلك داخل على قوقعه سيبك من الهزار اللى بتعمليه ده حساكى مش طبيعيه

!!! عارفة ... مش عارف ليه

بعيداً عن الحساسية اللي بيشتيكي منها كل المعلقين .. ربنا يشفيهم جميعاً

-----------

أقولك بقى إن وحشني جدا المرور على مدونتك وإنك دايماً مش بتخيبي ظني في اسلوبك وتفاصيلك الإنسانية الرائعة
وحقيقي بشكرك على إهتمامك

----------

الموضوع رائع "والكت" اللي بتحصل بعد كل مشهد بينتهي مرتبط بالمشهد اللي بعده مع تطور المشاعر والأفكار والإسلوب والمفردات .. يهوووووووووووس

أيه يا ميرا ده .. أنت غلبتي رشيدة عبدالسلام.

عارفة

والله البوست ده ينفع فيلم قصير حكااااااااية


وليد

!!! عارفة ... مش عارف ليه

طبعاً مينفعش مجيش بعد كلامك الرائع اللي قريته في تعليقك
ومن غير ما تقولي على البوستات اللي فاتتني
كنت قريت امبارح البوست ده وكمان بوست "كل عام وأنتي حبيبتي" وعلقت عليه بردو امبارح
والبوست الاخير اللي كان فاتني بتاع "أتهموني اني شرقية" مكنش ينفع أقراه امبارح علشان كنت لسه منزل بوست يعقوبيان وكنت مُجهد وحسيت إن الموضوع محتاج يتقري على رواقة علشان كده أجلته للنهاردة ... وفعلا صدق إحساسي لأنه محتاج يتقري بمزاج

عارفة

سعيد جداً بهذا التواصل يا ميرا

وليد

غير معرف

سكلا ياميلا

سكلنا بجد بنغس من بعض انا برده كاتب عن انا الصغير :D

ايه حكايه توارد الخواطر دى :D

Ehab

ههههههههههههههههههههههههههههه

يخرب عقلك
كوميديا سوداء سوداء سوداء

اقول ايه بس الحساسيه دي موضوع غلس قوي خاصة لما تضطري تاخدي حقن كتير وعلاج كتير
الحمد لله انا عندي بتاعة المناخير بس
نعمه من ربنا
بعطس كتير قوي لحد ما بقت سمعتي في الشغل - ناهيكي عن ايام الدراسه الشوم- بقت زي الزفت الكل يقولك ده اصلا مريض جايبينه يعدينا هنا ليه

ما علينا بقى غصب عنهم قاعد على قلبهم
سلااااااااااااااااااااامتك
اخوكي ايهاب

حمادة زيدان

ميرااااااااااااااااااااااااااا


تصدقي جسمي كلني وانا بقرا ولقتني قاعد أهرش هههههههههههههههههههه

انا عندي اخواتي في البيت اصغر أتنين عندي عندهم حساسية ضد أكل اي حاجة مسبكة وكل ما بياكلوا اى حاجة مسبكة الاقي جسمهم بقع كده ... وانا كمان موضوع وشي ده اللي مش عاوز يخف ... يعني كل واحد في حاجة فوق دماغه ومدايقاه .... "أوعععععععععععععععع"

على فكرة أسلوبك حلو اوى خاصة في المرحلة الأتدائيه "الابتدائية" تمام الله ينور

Diyaa'

زي ما قال إيهاب _كوميديا سوداء ولكن أحياناً طفولية باقي الوقت :)
الأول تعليق علي مشهد الإبتدائي..هي دي تصاريف القدر ولكن مش المفترض إن في مثل الأهل يعلموه لينا إن مفيش حد كامل ؟ عموماً الدنيا مش بتقف علي حد أصلاً وبالتالي مش المفترض يندرج ضمن مرحلة يا خسارة..بس نتعلم ونعلم لما ييجي دورنا :)

تاني حاجة ..سوري إيه الأنتيمة الغبية دي..يعني إيه حد صاحبي بيؤكدلي إن عنده حساسية وأنا بحسها إنتقاص من كرامتي لو مش أكل من إيد والدتي ؟ أهي دي مصلحة ليكي ورحمة من أنتيم عقله فيه حاجة ناقصة مش هتكمل


تالت حاجة..فعلاً إيه الناس الأشرار دول ههه


الخلاصة..كان عندي الحساسية دي وخفيت منها ..المؤمن مبتلي بقي :)
بس أسلوب عرضك مسرحي ..شوية تمرين وهتنزلي مسرحيات جامدة :)
ألف سلامة يا فندم :)

د. إيمان مكاوي

بجد ضحكتيني يا ميرا.زأصلي أنا كمان عندي حساسيه بس بكل أنواعها أكل وجليه وروائح وحساسية الأنف والعين وكله ..حاجه صعبه
ولما أولادي بيعزموا علي بالشيكولاته بيكون موقفي زي ما صورتيه بالضبط ..هههههههههه
تحياتي لأسلوبك الجميل

!!! عارفة ... مش عارف ليه

طبعاً يا ميرا
سعادتي لا توصف لتقديرك ده

ومع الأسف مش هقدر أكون موجود معاكم
لأني مش في مصر حالياً

زي ما تقولي كده من ضمن الناس المقيمين على الساحل الشرقي للوطن العربي

يعني بالظبط بالظبط قدام
الخليج العربي عدددددددل


ووالله كان نفسي اكون معاكم لاني قريت على الموضوع ده النهاردة عند احمد كمال "رحايا العمر" وفي حاجات كتير فاتتني السنة دي ومقدرتش اكون معاكم فيها :(

مين عالم يمكن نتقابل
قريب إن شاء الله

تحياتي لشخصك الودود
وليد

غير معرف

هههههههههههههههههه

ايه العيادة اللى انتى فتحاها دى

تعرفى

انا من نعم الله عليا انه ادانى حساسية

طبيعية تجاه كل الامراض

يعنى الصداع فى مخى حساسية ضد الصداع أول ما ييجى تشتغل وساعتين ويمشى مجاليش صداع من ييجى 100 سنة كدة

والانفلونزا مشفتهاش قبل كدة والحمد لله

السنة اللى عدت كل أصحابى أيام الامتحانات فى الشقة جاتلهم أنفلونزا وكل يوم والتانى واخدين واحد على المستشفى ما عدا أنا والحمد لله

ولا الكحة كانت بتجيلى مرتين فى السنة وتمسكنى أسبوعين لحد ما جبت وصفة طبيعية ومن اولى ثانوى مجتليش

ربنا يرزقك حساسية زى اللى عندى

بالمناسبة ( جميل السرد يتاعك )

تحيتى

وأشكر لك سؤالك الدائم

غير معرف

نسيت أقولك

نظرا لوجود من هم مثلك فقد

تقرر أننى لا أستطيع الابتعاد عنكم

لذا فقد عادت مدونتى لحيز الكتابة

ولك كل الود

دعاء مواجهات

ياااااااااااااه

دا انتى شايله بقى يابنتى

هى دى الحياه ومادمنا وافقنا نحياها يبقى نتحمل قرفها وامراضها

بس انتى شكلك فعلا فااافى جدااا.

غير معرف

بنت يا ميرا

أخبارك إيه

إيه الغيبة دي

يارب تكوني بخير


نيجووووووووووور

أخـــ مسلمة ـــت

هههههههههههههههه
الظاهر اني هغير رايي
بعدما كنت بقولك الاحساس نعمة لقيته أكر نقمة
الحمد لله اني مش عندي حساسية والا كنت هسكن في مستشفي الحميات بسبب الشيكولاتة

بس حقيقي؟
عندك كل الحساسيات دي؟
ربنا معاكي

سعدت جدا بزيارة مدونتك
والله العظيم عثثثثثثثثثثل

Mona Shereif

والله فاكره انى كنت علقت قبل كده
جايز يكون النت فصل

المهممممممممممممم
البوست جميل اوى
وخصوصا كلامكم وانتو صغيرين
:)

وحشتينى

رئيس جمهوريه نفسى

انتى فين ؟؟ يارب تكوني بخير

ريمان

هههههههههههه
ميراااااااااا


وحشانى موووووووووووت

انتى فين يا بنتى من زمان

طمنينى عليكى حبيبتى

بس ليه كده تفكرينى بالهم

انا برضه بعانى من الحساسيه

بس باكل شوكولاته برضه

وهفضل اكلها حتى لو حصلى ايه لانى بموت فيها اوىىىىىىىىىىى

وحشانى بجد ابقى طمنينى عليكى حبيبتى

حسن حنفى

كل سنه وحضرتك طيبه

فشكووول

ميرا .. ميرا .. الله يكون فى عونك .. كل الحاجات دى وانت محرومه منها عموما ربنا يعوضها لك فى حاجه تانيه .. تحياتى وكل عام وانت بخير

Ahmed Al-Sabbagh

موضوعاتك كلها جامدة
كل سنة وانتى طيبة يا ميرو وربنا يوفقك

ميرا ( وومن )

waleed_elislam

لا طبعا يا وليد مش كثير علي الإحساس انه يتغير اهي ايام وعدت بحلوها ومرها وبنفتكرها دايماً تحياتي


***********************************

soooo
تنور يا سوووو المستشفي تسع من الحبايب ألف بس انا بقي سريعه التأثر يعني يا دوب ادوق أي حاجة من اللي بتعملي حساسية تشتغل علي طول بفأفأ مش بورم

سلام ساده علشان الحساية

ميرا ( وومن )

ola_barakat

هههههههههههههههههههههههه سكر والله يا علا . بصي هي الذاكرة مأسعفتنيش بس فاكرة كدة طشاش

الطب اتقدم أي نعم بس محلش مشكلة الحساسية لسه ادعيلي

نورتيني بجد

***********************************

الربان

أهلا أهلا نورتني

واضح أن مشكلتي منتشرة وانا مكنتش واخدة بالي

تقبل تحياتي

ميرا ( وومن )

ست البيت

انا بقي ولا بيأثر فيا هستامين ولا اي هس هس انا حساسيتي تأثيرها فوري يعني خصوصاً حساسية الزعل دي مصيبة بتبان في وشي علي طول وكان لازم اتمرن علي طبط النفس

نورتي يا قمر

***********************************

فاتيما

بوسات كتير كتير وحشاني قوي قوي

عندك حق والله هانسب التراب لمين ؟ ده برضة تراب مصر

تسلمي يا قمر

ميرا ( وومن )

رئيس جمهورية نفسي

ماشي يا عم ربنا ما يحرمك من كادبوري واخواتها

ومن بكرة هاقدم إستقالتي وابقي مديرة نفسي . متشكرين علي النصيحة يا ريس

***********************************

همس الأحباب

شكلك انت كمان يا خالد عندك حساسية ومش عاوز تقول

فضفض يا ابو همس فضفض محدش واخد منها حاجة
منور

ميرا ( وومن )

sherif

شوفت بقي محدش مرتاح لا اللي سمع كلام اصحابة ولا اللي سمع كلام الدكتور

ايييييييييييييييه كانت أيام

خالص مودتي

***********************************

lyssandra

وتمنعي ليه بس يا قمر المدونة مدونتك تشرفي في اي وقت

خالص تحياتي

ميرا ( وومن )

ُEmY

سلامتك يا قمر الظاهر كده هانعمل جمعية البلوجاتية للحساسية

نورتي يا قمر

***********************************

مولان

أهلا أهلا يا جميلة

شلفطة ايه بس ده اقل واجب . هو ده كبرياء المرأة اللي بيقولوا عليا

Kiara

كل سنه وانتي طيييييييبه ياقمر

عيد سعييييييد

ميرا ( وومن )

أحمد سعيد

ماشي يا باشا يا بخت شرم بيك روح ومستنية النيولوك . علم وجاري التنفيذ


***********************************

نهر الحب

سلامتك يا قمر ألف سلامة . أظاهر أن الموضوع منتشر فعلا

ميرا ( وومن )

شفقة هانم وإحسان بيك

بعد الشر عنك من الحساسية يا قمر انا هاعمل بلوج واسمية بلوجاتية الحساسية

نورتي

***********************************

~*§¦§ Appy §¦§*~

علي طول كده كشفاني يا قمر المدونات

ههههههههه طلعنا من القوقعة والحمد لله

ادعيلي بقي

بوسات كتيرات

ميرا ( وومن )

عارفة...مش عارف ليه !!!

اولاً حمد الله علي السلامة ومطولش الغيبة تاني

ثانياً بقي بجد مش عارفة اقولك ايه خصوصا ان كل المدونين طلعوا زملا في الحساسية

دائما ما يسعدني تعليقك

خالص تحياتي ومودتي

ميرا ( وومن )

عارفة...مش عارف ليه !!!

انا أسعد بهذا التواصل تعليقك علي البوست اللي فات سعيدة بيه جداً تقبل خالص تحياتي

***********************************

حسام يحي

اه بنغش من بعض والأخوات مفيش بينهم فرق ولا ايه

ميرا ( وومن )

الشنكوتي الكبير

أهلا أهلا بالشنكوتي . سودا ليه بس انا مش بحب السواد مع ان لوني غامق اليومين دول

طبعا يا باشا كلنا علي قلبهم ومش متعتعين وليكن شعار المرحلة الجاية اللي مش عاجبة ياخد الباب وراه

***********************************

حمادة زيدان

بعد الشر عنهم يا حماده ماله بس الخضار السوتية اهو صحي وخفيف

تحياتي

ميرا ( وومن )

Diyaa

فعلا يا ضياء عندك حق أهالينا نسيوا يعلمونا نتقبل الآخر من صغرنا وبنتعلمه بالطريقة الصعبة

الأنتيمة بقي مش غبية ولا حاجة بس في ناس عندها حساسية وناس حساسة

الخلاصة
عقبالنا لما نخف كلنا

***********************************

إيما ام البنين

أهلا وسهلا يا جميلة . الحمد لله البلوج مليان زملاء في الحساسية

نورتي بجد

ميرا ( وومن )

عارفة...مش عارف ليه !!!

إن شاء الله ترجع بالسلامة ويجعلنا من بركات الخليج وهواه البحري

خالص تحياتي وتقديري

***********************************

المحارب المتيم

خد نمره واستني دورك في الكشف . ههههههههههههه بسم الله ما شاء الله ما يحسد المال إلا اصحابه

***********************************

المحارب المتيم

تحية من أمثالي لآمثالك في انتظار جديدك واهلا بعودتك

ميرا ( وومن )

دعاء مواجهات

ادينا مستحملين اهو والحمد لله . فافي يا بنتي ايه بس بيتهيلك

احنا رداله ووقفنا واقفة ردالة
سلامات يا قمر

***********************************

أنت تسأل والكمبيوتر يجيب

شكراً لدعوتكم الكريمة

ميرا ( وومن )

أحمد سعيد

أنا الحمد لله تمام بس مشغولة شوية . أشكرك علي اهتمامك

***********************************
أخـــ مسلمة ـــت

الأنواع دي حاجة علي الماشي كدة والمواقف دي بالمقارنة بالحقيقة لا تذكر

احنا كنا فين الحمد لله

ميرسي يا قمر نورتيني

ميرا ( وومن )

sometimes

مني أهلا يا قمر وحشاني خالص مالص

ولا يهمك انتي تعلقي في اي وقت دي مدونتك

***********************************

رئيس جمهورية نفسي

أنا الحمد لله كويسة شكراً علي إهتمامك

ميرا ( وومن )

ريمان

وحشاااااااااااااااااني
وحشاااااااااااااااااني
وحشاااااااااااااااااني

برضة زمل في الحساسية . كلي واتهني ولا يهمك يا قمر بالهنا والشفا


**********************************


حسن حنفي

كل سنه وانت طيب يا ابو علي

ميرا ( وومن )

Fashkol

أهلا أهلا

يعني مش محرومة قوي أهو ساعات بحاول اني ادوق الحرمان صعب برضة

تقبل تحياتي

***********************************

Ahmed Al-Sabbagh

وانت طيب يا خالو بس هانيجي فيك ايه

نورتني

ميرا ( وومن )

مولان

وانتي بالصحة والسلامة يا قمر

قوس قزح

البوست ده كان محتاج انك تقفى على باب المدونة و توزعى هدايا مراهم و اقراص حساسية هههههههههه

لا بجد غريبة اوى انتشار الحساسية بالشكل ده .. اكيد ده من التلوث اللى الواحد عايش فيه

!!! عارفة ... مش عارف ليه

فين جديدك يا ميرااا

طولتي أوووي

عايزين العيدية وتكون بوست جامد كده هاااا


كل سنة وانت طيبة
وإن شاء الله يكون عيد سعيد عليكي يا رب

تحياتي
وليد

Siguiente Anterior Inicio