24

ومازلت أحكي عن الحب

من هي ؟؟؟
--------------------

أتسائل في صمت .... في حيره ... من تكون ؟؟؟
هل سأعرفها يوماً ...... هل سأدرك سرها ؟؟
هل سأبطل سحرها ؟؟

أتنهد في عمق ...
فلا نفس تهدأ ، ولا يرتاح شوق

هي ........ معذبتي 

أراها في بريق عينيك .... أسمعها في صدي كلماتك
أغار من شبحها – ذلك – القابع في ظلك

من تلك التي نقشت صورتها علي جدار قلبك ؟؟؟

هل حقاً ... استطاعت ؟
ان تخترق الحواجز ...... أن تقرأ صفحات عقلك
أن تغوص داخل حنايا روحك.

هل حقاً ... استطاعت ؟
أن تهدم حصنك 

اتقصي أثرها في خطواتك .. في كلماتك
من أين أتت .... وكيف ذهبت ؟؟؟

هل يوماً سأستطيع ؟؟؟
أن أحصر مداها الذي لا ينقطع
..... أن امحو ذكراها التي لا تزال بيني وبينك 

أم تراني سأظل أرقبها
تتملكك يوماً فيوماً
بقلب امرأة ...... فقط أحبت

24 قالوا رأيهم:

بطوط حبوب

الكلمات مكتوبه حلو اوى والاحساس واصل

بس سؤال ايه اللى يخلي البطله تستحمل وتفضل تراقب؟

ما تاخد موقف لا تستسلم لا تحارب انما تفضل واقفه كده تراقب ليه؟

بطوط حبوب

اه انا الاول هاتى خمسه جنيه بقى

سوبيا

جميل يا ميرا

جميل النص اوي
تسلم ايدك

لولا وزهراء

اول زياره وان شاء الله مش الاخيره
تحفه الاسلوب بجد
الكلمات اكتر من رائعه الاحساس يصل لنا خلال حروفك
تسلم الايادى
فى انتظار المزيد عن قريب ان شاء الله

adel

حلو قوي :)
بس من هي بقي ؟؟

!!! عارفة ... مش عارف ليه

"أم تراني سأظل أرقبها
تتملكك يوماً فيوماً
بقلب امرأة ...... فقط أحبت "

ستظل هي تتملكه

ويظل هو يتملك بطلتك

فهذا هو .. الحب

وليد

Sometimes

"هل حقاً ... استطاعت ؟
ان تخترق الحواجز ...... أن تقرأ صفحات عقلك
أن تغوص داخل حنايا روحك"


تعرفى انى نفسى بجد حد يعمل معايا كده
تفتكرى ممكن الاقى؟؟

وحشتينى

Mohamed Hamdy

جميل جدا الاحساس والكلمات
تحياتى

وومن

بطوط حبوب

ميرسي علي الكلام الحلو ده :)))

هي مش بترافب هي بتتسائل لأن طبعاً صعب علي اي بنت تصرح بمشاعرها علشان كده هي منتظرة انه يحس بيها وشايفه ان واحدة تانية متملكاه

-------------------------------------

بطوط حبوب تاني

ادفع اللي عليك الأول P:

وومن

سوبيا

ميرسي يا جميل علي تشجيعك ، تسلمي

-------------------------------------

لولا وزهراء

يا اهلا وسهلا نورتي المدونة ، وايه الكلام الكبير ده كده هاتغر :))

وومن

adel

يا اهلا وسهلا

عارف اول ما اعرفها ....... مش عرفه هاعمل فيها ايه

مش عارفه يلا ربنا يسهلها

-----------------------------------

!!! عارفة ... مش عارف ليه

فعلا يا وليد هذا هو الحب

وومن

Sometimes

ومين مش نفسه متقلبيش علينا المواجع يا منمن

ههههههههههههههههههه

وحشاني انتي كمان كتير ربنا يكتبلي نصيب واشوفك

-----------------------------------
Mohamed Hamdy

ميرسي يا محمد ده بس من ذوقك

وكيلة نيابه مع ايقاف التنفيذ

بجد حلوووووة جدااااااا
هل استطيع ان امحو ذكراها
ايه الجمال ده
بحييكى وبشده ههههه
تقبلى مرورى

ذكري رحيل قلم

السلام عليكم
جميل احساسك ورائعة تلك الكلمات المتوجة بالغيرة
ما اجملها عندما تشعل نار الحب داخل قلب الحبيب

دمتي


مقدرش اقول اول زيارة

عشان زرتك من قبل

تحياتي

الشنكوتي الكبير

سيدتي عينك ثاقبة
تثبر اغوار مظلمة
تتقصى بحثا وتحري
تتحسس جدران القلب
تتأمل اثار جراحه
تقترب بعين فاحصة
تقرأ اثارا من ماضي
عودي ادراجك سيدتي
فمكانك في قلبة دافئ
في وسط القلب يحملكي
لكنك لا تهداي ابدا
تتجول قدماك في قلبه
لتفتش عن حب نافق
رائحة الجرح اثارتك
واثارة فيكي قطتكي
بفضول القطة تتأمل
تستجوب عقله ولسانه
سيدتي عفوا اخبركي
الماضي ليس بمملكتك
فلا تغرس قدمك اصابعها
في وحل لن يؤذي سواكي
واستمتعي بمكانك الحالي
العرش الدافئ في قلبه
ان ما اهلك من قبلكم هو كثرة سؤالهم عما لا يعنيهم


تحياتي

سلااااااااااااااااااااااام
اخوكي ايهاب

صفاء

اهااا
تحبه ... ويقتلها كون امراة أخرى تحيا بداخله
حتى انها ترى نظراتها فى عينه وروحها فى صدرة

سرد ووصف فوق الرائع وصادق تماماااا

mostafa rayan

انا رأيي مادام اصبح معاك انت يبقى تسيبى الشك بقي وتعيشى الحاضر وتنفضي للماضي بلاش تنكشي فيه
------------
انا قرأت ردك على تعليق محمود نفس النقطه كانت بتتكلم عليها داليا قوس قزح
وكان رأيي ليه البنت لما تحس بشعور ناحيه شخص معين ماتصارحوش بشعورها ده مادام واثقه فيه ؟
وحتى لو صعب حوار المصارحه ده ليه ماتلمحلوش . ليه بنصعب الامرو على نفسنا ونضيع وقتنافي الانتظار ومين اللي يبدأ ومين اللي مايبدأش
تحياتى لك دايما ولك كل الود

فاتيما

ميرا


انا عاوزة اعلق
بس حاسة ان أى كلام
مش هييجى حاجة
جنب وصفك


تعرفى بقى
انى كنت ناوية اكتب حاجة
شبه كدا


سبحان الله

انا عاوزة
استعير جملة آبى
و اقول إنك حتة
بس مش واقعة منى



لأ
انتى حتة واقعة ف قلبى
و مستخبية
يا حبيبتى


و حياة جودى
لازم تيجى يوم الجمعة
الأيام دى من غيرك
متنفعش



بوسة و حضونات
لحد ما تاخديهم
بنفسك

وومن

وكيلة نيابه مع ايقاف التنفيذ

اولا ميرسي لأول زيارة واهلا وسهلا بيك يارب متكونش الأخيره

ثانياً ميرسي ليك بجد علي تشجيعك

------------------------------------

ذكري رحيل قلم

هي فعلا مش أول زيارة بس منورة بجد

ميرسي لكلامك الحلو ده

وومن

الشنكوتي الكبير

يا اهلا وسهلا بالعريس منور والله يا إيهاب ومش لاقية كلام أرد بيه تعليقك عاوز بوست لوحدة

بس هاقولك ايه بقي انت عارف الستات مش بترتاح غير لما تعرف قرار كل حاجة

ربنا يهديها يارب

سلم علي غادة كتير ومتتاخرش علينا

----------------------------------
صفاء

صفصف يا اهلا يا اهلا وصف فوق الوصف ايه بس بعض ماعندكم يا جميل

وومن

mostafa rayan

انا رأيي مادام اصبح معاك انت يبقى تسيبى الشك بقي وتعيشى الحاضر وتنفضي للماضي بلاش تنكشي فيه

؟؟؟؟؟؟؟

هو مين اللي بقي مع مين ؟ طيب

يعني هو طبيعي ومنطقي ادي مشاعري واهتمامي لواحد موجود معايا بجسمة بس عقلة وروحة مع واحده تانية

يافرحتي وابقي استفدت ايه انا احبه وهو يحبها

شايف انها حاجة طبيعية يعني ماشي

-----
نيجي بقي لموضوع المصارحة علشان بس منخلطتش المواضيع داليا كانت بتكلم عن المصارحة بالمشاعر بين المخطوبين فعلا وعلاقتهم معلنة

في البوست بتاعي البطلة بتحب بس يعني هو لا خطيبها ولا زوجها علشان تصرحلة بمشاعرها

طيب هو الحب عيب ؟

لا مش عيب ومحدش يقدر يقول كدة بس المفروض في البنت انها عندها حياء وبتتكسف مش سهل تقول لواحد كعجبة ولا بحبك

ده من ناحية من ناحية تانية بقي مأظنش ان سهل علي أي راجل انه يتقبل ان بنت تروح تقولة انها معجبة بيه او بتحبة

وومن

فاتيما

معقول يا بطوطي مش تعلقي أي حرف تكتبيه ليا قيمتة كبيرة قوي عندي

بصي مش هاكمل كلام هنا هابعتلك ميل اقولك في كلام كتير

فاتيما

ميرا يا اميرة
يا ست البنات



اللقاء يوم 29 يا حبيبتى
يعنى الجمعة بعد الجاية


انا بعتلك ايميل
يا حبيبتى

يا خراشى
على البناتيت الطعامة

منحرمشى منك

mostafa rayan

على العموم انا قلتلك رأيي
وبعدين ياستى حتى لومش هينفع تصارحه مافيش اي مانع انها تلمحله تلفت نظره تعمل اي منظر يعنى وهى اكيد مش هتغلب يعنى
بخصوص موضوع الحياء ده فاناعايز اقولك احنا في 2010 وكده ماكان غير مسموح به من 50 سنه الان بقي شيئ عادي جدا
تحياتى لك دايما يا صديقتى العزيزة

Siguiente Anterior Inicio