5

يا تاجاتك يا رامي ... تاج ماذا تقرأ


من أرسل لك الدعوة ؟
هو مفيش غيره رامي صاحب مدونة بابي
خليك فاكرها يارامي :)
أي خدمة صباح التشريد :))

ما هى كُتب الطفولة التى بقيت عالقة فى ذاكرتك
مممممممممممم كتب كتير بصراحة طبعا سوبر ميكي اللي كنت مدمناها
سمير وماجد ودانة حبية قلبي
قصص الأنبياء
وكان في سلسلة قصصية كدة مش فاكرة اسمها كانت للاطفال
بس فاكرة كل القصص اللي قرتها فيها
وتخيلوا بقي كل كتب القراءة بتاعه ابتدائي :)

أهم الكُتاب الذين قرأت لهم ؟
لا كتير بصراحة ومش هاقدر أكتبهم كلهم
بس اهمهم تشارلز ديكنز
آنا سويل
شكسبير
تولستوي
إيميلي برونتي
جابرييل جارسيا ماركيز
إحسان عبد القدوس
أنيس منصور
بهاء طاهر
محمود السعدني
هو معظم قراءتي كانت في الأدب الأنجليزي والروسي وكنت بقول لروحي معظم الروايات العربية
اتعملت أفلام ومسلسلات فمفيش داعي اقراها بقي
لحد ما بالصدفة ( هي في الحقيقة صدفة مبحبش أفتكرها لانها مقدمة واحدة من أكبر إحباطاتي ) وقعت في ايدي ثلاثية نجيب محفوظ واكتشفت
ان كان فايتني كتييييييييير

من هم الكُتاب الذين قررت ألا تقرأ لهم مجدداً؟
للأسف معظم الكتابات اللي معجبتنيش هي لكتاب معاصرين
معظمهم من الشباب لكن بقول ان عذرهم أن دي بدايات
وهما محتاجين تجاربهم الحياتية تتعمق أكثر
يمكن مع الوقت طبعاً تبان عبقريتهم أو تتشكل كتباتهم بس
سابولي أنطباع سئ فعلا

فى صحراء قاحلة أى الكتب تحمل معك؟
القرآن الكريم
الكتاب المقدس
كل كتب آنيس منصور
كل روايات نجيب محفوظ
كل روايات احلام مستغانمي

من هو الكاتب الذى لم تقرأ له أبداً و تتمنى قراءة كتبه؟
لا كتاب كتير خصوصا أني زي ماقولت كنت مركزة في الادب الغربي عموما
علشان كدة حاطة قايمة لمشروع القراءة بتاعي بعد ما توقفت فترة طويل
عن القراءة
علي رأسهم الرائعه احلام مستغانمي

ما هى قائمة كُتبك المفضلة
ممممممم فضلت افكر واكتشفت اني معنديش كتب مفضلة
انا شخصية لا تملك تفضيلات
لا لون مفضل – ولا أكلة مفضلة – ولا كتب مفضلة
يمكن علشان مبحبش ارتبط بحاجة او علشان مبحبش الروتين والتعود
يمكن علشان الأتنين
لكن لو هافضل كتاب  هايكون رواية أسمها شاهندة لـ راشد عبد الله النعيمي
أظن انها رواية لم تأخذ حقها خصوصاً انها أول رواية إماراتية
أنصح بقرائتها

ما هى الكتب التى تقرأها الأن؟
حالياً بقرأ حكايات المدندش للروائي أحمد الشيخ
وهي واحدة من خماسيتة وفي الحقيقة لو مكونتش شوفت الجزء الأول منها
الناس في كفر عسكر مسلسل يمكن مكونتش قدرت استوعب كتير من تفاصيل
الرواية خصوصاً ان طريقة السرد فيها مختلفة وبترصد بحرفية
التغيرات التي طرأت علي المجتمع الريفي علي خلفية
الخلاف بين اولاد عوف أصحاب الأرض الأصليين
واولاد شلبي الذين يمكن تشبيههم بالغزاه

أرسل الدعوة لأربعة مدونين لأجل مشاركتنا بذكرياتهم مع القراءة
ههههههههههههه هو دة السؤال اللي انا منتظراة مش من عادتي
ادبس حد في تاجات بس المرة دي عاوزة ابقي شريرة
ممممممممممممممممم مين ؟ ..... مين يا ميراااااااا
منونة وفاتيما فلتوا خلاص رامي سبقني ودبسهم
مممممممممممممممم
طيب
صفاء جلال مدونة عصفور في الأسر
أحمد سعيد ( نيجر ) مدونة نيجر
موناليزا مدونة أمة الله
و................
د. دهوبة مدونة طوبة دهب وطوبة فضة
مونا ودهوبة بجد مستنية إجابتكم

5 قالوا رأيهم:

Ramy

((: ((:

دة احنا نكلمك بالروسى بقا (:(:

بس عارفة القراية غير الفيلم خااالص

بس يمكن انا عكسك شوية انا شوفت أغلبية الأعمال الأدابية الأوربية أفلام (:

و أية يا ستى الوطنية دى القرأن الكريم و الكتاب المقدس (:

طيب

الكتاب او القصة الى نصحتى بيها

بأذن الله انزل القاهرة كدة و أشتريها و اقراها و هقولك رأيى

اللى هى شاهندة

طبعا التيجان دى تحت شعار

دبسنى شكرا (:(:

عقبال التدبيسة اللى جاية بأذن الله

بجد كنت مبسوط جدا جدا انا و بقراها يا ميرا

صدقينى كنت لسة على بالى

و كنت هزورك و اسأل غايبة ليه (:

ربنا يوفقك دايما

(:

ميرا ( وومن )

Ramy

ههههههههههههه بلاش الروسي انت عارف قلبنا مصر علشان نلاقي حد بيعلمة موصلناش لحاجة

وانا صغيرة يا رامي كنت مدمنة افلام أبيض واسود وكنت باخد بالي من المؤلف وكونها كانت رواية ولا لاء

بالنسبة لرواية شاهندة مش عارفة هي في السوق ولا لاء هي برضة وصلتني بالصدفة لما اخويا نزل سور الأزبيكة واشتري مجموعة كتب قديمة وكان فيهم كتاب في مذكرات السيدة ام كلثوم وباقية الرواية دي وبصراحة معرفتش أنها من ادب الرواد غير وانا بكتب البوست لاني عملت عليها سيرش

وبالنسبة للكتاب المقدس أنا عندي رغبة اني أقراه من وانا في إعداي لكن مجتش فرصة لما هاروح الصحراء بقي هاتبقي فرصة عمري اني اقراه بتأني

ميرسي بجد علي التاج يارامي لاني فرحت بيه واستمتعت جداً وانا بجاوب عليه

Ramy

شكرا على ايه بس

عفوا (:


انت تأمورى اى تدبيسة جية معايا علطول (:

(:

غير معرف

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

Alaasalim2

السلام عليكم

تاج جميل وإجابات أجمل
:)

Siguiente Anterior Inicio