63

أريد رجلاً

أريد رجلاً
يتخللني كحبات المطر في مساء شتوي
يتسرب من بين مسامي يتغلل داخل اوردتي
يحتل كل شرايني
أريد رجلاً
يضربني كاعصار جنوبي
يتفهم معاني جنوني
يحطمني لعيد بنائي
أريد رجلاً
ينقش نفسة داخل روحي
يرسم وشماً علي قلبي
يكتب اسمة بحروف من ذهب في تاريخي
أريد رجلاً
يبعثر كل افكاري
يغوص في قاع محيطاتي
يفتش عن نفائسها
يصنع منها عقداُ يهديني اياه
أريد رجلاً
يفجر في ضحكات طفولية
يهديني لعبة أحطمها وأبكيها
فيعطيني لوحة وألوان
لآرسم عالم احلامي
أريد رجلاً
أتمدد في ظلاله
اغفو علي جنبات قلبه
أحلم داخل عيونة
أريد رجلاً
يكتب الفصل الأخير في قصة حياتي

63 قالوا رأيهم:

روابط

بصراحة عجبتنى جدا جدا, فكرة ومعانى وكلمات, شممت فى كلماتك رائحة نزار قبانى, وهذا ليس عيبا بالمناسبة

صحيح انك تبحثين عن مواصفات لن تجديها الا فى الأساطير والف ليله, الا ان عليكى السعى والنجاح من عند الله

لم يعجبنى الشطر الأخير, فالمفترض حال وجود هذا الرجل ان يبدأ بك ومعك الحياة من جديد

تحياتى

ستيتة

اول زيارة
من منا لا تريد هذا الرجل الرائع؟
يحطمني لعيد بنائي فيه هنا حاجة صح؟
الكلام اكثر من رائع وفعلا كنت ها أسألك عنه وهل هذا الشعر رائع بتاعك لقيتك كاتبة تحت انه من ذاكرتك المنسية
دعبسي من فضلك في ذاكرتك على حبات اللؤلؤ دي محتاجينها
تحياتي

عاشقه الرومانسيه

ومن منا لاتريد ذلك الرجل
ولكن اين هو؟

بوست جميل

تحياتى

التائب

السلام عليكم ورحمه الله وبركاته
سيدتى
اتمنى من الله ان يرزقك الزوج الصالح ومنه الذريه الصالحه
بجد عجبتنى كلماتك ولكن الشطر الأخير
هل تقصدى نهايه حياتك مع الناس وبدايتها معه فقط ؟
اتمنى ذلك
ولكى كل ماتتمنى
والله الموفق

Empress appy

فيه واحد فى عمر افندى احجزه لكى ههههه
خلاص خلاص مش ههزر
حلوة يا ميرا بس لي برضه حساها حزينه وشكلها رساله من تحت اللحاف

!!! عارفة ... مش عارف ليه

رغم حالة الرغبة في الذوبان

إلا أنه ذوبان مشروط

إنها رغبة في الفناء

من أجل بعث جديد

يتخلل كل طرف الآخر

ولكن .. بمعايير بلورية


دومتي مبدعة
وليد

شفـقــة و إحســــان

والله حلو اوى اوى يا ميرا
مواصفات مثالية وخيالية فى نفس الوقت
بس اوعدك انى هدورلك عليه
هههههههههههههه
وحشستينا اوى

بنت الاسلام

اريد رجلا

يكتب الفصل الاخير في قصة حياتي

نحن لا نريد ياميرا

نحن نجبر علي الاختيار

ونجبر انفسنا علي قبوله في حياتنا

رجلا لنا


تحياتي ليكي


ووحشتيني جدا جدااااااا


سامحيني مقصرة في حقك

بس والله العظيم بحبك

اختك بطة

blue-wave

ولم السطر الأخير؟؟
لم لا يكون الأول؟؟؟
لم لا تبدأ حياتك معه من جديد؟
اتريدين حبا يحييكى ام حبا يقتلك؟؟

ميرا ( وومن )

حازم سويلم

اشكرك علي إطرائك , ورائحة نزار في كلماتي اعتبرها شرفاً انا اصغر منه بكثير

عندي أمل أن أجدها في الواقع ولم لا

نعم الحياة في فصل جديد يكون هو بدايتة ونهايتة

فحياتنا ليست الا بعض فصول يكتبها البعض ويرحل او يستمر البعض في كتابة سطور فيها انا رجلي فأريدة ان يكتبني منذ ان ياتي للنهاية

نورتني بجد

ميرا ( وومن )

ستيتة حسب الله الحمش

بجد بجد زيارتك اسعدتني جداً جداً يارب تنوريني علي طول

وميرسي قوي علي كلامك الحلو ده وعلشان خاطر انتي هادعبس ولو انه مش شعر دي محاولات شعرية

لا ينطبق عليها خصائص التجربة الشعرية
تحياتي

ميرا ( وومن )

عاشقة الرومانسة

ممكن يبقي موجود او حتي حتة منه

تحياتي

***********************************

التائب

اهلا بك واشكرك علي دعائك اللهم آآمين يارب

كيف تكون نهايتي مع الناس الإنسان لا يستطيع ان يتوحد ان يعيش من اجل فرد واحد
فالإنسان إجتماعي بطبعة لكن لو وجد في حياتي رجلاً سيكون إضافة لها وساكون إضافة له يتأثر كل منا بالأخر ونخرج نسيجاً ممزوج منا هذا ما قصدتة فصلا اخيراً اضيفة ليستمر للنهاية

تحياتي

ميرا ( وومن )

~*§¦§ Appy §¦§*~

اوكي ياقمر احجزي ونتحاسب بعدين

ههههههههههههههه

يعني هو علشان انا حتة واقعه منك علي طول تكشفيني كدة عرفتي منين اني بكتب من تحت اللحاف يا لئيمة

بس مفيش حزن ولا حاجة دي بس زنة من زنات دماغي

ميرا ( وومن )

!!! عارفة ... مش عارف ليه

ايه دة ياوليد كل دة فهمته من القصيدة

بجد بتعجبني زاوية رؤيتك للأشياء فهي جداً مختلفة

ميرسي قوي قوي علي تشجيعك

***********************************

شفقة هانم وإحسان بيك

اهو دة بقي اللي نفسي فية انا قولت وانتم دورا براحتكم

نورتوني ووحشتوني قوي ولو اني زعلانة منكم علشان مش بتزوروني كتير

بس خلاص سماح علشان انتم حبايبي

ميرا ( وومن )

بنت الاسلام

لية بس يا قمر كدة من قال اننا بيتفرض علينا

بنختار حتي لو كنا بنختار بدون وعي مننا ونقول علي إجبار

لكن صدقيني بيبقي فية موافقة ضمنية مننا

وحشتيني قوي جداً خالص ودايما في بالي إن شاء الله لينا قاعدة مع بعض

ارق تحياتي وخالص مودتي وحبي

ميرا ( وومن )

blue-wave

الفصل الأخير مش السطر كدة بقي هازعل منك

وانا قصدت بية انه يبقي الخاتمة مش الموت بس الفصل دة في إمتداد يعني يبتدي ويتطور وينتهي وقت أن يشاء الله

نورتني

Khaled KEM

Nice post and nice poem. I apologize in writing in English as I do not have an arabic software for the moment.

ريمان

ميرااااااااااااا


ايه ده ايه ده

انتى اللى كاتبه الكلام ده؟؟


واااااااااااااااو

مش معقول

يخرب بيت كده

ده انا جمبك لا اسوى شىء

الان انا اشعر بالتواضع جمب كلماتك

ان شاء الله حبيبتى ويا رب يا رب تلاقى المواصفات دى فى خطيبك

باذن الله

مع انك طلبتى صفات خياليه بس ان شاء الله هتلاقيها معاه مع العشره باذن الله

romansy

ربما ليس موجودا فى عالمنا الغريب ربما يكون قد ظل الطريق ربما ولكن سيظل الفارس يبحث هو ايضا عنكى مثلما تبحثين انتى فهو مثلك لا يجد من يحبه لا يجد من يعشقه ويحسه فى عالم ملبد بانعدام الاحاسيس
فهو يردد ايضا على لسانه تلك الكلمات
فأنا من بدأ التكوين

أبحث عن وطن لجبيني

عن حب امرأة يأخذني لحدود الشمس ويرميني

فهو ينتظر هذا الحب الذى ياخذه الى حدود الشمس ولكن ساعتها لا يشعر بحراره الشمس لان حراره حبه ستغطى على حراراتها
فانتظرى الفارس على هذا البر
وهو ينتظرك هناك على البر الاخر
ربما قد تجمعكما يوما صدفه

حاسوباتيه

حلوه حلوه جميله جدا كلمات جميله جدا وفعلا كلنا نريد رجل

غير معرف

معلش بقي ياميرا اللي بتطلبيه صعب أصل الرجاله ماتوا في 73 ..
بجد كلمات رائعه وبها إحساس جميل

ميرا ( وومن )

Khaled KEM

Thanks for ur complement. Nothing wrong of writing in English

u r welcomed in any language

***********************************

ريمااااااااان

ايه ده يا ريمو بالراحة عليا انا مش قدك هي العين تعلي علي الحاجب يا ريمو برضوا انا يا دوب بحاول

ربنا يسمع منك والاقيها ولو اني لسه بكتشف اهو

وحشاني ياقمر قوي قوي قوي

ميرا ( وومن )

romansy

نعم انا علي ثقة بأنة موجود في هذا العالم ومازال البحث عنه مستمراً

منورني داينا

***********************************

حاسوباتيه

ميرسي قوي ليكي اللي تقول غير كدة بتضحك علي نفسها

ربنا يراضينا كلنا

ميرا ( وومن )

sherif

لية كدة بس زعلتني طب مفيش واحد فاضل كدة ولا كدة

دور كويس

منور

موناليزا

واضح ان الطلب متزايد على هذا الرجل:)
لو قابلتيه ياريت تعرفينى ..بس عشان افرح انه لسه موجود:)

safa7_karmooz

يا بخت الرجل ده ^_^

صاحب المضيفة

جميل ما كتبتي فعلا

وأردي أنثاي هكذا لكن بالمؤنث منها أيضا

:):):):):)

سلمت يمناك أختي لما كتبتي وبلغك الله ما تريدين وزيادة

كل التحية

Mustafa Şenalp

çok güzel site. :)

سارة نجاتى

لن تتخيلى مهما قلت لك عجبتنى قد ايه , أنا مش متعودة أجامل على فكرة

بجد معبرة جدا , أنا حسيت أنك بتتكلمى عنى أنا , و موزونة كويس
لأ بجد برافو

تحياتى

الباحث عن الحقيقة

شعور جرئ لإمرأة عربية تعبر عما في نفسها بوضوح
ورومانسية مهذبة

Lyssandra

أريد رجلاً
يفجر في ضحكات طفولية
يهديني لعبة أحطمها وأبكيها
فيعطيني لوحة وألوان
لآرسم عالم احلامي


=======

عجبني أوي الجزء ده

نرتدي الأقنعه كثيراً بوجوه الآخرين كي نتمكن من مواصلة العيش بينهم

لكن أن يأتيك من ينزع قناعك
يرسم علي وجهك ابتسامة طفوليه منسية منذ زمن

يعيد الذكريات

يعامل بأبوة

يعامل بحنان

هو ذا ما نبحث عنه

هنيئاً لها من تجده

:)

تحياتي ميرا

كوني بخير

Tamer Nabil Moussa

السلام عليكم

كلمات جميلة وومن تسلمى عليها

والموضوع مهم وهادف

ربنا يكرمك


تحياتى

Abd-Alrahman

خاطرة جميلة جدا جدا

كلماتك دايما جميسلة يا بطوط
علي فكر النيو لوك بتاع البلوج كمان رهيييييييييب
انا مجيتش عندك من زمان بجد
بس عجبني اوي اوي اوي

ربنا يوفقك

تحياتي
وشكرا علي تعليقك الذي اسعدني كثيرا

أنا حر

الفكرة ممتازة ورائعة وتحررة لابعد الحدود لكن ينقصها الحذر عن الاختيار حتى تجدي من يستحق ان يكتب الفصل الاخير في صفحاتك
كلماتك رقيقة ومميزة جدا
تحياتي

micheal

أتمني تلاقي حد فعلا بالمواصفات دي
كلامك معبر جدا علي فكرة
تحياتي

دعاء مواجهات

اول مرة اعرف يعنى اية تقرا كلام ومتعرفش تعلق من كتر ما الكلام بيمسك اوى وبيضغط على حاجة جواك

بجد تجربة جديرة بالاحترام ولا زم تكرريها

...

Fahd

مع انك قد تقابلي ببعض التحفظ

الا اني لا املك الا ان اشيد بهذه الكلمات الرقيقة الصادقة

ولو عكستي الكلمات لوجدتي ايضا هؤلاء الشباب الحائر في حاجه الي هذه الانثى الرائعه الهادئة الجميلة الحنونه

رزقنا الله ما نتمني

وما يصلح لنا وما يصلحنا امين

ميرا ( وومن )

موناليزا

اديني بدور اهو وكلفت كمان فرق بحث بس صدقيني لو مش لقيتة علي الحقيقة هاتمني اني اوجد نسخة منة علي الأرض لو ربنا أداني ولد

لسة برضة في فرصة ولا ايه

نورتيني بجد

***********************************

أنت تسال والكمبيوتر يجيب

أشكركم علي دعوتكم الكريمة

ميرا ( وومن )

safa7_karmooz

ما شي يا بختة ده لو لقيتة اصلا ادعيلي الاقية


***********************************

صاحب المضيفة

إن شاء الله هاتلاقيها كدة واكتر كمان بس المهم أنك تكون مرشدها ومعلمها
انت تتعلم كيف تعزف علي اوتارها فتخرج اجمل الحانها

منور بجد

ميرا ( وومن )

Mustafa Şenalp

Teşekkür ama soruyorum eğer tüm Arap?

Benim içten selam

***********************************

سارة نجاتي

وانتي بجد مش عارفة انا سعيدة بيكي قد ايه

ميرسي قوي علي تشجيعك انا فعلا بتكلم عنك وعني وعن كل البنات اللي عاوزه تحس بوجود راجل في حياتها

تكمله ويكملها يكون هو الجزء الناقص فيها زي البازل بيه تكمل الصورة وتبقي واضحة المعالم

بس ياريت الرجاله تفهم

ميرا ( وومن )

الباحث عن الحقيقة

اسعدتني زيارتك وتعليقك جداً جداً ارجو الا تكون الأخيرة

اشكرك جداً علي تشجيعك تقبل خالص تحياتي

***********************************

lyssandra

عزيزتي اجمل ما في الكتابة اننا احيانا نكتب افكاراُ لا نعيها ليقرءها آخرون اكثر وعياً يجيدون فهم مابين السطور

اجدتي التعليق علي قصيدتي اكثر مما اجدت انا كتابتها

ارق تحياتي وخالص مودتي

ميرا ( وومن )

Tamer Nabil

ميرسي ليك يا تامر ده بس من ذوقك

خالص مودتي وتحياتي

***********************************

Abd-Alrahman

بيدو جبت بطوط دي منين اوعي تكون كنت بتعلق عند حد تاني ومش واخد بالك

هههههههههههههههههههههههههه

ميرسي يا بيدو ربنا يخليك لو القالب عجبك اتفضلة والله مايغلي عليك

معلش بقي مأثرة في زيارتك

ميرا ( وومن )

أنا حر

اشكرك جدا وفعلا انت محق لازم اكون حذرة في اختياري لكن إذا اتفقت الآراء اني طلبت المستحيل

فالواقع يفرض ان اتنازل عن هذا المستحيل واقبل بعضاً منه إذا أمكني التعايش مع هذا البعض

تحياتي

***********************************

micheal

يا اهلا يا اهلا

والله يا مايكل انا بطبق علي خطيبي ولسة بشوف اهو ادعيلي انت بس يبقي زي ما انا عاوزة

سلم علي دينا ماشي

ميرا ( وومن )

دعاء مواجهات

طب كويس اني قدرت اوصلك انتي بتعملي ايه فينا علشان تخفي بقي شوية

الواحد بيقعد ساعه يكتب في التعليق ويسمحة ويكتبة تاني ويهرش في راسه وكدة

انتي دايما بتمسي حاجات جوانا

ميرسي يا دودو علي تشجيعك بس مترجعيش تقولي ان انتي السبب استحملي بقي

بوسات كتيرة

فشكووول

يا وومن .. تحياتى
طب والطلب دا حانجيبه منين
طلبك صعب قوى
والاصعب منه انك تلاقيه
هو فيه حد فيه المواصفات دى
دول رجاله مش ملائكه ومش شياطين
فهم ده .. وفيهم ده
تحياتى

سمكه واحده

وانا كمان



تسلم ايدك

سمكه واحده

وانا كمان



تسلم ايدك

مدينـة من النسـاء

ومن منا لا تريد هذا الرجل بل وتتمناه
من منا لا تنتظره طول العمر
ولو للحظة النهايه الأخير فقط لتلقاه
من منا لا تنتظر حدود معالمه لتحيط ملامحها
من منا لا تلقي بأخر أنفاسها لتهبه إياها ليحيا
ولكن ...
أين هي دروبه وخطواته
أين هي إشراقته لتضئ غفوة الحياة
أين هو لتحيا هي ....

الله عليكـِ بجد جميله

طوبه فضه وطوبه دهب

جميل اوى كل كلامك ولكن تعتقدى ان لهذا الرجل وجود فى عالمنا ربما ..........

ahmed_k

مين اللي بينادي علي؟؟؟؟؟

ميرا ( وومن )

fashkool

الله الله ليه بس كدة لما راجل يقول الكلام ده

أعمل انا ايه ياعيني عليكي يا وومن وعلي حظك

هههههههههههههههههههههههههه بهزر طبعاً

بس اكيد الرجالة دور بني أدمين مش ملايكة بس انا مش عاوزة ملاك بأختصار عاوزة حبيب واخ واب وصديق

صعبة دي صعبة مش كدة ربنا معايا

***********************************

سمكة واحدة

حاضر يا حبيبتي من عنيا اول ما الشحنة اللي انا متفقة عليها توصل من مدغشقر تقرب توصلك هاقولك تحجزي

ههههههههههههههههههههههه

منورة يا قمر

ميرا ( وومن )

مدينـة من النسـاء

مدينتي انتظرتك وطال انتظاري لما تاخرتي

موجود حتي ولو لم يوجد في الحقيقة سيتحتل دوما مدائن خيالي وسيظل للأبد ساكن روحي اقف علي شواطئ سنواتي انتظر قدومة

نورتيييييييييييييييييييني

***********************************

طوبة ذهب وطوبة فضة

لو عاوزينة نبقي موجود هايبقي موجود النساء هن من يصنعن الرجال لا العكس

تحياتي نورتيني

ميرا ( وومن )

ahmed_k

هه مين فين أمتي ؟؟؟؟؟ لا مش انت يا احمد النمره غلط
ههههههههههههههههههههههههههههه

مدينـة من النسـاء

مدينتي انتظرتك وطال انتظاري لما تاخرتي

>>

بجد غصب عني
غبت حتى عنـي
متزعليش
(F)

Hanan Elshafey

السلام عليكم
اول زياره
بوست جميل وعميق
تحياتي

سحساوي
أزال المؤلف هذا التعليق.
اقصوصه

كتاباتك جدا جميله :)

غير معرف

انتي اللي مألفة الأبيات دي و لا ايه ؟؟

لو فعلا كده يبقى انتي عندك قريحة شعرية رائعة

ما تقوليش يعني ايه

ميرا ( وومن )

مدينة من النساء

مدينتي عذرك مقبول اذهبي كيفما شئتي وابحثي عن نفسك كيفما شئتي فسأكون دوماً في انتظارك واعرف انك لن تضلي الطريق ابدا

***********************************

حنان الشافعي

ميرسي ليكي قوي نورتي المدونة يارب تنوريها دايماً

ميرا ( وومن )

اقصوصة

ميرسي يا حبيبتي :) :)

***********************************

شوكت

ايوة انا اللي كتبتة ومش هسألك يعني ايه ميرسي قوي يا شوكت

سابرينا

و ده بقي رجل المستحيل اللي موجود فقط في الأحلأم!
______________________
really amazing words

غير معرف

[url=http://www.friendface.org/pg/profile/buy_augmentin]augmentin ear infection[/url] Introducing PBL into a course makes new demands on tutors, requiring them to function as facilitators for small group learning rather than acting as providers of information. [url=http://www.netknowledgenow.com/members/buy_5F00_bactrim.aspx]bactrim ear infection[/url] This change means that doctors are becoming more adept at using computers and online resources to support their daily work and continuing professional development. [url=http://srandolph.communityserver.com/members/Buy-Cialis.aspx]Cialis regalis[/url]

غير معرف

من قال ان هذا الرجل غير موجود إلا فى الاساطير والخواطر والأشعار موجود صدقونى موجود ولكن عندما تتسع رؤيتنا لحقيقة الاشياء ونستطيع ان نبحر فى اعماق الآخر دون أن نزن حياتنا بميزان (عايزين كل حاجة) ربمايجد كل رجل فتاته التى يحلم بها وتجد كل فتاهفارس احلامها ولن نستطيع ذلك إلا عبر نفس شفافة وصادقة تحياااااااااااتى لكلماتك الجميلة واسلوبك الرائع يا بنت الأيييييييييييييييييه يا حريفة
RAMADAN

Siguiente Anterior Inicio