9

وطن في بلاد الغربة

كنت دائما عاشقة للسفر والترحال أعيش بأحلام الرحالة الذين جابوا العالم من أقصاه لأقصاه أحيا علي الأرض بقلب نسر يحلم يوما بأن يحطم كل قيوده ويرفرف في الهواء ليري العالم من بعيد أو لأن الغربة المكانية كانت تهون علي كثيرا من إحساسي بغربتي النفسية لذا كثيرا ما كنت ألفق الأسباب التي تدعوني للرحيل أتشبث بأي سبب يجعلني اركب أول أتوبيس أو قطار وأتغرب مؤقتا كنت منذ زمن توقفت عن هذا الترحال بعد أن جبت معظم المحافظات الساحلية وكل مدن محافظتي حتى جاءت هذا الدعوة الكريمة من شخصية سأعتبرها أكرم شخص عرفته علي الإطلاق رفضتها أول مرة لأسباب عملي لكنها أعادت الدعوة فحركت داخلي حبي للترحال فرتبت الأمر في عقلي وأخذت قراري بأني قادمة خاصة واني لم أزر محافظات الدلتا من قبل وكل معلوماتي عنها أسمائها التي أقرئها أثناء ركوبي قطار الإسكندرية .
جمعت كل المعلومات التي تلزمني رتبت موعد الذهاب والعودة استيقظت مبكرا عن موعدي وبداخلي فرحة الطفولة البعيدة بالرحلة القادمة ركبت القطار الذي اعشق السفر به وأخذت أراقب الناس في بداية رحلتي بما أني كنت ارتحل مع نفسي ثم انتقلت إلي مراقبة الطريق خشية أن يعكر علي احد الركاب صفو رأسي التي تسبح في الأفكار وأخذت أمر علي المدن واكتشفت أن كل المدن تشبهه مدينتي كلها أصبحت نسخة من المدينة الأم نفس اليافطات الكبيرة المحلات الفارهة عالمات العولمة التي جعلت كل شئ قالب واحد لا يتغير ومررت بأطلال مبني يقف وسط الغابات الأسمنتية الزاحفة علي المدن فخيل إلي انه في زمن جميل بعيد كان قصرا بناه أمير لأميرته .
في المحلة كان موعدي مع أحد المجتمعين ليكون دليلي فإذا بنا نتعرف علي بعضنا البعض بسهولة وكأن بيننا سابق معرفة وبدئنا حديث ودود وتعجبت لحالي أنها أول مرة لا أشعر بالقلق والتوتر مع شخص لا أعرفه ووصل القطار إلي محطته الأخيرة وكانت صاحبة الدعوي في استقبالي فتكرر نفس الشئ معها نتحدث وكأننا منذ زمن أصدقاء وفي الاجتماع تعرفت علي الجميع وكنت لأول مرة أنا ,أنا التي لا يعرفها غيري بدون قناع واختفي إحساسي بالغربة ليحل محلة إحساس آخر إحساس بالوطن بان تقابل من يشبهونك أناس يجمعك بهم نفس الحلم ونفس الهم ونفس الهاجس علي الرغم من اختلاف أعمارنا ومدننا التي قدمنا منها واتجاهاتنا الفكرية والسياسية إلا أن الحوار الجميل الهادف المهذب الراقي الذي دار بيننا كان حلما في زمن اختفي منه الحوار وحل مكانه الصراخ .
كانت المنصورة هي شهادة ميلاد وطني فعشقت المنصورة وأدركت أنى دائما ما عشقت ارض هذا الوطن وتبددت أحلامي في الرحيل لأني سأرحل للوطن .

9 قالوا رأيهم:

طارق الغنام

الرائعة وومن
غشت معك بعض رحلاتك ولم اشك لحظة فى رقتك كأمراءة ولا فى عقلك كرجل ولا فى كلاماتك كرائعة ومبدعة
وكقاصة من اجمل مايكون
سعدت بمعرفى مدونتك الرائعة ولى زيارات متكررة واتمنى دوام التواصل
ودمتى متألقة

محمد مارو

انا بتاع المحله اللى ذكرتيه بقولك نورتينا فى المنصورة و فى اجتماعنا الشهرى

و كلى املى انك تكونى مبسوطه من رحلتك معانا زى ما كنا مبسوطين بوجودك وسطنا

اما عن صاحبه الدعوه فهى كريمه و هى ام المدونين بالرغم من صغر سنها

من عندك هنا بطلق عليها ام المدونين

هى ديما بتلم شمل المدونين
الزعلانين بتصالحهم البعيد بتقربه
بجد هى رائعه انها بطه بطوط ربنا يكرمها

عبدالرحمن ياسين

حجزت المقعد الأمامي
معلش أصل نظري ضعيف ههعهعهعهعهعهع

أنا بحجز بس ..هقرأ وهرجع

عبدالرحمن ياسين

الله الله ..........
بجد بجد ...كلا مأكثر من رائع ...دي أول مرة أقرأ كلام بهذا الشكل ...والله دي مش مجاملة ...
بجد بجد ...مدونة حلوة جدا جدا ...
والمنصورة نورت بحضرتك .....
أخ ..معلش ..والمنصورة نورت بيكي ...
تحياتي لكي ...
ودمتم دائما بخير

بنت الاسلام

ميرا يا امورة والله احنا استمتعنا جدااا بوجودك معانا وفعلا نفس الاحساس حسينا بيه كاننا نعرفك من زمان ربنا يديم المحبة بينا وتنورينا دايما بوجود المميز معانا

وياريت تقبليني اخت ليكي

اتشرف بيها


ولو عاوزاني ماما مايضرش

عشان مانزعلش مارو بس

تحياتي ياقمر

Hosam Yahia حسام يحى

ماشاء الله مدونه جميله

نتنمنى لكى السعاده فى وطنك الجديد

appy

ايه ده بجد انا عرفت انتى قابلتى مين وكان المفروض اجى بس الظروف بقى
ان شاء الله مرة تانيه اجى واشوفك او اجيلك اى لخبطه يعنى

المهم كلنا قلبنا واحد وبلدنا واحدة ومش ممكن نحس بالغربه جواها لاننا اصلنا طيب
وعلى فكرة انا كنت بعمل رحلات اسبوعيه للمحافظات بس بقالى فترة قاعده لظروف الشغل حلو اننا نشوف بلدنا بعنينا ده هيربطنا بيها اكتر

ammar

سلامو عليكو الاول :
هى القصه دى فى مصر ؟
ولا فين ؟
هههههههههههههههه
انا باهزر طبعا
وطبعا قرات تعليق مارو
انتى يعنى متخيله انك لما ماتذكريش اسمه فى الموضوع هو هايسكت مثلا
هههههههههه
ولا تزعل ياعم مارو
ده مش بس كده
ده جاب بطه فى الموضوع كمان
ولاتزعل ياعم مارو
خلينا فى المهم :
البوست طريقه روائيه جميله جدا
والمنصورة اكيد نورت بحضرتك وبكل المدونين والمدونات اللى شرفونا
وبتوع المحله كمان نورونا
ولاتزعل ياعم مارو
ههههههههههههههههههه
تحياتى

nosha

ربنا يديم المحبة والمعروف بين كل المدونين الأصدقاء والأحباء والإخوات يارب وخاصة أهل المنصورة والمحلة ودمياط ويجمعنا دايماً في كل خير وسلامة ونكون مع بعض وقريبين من بعض طول عمرنا لإننا إحنا المستقبل وإحنا اللي لازم نحب بعض ونخاف على بعض بجد ونكون دايماً جنب بعض في المحن والأزمات قبل الفرح والأعياد

Siguiente Anterior Inicio