50

قصاصات من ورق

كان هذا اليوم هو يوم أجازتي وقررت استغلاله في متابعه دروسي وبما أني من الأشخاص الطقوسيين - لا مش اللي بيحبوا يطقسوا علي كل حاجة - أقصد ممن لهم طقوس في كل شئ فأنا لي طقوس في المذاكرة وطقوس في الصباح ومع اني افتقر إلي التنظيم أو كما أحب ان اقول دائما أعشق الفوضي المنظمة إلا اني احافظ وبشدة علي هذه الطقوس ربما كان السبب في ذلك هو اني كنت اشعر اني غريبة الأطوار لكني أكتشفت أن معظم الناس لهم طقوس خاصة يحتفظون بها لنفس السبب من أشد هذه الطقوس هي اصراري علي الأستذكار بقلم رصاص فإن لم يوجد قد الغي الفكرة من الأساس لذا فأنا احتفظ دائما بأكثر من قلم ومن نوعية خاصة في هذا اليوم بعد أن أعددت كل شئ لم أجده فبدأت بالبحث عنه بين ارجاء أدراجي وصناديقي التي تمتلئ بأشياء صغيرة قد تبدو بلا معني تحدث الكثير من الفوضي لكن تحمل معها الكثير من الرموز والمعاني والذكريات هذا الجعران الأزرق هدية قديمة طوقت رقبتي لمدة عامان في الجامعه ، هذه الرواية الصغيرة أخر شئ قرأتة قبل تخرجي هدية من صديقتي دولي ، صفحات من كشكول محاضراتي لا تحمل عنوان لأي محاضرة لكنها عشرات الكلمات لأكثر من خط قد تظنها للوهلة الأولي تعويذة ما لكنها ليست سوي بعض من دردشتنا أثناء المحاضرات

تطغي علي شفتي إبتسامة وتستدرجني ذكرياتي شيئاً فشيئاً أقلب أشيائي وذكرياتي لأنسي معها سبب بحثي داخلها ابتساماتي دموعي طموحاتي إحباطاتي نجاحاتي واحدة تلو الأخري هذه أنا التي لم أعد اعرفها ووسط هذا الزحام وجدته سجل قديم لا يحمل عنواناً تجد داخلة اوراق كثيره بأحجام مختلفة ممهره جميعها بتوقيعي وتاريخها معظمها قصائد كنت أكتبها منذ امد بعيد أولي محاولاتي لكتابه القصة أول قصة أنتهيت من كتابتها ، وأرتحلت بين اوراقي افتش عني أرصدني أنقدني أراني اتطور اتحسن أحاول وأحاول وبين الكثير والكثير من القصاصات كنت انا وكانت اولي مدوناتي أكتشفت وقتها أني ادون منذ امد أني كتبت نفسي جملاً وكلمات وحروف ورموز وأشياء أحملها معي دائما مدونتي الأولي كانت قصاصات ورق أسميتها صفحات ذاكرتي المنسيه جمعتها داخل هذا السجل عندما توقفت عن الكتابة
وعندما أشتقت لها وأشتقت لأقلامي وأوراقي لأرسم عوالم من خيالي أصنعها فأخلط فيها نفسي والآخرين في شكل جديد لأسجل كيف تترك الناس والحياة آثارهم علي روحي كانت مدونتي وما أشبة اليوم بأمبارحه في مثل هذا اليوم خططت اولي تدويناتي في مثل هذا اليوم صنعت مساحة لي في عالم مليئ بالأفكار والإتجاهات والمشاعر
مر عام سجلت فيه الكثير والكثير ربما أثرت في آخرين لكن الأكيد أن آخرين قد أثروا في ، عام سجلت فية بحروف إليكترونية في عالم إفتراضي أجزاء مني شاهدة علي وشاهدة أنا عليها
مر عام تحول فيه حزني ووحدتي إلي فرح وألفة ومودة ، مر عام وأنا أخري سعدت جداً بمعرفتها ، مر عام كان الحصاد فيه صعباً لكنة موسم جيد حمل معه الكثير والكثير شاركتوني فيها وشاركتكم
مر عام لو كتبت فية مئات الصفحات لن توفيه حقة ، مر عام لو ذكرت فيه كل هؤلاء الذين أضافوا إلي وأصبحوا علامات فارقة في حياتي لما توقفت عن الكتابة حتي أملاء مجلدات
مر عام لو شكرت فيه كل أصدقاء هذا العالم الجميل لو شكرت كل صاحب تعليق جميل كل من أهتم بما أكتب كل من شجعني علي الإستمرار كل من أحببتهم واحبوني كل من أصبحوا بالنسبة لي شيئاً هاماً ما تحركت من مكاني هذا لأسابيع أو ربما لأشهر
إليكي انتي مدونتي كل الحب كل الشكر كل العرفان إليكم أنتم تدوينة خاصة لأذكركم لأشكركم بينما أنا اتطلع بشوق لعام قادم إن شاء الله .

50 قالوا رأيهم:

Lyssandra

أنا جيت أول واحده أهو

يادوب شفت صقوسيين بس

ههههههههههه

هاجي تاني بعد ما أخلص البوست

بس قلت أحجز الأول

:)

محمد مارو

كل بوست و انتى طيبه

كل سنه و انتى طيبه

و منورانا فى عالم التدوين

افهم من كده ان تقريبا هيمر سنه على زيارتك للمنصوره؟

طرقعات فجائية

الاخت العزيزة

كل سنة وانت انجح واروع واهنئك على تدوينتك الرائعة وكلماتك المعبرة الرقيقة

ولك خالص التحية

اخوكم طارق الجيزاوى

غير معرف

كتاباتك جميلة رقيقة أجمل ما في هؤلاء الطقوسيين أنهم احيانا يروا الامور من وجهة نظر أخري

جميعا نفتقر الي النظام لاننا نفتقده في عالمنا من البداية

تحياتي لك

صاحب المضيفة

أدام الله أفراحك وبلغك مرادك وأحيا عمرك بكل طاعة


ولك عام وانتي سعيدة وطيبة يارب


ومنورة مدونتك دايما يارب


تحياتي

همس الاحباب

كل سنة وانتى طيبة
ومدونتك بخير
كل عام وانتى سعيدة وفرحانة كده
كل عام وانتى وسطنا قمر منور ايام التدوين
تحياتى وتقديرى

موناليزا

كل سنة وانتى ومدونتك بخير
وعقبال 110 سنة
بما ان مدونتى اكبر من مدونتك بكام ساعة يبقى البالونات عليا:)
يارب تكون سنة خير وسعادة عليكى

Diyaa'

كل عام تدويني وإنتي بخير وأجمل وأحلي

وطبيعي إحساس زي ده مش هتقدري توفيه حقه :) لأنه ميتقدرش بكلام
بس استمتعي :)

ويا رب دايماً تبقي موجودة وسطنا منورانا بتدوينك :)

فكرتيني بكشكول كنا بنعمل شاتينج فيه أيام المحاضرات برضه في سنة أولي

يلا يا رايقة..كل طقوس مذاكرة وإنتي بخير

بس هو القلم الرصاص نوعه إيه يعني ؟

تحياتي :)
سلام

Lyssandra

كللللللللل سنه وانتي طيبة يا ميرا

سنه سعيده عليكي وعلي المدونة بتاعتك

......

فكرتيني بقلمي الرصاص

والفوضي بتاعتي

وكشكولي وأوا كتاباتي

:)

أنا حسيت بتتكلمي عني يا بنتي

علي فكرة

أنا كمان كان عندي جعران .. وأزرق .. وكنت باعلقه أيام الجامعه

:)

وكان هدية برده

ههههههههههههه

مش باقولك كأنك بتتكلمي عني ؟؟

.....

كل سنة وانتي طيبة يا جميلة ودايماً معانا وسعيده يارب

MaNoOoSh

عيد سعيد للمدونة
انا مش عارفة دى اول مرة اعلق عندك وللا لأ.. بس انا بتابع موضوعاتك على طول

romansy

كل سنه وانتى طيبه
كده بقى العيد عيدين

عيد حب سعيد
happy valantin day

والتانى بالمناسبه السعيده دى
يارب يعدى مليون سنه

Unknown

ازيك يا ميرا الجميلة
عاملة اية وحشتينى جداا
يارب تكونى بخير وكل عام تدوينى وانتى بخير

انتى كمان اثرتى بالكثيرين
ونشاطك ملحوظ ماشاء الله عليكى
ربنا يوفقك ويبارك فيكى يا ميرا

Empress appy

لا متقوليش ميرا سعيده تتحسدي يا بنتى ذكريات حلوه وسنه حلوه عليكي يا ميرا يا رب وتبقى اهدي من اي وقت فات

بنت الاسلام

عقبال 100 سنة وانتي معانا ياميرا يارب

زي ما التدوين اضاف ليكي انتي كمان اضفتي له

زمان ايام زمن الذكريات والكتابة علي الورق كان الحوار بين انفسنا واوراقنا لا احد يسمعنا يشعر بنا يتحدث معانا سوانا بينما الان لم تعد اصواتنا تنتظر صداها فقط بل هناك من يشاركها الفكر والحوار والاحساس

كل سنة وانتي طيبة

وهابي فلانتين

و احنا بنحبك قوي

تحياتي

شبـــاك موارب

كل سنة و مدونتك دائما في تقدم براقة و متميزة
انا باجي عندك بقرأ فقط بس مش بعلق

انا مش عارفة انتي فكراني و لا لا
بس انا كنت معاكي في الكلية و في نفس المجموعة

تحياتي ليكي دوما

رضوي

ريمان

كل سنه وانتى معانا يا قمررررر


كل سنه وانتى ميرا العسل

كل سنه وربنا ما يحرمنى منك ابدا

كل سنه وانتى يا رب مدونه ناجحه


وكل سنه ومدونتك طيبه

ريمان

على فكره عنيا وجعتنى اوووووووى

ابقى لونى يا ميرا واعملى مسافات بين الفقره والتانيه


اااااااه يا عيونى

Heba Sayed

كل سنة وانتى طيبة

رئيس جمهوريه نفسى

كل سنه وانتى طيبه وسعيدة يا ميرا

!!! عارفة ... مش عارف ليه

كل سنة وانت طيبة ميرا

هكذا هي ميرا نرى احتفالها بعامها الاول يحمل عبق أدبي يثير الشجون فينا
وكانت جولتك الداخلية معراجاً للوراء في لحظة تأمل للذات حنما وقفت أمام المرآة وليس بالضرورة أن تكون تلك المرآة اللحظية التي إن تواريت عنها تختفي ملامحك بل مرآتك هي قصاصاتك التي احتفظت بك بكل ما فيكي في تلك اللحظة الزمنة وبقيت شاهدة لك وعليك هنا ...

"وأرتحلت بين اوراقي افتش عني أرصدني أنقدني أراني اتطور اتحسن أحاول وأحاول وبين الكثير والكثير من القصاصات كنت انا"

نسأل الله أن يديم عليك موهبتك وعطائك الذي ننتظره بشغف ... وعامك الأول هذا ما هو إلا أول الغيث إن شاء الله


وليد

طوبه فضه وطوبه دهب

كل سنه وانتى ومدونتك بالف خير يا اجمل زهره فى عالم التدوين

Kiara

كوووول سنه وانتي مدونه كل مايجول بخاطرك

وحشاني ياقمر

Abo 7anf

السلام عليكم
كل سنه انتى مدونتك بخير
ونجاح

Unknown

مش الفالنتين ده بدعه ها بدعه ولا لاء ردي عليا

كل سنه و انتي طيبه يا قمر هابي فالنتين

انا شخص فوضوي جدآآآآ بس عقلي منظم جدآآآآ

د. إيمان مكاوي

كل سنه وإنت طيبه
كل سنه والمدونه بألف خير
كل سنه وإنت أحلى امرأة بعقل رجل

دمت بكل الحب

micheal

كل سنة أنتي ومدونتك طيبين يا ميرا وهابي فالانتين ونشوفك ع الخير دايما
تحياتي

غير معرف

دائما متأخر
معلش بقي دايما أنا أخر واحد في الحفله
مش مهم المهم أني لحقت التورته ولا خلصتوها يلا بقي بالهنة والشفا
كل سنه ومدونتك طيبه وذاخره بالمواضيع الجميلة والشيقة وتستمري كده علي طول

حاجات جوايا

كل سنة وانتى طيبة يا حبيبتى ومدونتك أجمل واجمل وتفضلى منوراها بحروفك يارب

سالى

mohamed ghalia

كل سنة وانتى طيبة
كويس إنى جيت فى مناسبة حلوة زى دى
دمتى بكل الود

ميرا ( وومن )

Lyssandr

هههههههههههههههههه طوقسيين يا بنتي صقوسيين دي بقي هانشوفها في المعجم يعدين
هههههههههههه

براحتك يا قمرة

***********************************

محمد مارو

وانت طيب اه تخيل كلها كام يوم ويبقي برضة عدت سنة علي أجمل زيارة عملتها في حياتي

الأيام بترمح رمح منور يا مارو

ميرا ( وومن )

High Sounds

أ/ طارق

اهلا وسهلا المدونة نورت وميرسي قوي علي كلام حضرتك الرقيق وتشجيعك

***********************************

afew good men

وحضرتك طيب ، فعلا الطقوسيين دول بشوفوا الأمور من وجهه نظر مختلفة بس معاها شعور عميق بالغربة عن معظم البشر

ربما نفتقد إلي النظام إلي الأساس لكن صدقاً لي الكثير من الأصدقاء مثال يحتذي به في تنظيمهم

تحياتي وأسعدتني زيارتك جداً

ميرا ( وومن )

صاحب المضيفة

اللهم آمين بجد دعوة حلوة قوي ربنا يكرمك يارب

وانت طيب

***********************************

همس الأحباب

وانت طيب يا خالد بجد أحرجتني ( وش مكسوف أخر حاجة )

ههههههههههههههههه

ميرا ( وومن )

موناليزا

وانتي طيبة ياقمر 110 بحالهم وابقي عجوزة وكحكوحة كدة لا يا ستي انا عاوزة ابقي شباب هاوقف عددها عند 39

ههههههههههههههههههههه

ميرسي علي البلونات يا قمر خلي بالك من البلونة الحمرا دي اوعي حد ياخدها

***********************************

Diyaa'

وانت طيب يا ضياء الحمد لله مستمتعه بكل دقيقة معاكم بجد بس يارب ابقي ضيف ظريف لطيف مش تقبل علي حد
متهيئلي مفيش طالب مس عمل كشكول شاتنج زي دة

بص يا سيدي هو طبعاً مش قلم ريبال مثلا ولا قلم رصاص صديق للبيئة بس انا بحب اكتب بنوع اقلام سنون بس بسن قلم رصاص وبتتبري ببرايه مخصوص والنوع دة مش منتشر قوي ومش كل الناس تعرفة

ميرا ( وومن )

Lyssandra

لا بصراحة قريتي البوست هوا دة تلقية حمض علي الديسك توب عندك علي معلقتي عليه

ههههههههههههههههههههه

لاء متقوليش اوعي تقولي انك برج العقرب وخريجة تجارة

شكلك هاتطلع قريني يا زواوي

هههههههههههههه لا بجد ابقي قوليلي وهاتبقي صدفة حلوة قوي قوي

***********************************

MaNoOoSh
سعيد عليا وعلي كل المدونين الحلوين يارب

ايوة يا قمرة علي طول منوراني بس علي المدونة التانية بتاعه حاجات تغيظ شكلك بتحبي تتغاظي ولا ايه

منور ياقمر علي طول

ميرا ( وومن )

romansy

رومانسي رومانسي يعني

وانت طيب ويارب كل سنة كدة من فرح فرح

هابي فالنتاين تو يو D:

***********************************

نهر الحب

وانتي طيبة ياقمر انتي كمان وحشاني قوي يارب اشوفك قريب يارب

بس تأثيري في أي حد مش ربع ولا نص تاثير المدونين فيا
بجد ربنا يكرمك ويبارك فيكي نشاطي دة جزء صغير من مجهود ناس كتير بتتعب اكتر مني في التفكير والتجهيز ومنهم انتي

ربنا يقدرنا كلنا ويبارك فينا

ميرا ( وومن )

~*§¦§ Appy §¦§*~

اه سعيده هو انا يعني علشان اكتئبت شهرين تلاتة عشرة ابقي هافضل علي طول

وانتي طيبة يا آبي ربنا يسمع منك قولي آمين

***********************************

بنت الاسلام

وحشاني كتير كتير والمنصوره كمان قوي مش قادرة اقولك قد ايه

ربنا يخليكي يارب ده كتير عليا قوي يا بطوط

انتي بالذات لكي مكانة في قلبي لا ينافسك فيها أحد وانتي عارفة ليه بحبك في الله بجد

عقبال 100 سنه وانا معاكم يااااااااارب

ميرا ( وومن )

مش عارفة الدنيا وخداني علي فين

رضوي وانتي طيبة ياقمر ومنوراني علي طول

طبعاً فكراكي انتي اصلا لو تعرفي كام مرة جبت سيرتك مش هاتصدقي

منورة دايماً يا قمر

***********************************
ريمان

كل سنة وانتي دايما معايا وواخدة قلبي وعقلي كدة علي طول

سلامة عنيكي ياقمر انتي عارفة مش بحب الألوان والحركات دي بس هو البوست دة مش ظبطة علي الوورد الأول

بس حاضر من عنيا ولا تزعلي كشف الدكتور والنضارة عليا

بوسه كبيرة قوي خالص

ميرا ( وومن )

Heba Sayed

اهلا بيكي المدونة نورت وانتي طيبة ميرسي

***********************************

رئيس جمهوريه نفسى

وانت طيب يا محمود ميرسي

ميرا ( وومن )

!!! عارفة ... مش عارف ليه

وليد رغم اني اعتبر ان الكتابه هي مهنتي التي أجيدها وان الكلمات هي عالمي الخاص ارسمه كيفما أشاء

إلا انني اجدني أحياناً غير قادرة علي التعبير بكلماتي

تعليقك أكبر من أعقب علية بأي كلمة يكفيني أنك تري بين سطوري ما لا يراه الآخرين

لك مني ارقة تحياتي وخالص مودتي

ميرا ( وومن )

طوبة ذهب وطوبة فضة

وانتي طيبة ياقمر ودايماً منوراني


***********************************

كيــــــــــــارا

وانتي دايما زائرة منورة مدونتي
--------------------------
يا بكاشة لو وحشتك مش بتسألي ليه انا دايماً عندك وانتي فين وفين لما بتجي تزوري مش هاعمل حسابك في المثاثة :)

ميرا ( وومن )

Abo 7anf

وانت طيب ميرسي لزيارتك نورت

***********************************

EmY

فراو هتلر

الله الله انتي طلعتي من اللي بيربوا دقنهم ولا ايه ولا كان باين عليكي

ههههههههههههههههههههه

أيوة بدعة بس انا بقي بستفتي قلبي وقلبي بيقولي أنها بدعة حسنة مش بضر بالعكس ده شئ كويس والله أعلم

منورة ياقمر المدونة اتذودلها اتنين كلوب نايلون ؛) :)

ميرا ( وومن )

د. إيمان مكاوي.. أم البنين

اهلا اهلا اهلا يا تلتميت ألف مرحبا

وانتي طيبة يا دكتور ومنوراني علي طول

ازيك وأزاي الزعارير وحشني خالص يارب يكونوا بألف خير

***********************************

micheal

وانت طيب يا ميشو يارب دايماً متجمعين في الخير

ميرا ( وومن )

sherif

لا مش متاخر قوي وعموماً نجوم الحفلة هما اللي بيجوا متاخرين

وانت طيب ميرسي قوي علي شعورك الجميل وتشجيعك

***********************************

حاجات جوايا

وانتي طيبة ميرسي يا قمر نورتني المدونة

ميرا ( وومن )

mohamed ghalia

وانت طيب يا محمد وعلي طول منورني ومشرفتي

خالص تحياتي

Lyssandra

مممممم

أولا صقوسيين كانت غلطة مطبعجيه

:)

حلوة مطبعجيه دي

....

ثانياً مش تخافي

أنا مش قرينك

علي رأي كيكي : عووووووووو

ههههههههههههههه

ياستي أنا برج العذراء .. خريجة تربية

ممممممم

بعيده صح ؟؟

بس ينفع أطلع قرينك برؤية تانيه يعني

:)

....

مكسوفه منك

بس البوست مش لحق يحمض علي فكرة بقي

هههههههههه

أنا لحقته قبل الخسائر

:)

اقصوصه

ما في احلى من الذكريات

ومن اشيائنا الصغيره

اللي تحمل بين طياتها دقائق الذكريات

جميله جدا هذه التدوينه

بكل ما تزخر به من عبق الماضي

تقبلي مروري :)

عاشــــــ النقاب ـقــــة"نونو"

كل عام وانتم الى الرحمن اقرب وعلى طاعته ادوم ومنورة مدونتك ومعانا يارب

غير معرف

بصي بقي انا اسف من هنا للسنه الجايه المشكله اننا مكلمناش مع بعض كتير فانا مكنتش عارف الاسم لكن انا كنت فاكرك وانا بكتب وعامل حساب الزنقه السودا دي
المهم حصل خير وادينى عترت فيكى تانى
اما بالنسبه لام فتحى فانا بفكر اكلمها عشان انا عايز اجوز
هههههه

ميرا ( وومن )

Lyssandra

يا قمر انا عارفة انها غلطة مطبعجية بس القافية تحكم ولا ايه

وفيها ايه يعني لما تطلعي قرينتي ولا انا قريينتك يالهوي انا اتشرف طبعاً

وايه حكاية تنكسفي دي فيها ايه يعني لو بوست حمض عندك ولا لحقتيه بالسكين ولا يهمك بوظي المدونة مدونتك والبوستات بوستاتك ياقمر

***********************************

اقصوصه
منوره المدونة بجد

فعلا الذكريا تبقي دائماً أحلي ما نحمل وأثمنه

شرفتيني ارق وخالص تحياتي

ميرا ( وومن )

عاشــــــ النقاب ـقــــة"نونو

اللهم آمين ربنا يكرمك يارب

تحياتي

***********************************

اسامه عبدالعال

يا أهلا يا اهلا

الموضوع مش محتاج أسف ولا حاجة انا كنت بهزر مش اكتر يعني احنا مش بنتجمع وبنمضي حضور وإنصراف

المهم إن اليوم كان تحفة وكان ليا شرف التعرف علي حضرتك

هاتكلم ام فتحي علشان تدور علي عروسة

طب اسألنا بالمرة علي عريسين كووول وأخر حاجة علشان عندي اتنين بحبهم موووووووووووت موووووووووت عاوزة اوزعهم قصدي أسترهم
هههههههههههههههههههه منور

Siguiente Anterior Inicio