33

الشهيد الحي ... مستشفي فلسطين

إمبارح كان معدنا في مستشفي فلسطين علشان نزور الجرحي الفلسطنين صاحبة الدعوة آبي مدونة كوكب آبي
اللي حضروا
قوس قزح
خالد همس الأحباب
أ / شريف مدونة شريف
ضياء Beautiful Mind
محمد عبد الغفار مدونة في العمق ...مكان للحرية
عاشقة النقاب نونو وزوجها وبنوتتها مريم
شمس النهار وبنتها آيات
مايكل مدونة
michealitoo
وكمان كان في مشروع مدونة جميلة قوي اسمها دينا كانت مع مايكل إن شاء الله نقرالها قريب وبجد هي دي البنات اللي تفرح مش اللي عاوزين جزمة منتظر اللي عندي – دي مش نميمة انا بقولهم الكلام ده في وشهم – ما علينا المهم ان الحمد لله كان معانا حاجات كويسة تبرعات مادية وعينية وزورنا كل المرضي ومنهم علي سبيل المثال
رعد عصفور 10 سنين رعد من عيلة عصفور اللي آبي زارتهم في الإسماعيلية وكان يا دوب ابتدي يفوق ومكنش مستوعب حاجة وبيرد بالإشارة ولما سألت عرفت ان ده اول يوم يبتدي ياكل طبيعي
كان في ولد جميل وشقي اسمة احمد وعنده إصابة في دماغة بس الحمد لله بقي كويس عمره حوالي 7 سنين
وكان المصابين اكترهم شباب ومع ذلك معظمهم روحهم المعنوية عالية جداً وبيهزروا معانا وبيضحكوا وعاوزين يرجعوا فلسطين وفعلا زي ما اتقال احنا المفروض نتعلم منهم الصبر علي الإبتلاء والأمل
معظم الإصابات بتر في الساق أو القدم وإصابات في الصدر في ناس حالاتهم اتحسنت وناس برضة لسه شوية ربنا يتم شفائهم كلهم علي خير يارب
المهم بقي أن أ/ نصار واحد من مكتب العلاقات العامة اصر علي اننا نزور مريض اسمة أحمد ونسمع حكايتة اللي كانت ببساطة علي حد كلام والده ان احمد كان راجع من عند شباب المقاومة هو واربعه من اصحابة وقعت عليهم قذيفة قتلت تلاتة وانصاب اتنين احمد وواحد تاني وبعد ما اختفي احمد لمدة يوم بلغ والدة السلطات والصليب الأحمر وبعد غياب 3 أيام وإنسحاب القوات الإسرائلية ابتدي يدور في المستشفيات ولم يعثر عليه لكن عثر علي جثة مجهولة عبارة عن أشلاء مكنش واضح فيها غير جزء من وشها وكانت تشبة احمد ووجد مع الجثة هاتف أحمد المحمول وبعد ايام حاول هو وأسرتة التعرف علي الجثة او العثور علي أحمد وفي النهاية قبل الأمر الواقع واحتسب ابنه شهيد واستلم الجثة ودفنها واقيم سرادق عزاء وقامت حركة المقاومة بطبع بوستر علية صورة احمد وتسجيلة في الشهداء وبعدها بثلاثة أيام فوجئ والد احمد بأحد أصدقائة يؤكد لة ان احمد حي يرزق في مستشفي الشفاء تحت إسم محمد حجازي ذهب والد أحمد لغرفة العناية المركزة علشان يلاقي ابنة وحوالية اسرة محمد حجازي واللي رفضت تصدق إن احمد مش ابنها وكان احمد وقتها فاقد النطق وكل اللي بيقدر يعملة انه لما يشوف حد من اهلة يبكي وتدخل طبيب من المستشفي لحل الخلاف وطلب من العائلتين تحديد علامات في جسم ابنها وبالكشف علية اتضح انه احمد وإن الشهيد هو محمد حجازي لينتقل أحمد للعلاج في مصر وتقيم أسره الشهيد محمد العزاء في منزلها ।

الغريبة بقي بجد يعني إن والد احمد كان بيتكلم عن شباب المقاومة بفخر شديد ونفسي أسأل سؤال ليه مفيش مواطن فلسطيني عادي من اللي احنا شوفناهم بيقول حماس هي سبب بلاوينا مثلا زي ما البعض هنا بيحب يقول ؟ يارتني كنت سألتة
اقرا تفاصيل حكاية
الشهيد الحي

33 قالوا رأيهم:

رئيس جمهوريه نفسى

الاول من نفسى بدرى مكنتش اول تعليق

رئيس جمهوريه نفسى

طبعا ربنا يقدركم على فعل الخير يارب ودائما مجتمعين على طاعة المولى عز وجل ومرضتاه ان شاء الله كان نفسى اكون معاكم بس ظروف الشغل بتمنع الواحد ربنا يسهل واقدر اكون معاكم فى اقرب تجمع

حلوة قوي جزمة منتظر الزيتى دى والله اعرف بنات كترت عليهم

وومن

ايه دة يا محمود انت رجعت تقعد علي باب المدونة
كمن الجو دفي شوية يعني

هههههههههههههههههههه

اللهم آمين وياريت نشوفك قريب وقال مش عاجباك الوظيفة وبتقول لأنا حرة دي ميزة الشغل الحر اهو طلع له عيوب

احنا بعد ماربنا يفك حبسة منتظر نعرض علية يشتغل فواقة للناس اللي شالت دمغتها وحطط بدالها ماركة باتا
وربنا يقدرنا علي فعل الخير
نورت يا ريس

نهر الحب

ربنا يبارك فيكم
معليش مقدرتيش اجى والله
بس انا راحة بكرة ان شاء الله ازور الجرحى فى الاسماعيلية والله المستعان
وان شاء الله نقدر ننقل احمد لباقى اسرتة فى مستشفى فلسطين

نهر الحب

ربنا يبارك فيكم
ويجزيكم خير يارب على مجهودكم

ريمان

اااااااااااه ياااااااانى


يا بختك بجد انك روحتى


ما شاء الله

ربنا يجعله فى ميزان حسناتك يا رب

وحشانى اوى

امواااااااااه

ahmed_k

غريبه فعلا قصة الشهيد الحي
فعلا هم عانوا كثيرا من هذه الحرب الهمجيه
ربنا يكتبهاله جهاد في سبيله
فهو إن لم تكتب له الشهاده
فقد كتب له الجهاد في سبيل الله
وبارك الله فيكم على مجهوداتكم الجميله
وحرصكم على إضافة البسمه على شفاه من عانوا كثيرا وصبروا كثيرا

دمتي بكل خير

~*§¦§ Appy §¦§*~

ما حته من قلبى ربنا يكرمك يا رب وبعدين الحاجات دي بتنجح بيكوا بس عاوزين نسال عن الناس
شوفتتى الاطفال ضحكتهم حلوه ازاي وجميله ربنا يقومهم بالسلامه يارب
والناس اللى جم معانا الست وبنتها اللى مش عارفينهم ولفوا معانا ووزعوا فلوس كمان ربنا يبارك فى الناس اللى لسه فى قلبها خير يا رب

~*§¦§ Appy §¦§*~

احمد

والله شوفنا الولد ربنا بس يهدي خالد وينزل صورته هو ووالده والبوستر كمان انا هروح لهم تانى ان شاء الله

حسام يحى

جميل الروح دى

ربنا يوفقكم يارب :) ويجازيكم خير

....

سعدت كثيرا عندما علمت ان الروح دى موجوده عندكم

:)

romansy

الحمد لله ان لسه فيه ناس بتعمل خير وبتقدر تسعد اللى حواليها

وومن

نهر الحب

كانك كنتي معانا والله جيبنا سيرتك بكل خير اهو انتي قريبة من الإسماعيلية واحنا قريبين من اللي في القاهرة كدا نبقي بنكمل بعض

ربنا يكرمنا كلنا يارب

***********************************

ريمان

حبيبتي مش تزعلي كفاية شعورك وابقي ادعيلهم وإن شاء الله ربنا يستجيب
انتي كمان وحشاني موت

ابوسات كتيرة وحضن كبير

وومن

ahmed_k

فعلا غريبة وممكن تتعمل فيلم ودي قصة من آلاف القصص اللي احنا لا شوفناها ولا عرفناها

ربنا يبارك في حضرتك وفي كل حد بيحاول يعمل حاجة

عاوزة اقول اني كل ما اروح اشوفهم احس يعجز اكبر ربنا يصبرهم

وومن

~*§¦§ Appy §¦§*~

يا حبيبة قلبي انتي وداليا وخيخة بجد مثال كلنا لازم نحتذي فية ربنا يكتر من أمثالكم يارب

فعلا الأطفال حلوة قوي واحمد الصغير دة شكلة شقي قوي ودمة خفيف

وصحيح انا نسيت الست اللي كانت معانا ومكناش عارفينها مين وكمان الست الفلسطينية اللي كانت بتزور اهلها

الحمد لله لسة في ناس في قلبها خير وهايفضل دايما

وومن

حسام يحي

كويس والله اننا اسعدناك يا اخويا

بقولك ايه اعمل حسابك المرة الجاية إن شاء الله هاتبقي في الأجازة وتبقي معانا

بس ابقي وزع المخبر اللي بيراقبك ماشي

***********************************

romansy

الف حمد وشكر ليك يارب الخير في أمة الإسلام ليوم الدين إن شاء الله

Ahmed Al-Sabbagh

انتى رائعة دايماً

mohamed ghalia

بجد ربنا يكرمكم على المجهود الرائع ده
وربنا يتقبل
دمتى فى حفظ الله

سارة نجاتى

أنتوا متفقين عليا ؟؟
كل ما أدخل حته ألاقى عن الحوار ده ؟؟ متتخيليش كان نفسى أجى معاكو قد ايه ؟؟ أنا عارفة ليه مفيش جرحى عندنا فى الاسكندرية ههههه
بس أنا عايزة أسألك هل تقصدى أن المرأة عندما تكون بعقل رجل بتكون هى أحيانا حجيم و لا هى اللى بتعيش فى جحيم و لا ايه بالظبط ؟؟

تحياتى

micheal

بجد أنا أتبسط جدا أن أنتوا خلتوني أشارك معاكم في هذه المناسبة الإنسانية الجميلة اللي بسطني فيها وجود تكاتف من ناس في قلوبها رحمة
متجمعين ع الخير بإذن الله
وأوعدك أني مش حسيب دينا إلا وهي عاملة مدونة عشان تبقي زينا
:)
فائق تحياتي

عاشــــــ النقاب ـقــــة"نونو"

السلام عليكم
والله انا سعيدة جدا اني شفتك وشفتكم كلكم
وباذن الله هعمل تدوينة وانزل الصورةبتاعت احمد
وباذن الله تعجبكم
متجمعين في الخير دوما يارب
تحياتي

sherif

والله مجهود رائع منكم ياميرا
جزاكم الله كل الخير
أما قصة أحمد فهناك مئات الشباب أمثاله ب نحمد الله أن أعاده هله فهناك من لم يعد نهائياً
وأعذريني بقي دايما بقبي أخر واحد مشاغل والله

همس الاحباب

جزاكى الله خيرا
وبارك فيكم جميعا
وفعلا عندهم عزيمة واصرار يحسدوا عليهم
ولو على الصور ابعتها ليكى يا ستى
او ممكن انزل بوست سريع
تحياتى وتقديرى

ريكو

ربنا معاكو
بجد برافو عليكو الواحد معاكو بيحس بالامان بيحس انة فعلا وقت الزنقة هيكون فية شباب وبنات عندهم عزيمة وايمان هيقفوا ويدافعوا وينتصروا
قلبى معاكو حقيقي بجد نفسي اكون معاكو
تحياتى الخالصة

وومن

Ahmed Al-Sabbagh

دة بعض ما عندكم يا فندم


***********************************

mohamed ghalia

ميرسي قوي دي نقطة في بحر وادينا بجد بنحاول

خالص تحياتي

وومن

سارة نجاتى

يا ستي ولا متفقين عليكي ولا حاجة بلاش نظرية المؤامرة دي اللي ودتنا في داهية

هههههههههههههههههههههههه

بصي يا قمر انا اقصد ان امرأة بعقل رجل بتبقي عايشة في جحيم لسبب مهم جداً مش قادرة تتعامل مع البنات اللي زيها فبيكرفوها وعلي النقيض بتنجح في التعامل مع الولاد فمعرضة انها تتفهم غلط

اي أسئلة تانية انا جاهزة

بجد نورتيني يا عسل

وومن

micheal

والله يا مايكل انا اللي اسعد بيك وبدينا ويارب نشوفك كتير معانا

ولازم لازم تقنعها لو مقتنعتش سيبهالي

اتفقنا

وربنا يقدرنا علي فعل الخير

تحياتي ومودتي

وومن

عاشــــــ النقاب ـقــــة"نونو"

احنا اللي سعداء جداً يارب يارب يارب دايما متجمعين في إنتظار التدوينة والصور

تحياتي

***********************************

sherif

ربنا يكرمك يا شريف يارب

فعلا عندك حق بس لما تسمع قصة احمد من والدة بجد تحس انك متستحقش تعيش اصلا وفي ناس زي دول

ولا يهمك المهم انك بتيجي ولو انا اللي مأثرة في زيارتك

دايما بتحرجني بذوقك . تحياتي

***********************************

همس الاحباب

فعلا عندك حق يا خالد وصور ايه بقي اللي هاتبعتها وبوست سريع

مه من كتر سرعته نسيتني ماشي ماشي
هانروح من بعض فين

وومن

ريكو

والله هي العزيمة موجودة انما حكاية اننا نقف وقت الزنقة دي مش عارفنا ظروفنا ايه ساعتها لأننا بجد لما شوفنا اهل غزة عرفنا اد ايه احنا ضعفا ربنا يستر

نورتي واهلا بيكي خالص مودتي وتحياتي

shawkat

احنا مجموعة شباب بنجهز لفريق فلسطين بيهدف الى استمرار دعم القضية الفلسطينية بكل الوسائل الممكنة و لمزيد من التفاصيل ادخلوا الى هذا الجروب
http://www.facebook.com/group.php?gid=45759123030#/group.php?gid=45759123030

ياريت تشاركونا في فريقنا

Diyaa'

ربنا يبارك فيكي ونتجمع في الخير دايماً:)
والكليب عندك لما شفته النت كان سخيف فمش شغلته..وبعدين نسيت.وإمبارح فكروني بقي :) المهم إن الرسالة وصلت

hasona

ربنا يقدركم علي فعل الخير
وربنا يوفق الجميع ليملئ مكانه ويفعل ما عليه أن يفعله
،،،
كلهم في قلوبنا وفي عقولنا
أخوة وأباء وأمهات
ــ
أحيك علي هذه الخطوة التي يجب علينا أن نخطوها ونحذوا مثلها

تحياتي لكم جميعا

وومن

Diyaa'
يارب نتجمع في الخير يارب

بس هما مين اللي فكروك امبارح ؟؟؟

طبعاً المهم انها وصلت والأهم انك تزورنا ديماً

منور

***********************************

hasona

ميرسي ربنا يكرمك يارب هما فعلاً في قلوبنا وعقولنا دايماً

وإن كان علي الخطوة اتفضلها متغلاش عليك

نورتني

will

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園

Siguiente Anterior Inicio