5

عن المركب الشراعي أتحدث


أمبارح كان اليوم بتاعي ... كان يوم فوق الفظيع بجد وضحكت ضحك خير يارب المهم بقي كنت مخططة أركب مركب وبصراحة كانت فكرتي عن المراكب النيلية حاجتين لا المركب الكبيرة اللي بتروح القناطر أو المراكب اللي بموتور اللي النفر بـ 2 جنية  :)

أمبارح بقي اكتشفت اكتشاف رهييييييييييب الا وهو المركب الشراعي .. بجد مود تاني خالص خالص خالص المركب الشراعي بتمشي بالراحة خالص فبتدي احساس بالهدوء والطمأنينة كدة وياسلام بقي لما روحت قعدت قدام وسندت علي الساري ومني للسما عدل والجو كان تحفة كنت قاعدة مع نفسي خالص وحسيت انه مكان هايل للتأمل ومودي أتحسن جداً والحمد لله.

ولا الحرفنة بقي بتاعه المركبي وهو بيوجه المركب ولف بينا ورجعنا تاني وأنا ولا حسيت أصلا ان المركب اتحركت ... أمبارح شوفت مركبي بحق وحقيقي محترفين بجد وصبورين قوي وفاهمين شغلهم قوي 

بجد ميرسي لكل الناس اللي بحبهم اللي حواليا لأنهم فعلا بيسعدوني وفاهمني قوي قوي


علي جنب كدة 

الكلمتين دول لـ أ.م أعز اصدقائي وعشرة عمر بجد مش أي كلام أمبارح عملت معايا جميل العمر كلة ربنا يكرمك يارب وميحرمكش مني :) عارفة اني بتقل عليك بس انت بجد سند الواحد يعتمد عليه وعمري ملجأتلك غير لما وقفت جنبي ربنا يقدرني وأرد جمايلك

5 قالوا رأيهم:

MoHaMed AhMeD

كويس انك سعيدة وقدرتى تسعدى نفسك بنفسك .. أتمنى لكِ دائماً منتهى السعادة

محمد أحمد

Ramy

مبسوط أنك كنتى سعيدة أنبارح

يارب دايماً

و هو دايماً تلاقى فى حياة الأنسان حد نتقل عليه

ربنا يخليلك كل الناس اللى بتحبيهم و يحبوكى

(:

مدونة رحلة حياه

ربنا يسعدك دايما يا ميرا
ويوقف لك ولاد الحلال

مصطفى سيف الدين

يا عيني ع الناس اللي مدلعة نفسها :)
ده مش قر بس يمكن حسد :)
ربنا يجعل كل ايامك سعادة
تحياتي

غير معرف

مبدئيا كده
انا كروت في قراية البوست لاني بخاف م البحر والمراكب ههههههههههههههههه

والله وانا بقرا حسيت اني دماغي لفت .. منك لله :))))

***********************

مها ميهوووو

Siguiente Anterior Inicio