7

من هنا وهناك



أنا مفتقداك جداً وبتوحشني قوي بس " في البعد أنت أبقي "
الدنيا مش عاوزة تمشي وكل حاجة بتتعقد بس أنا حاسة ان بعد الضيق فرج
مش زعلانة منهم بالعكس مستنية عدل ربنا ... ياما أتردتلي حقوق بقول بس يارب أنت العالم
في وسط مكالمة طويلة قالي " اتعاملي مع الناس علي أنهم ولاد كلب صدقيني مش هاتخسري كدة أحسن "
حاسة إني خايفة قوي وعاجزة قوي نفسي اعيط بس بتصعب عليا لما اقولك اني عيطت وبتصعب عليا أكتر لما اعيط قدامك ...............
" وكأن مكتوب عليا التوهه حتي وأنت المرسي والعنوان "
----------------------------
من نافذة في الروح أنظرك وأنت كل دقائق الأشياء ... وإبتسامة معلقة علي الشفاه عنوانها أنت... ذاكرتي أصبحت تحملك في طيات صفحاتها تلك الصفحات التي تفتقد التفاصيل ... تمحو أزماناً من الحزن ... من نافذة الحلم تأتي لتربت علي أمل جديد ينبت ... مبعثرة أنا وأنت تجمع شظايا بصبر جميل ... لو لم أكن أنا أنا لتمنيت أن أكون كل ما تريد ... أشفق عليك مني ... آآآآآآآآه من بقايا قلب محترق ... آه من أنا تلك التي أدركها ...
أود لو أن اصمت طويلاً طويلاً ... فحتي صمتك له معني ....
----------------------------------
طب اديني عيطت أهو أبقي فكرني بكرة مقولكش ... بس عارفة اني عبيطة وهاقولك
أنا عارفة نفسي كويس مش محتاجة حد يقولي أنا مين ... ياريت بس تعرفوني انتم كويس
انتي قوية وحمولة : هو قالي كدة بيواسيني بس انا مش عاوزة ابقي قوية عاوزة اتكسر 100 حتة وأبقي ضعيفة بس مش عاوزة حد يقولي معلش.
هو أنا جيت قوي علي نفسي كدة ليه واستحملت كل ده ليه؟؟؟!!!! ... ما أنا قولت من الأول إني مش عاوزة وجع دماغ ... برضة مفيش فايدة ... وبرضة أنا اللي غلطانة المرة دي بدفع ضريبة الضعف والفشل.

7 قالوا رأيهم:

مصطفى سيف الدين

ربنا يعينك ويقويكي ويخرجك من الحالة دي اقوى واقوى ان شاء الله
وزي ما هو قالك انتي حمولة وشوية صبر هييجي الفرج ان شاء الله
وهيرجع من بعد الغياب ويجيب البسمة معاه
تحياتي

مدونة رحلة حياه

السلام عليكم
حكايتك وكلماتك بدايتها هو
وطريقها هو
ومبتغاها هو
دومتى رائعة

AHMED SAMIR

انا لي رأي تاني مختلف شوية
عاملي الناس على انهم ولاد ناس...بس لو طلعوا ولاد كلب...ماتزعليش....شيء متوقع...!!!
بس على فكرة مش هتلاقيهم كلهم ولاد كلب...هتلاقي برضة ولاد ناس
تحياتي

د.ريان

مساء الخير سيدتي

وكلمات مؤثرة من قلمكم

أسعدني المساء هنا

دمتم بكل خير

ميرا ( وومن )

مصطفي ومحمد متولي

منورين منوريت منورين بس عاوزة اوضحلكم حاجة
دي تجمعيات لكلامي مع كذا شخصية مش هو اللي انتم عارفينة

بس اختصاراً قولت اقول هو لأن في الحقيقة أقرب اصدقائي اولاد مش بنات :))

وربنا يسمع منكم أمانيكم الطيبة ودعواتكم الجميلة
-------------------------------

أ : أحمد سمير

منور المدونة وميرسي علي الزيارة أنا معاك وطول عمري بعامل الناس علي انهم ولاد ناس بس فعلاً تعبت لأن حظي وحش معظم اللي قابلتهم ولاد ....

بس شوية حيطة وحذر متضرش


--------------------------
د: ريان

أرجو أن تكون زيارة المدونة قد أسعدتك بالفعل

خالص شكري علي زيارتك الودودة

عرفة فاروق عبد لله

على فكرة

الكلام ده بيقلقنى قوى عليكى

حاسس ان جد جديد مش عارفة

ويارب يارب يكتبلك الخير والسعادة فى كل يوم

عرفة فاروق عبد لله

على فكرة الكلام ده مزعلينى قوى

انتى مش ناوية تخرجى من مودك الحزين ده

حاسس بإن فى جديد

يارب يارب يكتبلك الخير والسعادة فى كل يوم

Siguiente Anterior Inicio