شهر الأحباب

مش غريبة خالص مالص أن الشهر المفترج ده يبقي أكتر شهر بحتفل فيه بأعياد ميلاد

وأبقي محاطة بالجوزائيين من كل ناحية وسلام كبير قوي لشهر ستة وجوزائيين شهر ستة اللي ماليين حياتي

أبتدي بمين بقي ؟؟؟ بمين بقي مش عارفة والله كلهم أحبابي وغاليين عليا وبدءاً ذي بدء كدة التورتة دي ليكم كلكم جمعاااااااااااااء

بس هابتدي بحبيب قلبي وسندي في الدينا ورفيق السلاح ولو أنه ابتدي ياخد موقف مني لصالح ماما بس كل سنة وأنت طيب يا أحلي وأعز وأغلي بابا في الدنيا ربنا يديلك طولة العمر ويخليك لينا يارب يارب يارب

والتورتة دي ليك  يا حبيبي بالشكولاتة علشان ماما :)

القمراية اللي منورة حياتي وربنا يخليها ليا ويسعدها علي قد جمال قلبها وغلاوتها صفاء ومش هاقولك كلام كتير أنتي عارفاه كفاية أنطباع زمايلي في الشغل عنك وبيقولوا بنت بلد وجدعة التحية دي مني ليكي يا قمر أنتي والباشمهندس محمود اللي ذودلنا مناسبة سعيدة كمان في الشهر المفترج ده

والغالي بقي وفعلا وبجد وجداني ماهر جوز أختي وأخويا وحبيب الكل وحشتنا يا أبو كريم ربنا يردك لينا سالم غانم يارب ويكرمك زي ما أكرمتنا ويعوك زي ما عزتنا وحسستنا أننا ذدنا أخ مش نقصنا أخت والتورتاية دي مؤقتاً بقي لحد ما ترجع 

وأخر العنقود بقي السكر المعقود ريم حبيبة قلب خالتو ونن عنيها من جوة وأحلي ( ألتو ) في الدنيا الشقاوة المسكرة اللي هاتم سنتين والتورتة دي علشان ريمو حبيبي 

والتورتة دي إهداء خاص

ودي بقي إهداء لكل مواليد شهر ستة وبرج الجوزاء عموماً وكل واحد يدخل ياخد التورتة بتاعتة كل سنة وكلكم طيبين وبخير يارب