20

بيني وبينك يقف انت


هل كانت هذه بداية ؟؟ أتسائل ربما نعم ربما كلا ، ربما انتهينا قبل أن نبدأ. ربما لم يأن الآوان بعد.................

رجل ذو وجهين ليس النفاق بل هو الإذدواج تحيا من وجهتين نظر بعالمين متناقضين يرغبني احدهما ويرفضني الآخر وهكذا بيني وبينك يقف آخر هو أنت

كم حاولت التسلل إلي عالم هذا الآخر ؟؟

كم حاولت احتوائة ؟ إستيعابه ؟

مجرد السماح لي بالتعرف علية ؟

لكنك أبيت واستعصمت بك مني , وهذا ما حصلت عليه .. نصف عقل ، نصف قلب ، نصف حب وأنصاف أخري

أرهقتني .. أستنزفت مشاعري وأفكاري وانا يوماً كل الأشياء ويوم أخر لا شئ

عندما تقبل علي بـ أنت تهب علي نسمات الربيع ، تذهر أزهاري وتورق شجراتي ، وتغني عصافير غابتي أناشيد الحب  ترفرف حولي سعادة المحبين كم نبقي علي هذه الحال ؟؟؟؟

يوم  أو بعض يوم ؟ تذيد أو تقل كيف للايام أن تحسب لي وانا في ظل رجل يقول أحبك بكل لغات العالم ، بكل الطرق الممكنة والغير ممكنه.

يأتي حاملا باقة زهور من كل بقاع الأرض ، يصحبني لنسير علي القمر نعدو فوق الغيوم ، نسهر نراقب نجمة الشمال وتقبلنا مودعه عند شروق الشمس.

كل هذا وأكثر يمر كحلم ثم ما تلبث أن تحل عواصف الشتاء ، يحتلك الآخر أحتلالاً فتدير لي ظهرك وكأنك لا تعرفي لا تآبه بي ، فقط تمضي لتظلم أيامي وتغشاها البرودة والوحدة ، اتحامل وأتجلد ليل الشتاء الطويل الموحش بالوحدة ينهشني فيه الإنتظار نهشاً , علي أمل ان تعود حاملا الربيع وزهوراً برية.

لكن لكل شئ نهاية ... وهكذا نفذ رصيد الصبر لدي فهاجمت هذا الآخر في عقر داره مطالبة بحقي في الوجود علي خارطة رجل أحبة وأريده ، ان أعيد ترسيم الحدود بيني وبينه  لكن كيف أحارب من هو منك ؟؟ كان علي أن أدرك انها ليست معركتي , ليس القرار قراري ، هكذا انهزمت.




20 قالوا رأيهم:

kareem azmy

رائعة كلماتك يا ميرا

و رائعة فكرة الازدواجية التي يعانها منها من يحبك و تحبيه

قلمك رائع حقا

تحياتي لك

samy

ميرا بتتأخرى علينا

بس الموضوع جميل حقيقى

انا اقدر افهم عاوزة تقولى اية

لما حد يحب حد بس بيحب حاجات وحاجات

لان لو حبيت بتحبة على بعضة لان مفيش حد كامل

وازاى ان انتى حبيت الجانبين بمحاولة توفيق


علشان مطولش

هى جميلة قوى

شكرا

MoHaMed AhMeD

لن تكون ماهى أعتى منكى فى النساء ، قوية أنتى رائعة أنتى نبضك صدى كلماتك حسك هوى الأهواء وبينك وبين الألف والياء كلمات جميلة وأشياء
محمد أحمد القوسى ناراً بلا رماد

هوبتي

هي حلوة يا ميرا بس مش عارفه ليه عندي احساس ان انا شوفتها قبل كده في حته مش عارفه ليه

بس ربنا يوفقك بجد وهي حلوة قوي

آخر أيام الخريف

مدهشة زى ما عودتينا يا وومن

فاتيما

يا رقتك يا ميرا

يا اميرة

يا ست البناااااات


هقولك ايه بس ؟؟

يكونشى جوزائى البرج ؟؟
آه اتنين ف بعض يا ماما

الله مع بطلة قصتك
بس أصلا فيه سخصيات كدا للأسف
الرقة و العنف
الحب و الصد
القوة و الضعف
و الحاجة و نقيضها
نصيحة ؟؟

لو بتحبه .. وتصبر
لحد ما أنت دا .. يدرك مدى نفوذها
و يلاقى مفيش فايدة من المقاومة و يتعايش مع التقسيم
الشرق قلبى الجديد بتاعك دا

هههه
الله على تعبيراتك الحلوة
يا ميرا

يا حبيبتىىىىىىىىى


تفاصيل سفر اسكنكرية اتحدد عند خالد

روحى شوفى و قولى لماما

و اعملى حسابك تبقى رقم
اربعة ف القايمة ..مااااااااشى ؟؟

طواااايب

بوسات و حضونات حتى تاريخه

و بحبك قوى

نور الدين

رائعة جدا ياميرا
بعض الاشياء لانملك امامها إلا المشاهدة
وبعض الرجال كالرياح وكالماء ينعش وجودنا وحياتنا لكن يستحيل أن نغلق عليه قبضتنا
تحياتى لك
...
نورالدين

Tarkieb

ركزي على الجزء اللي بيحبك وعايزك وسيبك من التاني الوحسش لانه لو الاولاني اللي بيحبك كبر وذاد ح يتولى القيادة اما دلوقتي فمتعادلين ...بجد فكرتها جميلة اووووي

ميرا ( وومن )

كريم عزمي
--------

ميرسي يا كريم ده بعض ما عندكم ، الإذدواجية رائعه كفكرة لكنها مجهدة كمعايشة فعلية

تقبل خالص تحياتي

-------------------------------------
Samy
----

سامي مبسوطة انه عجبك كلامك فعلا ممكن يكون صح

بس انا بتكلم عن حالة من الإذدواجية موجودة فعلا

منورني

-----------------------------------

MoHaMed AhMeD
-------------

أ/ محمد كل مرة تعليق حضرتك بيذيدني تقة في نفسي ووجود حضرتك وتشجيعك بيسعدني

خالص تحياتي ومودتي

أحمد سعيد

هو لا يهرب منكِ حبيبتي

بل يهرب إليكِ

يبتعد لخوفه عليكِ

نصفي الأول يعطيكِ الورود

ونصفي الآخر يخطفها منكِ؛

حتى لا تجرحك شوكاتها.

نصف ينظر إليكِ بوله

وعندما يجد أشجارك مورقة

وسماء قلبك صافية


يخاف أن يكون سبباً في تبديل كل هذا الجمال..

فيبتعد

ويظل يناجي طيفك

حاملاً دموعه في قارورة مدفونه بقلبه

يكتم ألمه بعيداً عنكِ

يذهب ليذبح نفسه على مذبح العشق

يمنحك الحياة.


**********************

ميرا..

إنتِ إيه يا بنتي

الإحساس

والرقة


والنهاية المنطقية.

لو يحبك حقاً

سيعشقك كل اجزاءه

ولن تجدي أي نصف يكن لكِ غير الحب .


أتمناكِ بخير .


أحمد

ميرا ( وومن )

هوبتي
----
مش عارفة والله انا عن نفسي أول مرة اقراها وانا بكتبها إمبارح

عموما ممكن تعملي سيرش ولو لقتيها في مكان تاني قوليلي

يمكن في حد بيكتب زي أو أفكارة شبة افكاري ودة شئ كويس

تحياتي
-----------------------------------

آخر أيام الخريف
---------------

اهلا اهلا بالجميلة اللي وحشاني كتير

الروعة دي بعض مما عندكم ودي مش مجاملة علي فكرة

منوراني

-----------------------------------

فاتيما
------
الله عليكي أنتي مش مصدقة طمطم معلقة عندي ومنورة مدونتي بكلامها السكر

انتي تجنني يا طمطم هو فعلا برج الجوزاء ، وبدون الجوزاء في شخصيات فعلا مذدوجة

وبطلة قصتي مش هاينفع تصبر الحكاية خلصت من زمان وهي عرفت غلطتها متأخر

ومش فاضل غير الذكري

------------
بطوطي بالنسبة لموضوع إسكندرية مش هاقدر بسبب المعاد لأنة مش مناسب ليا وانتي عارفة الشغل وأحكامة إن شاء الله اشوفك قريب

ميرا ( وومن )

نور الدين
---------

أهلا بك نور الدين ومرحبا لعودتك لصفحة تعليقاتي

صدقت يا نور بعض الرجال كالماء والهواء وهم لا يعدون عن كونهم رحلة لمدينة ساحلية نستنشق هوائها ونغتسل في مائها ومانلبث ان نعود لدفء بيوتنا وأستقرارها

ومع ذلك فقد أستطعت ترويض أعاصير رياحة

وشطرت نفسي شطرين لأكون شاطئين يحتويان مائة

وصنعت من قلبي جسراً يعبر مني إلي عليه

وهزمتني نصيحة صادقة لم تكن تصلح لي

ميرا ( وومن )

Tarkieb
-------

المشكلة يا تركيبة إن المحاولات في التمسك بنص بس صعبة ومجده والإستيلاء علي نص تاني ده محتاج مجهود تاني

خالص تحياتي ومودتي

-------------------------------------

أحمد سعيد
--------

لو كذلك ما كان الأمر بمثل هذه الصعوبة

تعليقك جامد جداً وعادة انك ترد علي البوست بتاعي ببوست تاني بقت بتخليني عاوزة انشر تعليقك تحتية

منور يا أحمد

الشنكوتي الكبير

ملهمتي قاتلتي
انا لن انكر ما قلت
بل انك بكلامك قد عبرت
عن سر يكمن في صدري منه تعثرت
مولاتي كنت في محرابي احيا بهدوء
لا اطمع من دنيا المرأه سوى ان تتركني لحالي بهدوء
لكنك ابدا لم ترضي
غجرية بشعر ذهبي
ترقص على نغم مجنون
يزعجني صراخك ومجونك
اخرج لأحطم اسنانك
وعصاي الوح في وجهك
لكني سقطت
وعشقت الوجه
والجسد الفائر يتوهج في حر الشمس
وخرجت اهرول خلفك مثل الطفل
لكني احيانا اشعر اني صبئت
وتركت حياتي وهدوئي
محرابي تهدم من يوم رحلت
فاصب عليك لعناتي
احتقر واحتقر ذاتي
لا انكر اني اعشقك
لكني نصفي قديس
والنصف الأخر ولهان
فلترضي بنصفي يا امراتي
فالنصف الأخر ليس اليك


============================


تحياتي يا مدمره

سلاااااااااااااااام
اخوكي ايهاب

صيدلانيه طالعه نازله

كده يا ميرا بتزمى فى الجوزاء انت و الست فاتيما هانم
بس لو نتكلم بصراحه بقى
يا ويل اللى يحب جوزائى او جوزائيه
حيقضى اللى باقى من عمره بيحاول يفهم و برضه مش حيفهم
ربنا يكون فى عون البطله
و على فكره الوجهين اللى بيظهروا دول مبيبقوش بايدنا و الله يا مرمر
بس هيا طبيعه برج

momken

اه ما اصعب الحب

دائما ياتى عكس ما تشتهى نفوس العشاق

لكن التمسى لبطل كلامتك العذر ياسيدتى فنحن جميعا نعيش فى مجتمع يتباهى بالغموض ويفرح بكل ماهو غريب واحيانا شاذ

لكن شكواك فريده وهو مطلب مشروع ان تنال المحبه كل قلب حبيبها
وكل عقل حبيبها وكل الشخصيات التى تتحرك بين جنبات حبيبها حبيبها

دمتى فى منتهى السعاده والحب

تحياتى

Timo..

عارفة يا ميرا..
العنوان لوحدة كفاية قوووي..
"بيني وبينك يقف انت"
عنوان يحتاج لوقفة..
احساس البوست جميييل رغم ما به من
الـ(لا) حالةو مش عارف ليه البوست اخدني لاغنية اصالة "نص حالة"..!!

"واللى عشنا العمر نحلم بيه نلاقيه..
بين ايدينا ولسه بندور عليه..!!
زى كدبة عايشة جواها الصراحة..!!
نص ضحكة..
نص فرحة..
نص راحة..!!"

ميرا ( وومن )

الشنكوتي الكبير
---------------
يا إيهاب يا اخويا تعليقاتك الفظيعة دي بتحطني في حيرة شديدة

بجد بيصعب عليا تفضل مجرد تعليقات لآنها فعلا وبدون مجاملة ومبالغة احسن من البوست نفسة

قولي بجد انت ما بتاخد نسخ من التعليقات دي ؟؟؟

بجد وجودك وتعليقك بيسعدني جداً

خالص تحياتي ومودتي

-----------------------------------

صيدلانيه طالعه نازله
-------------------

يالولو فين الزم دة بس ؟؟؟ هو احنا جبنا حاجة من عندنا
مش الجوزائيين مذدوجين ؟؟

بنفتري عليهم يعني ؟؟ هه

بس عموما انا مبحبش الإنسان اللي علي وتيرة واحد او سهل تتوقعي رد فعلة

أنتم ديماً متجددين ودي ميزة ومش مهم نفهم المهم نعرف ونتعامل ولا ايه يا لولو

منوراااااااااني

ميرا ( وومن )

momken
-------
هكذا جاء تعليقك شافياً وافياً

نعم علها تلتمس له العذر عليها تعيد الكرة

عليها تدافع عنه ضده بقناعه انه حقها

تحياتي لمرورك دمت بخير

-----------------------------------

Timo..

اهلا بعودتك لصفحة التعليقات :)

هي فعلا لا حالة فلا هي استحوذت علي من تحب ولا هي ابتعدت عنه

كوننا نقف في الـا حالة يمزقنا ويؤرقنا ونود لو عبرنا لإحدي الحالتين وننهي كل شئ

تحياتي ومودتي

Alaa Salim - علاء سالم

دايماً متميزه في كتاباتك وأسلوبك الجميل
تحياتي لقلمك المبدع

Siguiente Anterior Inicio