44

العصفور الرمادي

في هذا الصباح كنت قد اشتقت إلي رؤية الشمس توجهت للشرفة بالرغم من كراهيتي لهذا المكان حيث أقفاص العصافير التي يحتفظ بها أبي وتغريدها الذي اعتبره أنا طلباً للاستغاثة لا افهم كيف تغرد وهي سجينة ولا افهم ما السعادة التي تضفيها علي أبي في سجن هذه المخلوقات الضعيفة يدافع عن موقفة دائما بقولة انه لو تركهم لن يستطيعوا النجاة خارج هذه الأقفاص - يا له من منطق أناني هل ترك لهم الاختيار ليعرف النتيجة - خرجت إلي الشرفة متجنبة رؤية الأقفاص ووقفت في أحد أركانها ليغمرني هذا النور الصافي وأشعر انه يتخلل جسدي ليجعلني شفافة اللون كان هذا الإحساس كفيلا بأن يغسل داخلي أي هم أو حزن ويتركني في حالة من الصفاء والهدوء الداخلي كنت بحاجة إليه , لكن صياح أحدهم - نعم صياح - جذب أذني وجعلني ألتفت إلية هناك في هذا القفص كان هو عصفور وحيد لا يهدأ ولا يركن إلي السكون مثل بقيتهم يجوب القفص في توتر وربما غضب ويحاول أن يخرج من بين قضبانه تعجبت لحالة ولفت انتباهي انه رمادي اللون لا يشبه باقي العصافير بألوانها المبهجة , تأملته للحظات علها تكون حالة طارئة يمر بها لكنة ظل علي حالة تساءلت بداخلي عن سبب تصرفه الغريب وهويته اقتربت من القفص فرأيت مأكله ومشربه كان واضحا بأنه لم يمسهما منذ أن حل بالقفص فأثار فضولي للدرجة التي دفعتني للبحث عن أبي داخل المنزل ليحل لغز هذا العصفور . استقبلني أبي بابتسامته الهادئة
- أبي ما قصة هذا العصفور من أين أتي ولماذا هو علي هذه الحالة ؟
- عزيزتي أولا هو ليس عصفورا هو فرخ صغير سقط من عشه ووجدته بجوار الشجرة فهو لا يستطيع الطيران خشيت علية أن يجده طفل فيقتله أثناء لهوه به ويبكيه للحظات ويعود ليبحث عن لعبة أخري .
- لماذا لم تعيده إلي عشه فالشجرة قريبة من الشرفة ؟
- لأنة بعيد ولم يبني علي أساس جيد لن يتحمل ثقل يدي سأهدمه لا محالة انظري إلي باقي الأعشاش ستجدينها بنيت علي فروع قوية تتحمل ثقل الأفراخ وهزات الهواء أما هذا العش فبني علي فرع ضعيف لن يمر وقت طويل حتى تأتي رياح الخريف القوية وتزيله بسهولة
ترددت صدي كلمات أبي داخلي مرات ومرات قد مست وترا داخلي لكني عدت إلي العصفور
- لماذا لا يقرب الطعام ولا يهدأ في القفص ؟
- والدته تعوده وتطعمه لا حاجة له بطعامي وشرابي , وكيف يهدأ في القفص عزيزتي وهو من ولد تحت هذه الشمس الحرة ولم يألف قضبان السجن أنظري لحالة لا يكف عن محاولة النفاذ منها.
- ومتى تطلقه أبي ؟
- بعد أن يشتد عودة ويصبح قادر علي الطيران
- اخشي أن يألف الأسر ويركن له ويقتل القفص روحة
- لا أظن من الصعب علي من ولد حرا أن يقبل الآسر خاصة لو كان عصفورا قدرة أن يطير .
تركني أبي ليطعم صغاره كما يحب أن يسميهم وصدي كلماته يدور في راسي أضع خطوطا تحت كلماته وأفكر في حالي وحال العصفور هذا المخلوق الضعيف الذي وضع في الأسر لخطاء أبوية وتسرعهما لم يبنيا العش علي أساس , وأي أساس أبني علية أنا مستقبلي معه.
وحريته التي لا تتعدي أياماً لكنة يدافع عنها بكل ما يملك من قوة أين أنا من هذا العصفور وأنا من عشت سنوات طويلة انعم بهذه الحرية وأتعلم كيف تكون مسئولة كيف أحافظ عليها ماذا فعلت بها ؟ دخلت أنا للقفص باختياري وقبلت أسر سجاني ووضعت حولي القضبان واحداً تلو الأخر بإرادتي قيدت يداي وأرجلي وانتظرت أن يأخذ لي هو قراري ووهمت نفسي بأني سعيدة كيف حدث هذا كيف تنازلت عن حريتي عن نفسي عن أنا وأصبحت ما يريد هو كيف هزمت في أولي معاركي هل كان ينقصني أيمان أو قناعه ؟ كيف قدمت صك حريتي عن طيب خاطر بدون مفاوضات قبلت كل الشروط بدون حقوق أصبحت بنوداً من واجبات لأيام وأيام وأنا أفكر أين الخطأ كيف الخروج من هذا المأزق كيف أستعيد حريتي كيف أعلن الثورة ؟
في هذا الصباح وقف أبي في الشرفة وأنا بجواره لنطلق العصفور ومجرد أن فك أبي قبضته علية ضرب بجناحية الهواء بكل قوته ليرتفع بسرعة ويتجه نحو عشه الصغير حيث والدته التي تنتظره تابعته بنظري كان يعرف ماذا يريد وإلي أين يتجه وأنا إلي أين أتجه ؟

44 قالوا رأيهم:

بنت الاسلام

نعم الي اين انا اتجه؟؟؟

لسنا مكبلين باغلال

ولا محبوسين وراء قضبان

ولكننا عاجزين ان نكون مثل العصفور الصغير

الذي رفض الاسر

وعندما تحرر توجه الي طريقه الذي رسمه لنفسه

اما نحن فاحرار الايادي

ولكننا مكبلين من الداخل

فقدنا الطريق

ولسنا ندري حتي متي سنظل نبحث عنه

رائعة ياميرا

تشبيه اكثر من رائع

دمتي بود

محمد مارو

للاسف احنا احرار مسجونين داخل سجن كبير اسمه سجن الحريه

بجد حلو اوى

و زلان منك ع شان مش شوفتك فى كايرو

مدحت محمد

العصفور ده اعلن ثورته عشان هو عارف عايز ايه


لكن للاسف احنا مش عارفين احنا عايزين ايه

د/عبد الخالق زهران

تحرك العصفور وعرف اتجاهه لانه علم ان الحرية حقه لم يتخلى عنها حتى وهو مكبل خلف قضبان القفص لم يياس ولم يستسلم
وهذا ديدن الاحرار
اما من استكانوا للذل والقهر فمحالا ان يعودا للطير ابدا ولو كانوا نسورا فى السابق

فكرة وكلمات واحساس == ميرا
تحياتى

(IBN_ELAZHAR)

تمااااام وكلامك جميل جدا وبيجسد حقيقه كلنا عايشنها اتكلمي .....

هيثم الدهشان

ياريت لو نتعلم من عصفور صغير ازاى نفضل ندور على حريتنا لحد مانلاقيها

موضوع جميل بس ياريت لو نتعلم منه
تقبلى تحياتى

Soooo

مشكلتنا اننا سجننا نفسنا بنفسنا في نفسنا
حطينا على نفسنا قيود من نفسنا
رضينا على نفسنا انها تعيش متنفسنه

في حين ان العصافير المحبوسه عايشه مش لنفسها .. عايشه لنفسنا


اخرجي من قفصك بنفسك .. ولنفسك


ملحوظه
يابنتي ماهي القصه زي الفل اهي .. امال قعدتي تقولي متلخبطه وفيها حاجات غير الحاجات وبتاع
وعلى فكره .. ليوناردو دافنشي ومايكل انجلو .. ماتو وهم مش راضيين على ولا لوحه من اللي رسموها
فاهمه حاجه؟؟؟




سلامووووووووووز

وومن

بنت الإسلام
قولتي كل اللي انا عاوزة أقولة دايما كدة فهماني
تحياتي

*******************************
محمد مارو
مه يا مارو انا عاوزة أعرف ازاي نخرج من السجن
ومعلش يومها والله خلصت شغل متأخر حد يجي كايرو باليل كدة

********************************
مدحت
تفتكر يادوحة هانعرف عاوزين أية

وومن

د / عبد الخالق
يااااااااااه كل ده أنا كتبتة وأنا معرفش
علي فكرة كلام حضرتك اجمد من القصة نفسها
تحياتي لمرورك الكريم

********************************
أبن الأزهر
مه انا بتكلم اهو

********************************
هيثم الدهشان
ياريت طبعا وعلي فكرة العصفور دة حقيقي فعلا دة درس صغير ممكن نتعلمة من حد زي العصفور

وومن

سوووو
أولا ميرسي علي التعليق الجامد ده
ثانياُ : كويس انك شوفتها كويسة والله يرحمهم ليوناردو ومايكل هما كانوا بيبيعوا ايه
ههههههههههههههههههه
سلام برتقال

mohammed alsha3r

اولا ماشاء الله الاسلوب ادبى وحوارى جميل

يعنى مفهوش ملل

القصه جميله

ويارب يفك اسرنا واسر العصفور

MeDoOoOoOo

أولا القصه حلوه جدا و اسلوبك رائع ثانيا مشكلة سجننا ان احنا كنا آخر ناس قفلت الترباس و رضينا بذل و اهانة الأسر مع ان كان في ايدينا الحرية و بعد كده اعدنا نلطم و نقول احنا اسري ما علينا ان مفهمتش حاجة من الي انا كتبه اصلا المهم البوست الحلو

سلااااااااااااام

ريمان

ازيك يا ميرااااااااااا

ايه يا عسل القصص الحلوة دى

لاء لاء مقدرش ع القصص دى

اصل انا بحب العصافير اوى يا ميرا

كان عندى عصفور من زمان وكنت بحبه اوى

عايزين كده شويه قصص من دة

ما شاء الله عليكى انتى وبطوط جايبين شويه قصص تحفه

الف شكر يا عسل

منتظرين المزيد

وماتزعش يا قمر لانى علقت متأخر

والله ما كنت اعرف
انك عملتى بوست جديد يا سكر

يلا تحياتى ريمان

نشأت عمر

تحياتي وومن اسلوبك جميل نشأت عمر شاعر عامية
nashatomar2000@yahoo.com

ebnmasr

هايلة ومبدعة ومتالقة كالعادة
تحياتى

appy

العصافير يا ميرا وحتى السمك والحيتان عارفه طريقها وحياتها منظمه
انما احنا معندناش طريق نمشى نفسنا عليه
بجد ابدعتى يا بنتى زى كل مرة بجد

Hosam Yahia حسام يحى

عوده موفقه

بقصه جميله احسنتى نتمنى المزيد

:(

ربنا يوفقك فى النتيجه ان شاء الله

وومن

الشاعر
دايما كدة تعليقك مختلف وربنا يسمع ممننا ومنك

*********************************
ميدو
هو أنت كنت مستنيني ألق عندك ولا أية
المهم فهمت اللي عاوز تقولة وهو دة كمان اللي عاوزة اقولة

وومن

ريمان
نفسي مرة أقرالك حاجة من غير ما اجيب كلبنكس او عنيا تدمع
ميرسي ياقمر علي التعليق

**********************************
أبن مصر
يااااه فينك من زمان أيه الغيبة الطويلة دي من زمان معلقتش عندنا

Hosam Yahia حسام يحى

طبعا جيت انا متاخر انا اسف

بس مش احسن من انى مش اجى خالص زى ناس

ولا ايه

:d

وومن

آبي
وحشتيني وحشتيني ويارب نتعلم منهم ويبقي عندنا طريق

وومن

حسام
طب اديك جيت اهلا وسهلا مش تقولي رأيك ايه في القصة ؟

Dr-Abd-Alrahman

موضوع جميل اوي اوي يا بطوط
بجد الحرية جميلة اوي اوي
والحرمان منها وحش اوي اوي
اد اية مشهد جميل لما حد يكون محروم منها وترجع له تاني

علي فكرة ياريت كل الناس تعمل كدة وتسيب العصافير والسمك الي هما حرموه من حريته


شكرا يا بطوط علي البوست الهايل دة
وعلي فكرة كل البوستات بتاعتك جميلة اوي اوي

عبدالرحمن

حمادة زيدان

ميرا

والله يارتني كنت العصفور ... وحاولت أحقق حريتي ... والله أنا محبوس جوة نفسي ومش عارف اخرج منها

وانا بقرا القصة افتكرت حتة جميلة من غنوة لعلى الحجار بيقول فيها

داحنا لو طيور كان يحوشنا صور
او جبال تصد شوقنا ولا موج بحور

جميلة يا ميرا

أحمد سعيد

عزيزتي..

كلنا هذه العصافير

محبوسين

مسجونين

مرة مسجونين عشان المال

مرة معتقلين أنفسنا من أجل المنصب

والأستقرار والأمن والأمان..


الأب هنا هو كل حاكم يُحكم قبضته

على كل مواطن لديه بدعوى أنه يحميهم

وكأنهم لا يعرفون يعيشون من دونه

وكأنهم قُصر لا يستطيعون إتخاذ القرار

(( لكن هذا العصفور الحر ،

أبى ذلك ،

قال له هو لا يريد تلك العيشة .

هو ولد حراً..لن يعيش في ذلك السجن

لا يريد طعامه المسمم بالعبودية

* * * * * * * * * * * * * *

قصتك رمزية..

قوية

أفكارها مرتبة

سلسة .

لكن النهاية فلتت منكِ

بتلك الجمل التقريرية الكثيرة المتمثلة

في حديث البطلة وعن أحلامها .

لكنك تدراكتي ذلك في النهاية الرائعة

والتي تصورين فيها حرية العصفور ،

وأنطلاقه إلى أفاق الحرية .


أتمنالك دوام التوفيق عزيزتي .


أخوكِ دائماً (( نيجـر ))

وومن

عبد الرحمن
حمد الله علي السلامه وميروك انك خلصت الأمتحانات
تاني حاجة بقي هو يمكن لو كل الناس سابت العاصافير والسمك والسلاحف اللي هماحرموهم من حريته هاتبقي حاجة جميلة ولو دة حصل البيت عندنا هايبقي فاضي لأنه قرب يبقي حديقة مفتوحة
بس بجد يا عبد الرحمن وجود الحيوانت الصغيرة دي في البيت بيخليك تتعلم الشفقة والرحمة والحنية والأهتمام بالأخرين

وومن

حمادة زيدان
ياريتنا كلنا عصافير ابلغ امانينا اننا نفرد جناحتنا ونطير

**********************************
أحمد سعيد
بجد برافو يا أحمد أنت كدة حلتلي المعضلة اللي مخلية القصة مش عجباني وبدور فيها علي الخلل
ماشاء الله بتقرا بعين فنان وناقد

!!! عارفة ... مش عارف ليه

زي ما قال حمادة زيدان على لسان الحجار
بس أغنية تانية بيقول فيها

قشة جنب قشة
تبقى أحلى عشة
لا الغصون قليلة
أو ظروفنا حايشة

أهي مشكلتنا في ظروفنا الحايشة دي ، وكتير من العصافير بتفضل مستنية ظروفها ومبتتحركش من مكانها

وفي عصافير تانية يمكن تكون مش كتيرة اوووي بتقدر تغرد خارج السرب
وتتحدى ظروفها الحايشة

ودي اللي بتفوز بالحرية

تحياتي

حسام وريمان فى هاكونا مطاطا (قبل ما نخش ارض العزه )ا

اهلا اهلا ميرا

طبعا مستغربه

لا مش تستغربى

حبينا بس نعلق ونعرفك مدونتنا الجديده وبنقولك مدونتنا تحت الانشاء لسه

بس مفيش مانع لو تشجعينا

وهتعجبك ان شاء الله

لا فيها سياسه ولا نكد زى مدونه مظلومه

بس ابقى امسكى نفسك من الضحك

هههههههههههههههه

وعلىفكرة قصه العصفور حلو اوى

تسلم ايدك

Ahmed Al-Sabbagh

عزيزتى وومن او ميراا

بغض النظر عن المغزى والمعانى الرائعة اللى فى البوست ده

بس بجد اسمحى لى اسجل اعجابى الشنيع باسلوبك الادبى السهل الممتنع الجميل الرائع

تعرفى لما خلصت قرايتة جالى شعور

ان الحرية هى أغلى شئ فى الوجود

تحياتى لكى

احمد الصباغ

طارق الغنام

الله عليكى
بجد احس ان اسلوبك غير كل مرة تكتبى يمكن لأحساسك بالحرية
او يمكن لاحساسك بالعصفور او التجربة
بوست رائع واحيانا نكون خارج القفص ولكننا مكبلون بقيود اصعب من قيود القفص
احيانا نحن من نضع انفسنا فى هذا السجن قد لايكون حبا او وهما
تقبلى تحيا تى
واحييكى على البوست الرائع

only spot

سلام عليكم
ميرا بجد البوست حلو اوى وتسلم ايدى واعتقد انى عارفه رايى انا جيت بس اغلس واسلم
تحياتى

المنسى

السلام عليكم
أول حاجة أحب أحيكى على الإسلوب الجميل وإحساسك الهادىء


بس انا فهمت قصة العصصفور لكن مين إللى إنتى إدتيه صك الحريتك بدون مقاومة


وكمان دى سنة الحياة ربنا إللى خلقها

خلق الحمام حر وبعض أنواع العصافير غير حرة ولكن سعيدة
جعلى بعض الحيوانات يعيش على إفتراس بعضها الأخر دى سنة ربنا فى الأرض وله قفى ذلك حكم


تخيلى لو الحياة سهلة وبسيطة وكل ما تطلبيه وتتمنيه تلاقيها


تفتكرى هتبى مبسوطة



تحياتى

وومن

مش عارف لية
واضح اننا وانت وحمادة زيدان بنحب علي الحجار
بس علي فكرة هي نفس الأغنية بس تفتكر كام واحد فينا بيغرد برة السرب

********************************
حسام وريمان
مبروك انت وهي علي المدونة الجديدة وبحذركم من الأول لو قريت أي حاجة محتاجة كلينكس هافجر فيها حزان ناسف من النكت وقد فعزر من منظر

وومن

أحمد الصباغ
أولا التعليق الجامد دة كتير عليا قوي وأنا كمان علي فكرة حاسة أن الحرية دي أغلي شئ في الوجود

**********************************
طارق الغنام
تحياتي أنا علي التعليق الرائع ده

***********************************
شيكو
أنتي لسه فاكرة وعموما خلي رأيك بيني وبيني وانا عارفة وانتي عارفة
تحياتي يا قمر

وومن

المنسي
علي فكرة انت أول واحد يشوف الناحية التانية من القصة
بس انت ناسي حاجة مهمة اني بكتب قصص يعني مش شرط تكون تجربة شخصية
تحياتي علي تشريفك

NIDAAL PAL

نحن نقاد الى الجحيم باقصى سرعة و خاصة اننا فى عربية فراملها سابت و احنا نملك من الحرية اننا ننط منها و لكننا خايفيين مع اننا كدة كدة ميتيين ميتيين
بوست جميييل اوى يا ميرا

!!! عارفة ... مش عارف ليه

عندك حق فعلا هي أغنية ريشة صح
واللي قال عليها حمادة بردو

اسمحي لي ارفع لك القبعة

تحياتي

تلميحاتى - يوسف الشافعى

الحريه مطلب كل البشر الا اننا فى وطنا أقصد فى سجننا قد تعودنا عليه وقد قتل فينا السجانين روح المقاومه وحب الحريه لقد اصبح الشعب المصرى يحب الاستعباد رغم ان الله قد خلقنا احرارا
..... القصه جميله جدا وفيها تورييه حقيقى استطعتى ان توصيلينا فكرتها بشكل جعلنى لم اكن قادرا على تركها حتى قرات اخر حرف
انا ضفت مدونتك عندى بعد اذنك

وومن

نضال
يا مراحب يامراحب
انا معاك في أن العربية فراملها سابت بس أختيار اننا ننط منها مش معناه اننا هانموت بالعكس في أحتمال انها تيجي سليمة واحتمال اننا نصاب والإصابة دي درجات واحتتمال نموت
بس المشكلة الحقيقية أننا معدناش شجاعة الإختيار
تحياتي

وومن

مش عارف ليه
انا موافقة انك ترفع القبعة والكاب كمان بس مش اعرف هاترفعهم ليه ولا مش عارف لية ؟
تحياتي

*********************************
تلميحاتي
طبعا حضرتك شرفتني بزيارتك وكمان إضافة مدونتي المتواضعة عند حضرتك دة مش محتاج استإذان ده شئ يسعدني جدا
مدونة حضرتك أكثر من رائعه
تقبل خالص تحياتي

حسام يحى ...مدونه صوت الحريه

انا كنت علقت بس وانا بقرا رد التعليق لقيتك لسه مش عارفه راييى فى القصه

القصه ممتازه ومعناها جميل

اقول تعليقى اللى زعلك قبل كده

(يسلم الكيبورد اللى كتب البوست دا )
وتسلم صاحبه الكيبورد

هتقولى انك مش صاحبته

يبقا تسلم الايد اللى كتبيته

اى خدمه

:d

وومن

حسام
أنا بسألك علي المدون ة علشان مش عارفة اكلمك واسألك
ثانيا بقي انا بكتبلك فلسفة ماشي ياحسام بس اشوفك اون لاين

الاستاذ

مااجمل ان يكون لديك انسان يسال عنك ان غبت ........ يقترب منك اذا بعدت
مااجمل ان يكون لديك فى الدنيا انســــــــــــــــــــــــان يخاف عليك ..... يحــــــــبك
يرعاك ... يشاركك الفرح والسعاده.....والالم مااجمل ان تندمج ارواحكم معا .....فتصبحوا قلبا وعقلا واحدا تفرحون معا.... تحزنون معا ...... وتتألمون معــــا
مااجمل ان يكون لديك انســـــــــــــــــــــــــــــــان يحسن الظن بك ويغفر لك ان اخطأت .... ويلتمس لك العذر ان له اسأت
مااجمل ان يحفظ غيبتك ... ويدافع عنك... ويقطع لسان من يتكلم عليك
مااجمل ان يكون لديك انســـــــــــــــــــــــــــــان يشدد من ازرك ان ضعفت ويشجعك ان جبنت...ينصحك ان اخطأت
مااجمل ان يكون لديك انســـــــــــــــــــــــــــان كاتما للسر............ .حافظا للعهد وفيا للوعد ............ ....... صادق اللسان والقلب
فاذا كنت تملك هذا الشخص ...... فهنيئا لك به ......... فقد ربحت فحافظ عليه كعينيك واحمد الله على نعمته عليك

Siguiente Anterior Inicio