50

هكذا حدثتني نفسي

كنت قد عقدت العزم علي أن اكتب لإحدى صديقاتي خطاباً أحثها فيه علي ارتداء الحجاب خاصة بعد أن سمعت منها أنها تترد في ارتداه بسب شيطانها لا اعلم ما الذي دفع عقلي بأن يذكرني بمقال قرأته علي إحدى المدونات نقلا عن أحد العلمانيين الذي يعارض النقاب بل ويسبه ويستدل بذلك علي حادثة فردية وينقل صورة لمصر المملوكية نقلا عن بعض المؤرخين العرب لست هنا بصدد مناقشة الحقائق التاريخية أو مهاجمة أحد لكن فجأة رأيت أن هذه المقارنة غير منصفة ومغلوطة ربما كانت القاهرة المملوكية مدينة ماجنة لكني لا أعيش هذا العصر ولماذا يتسع الحديث عن القاهرة المملوكية الماجنة ولا يتسع الحديث عن العصر الفيكتوري الذي عرف عنه أنه أكثر العصور التي حكم فيها الدين شكلا لا فعلا .
وأنا هنا لا أقارن بين ديانة وأخري ولا بصدد مناقشة الأديان لكني أقارن بين حقبتين تاريخيتين غلوا في الدين مظهرا لا جوهرا فكانت النتيجة مدنين ماجنتين فذكر هذه الوقائع الآن ما هو إلا ظلم بين فالتاريخ ملئ بمثل هذه السقطات والتدني الأخلاقي كان هذا أولا .
أما من ناحية القصة التي ساقها الكاتب في مستهل حديثة عن هذه المنتقبة التي اتخذت من نقابها ستارا لتخون زوجها وتفلت من العقاب بأي حق تأخذ من مثل هذا الموقف حكما عاماً علي المنتقيات ولم المنتقبة فقط فهناك الكثيرين ممن يتسترون بالدين وهم من الرجال هل نأخذهم كقاعدة وكل متدين ملتزم هو منافق مدعي بتستر بالدين هذا ليس من الإنصاف بشئ فلكل قاعدة شواذ ولكل نفس بشرية أخطائها فالمنتقبة أيضاَ بشر قد تكون صالحة وقد تكون طالحة فلم هذا الهجوم وهذا ثانياً .
أما من ناحية الخلاف الشرعي فلست أهلا لمناقشته ولكن حدثتني نفسي ماذا لو أن هذه المتقبة هي التي علي حق ماذا عندما نقف يوم الموقف العظيم سأكون أنا التي استفتيت قلبي في شأن حجابي فأفتاني أن أتحجب دون نقاب وأخذت رأي جمهور العلماء في أن أكشف وجهي ويدي فإن كانوا علي خطا فالذنب ذنب من أفتي لا من أخذ بالفتوى وتكون هي صاحبة فضل لأنها أستفت قلبها وأخذت برأي أهل الرأي في هذا الأمر واتت يوم الموقف العظيم وهي علي طاعة كما يجب أن تكون .
ماذا لو لوم تكن علي حق فانتقابها فضل أيضا يحسب لها أنها سعت في طاعة الله وسدت كل ثغرات الشبهات فنقابها لا يقل منها شأنا حتى لو أخذ علية انه مغالاة في الدين .
نعم هكذا حدثتني نفسي أن لم يكن فرضاً من الله عز وجل فإنه فضل ونعمة وعدت لأسأل نفسي لماذا تحجبت فعاد بي الزمان لسنوات عندما بلغت سن التكليف الشرعي وكان رمضان فرفضت أن أقلد زميلاتي التي تتحجبن في رمضان ( رب رمضان رب كل الأشهر ) هكذا حدثتني نفسي وهكذا هي قناعتي لكني أرديته قبل أن ينقضي الشهر الكريم رغبة مني في أرضاء والدتي وبعد إنقضاء الشهر الكريم عدت لسيرتي الأولي فما كان منها إلا أن انبتني وأمرتني بأرتدائة فذهبت لآبي أشكوا له تسلط والدتي فأخبرني أنه فرض من الله ويقول الرسول الكريم صلي الله علية وسلم ( كلكم راع وكل مسئول عن رعيته ) هل ترضي لي أن أتحمل ذنبك أن أسئل عنك وأنا مقصر في حقك تركت أبي إلي غرفتي باكية ونفسي الأمارة بالسوء تحدثني كيف يقمعني أبواي كيف يضعون محاذير علي حريتي كيف سأواجه صديقاتي وأخبرهم أنهم فرضوا رأيهم علي كانت رأسي غارقة في مثل الأفكار ابكي نفسي جاءني أخي ليهون علي ويدعوني لمشاهدة التلفزيون بعد أن ناما والدي كان الشهر الكريم أنقضي منذ أيام ومازال التلفزيون يعرض بعض المسلسلات الرمضانية فإذا بصوت الشيخ الجليل الشعرواي رحمة الله علية يتلو الآية الكريمة بسم الله الرحمن الرحيم { مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً }الأحزاب23
فإذا بنفسي اللوامة تصحوا ويشاء الله أن يتغير قلبي في لحظة صدقوا ما عهدوا الله علية أين أنا منهم ؟ أين عهدي مع الله كل ما يهمني صوت رأسي وصورتي أمام صديقاتي ولا يهمني عهدي مع الله أي نوع من البشر أنا ؟ هكذا حدثتني نفسي اللوامة فتقبلت الحجاب وأقبلت علية والآن بعد أثني عشر عاما من الحجاب تعايشت معه وقبلته ورضيت به وسعدت به .
نعم تحجبت عن قناعة كاملة بأنة أمر من الله وفضل لي تحجبت لآن الله أراد بنا خيراً نحن معشر النساء فأمرنا أن نحسن إلي أنفسنا أن لا نكون سببا في الفتنه ألا نخضع بالقول أو الفعل فيطمع الذي في قلبه مرض نعم حجابي حماية لي من رجل في قلبه مرض فأنعم به من نعمة تحجبت لأني علي قناعة بأن جسدي ليس مستباحاً لعيون الآخرين هذا يجرحه بنظرة أو هذا يتفحصه بعينية وتنقبت إحدى أخواتي في الدين لنفس هذا السبب هكذا حدثتني نفسي وهكذا هي قناعتي .
وإن كنت أحترم قناعاتي فما بالي لا أكثرت لقناعات الآخرين لما أدعي أن النقاب ردة حضارية لما أدعي انه مظهرا لا جوهرا ومتي في الوقت الذي بدأنا نعود فيه إلي ديننا ونتعلم صحيحة لا في وقت فرض علينا من قبل حاكم جاهل .
لماذا نتهم النقاب بأنة رغبة في الاختفاء وعدم التواصل مع الآخرين ماذا لو أني في حافلة أو قاطرة أو مترو وصعدت بجواري فتاة غير محجبة ترتدي نظارة سوداء كبيرة تخفي معظم وجهها تضع في أذنيها سماعات لتسمع ما تريد وتفتح كتاباً لتقرآه أنها ترسل لي رسالة أنا لا أريد أن أتواصل مع أحد أنا مع نفسي نفس الشئ علي المنتقبة لو كانت هذه هي رسالتها لكن الطريقة مختلفة فكل منهما لا يعيب صاحبتيها .
لماذا النقاب هو الشرير وهو الستار وماذا عن هؤلاء الفتيات اللواتي كشفن نحورهن وصدورهن وأزرعهن وسيقانهن من كشفوا أكثر مما أخفوا لماذا نحترم حريتهم في العري ولا نحترم حرية أخريات في الستر .
هكذا حدثتني نفسي فلماذا لا أحترم الآخر وقناعاته إن كنت ادعي إني مع الحرية واني أتقبل الآخر كفوا ألسنتكم عن النقاب اتركوا أخواتي في الله في سلام مع قناعاتهم واتركوني في سلام مع قناعاتي فأنا أترككم أنتم في سلام مع قناعاتكم ففي النهاية سيحاسبنا الله جميعاً علي كل صغيرة وكبيرة كهذا حدثتني نفسي .

50 قالوا رأيهم:

قلب مصرى

العلاقة بين العبد وربه لا تخضع ل{اى الناس ولا يحق لهم التدخل فيها بالاستحسان والاستهجان.
انظرى إلى داخل قلبك وتأكدى أولاً أنه أقرب إلى التقوى حتى تكون فتوى قلبك أصدق من فتوى المفتيين.
بينك وبين الله لا بينك وبين البشر هذا هو مقياس حياتك

حسام يحى

بجد بوست ممتاز

ربنا يجعله فى كيزان حسناتك

الحجاب العلماء اختلفوا فيه

ناس قالت ان الخمار افضل وناس قالت ان النقاب افضل

لكن عجبتنى مقوله ان اليد والوجه حتى لو مكانوش تغطيتهم من الحجاب
يعنى الخمار هوا الحجاب

يبقا النقاب برده افضل

:)

انا معرفتش اقولها لانى قراتها من زمان

بس جمله جميله الصراحه يعنى

:)

حمادة زيدان

ميرا

البوست ده عالي أوي وانتي بتنكشي في حجات عاوزه قعدات وقعدات نتكلم فيها

بصي يا ستي أنا مع احترامك لحجابك ولرأيك ولقلبك اللي نصحك بارتداء الحجاب ... وطبعاً الحجاب هو تاج المرأة اللي ربنا خص بيه النساء علشان يعفهم ويبعد عنهم نظرات أصحاب القلوب الضعيفة ... بس في حاجة بسيطة

أنا مع الحجاب الساتر , مش حتة الايشارب الصغير اللي البنات بتحطه وجسمهم تحته بيبقي ظاهر معظمه تحت اللبس ... للبنات دي بنصحهم بخلعوه أحسن

أما عن النقاب أنا معاكي 100 في المية زى ما سمحنا للبنات السافرات يمشوا في الشوارع ومش بنقول عليهم ولا حتى لينا حق المعارضة عليهم , لازم نكون بنفس المنطق ونسمح للمنتقبات بلبس النقاب ... بس بردوا في حاجة بسيطة
زي ما سمحنا للمنتقبات والملتحين ينتقبوا ويربوا لحياهم , هما كمان يسمحوا لعقولنا تفكر وميفكروش نفسهم أنبياء ويدوروا ينصحوا في اللي رايح واللي جاى

دي وجهة نظري كاملة
وسوري طولت عليكي

مدحت محمد

بصى ياميرا فى بنات كتير بتلبس النقاب عشان عايزة تتقرب من ربنا اكتر

وده شىء جميل للغاية

وفى طبعا للاسف الشديد بيبقى لاغراض تانية
ودول عذابهم عند ربنا شديد اوى

وفى بنات بتبقى لابسة حجاب عادى
وده شىء جميل للغاية

وفى بنات بتبقى مش لابسة خالص ندعى ربنا يارب يهديهم

لان دايما عارفة الاصل والصورة
لازم الاصل يطابق الصورة
بمعنى انى الاصل هو القلب
والصورة هى الشكل العام للانسان

ده الطبيعى

وطبعا للقاعدة دى شواذ بس صدقينى بيبقى واضح جدا الكويس من الوحش

وكل واحد فى النهاية عايز يقرب من ربنا بطريقته

بس المهم انه يكون عايز يقرب من ربنا وخلاص
اكيد ربنا هيهديه

وربنا يهدينا يارب ويعلمنا

تحياتى لحضرتك

واتمنى زيارة المدونة الجديدة بتاعتى
يارب تعجبك يارب

ده رابطها ياباشا

وعايزين رايك

http://romantic-messages.blogspot.com/

amr

تسلم دماغك و ايديكي :))

وومن

قلب مصري
مش عارفة حضرتك مش فهمتني صح ولا انا اللي مش فاهمه حضرتك

انا استفتيت قلبي في الحجاب لكن شروك الحجاب وأصولة مرجعيتة الفقهاء والعلماء

واية رأي حضرتك ؟

وومن

حسام

ميرسي قوي ليك ومش تقلق انا فهمت التعليق وكل اللي انت عاوز تقولة

***********************************

حمادة زيدان

انا كمان أحترم وجهه نظرك في الحجاب الموضة الأيام دي

بس انا عن نفسي مستريحة لحجابي بشكلة كدة يعني شايفة اني وسط

وحجاب الأيام دي موضة والحل اننا نفهم يعني ايه حجاب ويعني ايه الغرض منة

ولا ايه

وومن

محمد مدحت

شكرا علي تعليقك الجميل دة انا معاك في رأيك

***********************************

عمر

ميرسي قوي لحضرتك

طارق الغنام

وومن
اولا بحييكى على البوست الرائع دة
ثانيا من يهاجم الحجاب او النقاب
تحت اى مسمى علمانى ولا متحضر ولا ختى جاهلى هو انسان مالوش شخصيه لانه بيقلد ناس مسحوا شخصيته وبنوة على شخصيه غربيه
انا بس اللى بيقول ان النفاب تستر علشان الاجرام والزنا
احب اساله سؤال
كم حادثه حدثت بسبب النقاب؟
وكم حادثه حدثت بسبب التعرى والانحلال ؟
مفيش طبعاوجه للمقارنه
لان التعرى هو اللى جابنا لورا ومنه لله من دعى له واسموا انفسهم دعاة تحرير المراءة
حرروها من ثيابها وجعلوها بضاعه
وبئس البضاعه
تقبلى تحياتى
ودمتى متألقه كعادتك

حسن حنفى

بوست ممتاز

جزاكي الله خيرا

تقبلي مروري

Ahmed Al-Sabbagh

صديقتى العزيزة الوومنية ميرا

احييكى على تدوينتك الرائعة

وانتى سبقتينى وكتبتى الكلام اللى كان نفسى اكتبة لما قريت البوست اياه

وانا شخصيا كنت ناوى اكتب تعليق على البوست اياه لان صاحب المدونة صديق

لكن بصراحة حسيت بعدم جدوى اى رد

يعنى احنا بندافع عن الحريات حتى حريات الناس اللى عايزة تشرب خمرة بردة هندافع عنها لان ربنا هو اللى بيحاسب

انما نقوم نهاجم الناس اللى بتطيع ربنا

حاجة لا تطاق

بوركتى

وسلمت يداكى

احمد

عبدالهادى_سارة

ميراا ..تعرفي وانا بقرا البوست جات في بالي افكار كتير قوي ..
وكل ما افكر فيها القيكي كتبتي عنها ..ابدعتي جداا في البوست ده

فعلا الانسان لما بيعمل حاجه بقتناع وتفكير عمره مابيندم عليها لانه فكر واقتنع بالمبدا بتاعه

اما بقه اللي تلبسلي النهرده خمار وبكرة تشيله وتلبس طرحه وبعد تشيله وتلبس طرحه قصيره ..فدية معندهاش شخصه ولا مبدا لالااسف

وحاولي مرة تنظري الى منتقبه ازالت النقاب من غير سبب ..هتلاقي الكل بنظرلها نظرة غريبه ونظرة شك ..وحجات كتير بقه بقه لوفضلت اقولها مش هنخلص .
.في الاخر احب اقول ان المرأة

لؤلؤه داخل المحار والمحار في اعماق البحار ..يعني ان المرأة غاليه كالؤلؤه ومصونه بمحارها وبعيده عن اعين الذئاب داخل اعماق البحار ..ولا يصل اليها اي احد الا بخوض تلك البحار بعمقها وامواجها وظلامها ..اي بعد ان تكون زوجة له

تقبلي تحياتي

appy

يا حبيبى
اللى منقبه لو عملت غلط دى مش بسميها منقبه بسميها مختفيه
العيب مش فى النقاب ولا الحجاب ولا اللى كاشفه شعرها
العيب فى الشخصيه نفسها
وكون واحده لبست نقاب علشان تتدارى فيه وتعمل حاجه غلط ده لاقتناعها ان النقاب حاجه كويسه علشان كده عارفه انه هيسترها
بجد ابدعتى لما بتركزى ومش بتهيسى

blue-wave

لأننا صرنا فى زمن قال عنه الرسول
القابض فيه على دينه كالقابض على الجمر
تقبلى مرورى

محمد مارو

صدمتينى يا ميرا
هههههههههههههه
مكنتش اعرف انك مصقفه اوى كده

هههههههههههههههههه
بس عن الحجاب هو باقى شؤا ام ابوا

واحد ميت

اول زيارة لى فى المدونة الجميلة دى

ومش اخر زيارة باذن الله

البوست رائع وجميل جدااااااا

جعله الله فى ميزان حسناتك باذن الله

تقبلوا تحياتى

http://a7lam-el7aya.blogspot.com/

ريمان

ميرا


انا بس بحجز

لانى تعبت الوقتى وهريح شويه

هاجى كمان شويه اقرا البوست واعلق عليه


انتظرينى

انا والله ما اقدر اتاخر عنك ابدا ابدا وانتى عارفه

عشان كده حبيت استاذنك عشان مش تفكرى انى بطنش

وانا مش اقدر اطنشك

ادعيلى ابقى كويسه

د/عبد الخالق زهران

ميرا
بجد موضوع ممتاز
اجمل ما فيه انك وصلتى للحقيقة بهدوء واسلوب مقنع بدون الخوض فى الادلة الفقهيةاللى بتعمل جدل عند البعض

متعكى الله بحجابك وزادك عزة وصون وهناء
تحياتى

ريمان

ميرا


انا هقول معاكى

كفوا ألسنتكم عن النقاب اتركوا أخواتي في الله في سلام


..................

كفوا ألسنتكم عن النقاب اتركوا أخواتي في الله في سلام

.........................
كفوا ألسنتكم عن النقاب اتركوا أخواتي في الله في سلام

.........................

كفوا ألسنتكم عن النقاب اتركوا أخواتي في الله في سلام

ريمان

ميرا


بجد انا بصقف لك

بحييكى حبيبتى على البوست ده


ربنا يجعل البوست ده فى ميزان حسناتك

........................

انا بحييكى على كل حرف كتبتيه ربنا يبارك فيكى يا رب


.......................

موضوعك ده فى الصميم بجد فى الصميم

وانتى جبتى من الاخر وجبتى المفيد

للاسف يا ميرا لو اى واحده منتقبه غلطت غلطه ولو كانت بسيطه بيقوموا الدنيا ومش بيقعدوها

كل واحد بيبص للمنتقبه وبيراقبها ويراقب تصرفاتها وحركاتها وممكن كمان ينكر عليها الامور المباحه اللى ربنا بذاته اباحها ومش حرمها هما بقه بيحرموها

اعطيكى مثال

يعنى انا كنت مره روحت اشترى مكياج فيها حاجه دى؟

لقيت كل البنات بيلوموا عليا انى بشترى مكياج

قعدوا يقولوا شوفوا المنتقبه بتشترى مكياج

سبحان الله

....................

انتى عارفه المقوله اللى بتقول اتبصر القشه فى عين اخيك وغفلت عن الجزع فى عينك انت

.................

فى ناس بيملكوا نفس ذبابيه لا يقعون الا على القذر

......................

عجبتينى اوى يا ميرا فى بوستك ده

انتى عارفه

كتير اوى بيسألونى انتى لابسه النقاب ليه؟

اقولهم انا عايزه اتقرب بيه من ربنا

يقولوا : طب هو سنه ولا فرض ؟

اقولهم النقاب اختلف العلماء فيه

منهم من قال واجب ومنهم من قال سنه

وانا بحب انى اتقى الشبهات

................

فعلا يا ميرا الوقتى العلماء اختلفوا فى حكم النقاب ما بين الفرض والفضل
طيب ما ربنا هيحكم بينهم فى يوم القيامه " الله يحكم بينهم فيما كانوا فيه يختلفون "

افرضى ان النقاب طلع فرض ساعتها شوفى بقى اللى افتوا بعدم فرضيه النقاب هيكون جزاءهم ايه

وافرضى ان النقاب طلع مش فرض المنتقبات كلهم هياخدوا ثواب اكبر من اى حد

...................

انا بقول لكل واحد بيسىء لاء منتقبه بقوله اتقى الله والمفروض تفرح لانها بتصون نفسها

عشان مش ييجى شاب يقول حرام ع البنات اللى كاشفين نفسهم واحنا مش قادرين والكلام ده

............................

شكرا ليكى ميرا ع البوست عجبنى اوى

بحبك اوىىىىىىى

Soooo

إنك لاتهدي من أحببت ولكن الله يهدي من يشاء
صدق الله العظيم

وجزئية (ولكن الله يهدي من يشاء) دي عائده على الانسان نفسه .. يعني من يشاء الهدايه ويبحث عنها
وانتي عشان اصلك كويس ونبتتي في اسره طيبه .. دورتي عالهدايه وربنا كرمك الحمدلله بانك اتحجبتي عن اقتناع
وفي ناس كتير كده .. اصلهم طيب

دوري عليهم وساعديهم زي مانتي عايزه تساعدي صاحبتك

وربنا يكرمك ويوفقك ويهيئلك الخير دنيا وآخره



سلامووووووووووووز

!!! عارفة ... مش عارف ليه

بسم الله ما شاء الله عليكي
ربنا يبارك لك ويحفظك من كل مكروه

كنت قريت موضوع عكس كلامك ده تماما واتوصى أوووي في ذمه للنقاب ومعرفش ده اللي تقصديه ولا لأ
عموماً مش مهم هو لا يمثل أي اهميه في الموضوع إذا كان هو أو غيره

وبسأل ربنا الهداية لنا جميعاً

-------------
مبروك النيولوك الجديد وإن كانت متأخرة شوية
وبعدين مش تقولي انك غيرتي اللينك بتاعك
وأنا أقول البونية بوستاتها الجديدة راحت فين

مبروك مرة تانية ودايماً للأمام
بفضل من الله

تحياتي
وليد

Sometimes

سبحان الله العظيم
والله كنت بفكر فى الموضوع ده
بصراحه تراودنى فكرة انى البس نقاب
وقلت انها فرصه علشان تقربنى من ربنا
بس خفت من ناحية الشغل
مش عارفه هى هتبقى مشكله ولا ايه
عموما ربنا ييسرها

وكلامك كله زى الفل
اسفه انى مش متبعاكى بس ان شاء الله هتابعك دايما

وومن

أ / طارق الغنام

اما مع حضرتك وبسأل نفس السؤال كام حادثة كان بطلها النقاب قصاد كام حادثة كان بطلها المخدرات والجهل والإباحية

***********************************

حسن حنفي

شكرا علي مرورك الكريم

***********************************

أحمد الصباغ

لا طبعا انا مش معاك لازم نرد بس بطريقتنا وبقناعتنا وبحجتنا وياريت محدش يهاجم اشخاصهم هاجموا عقولهم وافكارهم

وومن

ساره

انا متفقة معاكي في كل اللي قولتليه ما عدا نقطة

يعني غالبا مفيش وحدة بتشيل النقاب من غير سبب

وحتي ولو حصل فلازم نحترم حريتها صحيح هانضايق بس في الآخر مش من حقنا نحاسب حد علي تصرفاته

ربنا هو اللي بيحاسب والناس ليها عندنا النصيحة بالحسنه
ولا ايه

***********************************

آبي

جبتي المفيد ياقمر العيب في الشخصية مش في النقاب ولا الحجاب اللي اخدوه ساتر لآنهم حاجات كويسه بس مين يفهم ويسمع

***********************************

محمد مارو

بعد الشر عليك من الصدمة طب شربت بؤ ميه

هههههههههههههههههههه

الحجاب باقي شؤا ام أبوا

وومن

واحد ميت

شرفتنا بزيارتك وفي انتظار متابعتك

***********************************

د / عبد الخالق

بصراحة تشجيع حضرتك الدائم ليا ليه معني كبير عندي
ربنا يكرمك يارب

***********************************

ريمان

يا حبيبتي كل ده في قلبك انا عارفه ان النقاب عامل عليكي ضغط بس انت قدها وقدود ونعم المثال الصالح ربنا يكرمك

اما بالنسبه للجهلاء اللي بيهاجموا الحجاب والنقاب انشاء الله ربنا هايقدرنا عليهم بالحج والدليل

انا احبك في الله وانتي عارفة انك دخلتي قلبي من اوسع ابوابه

وومن

سوووو

فعلا انك لا تهدي من احببت لكن الله يهدي من يشاء

بس ده مش هايمنع اننا نقف لكل من يحاول ان يضل الآخرين

اللهم أني استعيذ بك من أكون مُضل أو مضَل

وومن

مش عارف ليه

يااااااه حمد الله علي السلامة وشكرا علي تشجيعم الدائم

------------

بجد أسفه أني نسيت ابلغك باللينك الجديد بس انت برضة وصلت

***********************************

some times

حبيبتي الأول حمد الله علي السلامة وحشتني زيارتك ونورتيني بجد والله

لو بتفكري تنتنقبي مش هاقدر اقولك اه ولا لا لكن لو عقدي العزم فعلا فمش ينفع تتردي علشان الشغل يعني لو قلبك بيقولك ان النقاب هو ده الصح اتبعي قلبك ومتنسيش ان الارزاق علي الله

وعموما شوفي الأول موضوع النقاب في الشغل عندك مش هايسببك مش كلة ولا لا

ربنا يهديكي للي في الصالح يارب

!!! عارفة ... مش عارف ليه

اللي يسال ميتوهش :)

مدونتك بصراحه من المدونات اللي بهتم بمتابعتها لان فعلا قلمك محترم وفي وعي عالي اووي في موضوعتك
وعندك حاجة كده مش عارف هي ايه
انما زي ما تقولي مذاق ادبي
معرفش بس بستمتع اووي لما اشوف حاجة ادبية ليكي

وانا اهو خلاص عرفت السكة ومستني جديدك دايما

دومتي دوما مبدعة
وليد

blue-wave

تانى زيارة
وشكرا على تجاهل تعليقى الأول

وومن

مش عارف ليه

فعلا اللي بيسأل ميتوهش وتعيش وتسال علينا

***********************************

blue wave

برجاء تقبل كامل اعتذاري عن عدم الرد علي تعليقك الأول لقد سقط سهوا ولم أتعمد تجاهله

أشكرك علي زيارتك واهتمامك بمتابعتي

أحمد سعيد

ميرا

هو مسلسل آخر في الإزدواجيه

التي تحياها مجتمعاتنا.

ندعي الحرية ونحن أول من يقوم بالقمع

النقاب من الفضائل

فلا أعلم إلا أنه خير

وبعداً عن الشبهات

أحييكِ على هذا المقال الرائع

كدت أدمع

جزاكِ الله خيراً


أخوكِ نيجــر .

بنت الاسلام

ما اجمل حديثك مع نفسك عجبتني بشده لغة الحوار الهاديء بينك وبين نفسك احترامك للاخرين احتراما لنفسك وذاتك واشد كلمة اعجبتني لماذا نحترم حرية الاخربن في العري ولا نحترم حريتهم في الستر؟؟ ماابلغ هذه الجملة وما اصدقها كل مننا يبغي جاهدا ان يصل في هذه الحياة لمعبر يصل به الي الجنة فمن حق كل منا ان يمشي في الطريق الواثق من انه هو

نحن في مجتمعاتنا هذه نفتقد ثقافة احترام التنوع والتعدد لا بل ونتشدق دائما ونتفاخر بلمحات الهجوم علي اناس ليس لهم ذنب سوي بحثهم عن قناعة ترضي ضمائرهم

حديث شيق مع نفسك

في انتظار احاديث اخري

تحياتي

Abd-Alrahman
أزال أحد مشرفي المدونة هذا التعليق.
وومن

نيجر

نعم هومسلسل أخر في اذدواجيتنا ويالها من إذدواجية تجعلنا نغرق في أمورنا الخاصة جدا وننسي مشاكل الأمة الأكبر والآخطر عافانا الله منها

***********************************

بنت الإسلام

اسعدني تعليقك جدا جدا وانتي تعلمين اني كنت انتظرة بفارغ الصبر

دمتي لي ودامت تعليقاتك التي دائما ما تكون في الصميم

وومن

صاحب التعليق المحذوف

انوه فقط اني لم احذف هذا التعليق لأنة يهاجمني او يسبني لا سمح الله

انا لآنه جعلني اتذكر الحكمة القائلة

الغبي هو من يكرر نس الخطأ مرتين

الذكي هو من يتعلم من اخطائة

الأذكي هو من يتعلم من اخطاء الآخرين

أرجو أن تراجع نفسك لتعرفي اي شخص انت من هؤلاء

قلب مصرى

أنا فهمت إنك بالفعل إتخذت قرار الحجاب ومازال قلبك هو مفتيكى بشأن شكل الحجاب وشروطه، فلتطمئنى إلى شكل ما يلتزم بالشرط الإسلامى ((ألا يصف وألا يشف)) والحديث النبوى المعنى بظهور الوجه والكفين فقط وألا يكون من الملفت للنظر درأً للفتنة.
طامل كان حجابك داخل هذا الإطار فلك الحرية بعد ذلك.
أرجو أن يكون مقصدى واضحاً.

لك كل التحية.

نهر الحب

الله عليكى يا وومن
ممتازة
بجد بوست هايل رد على بعض ما قيل لتعميم الخطأ وليس الصواب
كل الحب والاحترام لك
يا جميلة القلب والعقل

Diyaa'

بعد ما قريتلك يا ميرا كويس اكتشفت إني بحترمك جداً..من حقك تبعدي زي ما تحبي بس يعني بعد ما كنا سعداء بمعرفتك يوم الجمعة وبالمناقشة معاكي وكمان بحكاياتك عن التاكسي :))
متحرميناش من وجودك وبإذن الله يكون خير
والبوست ده مش لاقي حاجة فيه مش موافق عليها..وربنا يكتر من أمثالك

خالص التحية

نهر الحب

ميرا
يارب ما تغيبى وترجعى لنا بالسلامة ان شاء الله تعالى
لا تطولى الغيبة والا نزعل منك
بجد سعدت جدا بالتعرف عليكى

حسن حنفى

اعتزلت التدوين

شكرا انكم قبلتوني في عالمكم الفتره

دي

ويشهد الله كم احببتكم فيه

فاتيما

كدا يا ميرا
ينفع الكلام دا
بقى اول ما آجى ادخلك و أقول خلاص هسلم على البونية و أدوس بقى فى التعليقات ألاقى سعادتك هتعتزلى شويتين و كمان قافلة التعليقات فى آخر بوست ؟؟
طب يا ستى خدى وقتك و روقى
و عند العودة
هنكون فى إنتظارك
تحياتى ليكى
و كل سنة و إنت طيبة يا ميرا

وومن

قلب مصري

وضح يافندم اشكرك علي التوضيح


***********************************

نهر الحب

ميرسي ليكي انتي ياقمر علي الزيارة

وومن

ضياء

انا كمن كنت سعيدة باليوم دة وحكياتي عن التاكسي ان شاء الله راجعة قريب

***********************************
حسن حنفي

طب ما انا كمان بعدت بس معتزلتش مستنينك

وومن

نهر الحب تاني مرة

انشاء الله مش هاطول وحشتوني بجد

***********************************

فاتيما

يالهوي بجد ايه النور دة المنورة شعشت من نورك

دة انا لو كنت قررت اعتزل نهائي ارجع علشان خطرك

بجد زيارتك اسعدتني دعواتك

فاعل خير

قرب رمضان أغلق مدن أحقادك واطرق أبواب الرحمة والمودة فارحم القريب وود البعيد وازرع المساحات البيضاء في حناياك وتخلص من المساحات السوداء في داخلك ::: في رمضــــان ::: صافح قلبك ابتسم لذاتك صالح نفسك وأطلق أسر أحزانك وعلّم همومك الطيران بعيدا عنك وكل عام انتم جميعا بخير وإلى الله اقرب وعلى طاعته أدوم وأحرص

Gelaan

ميرا
حبيبه قلبي
مش عارفه الصراحه اعلق اقول ايه
انا اقل من انى اقول ممتاز او انو يفوق الرائع
بجد انتى رائعه بكل المقايس
انا بحبك جدا اووووووى
ربنا يكرمك وبزيدك من نعيمه
تحياتى وتقديرى واحترامى ليكى
يااحلى احخت وصديقه في الدنيا دى كلها
بحبك
جيلي كاستر

ع المكتب ..

السلام عليكم ورحمة الله وبركاته
بجد والله ما شاء الله مقال في غاية الروعة أهنئك عليه .. وكم أسعد لما أجد من الناس من تنير أفكارهم على الإنترنت مثلك .. فكلامك بالفعل ينير العقل المظلم لأمثال العلمانيين ..
وطبعا انتقاد النقاب بالصورة اللي وصفتيها بجد مؤسفة .. وللأسف في ناس بينتقدوا مش النقاب بس ..
لأ بينتقدوا الحجاب وأعرف ناس بينتقدوا الصلاة وفي الصيام وكل واحد له حادثة هو حافظها ويرويها زي ما عمل اللي انت اتكلمتي عليه ده .. وكلهم أقرب إلى الجهل منهم للمعرفة .. لأن اللي ياخد حادثة عين ويجعلها للعموم فبجد ده من أصول الجهل ..

بالنسبة للحجاب والنقاب .. ده موضوع اختلف فيه أكابر فقهاء الأمة .. ملخص الموضوع ان الفقهاء على قسمين ، قسم بيقول ان الحجاب فرض والنقاب مكرمة .. يعني الحجاب لما تعمليه هو ده اللي ربنا طالبه ولو لبستي النقاب يبقى خير أكثر وحتثابي عليه بالتأكيد ..
أما الرأي الآخر هو ان القناب هو الفرض ولا يجوز للمرأة كشف الوجه واليدين..
الفكرة بقة ان ده اسمه اختلاف سائغ .. يعني اللي ناوية تتحجب تقرأ الرأيين وأدلة الرأيين وتشوف هي حتقتنع بايه وحتاخد ب أنهي رأي..
أنا عن نفسي واخد بالرأي الأول ، ولكني أقدر وأحترم وأبجل النقاب والمنتقبات ..

واللي بيقول ان المنقبات منفصلين عن العالم والكلام الفارغ ده .. وأنا في الثانوية كانت أكتر شخصية أثرت فية على المستوى الشخصي مدرسة منقبة .. وعندي ناس أعرفهم منقبات ولا يمكن حد يقول انهم منفصلين عن العالم ولكن بيمارسوا حياتهم بكل حرية .. يمكن أحسن من اللي كاشفة عن نفسها وبتعرض نفسها على كل من هب ودب في الشارع .. كأنها تجارة وبيعرض بضاعته .. لكنها بضاعة مفلسة .. لأن سلعة الله غالية ألا إن سلعة الله الجنة ..
والجنة لا يُسعى إليها بالعري والإباحية والكشف .. لأن الكاسيات العاريات صنف من صنوف أهل النار ولا يجدن ريح الجنة وإن ريح الجنة ليوجد من مسيرة خمسمائة عام ..
وحتى اللي بيسموا نفسهم محجبات بيلبسوا غطاء للرأس وبس .. وباقي لبسهم أبعد ما يكون عن الحجاب ، الحجاب له شروط وأحد الشروط ، يعني ده شرط واحد بس ، هو غطاء الشعر لأنه من عورة المرأة .. ومش ده كل حاجة .. يعني اللي تغطي شعرها وسايبة لبسها زي ما بنشوف ديه عملت زي واحد صلى الظهر ثلاث ركعات والعصر ركعتين ، يعني ده ولا اسمه ظهر ولا اسمه عصر .. ده حاجة تانية ، زي بالظبط اللي تغطي شعرها وبتلبس الضيق والمكشوف معتقدة ان ده الحجاب .. ديه برضه ملهاش دعوة الحجاب اللي قال عليه ربنا ..


بس بجد تاني أعبر عن إعجابي بالكلام وربنا يكرمك ويثبتك على الحق ويهديك للحق والرشاد ..
رمضان كريم ..

will

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

will

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

Siguiente Anterior Inicio