29

دفتر ملاحظات أصفر


جلست علي الطاولة المجاورة تصميم المقهي العصري يجعلنا متجاورتيني بشكل يسمح لي برؤيتها لا أدري لما أنجذبت إليها شئ ما غامض يحيط بها.

كنت سبقتها بالجلوس بدقائق جاء النادل يسألني ماذا اشرب فقطع علي نظرتي المتفحصة

ثيابها التي تبدو وكأنها أختيرت بعناية، بعض من الإكسسوارات البسيطة التتي تتناغم مع الملابس لتخبرك بإقتتضاب بأن صاحبتها تملك ذوقاً مميزاً

في سرعه طلبت فنجان من النسكافية وعدت لكتابي وعقلي معها سمعتها تطلب فنجان من الينسون ،جعلتني افكر انها شخصاً هادئ الطباع متأمل.

رقبتها بحذر ووجتها تخرج من حقبيتها دفتر ملاحظات ورقاتة صفراء

تفحصت الأوراق سريعاً وكأنها تبحث عن صفحات لم تخطها يداها بعد

تراقصت السطور أمامي في سرعه خط جميل منمق تكتب بقلم من الرصاص ذو خط عريض تماماً كما أكتب

إذن فهي تكتب...... بدا لي من طريقة الكتابة الرأسية انها تكتب الشعر او الخاطرة الشعرية وددت لو سمحت لي بأن اطرق عالمها، أن ابحر بين صفحات الدفتر الأصفر

امسكت بقلمها الرصاص اندهشت للحظة نفس النوع واللون الذي أستخدمهما

ارسلت عينها العسليتين في فضاء المقهي وشردت للحظة اخذت نفساً عميقاُ أخرجتة ببطء امسكت بالقلم وأسترسلت تكتب

ببطء راقبت الحروف تولد علي الصفحات بخطها المنمق يرسم كلمات لا يكتبها توقفت للحظة اسندت القلم علي خدها وشردت

تسائلت في قلق هل ستتوقف الآن؟؟؟
......

أبتسمت فظهرت أبتسامتها الجميلة ، لابد انها الآن في عالمها الخاص

تري ما ذا يمر الأن برأسها الجميل ؟؟؟ تسائلت في صمت وانا أراقب عوتها لترسم الحروف.

لم أدري كم من الوقت مر وهي تكتب وانا أرقبها انهت الكتابة اغلقت الدفتر الأصفر بعد أن ملئت صفحة اخري بكلمات وبداخلي رغبة عارمة في قرءتها والخوض في غمار عوالمها

حملت حقبيتها ورحلت وانا ارقبها في صمت وكأنها حلم مر سريعاً

بعد فترة كنت بجوار هذا المحل الشهير دفعت البوابة الزجاجية قابلني البائع بأبتسامة بصوت يحمل الود سألني أي خدمة ؟

- أريد دفتر ملاحظات أصفر لو سمحت

.................. أنتهي



-------------------------------------------

علي الهامش 
          من وحيك ايتها الجميلة

29 قالوا رأيهم:

Cute Kitty **sookra

عرفت ياميرا بتتكلمى عن مين
هههههههههههه

Cute Kitty **sookra

دا انا اول تعليق
اول لقاء تانى هتجيبيلى شيكولاته وهتكتبى فى الدفتر الاصفر
هههههههههههههههه
وش بيغمز

Lyssandra

هههههههههههه
ساسو يا قمر :)
لا أشك في نباهتك والله

.....

ميرا :)
والله سعدت أن تلك أنا
أو أنك رأيتيني كما وصفتي
وبعدين يابنتي الدفتر الأصفر دخل التاريخ :) بكتابتك عنه

....

ساسو
الشيكولاته عليا ياستي :)

فاتيما

انا كمان عرفت من العنوان
تقصدى مين
و لأنى شوفتها بعينى زى ما شفتها بقلبى
تأكدت من إنها ليساندرا الرقيقة
الرقة متجسدة .زكما ساطلق عليها من الآن فصاعدا
ربنا يبارك فى صداقتكما
و يكتر فى الدفاتر الصفراء الجميلة
المليئة بكل الحب و الشجن
كنت بحضرها على التخلص من هذا الدفتر
دلوقتى بشجب و اندد و اقول لااااااا
خليه
لأنه جزء منك و من روحك الحلوة
المحلقة
بحبكما يا بناتيت أنتوا
يا خراشى على الرقة و الطعامة
كان نفسى يبقى عندى بنات زيكو
و نفسى ليه؟؟
مانتوا اهو
ربنا يحفظكم من كل شر
بوس و حضونات بالهبل بقى

فاتيما

آه
مشكرين يا ست ليساندرا
عشان بفضل سعادت
ميرا الاميرة ست البنات
رجعت تكتب تانى فى المدونة
و متقطعشى بينا
مشكريييييييين
قوى

safa7_karmooz

انا عجبنى اوى الاسترسال بتاع القصة

والوصف حلو اوى

بيفكرنى بنفسى لما اقعد فى سلينترو او اى كافيه واتأمل فى الناس كده

^_^

رحــــيـل

انها حقا كما وصفتى
رائعه رقيقة
كما هى فى مدونتها وكلماتها بل اجمل بكثير من المدونة
سعدت بلقائها ولقائك
نورتو المنصووووره بجد

حلم بيعافر

عمل جيد
لا يخلو من عنصر التشويق
تحياتى

Ehab

ميراااااا

انا مش عارف اقولك ايه
بجد انا اتاخدت بالموقف كله عارفه ليه
علشان حصلي بس مش في مقهى
لا مع ناس عرفتهم في التدوين شخصيات حلمت اني اسرق دفترهم الصفر
من شدة جمال كتاباتهم
ومن حكاياتهم ومن كلامي معاهم وذكرياتهم
من وحي اللي اقوله كتبت وحلمت والفت
من وحي ذكراهم مجرد ذكراهم بتملاني نشاط وابتسامات

اسلوبك اخد عقلي يا بنتي

ربنا يسع ايامك ومتغيبيش تاني


تحياتي ليكي

سلاااااااااااااااااااااااام
اخوكي ايهاب

Mona Shereif

بقى كده
تيجى المنصورة ومتقوليش ليا
وربنا كنت عايزة اشوفك
يلا الحمد لله على كل حال
اه يا نى اه يانى
عموما عموما وحشتنى قصصك جدا ووحشتينى جدا جدا
يارب اشوفك
يارب

micheal

شوفي يا ميرا يا بنتس
قلتلك أسلوبك سلس قبل كده وبتصوري كويس بشكل تخلي الواحد يعيش معاكي
بس حاسس أن الموضوع المرة دي مبهم شويتين
:)
تحياتي

Soul.o0o.Whisper

صباح الخير عليكى يا ميرا

أخبارك ايه؟؟؟


بجد سعيدة إنى شفتك ، رغم ان ماكنش فى فرصة اتعرف عليكى عن قرب

يارب نتقابل تانى على خير
و اتعرف عليكى أكتر



دمتى بخير دائما

و على فكرة البوست جميل ما شاء الله :)

ميرا ( وومن )

Saso
مبروم يل ساسو كسبتي علبة الشوكلاتة كلها جايزة أول تعليق والدفتر الأصفر عليكي

وش منكشح

---------------------------------
Lyssandra

عندك حق ساسو نبيه فعلاً بس الدفتر الأصفر سهلها كان المفروض نغيرها ونخلي الدقتر بينك أو أزرق

يا لاسي يا حبيبتي مش انا بس اللي شوفتك كدة ومش هاكمل كلامي لا حد يقول بجاملك هابقي اقولك بيني وبينك بقي

ميرا ( وومن )

فاتيما

طمطم يالهوي علي التعليق وجمالة ولقب الرقة المتجسده لاسي تستحقة بجدارة

فنانه وكل ما فيثها ينضح فن والله خايفة نتحسد يا طمطم

ونتحسد أكتر علي قلبك الكبير الجميل ده انا لسه انهاردة بقول لنفسي ان ربنا عوض عليا بأخت كبيرة اسمها فاتيما والأخت الكبيرة دي نعمة

ربنا يديم علينا المحبة يااااااااااااارب

------------------------------------ safa7_karmooz

انا كمان بحب أقعد في سيلانترو واخدلي واحد موكا واعيش بقي مع نفسي

ميرا ( وومن )

رحــــيـل

صدقتي يا جميلة المنصورة انا كمان سعدت بلقائك جداً جداً

حكاية انها أجمل من المدونة دي انا كنت عارفاها من زمان ;)

--------------------------------------

حلم بيعافر

ميرسي يا حلم علي تشجيعك

ميرا ( وومن )

الشنكوتي الكبير

اهلا اهلاً بالعريس المدونة نورت , والله يا إيهاب يا اخويا الموقف كله من وحي لقاء المنصورة ولقاء المدونة الجميلة ليساندرا
وعندك حق في كل اللي بتقولة فعلاً في ناس هي اللي بتلهمنا وتخلينا مستمرين بس علشان نبقي لينا وجود وسط النجوم الدول ونستمتع بتأثيرهم علينا
-----------------------------------

Sometimes

يا نهاري ملحوس والله يا منمن انا مش بدخل نت من فترة واتبلغت بالتليفون علشضان كدة كنت فاكرة ان الناس كلها عارفة

عاااااااااااااااا سامحيني يا حبيبتي وإن شاء الله هانيجي تاني قريب بس حضرولنا لقاء حلو كدة

ميرا ( وومن )

micheal

شوف يا مايكل يا اخويا الموضوع مبهم آي نعم بس لو قريت التعليقات هاتفسر كتير من الإبهامات اللي عندك :))))

منور يا مايكي

-------------------------------------
Soul.o0o.Whisper

صباح النور يا قمر ، انا كمان كان نفسي اتعرف عليكي اكتر بس ده عيب التجمعات الكبيرة يادوب بتعرف اللي قاعد جنبك كويس وكل واحد وحظة بقي بس انا ما اسعدنيش الحظ المرة دي يارب تنورنا في القاهرة بقي وناخد فرصتنا

منورة المدونة

!!! عارفة ... مش عارف ليه

حمد لله على السلامة أولاً

وميرسي لليساندرا ثانياً

نورتم المنصورة أنتم الأتنين ثالثاً

وأيه الجمال والرشاقة دي رابعاً

وياريت تكون دي البداية لعودة قوية خامساً

وانا بقرا كنت محتار النهاية هتكون أيه وبصراحه تهوووووس سادساً

واشوفك على خير أنت وليساندرا إن شاء الله في تجمع تاني أكون موجود فيه ومعايا الواد مهند سابعاً

باي بقى أحسن رغيت كتيررررر ثامناً :)

ريمان

السلام عليكم


ازيك يا ميرا

يا رب تكونى بخير يا قمر

حلوه اوى القصه يا ميرا

بس مش عارفه ليه اختارتى اللون الاصفر لدفتر الملاحظات

هل ده بيعبر عن حاجه معينه او انتى قصدتى توصفيه باللون ده وتقصدى شيىء معين ولا لاء

غير معرف

أخيرا عرفت أوصل لمدونتك يا ميرا
سعيد جدا بالتعرف عليكى ولو ان الوقت مسمحش اننا نتعرف اكتر بس اكيد فرصه جايه ان شاء الله
نورتوا المنصوره بجد

Unknown

ميرا الجميلة
عرفت بتتكلمى عن مين!!!!!!!
هههههههههه وحشتينى يا قمر
احذرى انتى مراقبة طول الوقت من عيون بتحبك ههههههههههه

غير معرف

السلام عليكم

ميرا صديقتى العزيزة

اولا الف حمد الله على السلامة

ثانيا

مكنتش عارف ان رجوعك للتدوين بيحمل مفاجأة من العيار التقيل
بجد قلم رومانسى جدا وهادئ وبسيط
فكرتينى بلقطة قصة قصيرة كتبتها أنا

ياريتنى كنت معاكى علشان اشوف البنت الحلوة اللى بدفتر اصفر مكنتش همشى من غير ما اعرف اية اللى فى الدفتر
ههههههههههههه

فارس الجبالى

السلام عليكم

ليست ه الجميلة فقط ولكنها أنت أيضا

تحيتى للقلم الرقيق

اقبلينى

خالص مودتى

lyssa

هلا ميرا
:)

كنت بس عاوزة أسأل نهر الحب
عرفتي فعلاً بتتكلم عن مين ؟؟
:)

طيب ليه علامات التعجب دي كلها بقي
طالما عرفتي ؟؟

...

تحياتي

ميرا ( وومن )

!!! عارفة ... مش عارف ليه

وليد حمد الله علي سلامتك انت أولاً

المنصورة منورة بأهلها ثانياُ

ليساندرا ليها بوسة وحضونة لأنها فعلاً هي السبب اني رجعت أكتب ثالثاُ

انا برضة عجباني النهاية قوي رابعاً

المدونة مدونتك وانت تنور وتشرف في اي وقت وانت عارف انا بستني تعليقك علي احر من الجمر

نورت المدونة

ميرا ( وومن )

ريمان

حبيبة قلبي منورة والله

لو كنتي قريتي التعليقات كنتي فهمتي ان اللون مش من اختياري ده من أختيار بطلة القصة

وعموماً لو كان أحمر او أخضر مكنتش هاتفرق دي مسألة أذواق يا ريمان

ولو ان اللون الأصفر لون هادي واللي بيحبة بيبقي شخص هادي

-----------------------------------
رحله البحث

يعني ايه أخيراً وصلت علي اساس ان مدونتي مغمورة يعني

كلا البطة والعائلة العششية كلها طب اسأل كدة عم جوجل عليا وهو يقولك

فعلاً مكنش في فرصة وده عيب التجمعات الكبيرة بس ان شاء الله تكون في فرصة تانية

ميرا ( وومن )

نهر الحب

اهلا اهلا بالناس اللي نسيتنا خلاص

شطورة يا نهر ابقي خدي حتة شيوكلاتة من ساسو D:

انا متراقبة يالهوي انا برضة عندي احساس بكدة

-------------------------------------
عرفة فاروق عبد الله

حمد الله علي السلامة يا فاروق

وعيار ثقيل ايه بس يا عرفة علي طول كدة بتجبر بخاطري

انا عن نفسي هابقي استعير منها الدفتر الأصفر أقرا فية براحتي
وهابقي اقولك علي اللي فيه

ميرا ( وومن )

الجبالى

اهلا وسهلاً بحضرتك وميرسي قوي علي ذوقك وتشجيعك

تقبل خالص مودتي وتحياتي

-----------------------------------

Lyss

اممممممممممممممم هابقي اسأل نهر واخليها ترد عليكي

المعني في بطن الشاعر

micheal

وصلت
:))))

Siguiente Anterior Inicio