45

الحذاء وسنوات طفولتي

- من فضلك أريد هذا الموديل
- أسف يا آنسة مقاسك مش موجود
- ماذا عن هذا الموديل ؟
- برضة مش موجود
- طب هذا ؟
يتحرك من أمامي ويشير إلي مجموعة من الأحذية
- هذه هي المجموعة التي يوجد بها مقاسات الأطفال
أطفال! ( بالطبع كان يقصد أكبر مقاسات الأطفال ) كانت هذه الجملة كفيلة بإرسالي إلي رحلة طويلة لسنوات طفولتي التي قلما أعود إليها , كنت قد قررت أن أضيف إلي جدولي اليومي المرهق والمزدحم موعداً أخر بعد أن قرأت تدوينه علي أحدي المدونات اللي بحبها ينبه فيها كاتبها لضرورة انتباه الآنسات إلي أحذيتهم التي قد تشوه أناقتهن وكنت أكتب التعليق وأنا أشعر بغصة في حلقي وأنظر إلي الصابوه ( الشبشب ) الذي بالقطع لا يتناسب مع البنطلون الكلاسيك الذي أرتديه وأقراء تعليق احدي المدونات اللي برضة بحبها لتذكرني أن انشغالي بالامتحانات فوت علي موعدي الأسبوعي لعمل البادكير الخاص بي فأشعر بغصة أخري لذا لازم التحرك الفوري وشراء الحذاء , وتذكري لنصيحة احدي المدونين علي مدونة برضة بحبها في إرشاداته لشراء الحذاء التي كان أهمها شراء الحذاء في نهاية اليوم حتى تكون القدم قد ازداد حجمها فيكون الحذاء مريحا في الصباح , كنت منذ فترة قد تجاهلت هذه النصيحة واستغليت يوم أجازتي واشتريت حذاء عملي مناسب للعمل ولجدولي المزدحم جداً لكنة قام بتعذيبي علي مدار أيام وأنا ألتمس له الأعذار بأنه جديد ولم يتشكل علي قدمي وكنت أهون علي نفسي بأني لست مضطرة لأرتداءه كل يوم لأنه يتناسب مع ملابس بعينها وكانت الطامة الكبرى عندما تحديته تحدي سافر وعاقبته بارتدائي له طوال اليوم فكانت النتيجة أني اضطريت للارتداء الصابوه وتضميد جراح أكثر من أصبع لقدمي حتى خيل لبعض زملائي بالجامعة أني قد تعرضت لحادث .
اخترت احدي موديلات الأطفال وذهبت لتجربتها وأنا في بداية رحلتي لطفولتي كنت قد ولدت في بيت عائلة ومن لا يعرف بيوت العائلة فهي تعني عدد كبير من الأطفال في نفس السن يرتدون نفس الملابس ويذهبون لنفس المدرسة ( ليشكلوا عصابة صغيرة تتنافس مع العصابات الأخرى علي مناطق نفوذها في الفناء المدرسي ) وفي هذه الحالة لا يكون للنوع فرقاً مهما المهم أن تكون فرداً فاعل في عصابتك أقصد عائلتك , كنت في هذه المرحلة أتفوق علي إخوتي في الأسرة أو العائلة بمقاس حذائي الكبير كنت أرتدي مقاس أخي الذي يكبرني بثلاث سنوات ثم تفوقت علية كنت الوحيدة في فصلي التي أغير مقاسي كل 6 أشهر مما يعني أني كنت أحصل علي حذاء جديد للمدرسة مرتين في السنة كان هذا سببا كافياً لأكون موقع غيرة وحقد إخوتي وزملائي في المدرسة وكان هذا الأمر يقلق والدتي كثيرا خشيت أن اكسر قاعدة العائلة وأكون أول فتاة بقدم كبير حتى أنها ذكرت أمامي أن اليابانيين يضعون قدم الفتاه في حذاء من الخشب أو الحديد عندما تصل لمقاس معين فالقدم الصغيرة عندهم مقياس للجمال – علي ما يبدو أنها كانت تلمح إلي أن هناك دماء يابانية بالعائلة – وكانت الفكرة تجول بخاطرها واغلب ظني أن ما منعها من تنفيذها هي استحالة العثور علي حذاء خشبي في مصر .
أتذكر أني انتقلت من مقاس الأطفال إلي مقاس الآنسات وأنا في الحادية عشر وشهد هذا العام تحولا ت كثيرة طرأت علي ففي نفس العام طالت قامتي كثيرا وأصبحت أطول أخوتي متفوقة علي شقيقي الأكبر وشقيقتي التوءم وأثنين من أبناء خالي وأثنين من أبناء عمتي في نفس سني وتنبأ الجميع لي باني سأكون فارعة الطول وقد كنت من بين أشقائي الأطول والأثقل وزنا والأقل حركة وكنت أتقدمهم جميعا في مراحل النمو فمازال الجميع يذكر أني أول من تحدث وأول من سار علي قدميه وأول من قام بتبديل أسنانه في وقت يعتبر قياسي لتأتي الأعوام التي بعدها وتخيب أمل الجميع فقد توقف نموي عند هذا العام وتحولت من فتاة كسولة قليلة الحركة والكلام لشعلة من النشاط والحركة وقدرة علي التحدث لساعات دون توقف لا أدري كيف ؟ وشهدت أنا إخوتي من نفس الجيل والجيل الذي يليه والجيل الذي يليه وهم يمرون بمرحلة تطورهم في وقتها الطبيعي ويتفوقون هم علي بمراحل لأفقد أنا صدارتي ومحط أنظار الجميع –ولأثبت لهم أن الدماء اليابانية مازالت بخير في العائلة وهي صفة التصقت بي منذ المرحلة الثانوية وحتى نهاية تخرجي من الجامعة – وحتى وأنا الآن في منتصف العقد الثالث من عمري مازالت أعامل معاملة الأطفال والمراهقات من قبل الغرباء ومن لا يعرفني وكأن الحياة تعاقبني علي تعجلي الغير مقصود غريبة هي أيامنا تعطينا طفولة مليئة بالآمال والتنبوءات تجعلنا نتعجل المستقبل لتعطينا شباباً مخيباً لآمالنا مجهول مستقبلة لنظل دائما غير متأكدين مما سيحدث غداً .
ملحوظة :-
كتبت هذه التدوين بعد أن أيقظتني صديقتي العزيزة من غيبوبة نوم لتنفق علي موعدنا غدا بالمكتبة المركزية ونظراً لأننا في الساعات الأولي من الصباح فهذا يعني أن موعدي معها اليوم وفي محاولة يائسة للعودة للنوم حاولت أن اخرج هذه الزنة من رأسي وغالبا هي تأثير ضغط الأمتحانات.

45 قالوا رأيهم:

nosha

العزيزة إمرأة بعقل رجل
موضوع لذيذ ومكن يحصل لأي بنوتة في سن حضرتك وأقل من سنك كمان
وطبيعة الأحوال إن أحجام البنات بتبدأ تاخد مسارها الطبيعي بعد سن معين بيختلف من بنت للتانية وأعتقد إنك تقريباً من كتر النشاط والحيوبة اللي إنتي فيها (ما شاء الله يعني)فأعتقد إنك نسيتي تحسي بالتغيير في مقاس رجلك
تحياتي ليكي

nosha

نسيت أقول إني أول تعليق أهو وحصرياً قبل أي حد

غير معرف

الحمد لله انى اول من يعلق

السلام عليكم قبل كل شئ

انا شفت مدونتك دى عند مدون صديق لفت نظرى اسمها امرأة بعقل رجل ولسة مطلعتش من قضية كبيرة بخصوص المرأة والرجل قلت ادخل يمكن استفيد

المهم خاب ظنى لما لقيت المدونة قصصية فى الحقيقة اتصدمت كنت بتمنى اشوف بمدونة بتتكلم عن المرأة والرجل فى مجتمعنا

لكن

طبعا فرحت اكتر لما لقيت نتاج قصصى بالغزارة والكثافة والجمال دة قدرة كبيرة على السرد وروعة فى الاسلوب وكمان تعبير وصورة جميلة

انا قريت كتير مثلا
رجل المترو عم سعيد
والحذاء وسنوات طفولتى
وحبيبى الى ذكراك
وحاجات تانى

المهم مش هطول فى التعليق لانى وانا بكتب واحد دخل خد التعليق الاول منى

تحياتى

غير معرف

السلام عليكم

اسمحيلى الاول اقول لنوشا

انا صاحب اول تعليق بس اتأخرت فى النشر

مش دى مشكلتنا المهم

ان القصص بتاعتك جميلة جدا

تحياتى

الاديب العاشق

عرفة فاروق السيوطى

حسام يحى

ماشاء الله طول عمرك متميزه


حتى فى الاحذيه


ربنا يحفظك ويعينك


ياااااارب

Empress appy

ميرا يا قمر الليالى عارفه وانا بفكركم افتكرت بس مش هقولك اكتر من كده بس فيه حاجه بما اننا بنشتغل ووقت بيكون صعب بحاول بقدر الامكان اعمل الحاجات دى فى البيت يعنى جايبه كل المعدات الممكنه واللى بنستخدمها فى البيوتى سنتر وبستخدمها يوم جمعه يوم اكون مروحه بدرى وفاضيه
اما موضوع اليابان فده شوفته وبجد تحفه وان شاء الله لما اجيب بنوته هعمل كده
على العلم انى مقاس رجلى نونو برضه بس مش قوى هههههههههههههه
بس موضوع ماروو بجد تحفه وفى الجون بأمانه بس لو الناس فهمته صح انه بينبه ومش بينتقد لمجرد الانتقاد
وابقى فكرنى اجيب لكى شوز السندريلا ههههههههههه

Unknown

عودا حميدا ميرا
حرمتنا امتحاناتك من موضوعاتك المتميزة لكن الحمد لله انك مقدرتيش تستيجيى لضغوط الامتحانات وطلعتى لنا الموضوع دا
انا كنت دايما اسمع مقولة راحة الجسم تبدأ من القدمين وجمال المرأة يبدأ من حذائها وكنت باستخف بالكلام دا او لا اهتم به
لكن كلامتك الرائعة اللى طبعا بتحكى واقعة بصورة ادبية رجعتنى افكر فى المقولات دى تانى كل التوفيق فى الامتحانات وترجعى بسرعة لمدوناتك ميرا تحياتى

بنت الاسلام

ميرااااااااااااا

وحشتيييينا ووحشتنا تدويناااااااتك

موضوع مارو واضح انه اثر فيكي كتيررررر


بس فعلا طفولة غريبة

نمووووووووو

كسسسسسسسسل

وفجاة

تغير للنقييييييض

واعتقد انه نقيض افضل

خرجلنا ميرا الامورة

تحياتي ياقمر

كوارث

وانا " حبيت " المدونة ده
الموضوع لذيذ جدًا واسلبوك حلو واكتر حاجه عجبتني الفصحىىىىىىىىى
طبعًا التجريح ده مشكلة الحذاء الجديد للكل .. الحذاء اللي ما بيدجرحش بيبقى حذاتء محترم قوي او مش محترم خالص !
والحمد لله على النعمة الطول
آي نعم اصحابه بيعانوا من قعدة الميكروباصات وفروع الشجر وبتاع بس برضه هيبه !
وربنا يوفقك في امتحاناتك باذن الله

Unknown

ايه ده رائع اسلوبك يا ميرا
ابقى طمنينا عاملة ايه فى الامتحانات

تقبلى تحياتى

mohammed alsha3r

السلام عليكم ياأمراه بعقل رجل

انا حسيت ان المدونين سابوا الدنيا وما فيها ومش لاقيين غير الاحذيه يتكلموا عنها

بس اتضح لي ان الامر جد مهم جدا

بس ياميرا ايام الطفوله دى ايام لا تنسى


تحياتى

NIDAAL .R

انا داخل مخصوص علشان اسألك ايه سر التسمية امرأة بعقل رجل
او انتى قصدتى بيها ايه ؟
شكلنا هنعلن الحرب عن قريب يا رجال !!
و النسبة بقى للرؤجلين الى بتكبر دى
و الله الواحد مش عارف يعمل ايه مع الناس دى
الرجل تبقى صغيرة يقولوا يا أبنى كل و أتخن علشان ابو رجل مسلوخة ما يكلكش
الرجل تبقى كبيرة يقولوا ايه ده ؟ حطوها فى قالب خشب
ده على اساس انها اسطمبة
ولا ايه
تحياتى
نضال

ميرا ( وومن )

نوشة
كويس ان الموضوع عجبك وطلع لذيذ ومعاك جايزة اول تعليق
وتاني تعليق برضة

******************************
أ / عرفة فاروق
معلش خيرها في غيرها وعموما تالت ورابع تعليق مش وحش برضة وزيارتك شرفتني جدا وياريت متكونش الأخيرة ويوسع في وقتك وتقرالي
*****************************
عمر
قول لحسام اني بسلم علية وشكرا علي مرورك وخلي بالك من الأحذية بتاعتك
*****************************
آبي
يا جميلة كلنا نفكر بعض مش مشكلة المشكلة اني منين الاقي نص ساعه اقعد افرش العدة في البيت ربنا يسهل وخلص الأمتحانات
****************************
د / عبد الخالق
كويس ان تدونيتي كانت سبب في ان ناس تصدق أهمية الحذاء وعلي فكرة يا دكتور مش مهم للبنات بس لا وللرجالة كمان متنساش الراجل الشيك بيبان من جزمتة
ههههههههههههههههههههههه

ميرا ( وومن )

بطوط
انتي كمان وحشاني موت والله بس بجد اللي كان يشوفني وانا صغيرة مكنش يصدق خالص

********************************
كوارث
أول زيارة يا أهلا وسهلا

*******************************
هيثم
الأمتحانات كويسة والحمد لله بس متنسوناش من صالح دعائكم

*******************************
الشاعر
شوفت بقي الموضوع كبير كبير وممكن لو كتبنا في كتخصص نكتب بوستين تلاتة
*******************************
نضال
حتي انت يا نضال مش كفاية كلام في الموضوع ده انا اتهريت
وعموما دقوا طبول الحرب انا لها
بس انت ادعيلي

محمد مارو

ميرا المرموره الاموره

الحمد لله ان البوست بتاعى جاب نتيجه يا مرموره

يا ميرا انتى لما شوفتك كان الشوز بتاعك تحفه

يعنى كده كده قمر

و كمان مش احنا اقفنا نعمل مدونه عن فنون الشياكه و الاتيكيت ؟

بس يا ريت تجيب واحد يعلمنى الاتيكيت اصلى مش بعرفه ههههههههههههه
تحياتى يا مرموره

و شرف عظيم لى انك تجيبى سيرتى عندك

Soooo

ههههههههههههههههه

والله العظيم انتي عسل

حواراتك وكلامك عن العائله والعصابات دي فكرتني باللي بيعملو بنات اخويا وقرايبهم .. فعلا عصابات بجد

بس انا مش فاهم انتي متضايقه من ايه .. يابنتي ده انتي كده عسوله قوي .. كفايه انك ساعة لما جيتي تروحي يوم حفلة توقيع كتاب مدونات للجيب .. احد اللي كانو قاعدين كان فاكرك لسه في ثانوي وكان فرحان جدا ان في حد صغير كده ومهتم بالتدوين

طب دي نقطه في صالحك


وربنا يوفقك في امتحاناتك ويوفقك في حياتك كلها يارب .. وتلاقي جزمة اطفالي شكلها شيك



سلاموووووووووز

Soooo

تعليق تاني

انتي في وسط كل الاحداث اللي بتحصل في الحياه .. مافيش اي حاجه تغيظ عشان تكتبيها في المدونه التانيه الغلبانه يابنتي

اقولك .. خلصي امتحاناتك وليكي عندي عشرميت موقف مش يغيظو وبس .. دول يموتو من الغيظ

يلا قومي ذاكري



سلامووووووووووز

rtrcbh

السلام عليكم
اخيــــــــــــــــــــــراً
شهر كامل يا ومن فرق بين الموضوعين
وتقولى لى فينك وزورنا دايما
ههههههههههههه
عموما ربنا يوفقك اعلم انها فترة امتحانات
ربنا يوفقك يارب
احساس الطفوله هو لدى كل منا على مدار سنوات عمرة
تتذكرى اغنية بولا بولا ؟؟؟؟
اخر مرة سمعتيها متى ؟؟؟

حمادة زيدان

ميرا


بصراحة بعد كل هذه الغيبة كنت أنتظر قصة جميلة أستمتع بقرأتها ... ولكنني فوجئت بهذا الموضوع


واحشتنا القصص بتاعتك ... مطوليش الغيبة

ميرا ( وومن )

مارو
الموضوع بتاعك جالي علي الجرح وخصوصا اني طول عمري باخد بالي من شوزي
ومدونتك تأتي علي قمة المدونات اللي بحبها
ومشروع المدونة طبعا قائم بس اخلص امتحانات وعندي حد ممتاز يعلمك الكتاكيت اللي بتقول علية دة

***************************
سووووووووووو
ميرسي علي زوقك بس حكاية انى في ثانوي دي هاتعملي عقدة محدش مقدر يعني ايه ابقي في السن ده والناس تقولي يا امورة ولا ياشطرة زي العيال الصغيرين
وبالنوسبة للمدون اللي فرحان بمدونين ثانوي طمنة جدا مدونين الدلتا فيهم اصغر مدون في مصر في 3 إعدادي عبد الرحمن صاحب مدونة انا المصري ومدون متميز جدا وكمان حسام يحي 16 سنه صاحب مدونة صوت الحرية
****************************
سوووووووو تاني مرة
طبعا في حاجات كتير ومن اخر مرة كنت علي حاجات تغيظ غيرت المرارة مرتين تلاتة بس الأمتحانات بقي

ميرا ( وومن )

أبو يحي
يا هلا يا هلا
طب انا وليا العذر بمتحن ومزنوقة بين الشغل والمذاكرة انت بقي عذرك ايه
مرورك الكريم دائما ما يسعدني
********************************
حمادة
مش عاوزاك تضايق خالص القصص بعد الأمتحانات بس دي تقدر تعتبرها تهييسه ومبتهيئليش انها تهييسه وحشة
ولا ايه

رئيس جمهوريه نفسى

اجمل ما فى التدوينه ذكرياتك عن الطفوله واهميت الحذاء الى الناس بتعتبره حاجه والسلام وتقول هو مين حينزل يبص لتحت بمستوى نظرة
شفتى اخرة الاستعجال فى النمو اديكى وقفتى لوكنتى مشيتى بالراحه

Abd-Alrahman

هههههههه
مش عارف اقولك اية يا ميرا بجد
بس بوست جامد جدا
طاع من مراحل الطفولة علي مراحل الطول علي مراحل الاحذيه
ههههههههه

بس والله يابنتي انتي غلبانة موووت

بس تلاقي دة جزاتك عشان انتي كنتي
عضو فعال في العصابة بتاعتك
قصدي في العيله بتاعك
منتي كنتي اكبر رجلين ساعتها

هههههههههههههههههههههههه

ربنا معاكي يا قمر
صحيح بعد كدة ابقي روحي محلات الكيدز
عشان بعد كدة محدش يتريق عليكي
او متتعبيش في القياس
ههههههههههههه

بس الصراحة بوست دمة خفيف اوي
ربنا معاكي

ميرا ( وومن )

رئيس جمهورية نفسي
بتفكرني ليه بس بالإستعجال عموما انا دايما مستعجلة ولما طق حاجة في دماغي بعملها بس بجد ندمت قوي اني استعجلت اكبر

****************************
عبد الرحمن
حمد الله هلي السلامة
كويس ان البوست بتاعي طلع دمه خفيف حاجة كدة تخفف من المتحانات شوية
ومن ناحية العصابة فالحكاية مكنتش بالمقاس بس عموما انا كنت ومازلت العقل المدبر والرجل ال 14
ههههههههههههههههههه

sun_of_freedom

السلام عليكم

اختى امراة بعقل رجل
دى اول زيارة ليكى واسال الله التواصل معكى .....

براعه فى الالسلوب وخاصه ان اتجاهك كان يشعرنى بدفء الحوار معكى ( حاجات بنانيتى بقا )
اكيد هنتقابل تانى وثالث واتمنى التعارف اكثر عليكى


وبالنسبه لموضوع الحذاء والله يا اختى

فى حاجه


لو فى نشاط طتير وحيوية وشغل وكدا يبقا الشوز ( الكوتشي بيكون افضل )

لكن بالنسبه للصابوه دا بيكون فى المناسبات والاماكن خفيفه الحركة
وخصوصا موضوع الكعب العالي دا ممكن يكون شئ مش كويس لينا
بس عارفه

عامه انا افضل الكوتشي عن الصابو .....ز رغم غنى بحس بضيق في الموضوع ا علشان شياكه واناقه المظهر العام
بس اعمل ايه عمليه انا شويه



لكن اعرف معلومة ان فعلا البنت بيتعرف شخصيتها من شوزها

لو كوتشي يعنى انها نشطه وعمليه
لو صابو اناقه وبرستيج بقا ونظام
ولو لبس الكجول تبقا روشنه
حاجات من دى يعنى

بس فى الاغلب بميل لراحه رجلى والى برتاح فيه عن التفكير فى الاشياء الاخرى لكن بيظل شئ يدايقنى لانى اهم حاجه عندى المظهر والشياكه

لان الاخت المسلمه بتكون ميميزة فى كل شئ .........

بس تعرفي هى فعلا معاناه
هتخلينى افتر معاناتى واعيط


بس يلا
لكن سعيدة بزياترك وضفتك لعندى

تحياتى ممزوجه بآيات من القرآن تنور دربك

tarek alghnam

اختى العزيزة
لاشك اننا جميعا مررنا بنفس المرحلة
ولكنى لم امر بنفس روعة كتاباتك
دائما كتاباتك رائعة
تقبلى تحياتى
ومتعك الله بالحب
وادعوكى لتتعرفى على قصتى مع الفار
فى بيتى فار
اعتقد ان الموضوع يهمك
تحياتى

ميرا ( وومن )

عزيزتي شمس الحرية
حلو قوي الأسم ده
واهلا وسهلا بيكي وشكرا علي إضافتك أسعدتني جدا واوعدك بالزيارة والتواصل ان شاء الله بعد ان تنتهي امتحاناتي
*******************************
طارق الغنام
طبعا كلنا مرينا بالمراحل دي بس حالنا حاليا مش زي ما كنا بنتوقع
ومن عنيا هاروح اشوف بيت الفار بس قولي الأول فين المصيدة
ههههههههههههههه
تحياتي

غير معرف

عقل متفتح لأبعد حدود ..
يغوص القارىء بنسمات الكلمات وهو لايشبع من بعد آنتهائه

ولكن لتكون ثقتك أكبر مما هي عليه الآن

وآستمري فـ انا من سوف يتابعك قصص :)

Hosam Yahia حسام يحيى

ماشاء الله

موضوع جيد

عمر لسه موصلى السلام الوقتى

قلت اخش عندكم اسلم

انا مريت عليه من زمان

وقراته بس جيت اعلق الوقتى عشان

اشمعنا عمر هوا اللى يعلق عندك


سلاااااااااااااااااااااااااااام

ميرا ( وومن )

جنون رجل
أول زيارة
مش عارفة اقولك ايه بس تعليقك بجد أثر فيا قوي ربنا يكرمك يارب
وطبعا متابعة قصصي ده شئ يشرفني

*******************************
حسام
عمر بقي بينسي ولا ايه بعتالك السلام من بدري عموما تيجي متأخر احسن ما متجيش خالص

ألم الجراح

السلام عليكم


اسف لاننى سوف اعلق خارج الموضوع

ولكن هى الحياة

نعيشها يوما بعد يوم

نتمنى ان تنقضى

لننعم فى الاخرة ان شاء الله لنا الفوز بالجنة



مميزة كلماتك اختنا الفاضلة

وتقبلونى ضيفا دائما لمدونتكم المميزة


اخوك

الم الجراح

safa7_karmooz

على فكرة البلوج بتاعتك شدتنى جدا...معرفش ليه...لقيت نفسى بقلب فى كل البوستات من اول بوست لغاية البوست ده...

جميلة ورقيقة برضه ...

بالنسبة للموضوع الشائك ده :D

انا بعانيه برضه وممكن تقولى ازاى يعنى...بس انا من اصحاب المقاسات الكبيرة...ودى اكبر مشكلة لما بنزل بشترى كوتشى او جزمة...بقوله عندك مقاس كذا ...مش بقف واختار :D

بس ساعات حظى بيلعب ويبقى المحل مرزق وعنده مقاسى ...

ااقولك قضيها سليبرز اريح

:)

!!! عارفة ... مش عارف ليه

شكراً على الابتسامة اللي منحتيها لينا بالبوست دا وإن كل واحد قعد يفتش في ذكرياته عن أيام طفولته

الموضوع دا فكرني بمسرحية لنعمان عاشور أسمها عيلة الدوغري وكان في واحد في العيلة دي اسمه "طواف" والراجل دا كانت رجله خارقة للعادة كان مقاسه 96 وسر الربط بين الموضوعين أن اصحابي كانو مسميني طواف علشان رجلي كبيرة حبتين بس مش لدرجة 69 طبعاً ولم يكن من حقي اختيار موديل معين ، كنت باخد الموجود وامشي من سكات

ايه دا انا سرحت ولا ايه معلش الكلام أخدني وطولت اووي وأنا ممدد على الشيزلونج ومعطلك وانت عندك امتحانات

معلش منه لله طواف

تحياتي

Unknown

اول مرة ادخل مدونتك
وماشاء الله رقيقة
واسلوبك حلو بوستك كمان متميز
بالتوفيق يارب

رحاله

ميراااااا
وحشانى اوى
ومعلش مقصرة معاكى
وبروح واجى الاقيكى موهوبه زى ماانتى
شكلك بتضربى كابتشينو طبعا
يلا استمرى وبالتوفيق
تحياااااااااتى ياقمر
جيلى كاستر

ميرا ( وومن )

ألم الجراح
أهلا وسهلا بيك في أي وقت وعلق زي ما انت عاوز جوة الموضوع برة الموضوع علي جنب الموضوع اي حاجة بس المهم تشرفنا بزيارتك
*******************************
سفاح كرموز
ميرسي علي التعليق الجميل دة مش كفايو والله وكمان قريت كل البوستات بجد مش عارفة أقول أية .

ميرا ( وومن )

مش عارف ليه
طبعا انا مرحبتش بيك البوست اللي فات علشان الإمتحانات سامحها الله وبجد مش عارفة اقولك ايه قريت كل البوستات كلها كلها طب انا عاوز تعليق عليها كلها كلها برضة
وبالنوسبة للموضوع الشائك ده
لما ماتلاقيش مقاسك هي هي برضة لما يبقي مقاسك مقاس اطفال
*******************************
نهر الحب
الكلام الجميل ده علشاني ربنا يكرمك يارب وتشرفيني دايما

ميرا ( وومن )

رحالة
انتي كمان وحشااااااااااااني مووووت وفعلا انا بشب كابتشينو كتير عرفتي منين ؟
بس شكلي هاغير للجيلي كاستر روحي استخبي بقي
ههههههههههههههههههههههه

غير معرف

الحوار جميل وفيه لذة مميزة من حيث الافكار المتلاحقة فيه ...

أزورك لأول مرة وأتمناك زائرة لي في مدونتي ..

ريمان

ميرا

ازيك يا قمر

اخيرا

خلصتى امتحانات وفضيتى بقه لمدونتك

يلا يا جميل عايزين شغل كتير

واحنا بنحبك اكيد

وغلاوتك عندنا بتزيد

.......................

ههههههههههههههههههه

شوفتى كلامى كله راكب على بعضه فى سجع

خلى بالك

تحياتى يا قمر

ومتغيبيش عننا

هاااااااااااا

يلا سلام

اختك ريمان

rtrcbh

بيان رقم 3

وبدأت مسيرة الحملة ولن تتوقف بأذن الله حتى نرى ثمارها

(لغتي هويتي)
إلى كل الايجابيين المشاركين معنا ،إلى كل من تعاطف ورحب بحملتنا ولا يعلم ماذا يفعل حان وقت العمل الواجبات العملية 1- أنظر فى مدونتك التي تكتب بها جيدا وحاول ان تجعلها خالية من الألفاظ الأجنبية الغير مطلوبة ولها بدائل عربية جميلة وكذلك المنتديات وتعليقاتك وردودك على المعلقين لديك وأسمك الذى تظهر به المدونة عند التعليق
2- موضوعك القادم بالمدونة أو المنتدى أن شاء الله يكون باللغة العربية قدرالمستطاع فى نفس المجال الذى تكتب به ولمزيد من نشر الحملة يا حبذا لو كان عن اللغة العربية وهذه بعض المواضيع التي اخترناها لك
0 تاريخ اللغة العربية 0 أثر تحول اللغة العربية إلى العامية على الهوية
0 بلاغة اللغة العربية 0 هذه مصطلحات غير عربية يجب الاستغناء عنها
0 مدى تأثير العربية في اللغات الأخرى 0 طرائف ونوادر في اللغة العربية
0 خواطر وأشعار حول اللغة العربية سواء من مكتوبك أو منقولك

3- هذه المواضيع المطروحة ما هي إلا مجرد أفكار لفتح باب التفكير و لك مطلق الحرية في اختيار مواضيع أخرى متعلقة بالأمر نفسه

4- إن قمت بكتابة موضوع بالفعل في الإطار الخاص بالحملة نرجوا إعلامنا به حتى نضع جميعا الرابط الخاص بالموضوع على المدونات ونجمع روابط كل المواضيع المتصلة بالحملة هنا بالمدونة
[Photo] قم بتفعيل الحملة بنشر الرسالة المتفق عليها لدى كل المدونات التي تعرفها وادعوهم للتفاعل معها وأشرح لهم الأسباب والهدف من الحملة
وفقنا الله جميعا وتقبل الله منا ومنكم صالح الأعمال

غير معرف

المستقبل دائماً بيد الله

ولا أحد يعرف كيف سيكون مستقبله

لكن علينا أن نخطط له

وأن ندرس كل النتائج

حتى نصل لما نريد في المستقبل بإذن الله .

ويجب علينا ان نحاول ان نعدل من آمالنا حتى لا نصاب باليأس والأحباط

وأن نحاول أن نطور أمكانياتنا لنصبح أشخاص ذوي قيمة .

ميرا..

ما أروع أسلوبك

وما أجمل الطفولة دائما

تلك السنوات التي نرسم لنا أجمل الطرق

ونسكن قصور الأحلام ونعانق حوريات الجنة .

أسلوبك كان رمزي مختلط بواقعية فريدة .

الجسم والشكل ليس لنا يد بها

ولكن طوحاتنا وأحلامنا ومستقبلنا

يجب ان نتعب ونكد ونتعب لنصل لأحلامنا .

تمنياتي بالتوفيق دائماً .


أخوكِ نيجــر

rtrcbh

السلام عليكم ورحمه الله وبركاته
آختى الكريمة
لما أراك لم تشاركي معنا في حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا إلى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

ميرا ( وومن )

علي
زيارتك اسعدتني وشرفتني تقبل تحياتي

**********************************
ريمان
وحشتيني ووحشتني تعليقاتك وخلاص خلصت امتحانات وفضيتلكم

ميرا ( وومن )

احمد سعيد
كنت أكثر من قرا القصة وفهم مقصدي فشكراً لك علي توضيح وجهه نظري

******************************
د / أبو يحي وأدم
شكراً لدعوتك الكيمة للإنضمام للحملة التي نتشرف جميعاً بالإنضامام إليها ولي عند عتاب فقد عتبت علي تأخري وهذا التأخر لظروف خارجة عن إرادتي
ثانياً : معظم ما اكتب علي المدونة هو باللغة العربية الفصحي وأظن أن الألتزام بها واحدة من اهداف الحملة
تقبل تحياتي

Siguiente Anterior Inicio