6

عيد خالي من التحرش


في السنوات الأخيرة اصبحت حوادث التحرش الجماعي في الأعياد تشكل ظاهرة خطيرة وجديدة علي مجتمعنا

تحت عنوان هاعيد وفرفش من غير ما اتحرش اطلق المدون الزميل محمد حمدي صاحب مدونة دماغي جروب جديد علي الفيس بوك يهدف الجروب لدعوة الشباب لرفض ظاهرة التحرش وخاصة التحرش الجماعي الذي أصبح من سمات العيد

يقول محمد في توصيف الجروب :

شباب مصر اللى بجد عارف إن رب رمضان هو رب باقى الشهور , بالتالى عيب جدا شبابنا يكون بيصلى التراويح ويقيم الليل لحد أخر يوم فى رمضان , ومن أول يوم فى العيد نلاقى الشباب بيتحرشوا بالبنات والسيدات فى الشوارع . الجروب ده معمول علشان نقول إننا هنعيد وهنفرفش .. بس مش هنتحرش.

يناقش الجروب مجموعة من الموضوعات التي لها علاقة بالتحرش مثل

تعمل ايه لو شفت او اتعرضت لموقف تحرش؟

إتكلموا عن وقائع التحرش

إزاى نوقف ظاهرة التحرش الجنسى؟

ليه الشباب بيتحرش؟

واعلن الجروب في أحدث اخبارة ان هناك مساعي للتنسيق مع خطباء المساجد الكبري بتوعية الشباب بعدم التحرش في خطب الجمعة والعيد.

وصل عدد المشتركين في الجروب حتي الآن 316 عضو ويأمل محمد في زيادة هذا العدد في نهاية شهر رمضان وتوعية أكبر عدد ممكن

لينك الجروب


6 قالوا رأيهم:

محمد حمدي

بجد شكرا ليكى ياميرا على مساندتك ودعمك

adel

فكرة حلوة و زعلان اننا وصلنا لكده
ازاي نعمل جروب عشان نمنع التحرش
بجد حاجة تزعل بجد

ربنا يهدي الناس كلها و يفهموا ان البنت اللي هو بيتعرضها هيجي يوم و حد يتعرض لامه او اخته او مراته برضه

الطائر المهاجر

الأول كل سنة وانت طيبة
ثانيا امسألة اكبر بكتير من موضوع تحرش وبس يعني كده ان اصيام والصلاة وغيرها من العبادات اصبحت كالعبائة نخلعها وقتما نشاء ونرتديها وقتما نشاء مشكلة ا مش مشكلة دي مصيبة احنا كده بنأدي واجب وبس
رنا يرحمنا

غير معرف

هى دعوة مهمة .. وان كانت لاتخلو من احراج

اذ انها توصم كل شباب مصر بهذه الخصلة وهذا ينافى الحقيقة

هناك الكثير من الشباب فوق مستوى هذه الصفات .. ومن ناحية أخرى .. اذا كانت هناك اماكن معروف فيها هذا .. فالذى افهمه ان اى بنت محترمة ستتجنب هذه الاماكن

روابط

فكرة جميلة اننا نقضى على عادة همجية مثل التحرش, عادة دخيلة علينا كمصريين. كما ان من الغريب ان ينتهى شهر الورع والصيام بحفلات تحرش جنسى

تحياتى لك ولصاحب الدعوة

حلم بيعافر

هو احنا وصلنا لكده ليه؟!!!!!!!!!!!

Siguiente Anterior Inicio