45

واجب وأقل كمان من الواجب

دي أول مرة هاكتب عن تجمع من تجمعات المدونين ومش هافكر ولا ارتب هاكتبة زي مايجي علي بالي
امبارح حسب الدعوة اللي وجهتها إيناس نهر الحب وبنت خيخة وأي كلام كان معدنا الساعة 11 الصبح قدام باب الطوارئ في مسشتفي الهلال الأحمر علشان نزور الجرحي الفلسطنين هناك الحمد لله كان عددنا ما شاء الله كتير حاجة وعشرين اللي حضر وانا افتكرتة
أصحاب الدعوة
بنت خيخة وأي كلام
إيناس نهر الحب واختها بسمة
عرفة الأسيوطي المحارب المتيم

اللي علي طول متجمعين معانا
قوس قزح
خالد همس الأحباب
محمود الدوح
خالو أحمد الصباغ
شفقة وإحسان
ضياء بيوتفل مايند
متغاظة اند مفروسة
البت كيكي العسل
مها زين إنها الحياة
دعاء مواجهات
رودي بنوتة مصرية
الأزهري
أ/شريف


ومن الناس اللي اول مرة اقابلها
رضوي مش عارفة الدنيا وخداني علي فين
موني مذكرات زوجة شابة
إيمان سوبيا
شوية رغي
ربة السيف والقلم
شمس اليل
زهرة الجنة
لوحدي لكن ونسان

وفي ناس تانية كانت موجودة وانا مش فاكرها فياريت محدش يزعل مني وناس مش مدونين لكن عرفوا وجم يشاركوا
وكمان لازم بجد نشكر أحمد السواق اللي كان مع خيخة لانة بجد تعب معانا جداً وكان معانا في كل خطوة وفي النهاية أقولة هو وخيخة ميرسي علي التوصيلة لأني أكتشفت اني مكنتش هاقدر اروح لوحدي علشان انا ببساطة غلطت في شارعنا وبعد ما مشيت في الشارع حوالي دقيقة بحالها سألت نفسي هو بيتنا فين ؟؟؟ عزل ولا جراله ايه طبعا قبل ما استوعب ان ده مش شارعنا اصلا ودة نتيجة اني كنت متاثرة داخلياً اكتر مما كان ظاهر عليا وعلشان كمان بقالي كتير قوي مدخلتش شارعنا بالنهار فنسيت شكلة !!!!!

المهم ان اليوم ابتدي هناك وزورنا الجرحي اللي في مستشفي الهلال علشان مش كل الناس عارفة ان هناك في جرحي وبعدها قسمنا نفسنا نصين نص راح علي معهد ناصر وعدي علي لجنة الإغاثة اللي في نقابة الأطباء وسلموا التبرعات العينية والباقي راح علشان يتبرع بالدم بس للأسف مش لقينا حد في بنك الدم علشان كل الدكاترة خرجوا في حملات تبرع فرجعنا علي معهد ناصر وهناك شوفنا باقي الجرحي والأجمل بقي اننا شوفنا ناس مصريين عاديين جايين يزوروا الجرحي وأسر بأولادها جايبين مساعدات طبية وهدوم وهدايا او حتي ورد كل واحد علي حسب ربنا ما يقدرة حتي ولو بتواجدة المعنوي
مش هاحكي علي ظروف الجرحي ولا اللي حكوة عن اللي بيحصل هناك علشان احنا شايفينة كل يوم صوت وصورة بس هاقول انهم كانوا فرحانين بينا فرحانيين بالمصريين اخواتهم اللي دايما واقفين جنبهم زي ما هما كانوا بيقولوا ومش حاسين اننا مأثرين معاهم وكنت بقول فين الناس اللي بتتظاهر قدام سفاراتنا ولا اللي بيطلعوا علي الفضائيات يقولوا ويعيدوا المهم ما علينا الحالات اللي هناك كالآتي نقلا عن مدونة قوس قزح
عدد الحالات اللى فى الهلال الاحمر كانت 12 حالة و كلهم ذكور من سن 19 سنة لسن 60
و اغلب الاصابات بتكون نتيجة قذف صاروخى و بتكون فى الارجلين و الايدين
اما معهد ناصر ففى حوالى 28 حالة سيدة و طفل و الباقى ذكور
و اعمارهم مختلفة
اعتقد ان افضل المساعدات لهم هى المساعدات المادية او كروت الموبايل علشان يكلموا اهلهم فى غزة
و لو حد يحب يودى ملابس او غيارات فاغلب المقاسات تكون ميديم او لارج و اغلبهم ملابس رجالة من سنة 20 لسن 40
فى كمان مستشفى فلسطين اللى فى مصر الجديدة فيها حالات محتاجة مساعدات مادية

دة كل اللي حصل وفي النهاية بالرغم من اننا روحنا نأدي واجب أن الواجب دة زود احساسي بالعجز والضآلة لأني أكتشفت أنه أقل كتير من الواجب

45 قالوا رأيهم:

~*§¦§ Appy §¦§*~

ميرا يا قمر انت توهتى عن بيتكوا كويس انك متوهتيش عن نفسك
مشكله الناس دول الخوف لتبدا بعد العلاج لما ميلاقوش مكان يوروحوا فيه ربك يستر

همس الاحباب

جزاكى الله خيرا
وانتى عملتى جزء كبير من الواجب اللى عليكى شاركتى وكنتى عايزة تتبرعى بالدم
احساسك بالناس ومشاركتك الوجدانية والمعنوية ده جزء من الواجب
وربنا يقدرنا على فعل المزيد
تحياتى وتقديرى

أحمد سعيد بسيوني

ربنا يجازيكم الخير على قدر نيتكم

دمتم

ريمان

ميرااااااااااااا

تعرفى انا بقرا كلامك وعنيا بتدمع

انا ماسكه نفسى والله من العياط لانى بجد بجد نفسى ازورهم اوى اوى

بس اعمل ايه فى بابا بقى

الله يسامحه

بجد يا بختك انك شوفتيهم ودخلتى السرور عليهم

ورسمتى على شفايهم ابتسامه جميله

ربنا يجعله حبيبتى فى ميزان حسناتك يا رب

ادعى لى بالله عليكى انى اعرف اروح ازورهم

romansy

والله كنت اتمنى اكون معاكو
بس جت كده بقى
معلش تتعوض

الحمد لله انكم اسعدتو المصابين بزيارتكم

Diyaa'

جزاكي الله كل خير وأكيد ده أقل من الواجب ..وزي ما آبي قالت..اللي اتعالج فيهم..لو ملقاش مكان ساعتها المفروض نعمل إيه ؟
ربنا يقدر الجميع علي كل خير ونحاول نصلح ولو 1% من كوارث التطبيع والخنوع للبيت الأبيض والحكم المؤبد اللي بينفذه فينا أبو جمال


ما علينا
إبقي علمي شارعكم بوردة حمرا ولا حاجة
لحسن المرة الجاية تتوهي عن المحافظة بتاعتك أصلاً :)
نورتي يا ميرا ويا رب دايماً متجمعين في الخير

والبوست فيه معلومات كتير هتنفع كل حد يقدر يساهم بعد كده ويا ريت نفضل متابعينهم ومتكونش مرة وخلصت
سلام

حاسوباتيه

جزاكم الله خير ونفسي بجد في يوم اقدر اجي معاكم التجمعات الجميله دي

قوس قزح

انا كنت فرحانة بكى اوى .. لانى حسيت جواكى بحماس لعمل الخير و التبرع بالدم اكتر من اى حد
ربنا يجزيكى خير على كل اعمالك
وربنا يرحم اهل غزة و يرفع عنهم ان شاء الله

نهر الحب

انتى يا نبتى
اسمه حمادة
محمد مش احمد الحقى صلحى الراجل دا كان مفاجاة وكمان تواجدكم واتصالك عشان تجى واهتمامك انتى والناس ربنا يبارك فيكم
شكرا ويارب فى الخير دايما

زهرة الجنة

ازيك ميرا
بجد سعدت بالتعرف عليكي جدااا
ربنا يجازيكي خير علي كل أعمالك والحمدلله قدرنا نسعد الناس بالزيارة دي
ودايما نتجمع في الخير باذن الله

tito_steelheart

all i can say is i am really proud that there is somebody who really cares about what's going on, i feel sorry for not showing up, but hope to get there soon....anyways, it is a blessing on these people that you showed up....wish every egyptian had that thinking, god bless u all :)

tito_steelheart

all i can say is i am really proud that there is somebody who really cares about what's going on, i feel sorry for not showing up, but hope to get there soon....anyways, it is a blessing on these people that you showed up....wish every egyptian had that thinking, god bless u all :)

Mohamed Hamdy

بجد كان يوم جميل .. صحيح كلنا قلبنا وجعنا من الى شوفناه .. بس كويس اننا عملنا حاجه بنفسنا مقعدناش نعيط قدام قناة الجزيرة والسلام

ابقى شوفى عندى البوست الى كتبته عن الزياره ... وان شاء الله فى المستقبل تكتبى اسمى فى الحاضرين فى كل تجمعات المدونين الخيريه

المحارب المتيم

ميرا صديقتى

كنت أتمنى الأ تذكرينى فيمن حضر

فأنا لا أحب التجمعات ولا أطيقها

وان تواجدت فيها فمن تحت لتحت

وما جعلنى أتواجد فقط هم الفلسطينين

عامة سعيد جدااا بك

وحزين جدااا عليهم


تحياتى وتقديرى

MaGn0liA...

ربنا يكرمك يا ميرا

انا لسه رايحه امبارح مع ناس صحابى معهد ناصر

و بعد الامتحانات هروح تانى ان شاء الله

ربنا يكرمنا و نعرف نساعدهم

وومن

~*§¦§ Appy §¦§*~

اه توهت واللي يضحك بقي اني قال ايه كنت ماسكة في خيخة تطلع تشرب معايا شاي

فعلا مشكلة ولو انهم مصرين علي انهم يروحوا مهما كانت الظروف

ربنا يستر

وومن

همس الأحباب

متفكرنيش بقي يا خالد كل ما افتكر اني متبرعتش ازعل قوي

وبجد برضة حاسة اني معملتش حاجة اكيد يا خالد في حاجات تانية ممكن نعملها علشانهم

ربنا يكرم كل اللي جم ويجازيهم خير يارب

وومن

أحمد سعيد بسيوني

أيانا وأياكم اللهم آمين

وومن

ريمان

حبيبتي يا قمرة انتي ليه مقولتليش انك عاوزة تيجي ولا اتصلتي بيا

عموما ان شاء الله تتعوض

وحشاني قوي والله

وومن

romansy

إن شاء الله المرة الجاية تبقي معانا

الحمد لله الناس كانت سعدا وكفاية ابتسامتهم واحنا داخلين عليهم بجد انا مقدرتش اعبر عن اللي حصل بس كان يوم اكثر من رائع بجد

وومن

Diyaa'

وجازاك الله الف خير يا ضياء

فعلا دة اقل من الواجب وحكاية المتابعه دي ضروري فعلا مش لازم الموضوع يبقي يوم وعدي

هابقي اعلم شارعنا بعمود نور ماشي يا ضياء

بقولك صحيح المدام العسولة اللي كانت معانا وكانت برضة يوم المستشفي لينك مدونتها ايه اصلي بنساه وانت عارف الزهايمر بعيد عنك

وومن

حاسوباتية

ايانا وأياكم إن شاء الله ربنا يكتبلنا نصيب ونشوفك معانا مرة بس انتي شدي حيلك وانوي كدة بجد

نورتي مدونتي المتواضعه

وومن

قوس قزح

برغم الحماس اللي انتي بتقولي عليه لكن عندي شعور فظيع بالتقصير

ماما كمان زعلانة علشان مش اتبرعت بالدم بس الحمد لله ان ربنا بيقدرنا ولو حتي بمساعدة بسيطة

وومن

نهر الحب

حماد ماشي هاصلحة بس محدش يجيب سيرة لخيخة

وايه اللي انتي بتقولية دة يا قمر يعني بعد تعبك في اليوم دة وسفرك ومجهودك في تجميع الناس بجد تستحقي علية الف شكر مننا

ربنا يجعلة في ميزان حسناتك يارب

وومن

زهرة الجنة

والله انا اللي سعيدة بكل الناس اللي كانت موجودة يومها

بجد يوم ميتحسبش من عمر الواحد

وومن

tito_steelheart

thanks for ur felling but i think if u show up that day and shareing us that great felling would be butter
any way i think it will be another chance to be with us

thanks my friend for ur care

وومن

Mohamed Hamdy

طبعا يا محمد كويس ولو ان المفروض ناس كتير تتحرك زينا واكتر كمان

ومتزعلش علي اسمك انا والله قعدت افتكر فيه كتير بس الذاكرة بقي

خيرها في غيرها ونشوفك علي خير إن شاء الله

وومن

المحارب المتيم

ليه بس كدة يا عرفة مبتحبش التجمعات ليه ولا مكنتش عاوز تسلم عليا قبل ما تروح الجيش

وياسيدي نشكر اخواتنا الفلسطنيين اللي كانوا السبب في اننا نشوفك

وسمعني سلام انا رايح بكرة علي الجيش لوائل كفوري

وومن

MaGn0liA...

ويكرمك انتي كمان ياقمر

مش بذمتك كدة احسن من الأناشيد وكلام الأغاني اللي جبنا ورا

حازم سويلم

ولكن على آى حال, ومهما كانت قلة المبذول بالقياس الى المطلوب, فتبقى النوايا الحسنة والأرادة, وفقكم الله

كاتب مصري

ربنا يوفقكم ويعينكم
بجد بفرح قوي لما اشوف حجات زي كده
لو كنت أقدر آجي كنت جيت بس يلا خير
انتو فيكم البركة وربنا معاكم

طوبة ذهب وطوبة فضة

ربنا يكرمكم ويجعله فى ميزان حسناتكم وحاسه بكل اللى بتقوليه لاننا عملنا نفس الزياره لمعهد ناصر وشفت كل الحالات وبجد كنت عجزه عن الكلام وبجد بجد المصريين اللى عمالين يشتموا فيهم على الفضائيات كانوا حاجه تفرح وبجد تعبوا اوى ربنا يعفو عنهم ويقدركم ويقدرنا على الواجب واللى اقل من الواجب ذى ما قلتى اول زياره لمدونتك وان شاء الله مش هتكون الاخيره

sherif

جزاكي الله خيرا
وزي ما قولت أنك حاسيتي أنه أقل من الواجب أنا أيضا حسيت أنا مايسويش حاجه كان لازم نقدم أروحنا بس حسبي اله ونعم الوكيل
والمره الجايه ابقي خدي معكي الخريطه أو جوجل ايرث من علي الموبيل يكون
أسرع

نهر الحب

اللقاء يوم الجمعه 16/1
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
محتاجين تبرعات مالية
وبعض الملابس
رقم تلفونى هو 0188047779

شقاوة شعب

دى اول زيارة لمدونتك القيمة .. وان شاء الله ماتكونش الاخيرة
بجد يا بختكم .. ربنا يتقبل منكم
كان نفسى اكون معاكم لكنى للاسف من سكان الاسكندرية

الحقيقة شدنى تعليقك عن آبى لما حكيتى عن نقاشاتك مع زميلاتك فى الشغل عن مقتل الضابط المصرى
واسمحيلى انقلك هنا شهادة احد الموفدين من نقابة الاطباء عند رفح واللى حضر الواقعة وكتب فى الصحف :


د. عبد القادر حجازي

روى الدكتور عبد القادر حجازي أمين لجنة الإغاثة بنقابة أطباء مصر أحد شهود العيان لحادث مقتل الضابط المصري عند معبر رفح حقيقة استشهاد الضابط، والذي استغلته وسائل الإعلام المصرية ذريعةً للهجوم على حركة حماس.

وقال د. حجازي- والذي كان موجودًا في معبر رفح أثناء حدوث ذلك:"القصف الصهيوني على الشريط الحدودي بين مصر وغزة تسبَّب في انهيار جزء من السور الإسمنتي على الجانب الفلسطيني؛ مما أدى إلى اندفاع بعض الفلسطينيين إلى داخل الحدود المصرية".

وأضاف أنه نتيجة اندفاع الفلسطينيين تصدَّت قوات الأمن المصرية لهم وأطلقت عليهم الرصاص الحي؛ مما أدى إلى مقتل أحد الشباب الفلسطينيين، والذي كان والده بجواره، وعندما رأى الأب ابنه يغرق في دمائه لم يشعر بنفسه إلا وهو يصوِّب سلاحَه إلى الجنود، واستقرَّت الرصاصة في الضابط المصري.

وحول الاتهامات التي لفَّقها الإعلام المصري لحركة المقاومة الإسلامية حماس بمسئوليتها عن مقتل الضابط المصري؛ قال د. حجازي: "أنا وصفت الوقعة كما شاهدتها بأم عيني، وليس لديَّ أيُّ تعليق آخر

******************

واللينك ده من الموقع الرسمى لعلماء الأزهر واللى أفتوا فيه فتوى موثقة وختومة بختمهم بأن الضابط المصرى ده مش شهيد وذكروا الاسباب فى فتواهم

http://www.jabhaonline.org/viewpage.php?Id=2116

اسفة على الاطالة

تحياتى
شيماء

وومن

حازم سويلم

هي كلها محاولات لكن لا تعفينا ابداً من واجبنا

تحياتي

وومن

طوبة ذهب وطوبة فضة

ربنا يجازيكي خير يارب ويجعلة في ميزان حسناتك

تشرفيني دايما

خالص تحياتي

وومن

sherif

فعلا يا شريف عندك حق ومين عارف ممكن ربنا يكتبلنا الجهاد

جوجل ايرث فكرة كويسة برضة هابقي احملة علي الموبايل واهو اضمن بدل التوهة

تحياتي صديقي العزيز

وومن

نهر الحب

علي خيرة الله إن شاء الله ربنا يقدرني وابقي معاكم

ادعيلي

وومن

شقاوة شعب

اهلا وسهلا بيكي نورتي المدونة كلها

زمايلي ايه بس لية بتقلبي عليا المواجع دول عايزين جزمة منتظر يمكن يفوقوا

ميرسي علي المعلومات القيمة انا قريت الموضوع والنقاش دة كان قديم بس تعبت من الكلام معاهم فبقيت اخدهم علي قد عقلهم

وطولتي ايه بس لا براحتك ولا يهمك

تقبلي خالص تحياتي

ادم المصرى

ربنا يزود من امثلهم وامثالك وامثال قلمك الجميل دومتى ودامت اقلامك

محمد مارو

ومن

لاء طبعا تتهم هما اللى 60 نيله

انا هجومى عليه لانهم ديما بيهجموا مصر و قناه الجزيره مش وراها شغله الا تخوين مصر

فبقول اللى بيته من ازاز ميحدفش الناس بالطوب

يعنى يبطلوا هجوم علينا شويه و يحترموا القضيه و يحاولوا يجمعوا العرب

ريكو

حقيقى بفرح لما بلاقى شباب لسة فيهم خير ولم تأخذهم دوامة الحياة زى غيرهم
باحس ان اكيد لازم الكون هيتغير بيكم ومعاكم
اتمنى لو أساهم معكم بشىء
تحياتى

حسن مدني

أختي الكريمة

في كل اتصالاتي لمن لهم أهل في غزة، كان التعليق من أهل غزة تحت الحصار يحمل تقديرا لشعب مصر وتضامنهم من إخوانهم في غزة.
فلا تستقلي من الخير شيئا. وجزاكم الله كل خير على ما فعلتموه.

تحياتي

will

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園

Siguiente Anterior Inicio