مـــ قـلـبــي ـــن

ده مش بوست دي رسالة من قلبي أتمني توصل لأن أفتقادي وأشتاقي لصاحبتها فاق الحدود مش قادرة أوصلها بس عارفة انها حاسة بيا وعارفة انها ديماً في قلبي وبالي وقلبي بيدعيلها قبل لساني 

مني منونة وحشتيني قوي قوي قوي وأكيد أنتي عارفة وعارفة غيابك مأثر فيا أزاي كل يوم الصبح افتح الفيس وأتمني اني الاقي انبوكس منك زي زمان يااااااه يا منونة 

يااااااه علي ارق وأطيب بنوتة شوفتها في حياتي وعلي قلبك الطيب وحنيتة صحيح مشوفتكيش غير مرة واحدة بس ، بس انا قولتلك اني شوفتك بقلبي عندي كلام كتير نفسي أحكيهولك ومش قدامي غير أني اقول يارب ... يارب فك كربها ... ياربها ردها ليا ولكل الناس اللي بتحبها 

أوعي تفتكري اني مش بسأل عليكي ولا أني نسيتك خالص يا منونة أنا قلبي بيحبك وأنامش أي حد يدخل قلبي ويربع فيه كدة بكتبلك الكلام ده علشان عاوزة اقولهولك ومش عارفة يارب يارب يارب تقدري تقرية وتعرفي اني بحبك قوي قوي في الله 

كفاية اني بسببك بقيت بثق في احساسي واختياراته بقيت امشي ورا اللي قلبي يقولي عليه ... عارفة يا منونة من ساعتها وانا مرتاحة 

من كل قلبي بدعي ربنا تكوني بخير وتكوني مرتاحة ومبسوطة بدعي علشانك وانا عارفة انك بتفتكريني وتدعيلي ربنا يقبل مني ويقبل منك اللهم آمين 

انا مبعرفش اتكلم كتير انتي عارفة كل اللي في قلبي من ناحيتك كفاية اني بصحي من عز نومي وافتح عيني الاقينا في قلب الليل ارفع ايدي للسما واقول مني يارب ... 

ردهالنا يارب سالمة غانمة وأحفظها من كل سوء ... بحق ما حفظت سيدنا يونس في بطن الحوت ... بحق ما حفظت سيدنا موسي وهو في اليم ... بحق ما نجيت سيدنا يوسف من كيد اخوتة وكيد امرأة العزيز 

اللهم آمين  

متقساش عليا بحنيتك .............

لحظة واحدة

في لحظة واحد من الممكن أن تتغير حياتنا ... ذواتنا ...أقدارنا ... ننتقل من النقيض للنقيض وكم تغيرت هذه الحياة مابين انغلاقة جفن وارتدادها.

في لحظة واحد قد ينهار هذا الغلاف الزجاجي المبهر الذي يري به المحب حبيبة فتزال غلالة الحب العمياء ويراه كما هو.

في لحظة واحد قد تقع في الحب ... في لحظة واحدة قد تكتشف اكتشافاً مذهلاً في أحدهم ... في لحظة واحدة قد تتوهج روح كما لم تفعل من قبل وقد تنطفئ للأبد. 

في لحظة واحد قد تقع في مغبة الكراهية وتتسرب ألوانها القاتمة داخلك ... في لحظة واحد قد تموت ألف مرة وقد ترد إليك حياتك بعد طول موات.

في لحظة واحدة قد تقف في مواجهه الموت فتبتسم له وتستلم في هدوء أو تجزع وتهرب لتكتشف انه يلعب معك لعبة لم تكن مستعداً لها. فتتكشف لك حقيقتك التي لم تكن تعرفها قط.

إن كنت تعلمت شيئاً في هذه الحياة ... فقد تعملت أن الكثير من الممكن أن يحدث في لحظة ... أنا أقدر كل لحظاتي التي مرت كعمر.

بين ايديك

بين أيديك ... حافظ عليه وخلي بالك منه :)

عن المركب الشراعي أتحدث

أمبارح كان اليوم بتاعي ... كان يوم فوق الفظيع بجد وضحكت ضحك خير يارب المهم بقي كنت مخططة أركب مركب وبصراحة كانت فكرتي عن المراكب النيلية حاجتين لا المركب الكبيرة اللي بتروح القناطر أو المراكب اللي بموتور اللي النفر بـ 2 جنية  :)

أمبارح بقي اكتشفت اكتشاف رهييييييييييب الا وهو المركب الشراعي .. بجد مود تاني خالص خالص خالص المركب الشراعي بتمشي بالراحة خالص فبتدي احساس بالهدوء والطمأنينة كدة وياسلام بقي لما روحت قعدت قدام وسندت علي الساري ومني للسما عدل والجو كان تحفة كنت قاعدة مع نفسي خالص وحسيت انه مكان هايل للتأمل ومودي أتحسن جداً والحمد لله.

ولا الحرفنة بقي بتاعه المركبي وهو بيوجه المركب ولف بينا ورجعنا تاني وأنا ولا حسيت أصلا ان المركب اتحركت ... أمبارح شوفت مركبي بحق وحقيقي محترفين بجد وصبورين قوي وفاهمين شغلهم قوي 

بجد ميرسي لكل الناس اللي بحبهم اللي حواليا لأنهم فعلا بيسعدوني وفاهمني قوي قوي

علي جنب كدة 

الكلمتين دول لـ أ.م أعز اصدقائي وعشرة عمر بجد مش أي كلام أمبارح عملت معايا جميل العمر كلة ربنا يكرمك يارب وميحرمكش مني :) عارفة اني بتقل عليك بس انت بجد سند الواحد يعتمد عليه وعمري ملجأتلك غير لما وقفت جنبي ربنا يقدرني وأرد جمايلك

Special Day

قررت أنهاردة أن اليوم ده 19/06/2011 هايبقي يومي المميز 

هاعمل فيه كل حاجة بحبها 

هاشرب نسكافية بالشوكولا 

هاركب مركب في النيل 

هاسمع ياني وموسيقي تركي 

هاقرا ميكي جيب 

وهاشتريلي مصاصة 

كل واحد يختار يوم ويخلية اليوم بتاعه

عفواً لقد نفذ رصيدكم

إحدي نظرياتي في التعامل مع الآخرين تتلخص في شئ في منتهي البساطة وهو أن دخول شخصية جديدة لحياتك مرهون بقدر من القبول بعد وقت قصير يتحول لقدر من المعزة ومع تداول الأيام بينكما فإما يعمل الآخر علي زيادة رصيدة من المعزة أو العكس 

المعزة أظنها كلمة غير موجودة الا في قاموسنا المصري وهي في رأي شعور من الألفة والإرتياح تجاه شخص ما يجعلك تلتمس له الأعذار وتمد جسور التواصل بينكم

أنها تختلف اختلافاً شديداً عن المحبة التي مرهونة هي بما هو مكتوب فالقلوب بين يدي الرحمن يقلبها كيفما يشاء وعلي كلٍ فنظريتي البسيطة تلك تحل لي معضلات كثيرة في التعامل مع البعض حينما أعلن ببساطة " أن عفواً لقد نفذ رصيد معزتكم " 

أما محبتكم فهي ليست بإختياري سبحانة مقلب القلوب .....

مش كفاية

مش كفاية تحبني 

أبداً مش كفاية 

... كفاية تبقي أحلي حكاية في العمر التاني 

طقس الميلاد / الموت

نعم .. أعلم اني لست شخصاً سودوياً أكره أحزاني ولحظات ضعفي وعثراتي أتحايل علي آلمي وأملك جرأة البوح

كم مرة كرهت تلك الصفحات التي أراجع نفسي عليها مراراً وتكراراً فأكون رقيبة علي ... وكم من مرة شعرت انها تمنحني راحة الإعتراف ... ودفعة الإستمرار.

يسألوني عن أحزاني ... كيف أتخاطاها ؟.. كيف أتعايش معها وأنساها وأشفي سريعاً وكأن شيئاً لم يحدث 

كيف أبكي بكاءاً مراً وتشرق في اللحظة التالية أبتسامتي وكأني لم أمر يوماً بالدموع ولم أعرفها ؟!!

لا شئ سوي أني كفينكس هذا الطائر الأسطوري الذي يحترق فيموت ويبعث من رمادة من جديد ...

حيت تتداعي الأحداث علي وتضيق الخيوط وتضيع مني كل الطرقات واتيه داخل ذاتي وأعرفني ولا أعرفني تتسل الحياة فارة مني أنزوي وأذبل وأبكي واتسربل بأردية من غلالات الألم والأحزان والدموع ... تتهدج الأنفاس في صدري وأعاني من نزف روحي فأستستلم وأنسلخ من هذا الجسد الحزين في لحظة يتوقف فيها الزمن أموت/ أنام لا أدرك كيف ولا إلي متي ... يحترق هذا الجسد البالي ويتتطهر.

وشيئاً فشيئاً أولد من جديد اتوحد معي الروح/ الجسد كزهرة تتفتح للندي في مطلع الربيع أزهر واعود لأول العمر كل شئ في ذاتي جديد برئ نقي أحب كحبي الأول وأضحك كضحكتي الأولي وأبغض كبغضي الأول وأحزن كحزني الأول وأبكي كبكائي الأول.

وأنسي حياتي السابقة الا من الوجوه والأشخاص وبقايا ذكريات تنطبع في حنايا الذاكرة غير قابلة للمحي

وها أنا الأن أسجل ميلاد جديد ... وشفاء الا مني.