39

إلتئام روح ( 3 )

.... تنتبه علي صوت آذان الظهر تردده في هذا المكان له وقع خاص علي النفس تنهيده قوية تحاول أن تخرج ضيقها .... حسناً لا شئ هنا سوي صمت القبور لافائدة من الحديث مع الموتي عودي من حيث أتيتي ربما لم يحن الوقت بعد
تخطو ببطء داخل شقتها تتأملها للحظة ما الفارق بينهما وبين المقابر لاشئ ، لا شئ سوي هذا الصمت هذه الوحدة التي تحياها منذ سنوات ، ما فائدة كل هذا الترف إذا كانت الوحدة هي ما تغلفه .
ترمي حقيبتها تجر جسدها المتعب وتلقي به علي السرير تحدق في لاشئ عقلها لا يردد سوي شئ واحد مريم ..... مريم ....مريم
يتبدد صمت المكان برنين هاتفها تنتبه كل حواسها تتعرف علي المتصل من الرنة شعور غريب بالراحة ممزوج بالفرح تسرع بالبحث عن حقيبتها تروح وتجيئ بسرعه لا تريد أن تفقد الإتصال ها هي الحقيبة الغبية تلتقط أنفاسها تبتسم لتخبئ الحزن في صوتها
- ألو
- وحشتيني
- تتسع أبتسامتها – طب فينك من الصبح ؟
- أنتي اللي فين مروحتيش الشغل انهارده ليه ؟
- ابداُ كان عندي كام مشوار
- طب وحشتيني مش هاشوفك ولا ايه ؟
- بدلال انثوي أمممممممممم افكر
- بشئ من الحزم والثقة - لا مش هاتفكري ساعتك كام ؟
- اتنين ونص
- خلاص معادنا خمسة
- ضحكة خفيفة – ماشي
- يلا سلام بقي
- استني مقولتش فين ؟
- مكان ما انتي عارفة
يغلق الخط كم يهوي ان يكون صارماً غامضاً تلقي هاتفها علي السرير ومعه كل احزانها التي بددها صوتة تدور في حلقات بفرح طفولي لا تعرف مصدره ، تتذكر فجأه انها لم تأكل منذ الصباح اتجهت إلي المطبخ في الطريق لم تنسي أن تدير اغانيها المفضلة يعلو صوت الموسيقي فتتحرك بخطوات راقصة تريد أن تغير مزاجها أن تنسي ولو لساعات كل جراحها أن تخفيها بالإبتسامة والرقص انها كمن تضع مساحيق التجميل لتخفي عيباً في وجهها اما هي فتخفي جروح قلبها وهذا الجرح الغائر داخل روحها .
تأكل بشهية تفتقدها من زمن يمر بخاطرها تبتسم لماذا ؟ لماذا هو يملك هذا التأثير بالتأكيد ليس الأكثر وسامة ولا الأكثر ذكاءاً ولا الأغني لكن .....به شئ غريب شعور بالراحه بالسعاده ينتابها وهي معه يتوقف عقلها عن التفكير يتوقف الزمن عن الدوران هو فقط من يستطيع فعل ذلك ... ربما لأنه ليس كالآخرين ؟ ربما لأنه يعاملها علي انها شئ مختلف ربما ينبغي الا تعرف سره فيفقد سحره ... تريحها هذه الفكرة تنهي طعامها تستعد للخروج ماتزال لا ترغب في القيادة وخاصة ان موعدها في وسط البلد سيخنقها الزحام بالتأكيد سأركب المترو ، تحزم أمرها تضع نظارتها الشمسية تدير مشغل الأغاني ترفع صوتة لأقصي درجة – ربما الوقت متأخراُ بعض الشئ علي إرتداء النظارة – لكن هكذا تحب ان تكون مختفية لا تزعج نفسها برؤية عشرات الوجوه بكل تعابيرها سماع غوغائهم حكاياهم التي لا تنتهي
تعرف وجهتها جيداً هنا سارت معه عشرات المرات في هذه الشوارع التي يحفظها هو عن ظهر قلب يعشق وسط البلد بسحرها بانماط البشر التي تغويهم ويصبحون مريديها ومرتاديها من محلات ومقاهي وأرصفة
تراه من بعيد تتسع ابتسامتها تنفصل عن ماحولها ويصبح هو وجهتها يعلو صوت فيروز في سمعات أذنها اشتقتلك .. اشتقتلي ... تعرف شو عم بتقولي
تواجهه بابتسامتها ينتبه إليها فيقف مبادلها ابتسامتها تعبر الطريق إلية فتمتلئ عنيه بالشوق – طيب انا عم قولك اشتقتلك اشتقتلك ( صوت فيروز ) – تعلو وجهه فجاه نظره غريبة تحاول فهمها تستمر في السير ، ينظر للإتجاه الأخر في رعب تحاول إستيعابه تنظر إلي حيث ينظر انها......انها سيارة قادمة نحوها بسرعه يحاول السائق ان يتفاداها لكنها عبرت فجأه امامة , يرتفع صوتة كلالالالالالالالالالا
........................... يتبع

39 قالوا رأيهم:

فاتيما

يا خرابى على ام الدهولة و الجرجرة اللى مجرجراهلنا وراكى دى ...
يا بنتى شوقتينى أعرف الباقى
و ابطال قصتك كانوا بيعملوا إيه حدانا فى وسط البلد ؟!!
طب كانوا يقولوا إنهم تبعك
و إحنا نوقفلهم الشوارع كلها لخاطر عيونك
و كمان فيروز ...و غنوة إشتقتلك اللى بموت فيها
لأ بقى ... دنتى قاصدة تاخدى قلبى معاكى
يا اميرة البنات كلهم
أسلوبك تحفة
و بجد الحكاية حلوة و تشد
منتظرة الجزء التالى
خالص حبى يا كتكوتة

عاشقه وغلبانه

اهئ اهئ اهئ

ده انا كنت مبسوطه ومزاجي عالي وبسمع عايده الايوبي وبضحك لما البطله بتبتسم وعايشه المود ع الاخر
جيت في الاخر وعنيا برقت من الخضه وسمعت صوت فرامل العربيه
اهئ اهئ

هاموت ولا ايه
دي اول زياره تموتيني....؟؟؟

!!! عارفة ... مش عارف ليه

كل جزء يصبح أكثر إثارة مما سبقة
وأكثر غنى .. لكني أعتقد أن هذا العمل الأدبي يأخذ منحنى آخر غير ما قدمتيه من قبل فأشعر من خلاله بأن هناك صنعة وحبكة درامية ... في إنتظار مزيدك


تحياتي
وليد

romansy

على فكره بقى انا قريت التئام روح من اول جزء علشان لاسف كنت مش متابعها بس عاقولك ان فيها حزن عمره ما بيخلى الروح تلتئم ابدا دا بيزود الجروح وبعدين بعد ما رجعتيلها الابتسامه والسعاده على وشها والبسمه ترجع ليها من جديد بمجرد انها تسمع صوته وفى الاخر اتمنى انها تقابل حبيبها اللى بيصبرها على صعوبات الحياه

ريمان

يالخرااااشى


ما كنا كويسييييييييييين

ايه اللى حصل فى الاخر ده

لالالالالالالالالالالالالا


العربيه خبطتها ولا لسه؟

يادى النيله

منتظرين الجزء الجاى وبشغف

رائعه يا ميرا


تسلم اديكى حبيبتى


امواااااااااااااه

سوبيا

انا شفت الفيلم ده فين قبل كده............
استني مش بتكلم عن القصة
مش عارفه هاتفتكري الجملة دي ولا لا
فكري
لسه
طب فكري تاني

لسه برده
خلاص
فالمترو
انا وصلت اخيرا
متأخر اينعم
بس احسن من مفيش

بالنوسبة للقصة بأة
انا شفت اول سطرين
وبعدين


انا جيت من الاول للأخر
علشان اقراها كلها

بس بجد اسلوبك فيه
تشويق
وخطفتنيا وقطعتني نفسي فالاحداث
وهديتيني وفرحتنيني
وسمعتيني فيروز
يعني كان ناقص كوباية سوبيا
واعيش الدنيا بمبي
وبعدين لبستيني فعربية
ينفع كده

متشوقين للجزء الجديد
بسرعة بأه

ما تتقبليش مروري كده
وشوفي هاعمل ايه

سلام

الضاحكون

غاوية بهدلة وشحططة
من يومك ههههههههه
بجد اسلوب وسرد للاحداث قمة فى المتعة
رومانسية افتقدناهاكثيرا فى رتم الحياة السريع
فى انتظار المزيد يا عزيزتى
تحياتى
خالد همس الاحباب

صاحب المضيفة

اسلوبك رقيق في السرد بجد


ومشوق بالفعل لاكمالها جيدا


تحياتي

مدحت محمد

مستنيين تجاربك

فتوح أبو المفاتيح

عجيب
ولكنه خليط من هذا وتلك
شروق فغروب وامواج وانطلاق بحرية وسط الجميع فلا انتظار و لا مراقبة ولا شئ سوى ما حولنا
خير
محدش عارف الخير فين

رئـــــيسـة حزب الأحلام

ادة دة كنت مبسوط لها اوى وهى راحة الميعاد حرام عليكى ايه اللى حصل اوعى تكون العربيه خبطتها عرفتى تاخدينا معاكى داخل القصة الى الامام
بس جميلة جميلة جميلة
من غير مجاملة

MǿиY El-Shreef

يااااااااااااااااه

ليه كده الذل ده

بليييز كمليها .. ع فكرة انا افتكرت ادهم صبري بكل ايام عذابي ف حبه

بليييززز كملي متابعه اوووي يا ميرا

micheal

حاسس أن العربية خبطتها
ما هو ده اللي ناقص بعد جو القبور والرعب اللي عاملاه فينا
:)
في انتظار الباقي يا ميرا
تحياتي

دعاء مواجهات

اوعى ياميرا تقوللى انها ماتت

بجد تبقى بتهرجى يابنتى

دى صدمة تصدميهالنا بردو

انا منتظرة الباقى بفاارغ الصبر

بيس ياقمر

==========


ملحوظة:: بتكتبى حلو اوى يابنت انتى

قوس قزح

عجبنى سردك لتفاصيل القصة
و عجبنى ان احداثها بتخلى الواحد متشوق انه يعرف اكتر

بس انا مش خايفة عليها من الموت
لسببين
اولا وسط البلد مفيش حد بيجرى فيها فاكيد الخبطة مش هتكون جامدة اوى كده
ثانيا مفيش بطل بيموت فى اول الفيلم :)

مستنية اعرف مين مريم !!!

Shimaa Esmail

الأستاذة صاحبة مدونة / امرأة بعقل رجل.
" تحية طيبة" وبعد..
اعتذر عن الخروج من موضوع التدوينة، ولكنني ليس لدي أي وسيلة لمراسلتك فلم تشيري لبريدكم الإلكتروني عبر المدونة، أرجو من سيادتك مراسلتي عبر بريدي الإلكتروني shimoo_771@yahoo.com توضح فيها بريدك الإلكتروني واسم المدونة حتى يمكنني مراسلتك ذلك لأنه وقع الاختيار على مدونتكم كأحد مفردات العينة المختارة من مجتمع المدونات المصرية والتي أسعى لجمع بيانات ومعلومات عنها واللازمة لرسالتي المسجلة بقسم المكتبات والمعلومات والوثائق، كلية الآداب، جامعة القاهرة تحت عنوان "المدونات المصرية على الشبكة العنكبوتية العالمية مصدراُ للمعلومات: دراسة تحليلية " من إعدادي "شيماء إسماعيل عباس" وتحت إشراف الأستاذة الدكتورة "يسرية عبد الحليم زايد" أستاذ المكتبات والمعلومات بالقسم.
أرجو الاهتمام والرد سريعا ومراسلتي لمعرفة مدي موافقتك أم لا على الإجابة عن استمارة استقصاء البيانات – استبيان- عن المدونات المصرية.
تحياتي وتقديري
شيماء إسماعيل
باحثة بالماجستير- كلية الآداب جامعة القاهرة.

Shimaa Esmail

الأستاذة صاحبة مدونة / امرأة بعقل رجل.
" تحية طيبة" وبعد..
" تحية طيبة" وبعد..
اعتذر عن الخروج من موضوع التدوينة، لقد أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية.
أرجو الاهتمام والرد سريعا بالموافقة أو الرفض.
تحياتي وتقديري.
شيماء إسماعيل
باحثة بالماجستير- كلية الآداب جامعة القاهرة.

Mahmoud Ibrahim

دي أول مرة أزور مدونتك .. بجد هايله

أنا عرفت ليه بعقل رجل

وأكيد هكون متابع جيد لكلماتك

إلي اللقا

Beram ElMasry

السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

طوبه فضه وطوبه دهب

اسلوبك بجد جميل اوى تسلم ايدك وهنستنى باقى القصه ما تتاخريش علينا يا قمر

Unknown

ان شاء الله سيتم اصدار كتاب قصة حب سرية للكاتب عمرو الجندى مع بدايات شهر ابريل ان شاء الله

مع شكر خاص لطاقم العمل

اللينك
http://www.amralgendy.blogspot.com/



http://www.facebook.com/inbox/readmessage.php?t=71789721807&mbox_pos=0#/topic.php?uid=45243591058&topic=7688

متمنين التوفيق للجميع

Unknown

ماشاء الله على طريقة السرد

انا متشوق بجد اعرف البقية وبلاش كده بقى :)

ذو الوجه المبتسم

السلام عليكم
اسلوبك القصصي جميل وشيق
تقبلى تحياتى

hasona

السلام عليكم

أسلوبك ممتع

وننتظر الباقي

غير معرف

ميرا
صديقتى العزيزة

أوحشتنى أنت وكل الاصدقاء

أجازة ثانية وتبقى عشرة وسأخرج بإذن الله عسى يمرو على خير

مررت لأسلم وسأعود

تحيتى

micheal

يا ميرا..أنتي فين؟؟؟؟

غير معرف

ميرا

قرأت الأجزاء الثلاثة

ولكم أستمتعت بها

رغم أن الحكاية مازال بها من التشويق ما يغرى بالمزيد الإ أن الواحدة تكفى وتثرى ربما اسلوبك الحازم

هذا وصفى لك

وسأوضح أكثر

فى أغلب كتاباتك تتجهين دوما لما يسمى الموضوع المفتوح المغلق
هذه منى أيضا فأنا أعشق التناقض وأبحث عنه

عامة ما أقصدة أن موضوعاتك دوما مفتوحة تحتمل المزيد والمزيد ولا تنتهى ولكنك تميلين دوما لأنهاء القصة بصورة ترضى غرور القارئ وتعطيك الفرصة إن أردت اكمالها
لك قلم نابض بقوة قوى الإسلوب رائق الأداء غزير المعانى يميل للصراحة المكبوته بقلة الإفصاح هذه المميزات
ربما لا أرى عيوبا ولكن .............

فى انتظارك دوما

تحيتى وتقديرى

كراكيب

ايه ده بقىىىىىىى
لالالا مبحبش كدة انا
وهنعرف الباقي امتى حضرتك بقى؟
ننجز بقى.. ماشي.. طيب.. اوكي؟؟
انا بقولك اهو

اول مرة اجي هنا
قريت الـ3 اجزاء.. اسلوبك حلو اوي
بس فيها حاجة لو اخدتي إنتر بين كل سطر وسطر لحسن السطور لازقة ف بعضها وجالي هبولي وانا بقراها

ماتتأخريش علينا بالباقي بقى.. ماشي؟؟

miro el niro kwaniro

محمد عتلم

حلوه القصه اوى
انا مستنى الباقى عشان اعلق على الموضوع كله على بعضه

غير معرف

إلى مدوني مصر الأحرار
السيد الفاضل صاحب مدونة / امرأة بعقل رجل

تحية طيبة وبعد

شباب مصر الأوفياء
أمل الحرية وبناة المستقبل
ندعوكم للمشاركة معنا في
التحالف الوطني ضد التزوير
تحالف يضم كافة القوى الوطنية الموجودة على الساحة المصرية
نهدف إلى فضح وتوثيق كافة أشكال التزوير التي تتم في الانتخابات المصرية
نهدف لنشر الوعي الانتخابي وثقافة المشاركة و مبدءا المساواة والحرية
ندعوكم للمشاركة معنا بالإدلاء بشهادتكم و أرائكم حول تزوير الانتخابات وما هو منشور
ندعوا كل صاحب كلمة حرة للتعبير معنا عن رأيه في هذا الداء وطرح صور للدواء
ندعوا كل شريف حر يستطيع مساعدتنا للمشاركة معنا بما لدية من إمكانيات ومواهب ووقت
و نرجوا منكم المساهمة معنا في نشر إعلانات الموقع والجروب والقناة على مدوناتكم الشخصية في سبيل نشر الحق والعدل ومن باب المشاركة في التوعية والتوثيق لحقيقة هذا النظام المزور لإرادة الشعب
نرجوا ممن يضع الإعلان لدية إبلاغنا عبر أيميل الموقع لوضع أسم موقعة او مدونتة ضمن قائمة المواقع الصديقة لدينا
شاكرين لكم حسن تعاونكم معنا

موقعنا www.sgelalmozwreen.com سجل المزورين

لتحميل إعلانات الموقع هنا
http://sgelalmozwreen.com/images/e3lan-1.gif
أو
http://sgelalmozwreen.com/images/e3lan-2.gif
أو
http://sgelalmozwreen.com/images/e3lan-3.gif

لتحميل إعلانات قناة سجل المزورين على اليوتيوب
رابط القناة http://www.youtube.com/Sgelalmozwreen

الاعلانات
http://sgelalmozwreen.com/uploads/you tube.jpg
أو
http://sgelalmozwreen.com/images/1.gif
أو
http://sgelalmozwreen.com/images/1%5C%27%5C%27%20copy.gif
أو
ولتحميل إعلان جروب الفيس بوك
رابط الجروب http://www.facebook.com/group.php?gid=57329097688
الاعلانات
http://sgelalmozwreen.com/images/11%5C%27%5C%27.gif
والسلام عليكم ورحمة الله وبركاته
سجل المزورين

rtrcbh

السلام عليكم ورحمه الله وبركاته

السادة الأفاضل زوار مدونتي الأعزاء ، أساتذتي الفضلاء ، إخوتي من المدونين والمدونات ،أصدقائي الأعزاء
تحية طيبة وبعد
أتشرف بدعوتكم اليوم إلى زيارة مدونتي ( مدونة ادم ويحيى ) وذلك بصفتكم أحد الشركاء الأساسين فيها بآرائكم وتعليقاتكم على موضوعاتها وزيارتكم لها
لحضور ندوة بعنوان

( ادم ويحيى ، تجربة تدوين )

اليوم هو استفتاء على تجربة تدوين

اليوم نعرف من هو أبو يحيى وادم وكذلك ادم ويحيى من هم ومن والدتهم

اليوم نعرف حقيقة هذه المدونة وما هي رسالتها الحقيقة وهدفها

اليوم رسالة اعتذار لكم عن بعض الأمور

اليوم رسالة شكر من كل قلبي على أمور أخرى

اليوم استفتاء حول منهج مدونة ادم ويحيى

اليوم هو رسالة منكم لي حول ما طالعتموه بيوم من الأيام بهذه المدونة
فأرجوا أن لا تبخلوا على بتعليقكم على هذه ألتدوينه
في انتظار زيارتكم
والسلام عليكم ورحمة الله وبركاته
د/أبو يحيى وادم

S H A H

اسلووب رائع في السرد بجد

تقبلي مروري

ابو المفاصل الواصل

اغنية للبيبى
البيبى عبد الرحمن جانا بالفرحة والامـــل
وبيــه الدنيا فرحــــــت وفرحــنا اكـــــتمل
وفى لفته قــــــــط مقطقط بهيـــــبة جمـــــل
ومهما اتدلع وبكى بالحب والرضا هنحتمل
لان حبه فى قلوبنا اتكلــــــــبش واعتمـــــل

طوبه فضه وطوبه دهب

اين جديدك وحشتينا والله اوى مستنينك

ريمان

ميراااااااااااااااا

انتى فييييييييييين؟

مختفيه ليه

انا قلقانه اوى عليكى


طمنينى عليكى حبيبتى


بقالك كتير مش موجوده ولا هنا ولا ع الميل

يا ترى فى ايه؟


طمنينى حبيبتى

اموااااااااااه

بحبك اوى

كراكيب

وبعدين بقىىىىىىىىىىىىىى
هنعرف بقيت الاحداث في الجنة واللا ايه

لا كدة ما ينفعش نشد حيلنا بقى علشان ما ازعلش
تؤ
اللـــــه

miro el niro kwaniro

micheal

لأ..كده مينفعش
أنتي فين؟؟؟؟

7azem

i like it so much

continue i am waiting.

أحمد سعيد

تزداد القصة غموض

أيتها الجميلة

أسلوبك كان رائعاً في وصف حبها له

مشاعر الحب والشوق

ربنا يسعدك يارب .


أروح بسرعة أقرا الجزء الأخير .

نيجووووووووووور .

Siguiente Anterior Inicio