11

حالة اللاحالة

 ليالي الحلمية
كلمات سيد حجاب

منين بيجي الشجن.. من اختلاف الزمن
ومنين بيجي الهوى.. من ائتلاف الهوى
ومنين بيجي السواد.. من الطمع والعناد
ومنين بيجي الرضا ..من الايمان بالقضا

من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار
يعود غريب الدار لـ أهل وسكن

ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع


ولفين ياخدنا الأنين
لليالي ما الهاش عينين
ولفين ياخدنا الحنين
لواحةالحيرانين

ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا

ولفين ياخدنا الأنين
لليالي ما الهاش عينين
ولفين ياخدناالحنين
لواحة الحيرانين
----------------------------
علي الهامش


نفسي اقدر أطفي الشوق ليك

نفسي أقطع حبل الحنين إليك

نفسي أطفي نور الحلم بيك

نفسي ليلة متونسش بيك

ولا غمض عيوني علي صوت حكاويك

ولا أصحي علي ابتسامتك

ولا أزرعك أمل علي شباكي

ولا أرسمك شروق لضلمة ليلي

ولا أكتبك غناوي وأدندنك

ولا أستناك

ولا اعشقك

نفسي اقدر بس أبطل اعيش بيك


11 قالوا رأيهم:

Ramy

السلامو عليكو

ازيك اخبارك اية؟

اولا اغنية ليالى الحلمية

غير انها من الأغانى المتفوقة فى زمن عز فية التفوق

غير أنها بتفكرنى بمسلسل وكاتب احبهم

غير انها لمغنى جميل

هى بتفكرنى بطفلتى بجد فى حاجات تسمعيها تفتكرى انت وصغيرة دى بقى من الحاجات اللى بتفكرنى لما كنت صغير غريب صح (:

نيجى بقى لأبداعك انتى

طبعا كلمات جميلة جدا برغم بسطتها لكن قوية التعبير وتوصل انتى عاوزة تقولى اية

نفسى أقدر بس أبطل أعيش بيك

دة حقيقى دى بقى الصعوبة الحقيقية فى الموضوع

تسلم ايدك بالتوفيق دايماأن شاء الله

هوبتي

انتي اختري ليالي الحلمية وانا بحبها قوي قوي قوي بجد

adel

لسه كنت بسمعها هي و اغلب تترات مسلسلات اسامة انور عكاشة
الله يرحمه

بسمه عبدالباسط

لما دخلت عندك تهت أفتكرت أنى دخلت عندى عشان الأستايل
:))))))

------------------------

نفسي اقدر بس أبطل اعيش بيك

عارفة الواحد لما يوصل أنه يعيش بحد صعب يبطل يعيش بيه ودى أصعب حاجة

صيدلانيه طالعه نازله

ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع

الجزء ده من زمااااان قوى و انا بحبه و باحس اما بسمعه ان دموعى بتتسرسب من عينيا لوحدها

اختيارك جميل

اما كلامك انتى بقى فمش عارفه اعلق عليه
بس اللى انتى شايفه انه صح ياريت تعمليه

نور الدين (محمد الجيزاوى)

الاغنية دى جميلة جدا دايما كنت برددها
..
كلماتك كمان ياميرا بسيطة ومعبرة
الحل فى الإرادة فط
تخياتى لك ميرا

آخر أيام الخريف

ميرا متألقة كالعادة ... حلوة بجد

ميرا ( وومن )

سامي

ليالي الحملية من أهم المسلسلات اللي أثرت فينا وأحنا اطفال رمضان زمان والعيلة واللمه

والأغنية دي بالذات بحبها بشكل مش طبيعي

--------
بالنسبه لكلماتي فعلا الصعوبة الحقيقة أنك تبطل تعيش بحد بقي هو كل حياتك

منور يا سامي

----------------------------------
هوبتي

وانا كمان بحبها قوي قوي قوي ميسوطة انها عجبتك منوراني بجد

---------------------------------

adel

عادل أسامة أنور عكاشة ملوش مسلسل تترة مش قد كدة

كلهم بحبهم جداً وكل تتر منهم حاله خاصة جداً

منور يا أبن اختي :)

ميرا ( وومن )

بسمة عبد الباسط

حمد الله علي السلامة في الأول منوره المدونة

ههههههه علي فكرة نفس اللي حصلي أول ماروحت مدونتك لما رجعتي نورتيها من تاني

مش بس صعب يبطل يعيش بيه ... لا كمان صعب يفتكر كان عايش قبلة أزاي

مودتي ومحبتي

-----------------------------------

صيدلانيه طالعه نازله

ده فعلا أصعب جزء في الأغنية بحسة قوي يا علا

بحس انه بيوجعني

--------
كلامي بقي انا نفسي مش عارفة اعلق لروحي عليه

ربنا يسهل
منوراني بجد

----------------------------------
نور الدين

أهلا ومرحبا بنور الدين

الاغنية دي بالذات أخترتها لأن ليها ذكري في قلب كل واحد فينا

اما بخصوص كلماتي فهل الإرادة حل لفك أسرك من شخص أصبح كل شريان حياتك ؟؟

أتمناك دوماً بخير تحياتي

ميرا ( وومن )

آخر أيام الخريف

منورة كالعادة وليكي وحشة متبقيش تتاخري علينا

بفرح لما بشوف تعليقك

غير معرف

الله الله متميزة بأختيارتك ورجعتى الماضى اللى أنطوى وسط الهموم و أصبتنى رعشة شوق لماضى سحيق جميل لياليكى ليالينا ليالى الحلمية

محترفة أبداع أنتى ، مرموقة المقامات أنتى
عاشقة التميز أنتى .

من ثم خاطرتك .
الرجل الذى تحبه المرأة بقوة لابد أن يعشقها للأبد ويسيرا نحو الحب معاً وأن يعملا على أن يعيش الحب وأن يقدر الرجل حب المرأة مهما كانت مقاديره وأن يجعلها تاجاً على جبينه .

من الرجال من يعرف حب المرأة يجعل لها العمر فداء .

و الحب عند المرأة نار مقدّسة ، لا تشتعل أمام الأصنام


القوسى نــاراً بلا رماد

Siguiente Anterior Inicio