27

أعراض إنسحابية

هل يدرك أحد أن اسوأ انواع الإدمان هو إدمان شخص بعينة أن تعتاد سماع صوته ، انت تنتظر بفارغ الصبر رأيه ، أن يشغل أكبر مساحه من تفكيرك , ان يكون أفضل مستمعيك وأكبر معجبيك
أن يكون مرآتك التي لا تخجل من التعري أمامها فهو يستمع ولا يلعب دور الواعظ أو القاضي فلا يعظ أو يحاكم بل فقط يفهمك يربت علي كتفك حتي ولو معنوياُ وبكلمات المواسه والمؤازرة

هذه المساحة الخاوية داخل عقلك وروحك أستطاع أحدهم أن يتسرب إليها أن يصب نفسه داخلها ويتشكل عليها

تستيقظ ذات صباح فتجده قد احتلك احتلالاً هو بالتأكيد ليس حباً لكنة إدمان يحكمة التعود ، فتصبح فكره غضبة منك أو اختلافك معه شيئاً مؤلماً جسدياً ومعنوياً

ان تصبح فكرة أختفائة من حياتك مخيفة لدرجة تثير رعبك وتجعلك تتنتفض
ان تتنظر منه أي شئ وكل شئ وانت في كل الأحوال راض علي ما تحصل عليه منه
وذات أمسية يقرر الرحيل أو يحدث خلاف ويهجرك أو .... يختفي هكذا دون سبب يصبح بلا وجود في حياتك

لتحيا إذن الأعراض الإنسحابيه بكل ماتحمل الكامة من معان .. فلتزوي في ركن ولتذرف دموعاً زيتية حارقة ، فلتعاف نفسك عن الطعام ، وتشعر وكأن روحك تخرج مع كل زفره تزفرها

تغلق علي نفسك غرفتك تتألم في صمت حزين مرير ولا تدرك امريض انت ام فقط تموت

يذهب عقلك في عالم غريب من احلام وهمية وهلاوس لا تعرف مصدرها مشدوهاً . مذهولا . غير مصدق

في انتظار ان يهاتفك , ان يرسل رساله قصيرة ، ربما ارسل بريداً إلكترونياً لم تراه
تتفحص هاتفك عشرات المرات في اليوم ، تتفقد الرسائل فربما وصلت احداها ولم تراها ، بريدك مفتوح 24 ساعه تراجعه كل خمس دقائق مرتين

حنين جارف وقاتل . افكارة مؤلمة تتسائل ما الذي يمكن ان يكون شعوره الآن ؟ ياتري ما الذي يفعله ؟
ألم ... ألم ... ألم ... بكاااااااء ... صمت

لن تعرف كم يوماً ستظل علي هذا الحال .... ثم
ثم ذات صباح سوف تفتح عينيك وكأن كنت تعيش حلماً مزعجاً بشئ اختفي كل ألمك وكأنه لم يكن موجوداً من الأساس
سيختفي كل شئ وينزوي داخل جدران النسيان لن تتملكك سوي مشاعر الامبلاه تجاه هذا الشخص

ربما ستدرك أن ما مررت به أعراض انسحابية أو لا المهم هو انك ستجرب شعوراً مختلفاً لن يتفهمة سوي من مر به

----------------------------------------------------------------------------------------------------

علمت مؤخراً ان أشخاص كثر يمرون بهذه الحالة
ويدركونها لكن الخوف وحده يمنعهم عن الإقلاع عن هذا الإدمان

27 قالوا رأيهم:

safa7_karmooz

مش الخوف من انهم يفقدوه

بس الخوف انهم يرجعوا لحالة الوحدة ...ليس الا

مبروك عالتغيير بتاع الاسم والمدونة

^_^

متأخرة حبتين ...اعتذر :$

موناليزا

وما أصعب أعراض الانسحاب هذه
ولكن الارادة كفيلة بتجاوز هذه المحنة بسلام

Mo7ammed

فعلا
اسوأ انواع الادمان ادمان الاحباب
والحقيقة كلامك جاب من الاخر

تسلم ايدك

blue-wave

يااااااااااااااااااااااة
علقتى عن اللى جوة ناس كتييير اوى
بس محدش فعلا هايقدر ياخد الخطوة ويقلع عن الادمان دا

صيدلانيه طالعه نازله

اسوأ انواع الادمان يا ميرا هو ادمان شخص بعينه و ادمان كلامه و تعبيراته
الاعراض الانسحابيه اللى بتتكلمى عليها بتبقى اسوأ من الاعراض الانسحابيه للمخدرات

احنا بنبقى حاسين بالضياع و عدم التركيز خصوصا لو الشخص التانى احتل مكانه جوانا مينفعش حد يملاها غيره

بنبقى خايفين على مرايتنا انها تنشرخ او حتى تتخربش لانها من نوع نادر و منش حنلاقى زيها تانى

لانها مرايا بنشوف فيها نفسنا بوضوح قوى من غير مجامله او مواربه

ربنا ما يكتبها على حد الاعراض الانسحابيه دى

موضوع رائع يا ميرا كالعاده

شمس النهار

ماشاء الله عليكي
كلمات بسيطه سهله شرحتي بها نوع من انواع الادمان

مشكلة المدمن انه خايف حاسس انه هيموت لو توقف عن مايدمنه

سلامي

Wanda

:-)
فعلا وصفت للادمان و لاعراضه
بس تعرفى اعتقد الادمان ده لو لحاجة كويسة نافعة ممكن نرقيه بكلمة حب

يعنى الانسان بيدمن الانسولين (لانه محتاجة و حاته بتنصلح بيه علىالرغم من شكاته)
و ممكن يدمن المورفين (الى بيخمده و يسكته و يعيشه فى الاوهام )
و ممكن يدمن الكافين (الى بيخليصة مصحصح و شغال غصبن عنه )
و ممكن يدمن الهيروين (الى بيهيبره و يخليه مشعشع و حاسس انه قد الدنيا كلها و هو اصلا فشنك )

المهم البنى ادم الصح يفكر الشئ الى بيدمنه مفيد ام ضار و عليه ياخذ قرار

Timo..

انا اخدت جولة هنا واكتشفت ان انت دماغ (مش سهلة) وكمان دخلت مدونتك التانية (حاجات تغيظ)
باشكرك على الوقت الحلو والعميق اللي قضيته هنا :)

Timo..

ميرا..
اسمحي لي انحني احتراما امام وصفك ودقة تعبيرك..
بجد قولت مشاعر كتير مش ها يعرف يوصفها بالطريقة دي لدرجة اني قريت البوست اكتر من مرة وببطء شديد وكلمة كلمة..!!

كيــــــــــــارا

كتيييييييير بيمر بيها ياميرا

عرفة فاروق عبد الله

ميرا صديقتى العزيزة
أوحشتنى كثيرا تلك اللحظات التى أقضيها بينكم
لذا فقد عدت مرة آخرى للتدوين
وأعجبنى بشدة ذلك التغيير الجديد الذى طرأ على مدونتك
أراه تغييرا سعيدا
أما موضوع ادمان شخص وحالةو الانسحاب
فموضوع رائق جدا وأعجبنى ذلك التحليل النفسى العميق
الذى قمت به
دائما بخير
وفى انتظارك

tarek alghnam

ميرا
انتى عايشه جوايا والا ايه
تحياتى لقلمك ولاحساسك الرائع

ahmed_k

موضوع جميل يا ميرا
وبالفعل جميعنا مر بتلك المراحل وتختلف مدة تأثر الشخص بها من فرد لآخر
ولكن عموما النسيان هي الطبيعة البشرية الغلب علينا , وقديما قيل في الأمثال
(بعيد عن العين بعيد عن القلب )
خالص تحياتي

micheal

ميرا بجد البوست ده عالي جدا..حبيت أعلق تاني هنا عشان أقولك قد ايه انا حاسه
:)
تحياتي

!!! عارفة ... مش عارف ليه

فعلا هو الإدمان ميرا

قد يكون بوستاتك هذا حالة تعبيرية فريدة

وربما نخرج حالة الادمان هذه

بذكرى لعزيز فقدناه

كلما مر على بالنا ألقينا عليه السلام

أثارتي شجوني وشجون كل من قرأ بوستك

وهو يرثي من أدمنه :(

ميرا ( وومن )

safa7_karmooz

اهلا بالسفاح منور

لا خوف من الألم عموما أياً كان نوع الإدمان فالخوف من الألم هو اللي بيخلي المدمن جبان

مش محتاج إعتذار المهم يكون التغيير عجبك

----------------------

موناليزا

مونا الإرادة ومساندة الأصدقاء وتفهم مايحدث

ربنا يعافينا كلنا

ميرا ( وومن )

Mo7ammed

بس المهم الأحباب دول يستاهلوا ولا بيستغلوا اننا بقينا مش قادرين نستغني عنهم ؟

هو ده المهم

-----------------------------------

blue-wave

هو قعلا جوا ناس كتير يا دكتور بس ليه صعب نبطل إدمان
الإدمان إدمان واللجوء ليه حل مؤقت بيدمرنا
نوع من أنواع الهروب

ميرا ( وومن )

صيدلانيه طالعه نازله

فعلا حقيقي قوي بس المراية دي من كتر مابنشوفنا فيها بنقدسها

وبتبقي زي مراية الساحرة الشريرة اللي في قصة سنو وايت عاوزينها موجودة بس علشان تسمعنا الكلام اللي عاوزين نسمعه ولما تقول الحقيقة نبقي عاوزينها ترضينا بأي وسيلة

ده فخ يا علا مش بنحس بيه غير لما يقفل علينا

ميرا ( وومن )

شمس النهار

منورة بجد يا شمس الشموس

فعلا مشكلتة انه محبوس جوا الخوف ولو ان ألم الإنسحاب مؤقت لكن وقتها بيبان كأنة لا ينتهي

-----------------------------------

Wanda

بصي يا قمر انتي كدة خلطتي بين ان الإنسان ياخد شئ محتاجلة ومن غيره ممكن يموت

وبين الإدمان
ايه الفرق بين الأنسولين والمورفين
الأنسولين لو الإنسان السليم أخدة يموت
لكن المورفين هايسكن ويخمد السليم واللي مش سليم واستخدامة الزايد هايعمل إدمان

مفيش اي نوع إدمان مفيد حتي الكافيين بيأثر علي اعصابنا وخلايانا المخية علي المدي الطويل

لكن لو بندمن حد بقي الموضوع مختلف لأنه مش حب ولو ارتقي لحب يبقي من طرف واحد غالباً فهو من الأخر عذاب في كل احواله

منوره

ميرا ( وومن )

Timo..
ميرسي جداً لحضرتك والله اخجلتني بكلاماتك الرقيقة دي وتشجيعك

شكراُ علي زيارة المدونة واهلا وسهلا بيك

-------------------------
Timo..

بجد مش عارفة اقول لحضرتك ايه كل اللي اقدر اقولة اني سعيدة جداً ان الوقت اللي قضيتة علي مدوناتي كان وقت سعيد

ميرا ( وومن )

كيــــــــــــارا

تقريباً مفيش حد ممرش بيها

منورة

-----------------------------------

عرفة فاروق عبد الله

عود أحمد يا عرفة افتقدناك بيننا

سعيدة بان التغيير أعجبك وهو تغيير سعيد بإذن الله

أشكرك علي كلماتك الرقيقة وتشجيعك
تقبل خالص تحياتي ومودتي

ميرا ( وومن )

tarek alghnam

طبعاً لم انل شرف رؤية ما بداخلك لكنها دقة من يعرف

تحياتي

-----------------------------------

ahmed_k

عود أحمد
واضح ان البوست ده بوست عودة الغائبين
اعتراف آخر وانضم إليك كلنا مررنا بها والكثير شفي أو تماثل والبعض مازال محتجزاً فيها

عافانا الله جميعاً
خالص تحياتي ومودتي

ميرا ( وومن )

micheal

اشكرك يا مايكل علي مايبدو اني نكأت جراح الكتيرين وأثرت شجونهم

تحياتي

-----------------------------------

!!! عارفة ... مش عارف ليه

وليد فعلا أثرت شجون الكثيرين ويعلم الله اني ما قصدت هذا

ما قصدت سوي التعبير عن شئ موجود بيننا يجهل الكثيرين ماهيته

تحياتي

star in the sky

مش عارفة وقتها بيبقى حب ولا تعود وادمان

ريمان

السلام عليكم

وحشانى يا ميرا

اليه يابنتى انتى عملتى كام مدونه؟


وفين مدونه امراه بعقل رجل؟


وحشانى بجد


نيجى للبوست

انتى شايفه يا ميرا ان ده مش حب؟

يعنى تعود ووصل لدرجه الادمان؟

طب ليه شايفه انه مش حب بجنون او عشق؟

ميرا ( وومن )

star in the sky

لا الفرق بيبقي واضح في فرق كبير بين الحب والتعود

لما بتحبي حد بتفضلي تحبية حتي لو بعيد بتشتاقي وبيوحشك

لكن التعود والإدمان شئ مختلف مجرد بعده أو اختفائة لوقت فصير بيكون مؤلم

منورة

----------------------------
ريمان

انتي كمان وحشاني يا سكرة هما اتنين زي ما هما بس وزعنا عقل اراجل الموضوع كبير ابقي شوفية في البوت اللي قبل قبل ده :)))

ليه مش عشق لدرجة الجنون أو حب ؟؟

بصي يا جميل لو قريتي التعليقات هاتلاقي ان نعظم اللي علقوا مروا بالحالة دي وعرفنها كويس

لأنك من الأول عارفة أن دة مش حب ويمكن تكوني فعلا بتحبي وتقعي تحت تأثير الإدمان

برضة هارجع واقولك زي ما قولت لستار الحب مختلف
والدليل ان تخلصك من تأثير حالة الإدمان دي مش بيتعدي ايام في معظم الحالات بعدها بيرجع الشخص عادي جداُ
منورة يا قمر

الأرمـوطــي

كلام جميل ورومانسى وجريئ بحييكى علية بجد سرحت معاه ورحت فى عالم تانى كانها صورة شايفها قدامى مش كلمات وصفتى بكلماتك الى ميقدرش الرسام يوصفة بريشتة
تحياتى ليكى

Siguiente Anterior Inicio